EK HET binne die eerste twee weke nadat ek hier aangekom het, op Sierra Leone verlief geraak. Ek het my verkyk aan hoe mense swaar vragte met gemak op hulle kop dra. Woonbuurte het gewemel van lewe. Kinders het in die strate gespeel en gedans. Hulle het hulle hande geklap en hulle voete gestamp in vrolike ritmes. Ek was omring deur kleur, beweging en musiek.

Maar die predikingswerk hier verskaf my die grootste vreugde. Die mense in Sierra Leone is trots op hulle gasvryheid teenoor vreemdelinge. Hulle respekteer die Bybel en luister na die boodskap wat dit bevat. Hulle nooi my dikwels in hulle huise in. Wanneer ek gaan, loop party saam met my tot by die einde van die straat. Hierdie innemende eienskappe help my om geringe ongeriewe te verduur, soos watertekorte en kragonderbrekings.

Omdat ek ongetroud is, vra mense my soms of ek ooit eensaam is. Maar in werklikheid het ek soveel om te doen dat ek nog nie tyd gehad het om eensaam te wees nie. My lewe is waarlik sinvol.