Ke n̄kpọ nte isua ikie emi ẹkebede, Jehovah ama anam Jesus ada ubọn̄ nte Edidem ke heaven. Toto ke ini oro, mme asan̄autom Abasi ke ẹsịn ifịk ẹtan̄a mme edidiọn̄ emi Obio Ubọn̄ Christ edidade idi. Kere ise! Ke ukara Jesus emi edide ukara ima, isọn̄ ayakabade Paradise, emi mme owo emi ẹnen̄erede ẹma kiet eken ẹdụn̄de. Ubiatibet ididụhe, en̄wan ididụhe, udọn̄ọ ididụhe, ndutụhọ ididụhe, n̄kpa idinyụn̄ idụhe.

Idibịghike, iyenyene mme edidiọn̄ emi. Obio Ubọn̄ Abasi edi ata ukara, ndien enye eyedi onyụn̄ edinam kpukpru se Jehovah akaduakde. Bọn̄ akam ete Obio Ubọn̄ emi edi, tịn̄ nọ mbon en̄wen ban̄a enye, kûnyụn̄ udedei uyak n̄kpọ etịmede idotenyịn oro enyenede aban̄a kpukpru se enye edinamde.