ФАРОН ЦЫ АХСДЖИАГ ХАБӔРТТӔ ӔРЦЫД

Уорвичы куыст размӕ цӕуы

БАЙХЪУС

УОРВИЧЫ (Нью-Йорк) ныр стыр куыст цӕуы, ӕмӕ дзы иууылдӕр зӕрдӕрайгӕйӕ архайынц. Уым уыдзӕн Йегъовӕйы Ӕвдисӕнты сӕйраг хайад. Нӕ хотӕ ӕмӕ не ’фсымӕртӕй мингӕйттӕ сӕхи бирӕ цӕмӕйдӕрты фӕцух кодтой, цӕмӕй уыцы арӕзтадон куыстыты архайой. Фӕлӕ сӕ бирӕтӕ зӕгъынц, уыцы куыст кӕй ницӕуыл баивиккой. Ӕркӕсӕм-ма, Уорвичы куыст куыд цӕуы, уымӕ.

Уорвичы цы куыст цӕуы, уый тыххӕй иуӕй-иутӕ цы зӕгъынц?

«Уорвик, арӕзтадон куыстытӕ кӕм цӕуы, ӕрмӕст ахӕм бынат нӕу. Йегъовӕ баиу кӕны алыхуызон аразджыты къордтӕ ӕмӕ нын ӕххуыс кӕны, цӕмӕй стыр арӕзтадон проекттӕ пълан кӕнын ноджы хуыздӕр сахуыр уӕм» (Энрике Форд).

«127-ӕм псаломы 1-аг стихы фыст ис: „Хӕдзар Йегъовӕ куы нӕ араза, уӕд дзӕгъӕлы фыдӕбон кӕнынц йӕ аразджытӕ“. Ацы ныхӕстӕй бӕрӕг у, ацы хъуыддаг фӕрӕстмӕ уыдзӕн ӕви нӕ, уый Йегъовӕйы арфӕдзинадӕй кӕнгӕ кӕй у» (Трой Снайдер).