SANG Sabado, Oktubre 5, 2013, ginhiwat ang ika-129 nga annual meeting sang Watch Tower Bible and Tract Society of Pennsylvania. May 257,294 sa 21 ka pungsod ang nakatambong sa sini nga miting nga ang iban paagi sa live nga Webcast. Natan-aw man sang iban nga Saksi ang replay sang programa. Ang kabilugan nga nagtambong 1,413,676 sa 31 ka pungsod—ang pinakadaku nga pagtilipon sang mga Saksi ni Jehova.

Sugod sang katuigan 1920, nagawaragwag ang mga Saksi ni Jehova sang kombension sa bilog nga kalibutan paagi sa telepono kag estasyon sang mga radyo. Subong, paagi sa Internet, mabatian kag makita sang mga tawo  bisan sa nabaw-ing nga mga lugar ang aktual nga mga hitabo ukon matan-aw nila ini sa ulihi.

Ang mga miembro sang pila ka sanga talatapan nangabudlay sing sobra isa ka tuig para mahanda ang pag-Webcast. Sang tion na sang pag-Webcast, ang mga teknisyan sa control center sa Brooklyn, New York, padayon nga naga-monitor sang programa kay nakakonektar ini sa lainlain nga lugar nga may 15 ka time zone.