KA 1956, bakaulengwe mo Freetown ba ne ba bontsha filimi ya The New World Society in Action. Ba ne ba bega jaana:

“Re ne ra hira holo e kgolo go gaisa tsotlhe mo Freetown mme ra tsamaisa ditaletso di le 1 000. Re ne ra ipotsa gore tota go tla tla batho ba le kae. Metsotso e le masome a mararo pele ga filimi e simolola, go ne go tlile batho ba le 25 fela. Mo metsotsong e le 15 e e latelang go ne ga tla ba bangwe ba le 100. Go ise go ye kae ditulo tsotlhe tse 500 di ne di tletse. Ba bangwe ba le 100 ba ne ba ema ka dinao. Ba bangwe ba le 500 ba ne ba eme kwa ntle ba sa kgone go tsena. A ba ne ba tla leta gore e bontshiwe lekgetlo la bobedi? Ba ne ba re, ‘Ee.’ Mme ba ne ba leta le fa pula e ne e na!”

Fa dingwaga di ntse di feta, batho ba feta 80 000 go ralala Sierra Leone ba ne ba tla go bona filimi eno le tse dingwe tse di kgatlhang.