Jehova Guutiuvoq asannittoq
“Guuti tassaavoq asanninneq.” – 1 JOH 4:8, 16.
1. Suna Guutip pissusiisa pingaarnersaraat, tamannalu ilisimallugu qanoq misigivit?
BIIBILIMI allassimavoq ‘Guuti tassaasoq asanninneq’. (1 Joh 4:8) Tamanna qanoq isumaqarpa? Asanninneq tassaaginnanngilaq Jehovap pissusiisa nuannersut ilaat, tassaavormi pissusiisa pingaarnersaat. Asanninneqaannanngilaq, namminerli tassaavoq asanninneq. Iliuusii tamarmik asanninnermik tunngaveqarput. Qujamasuutigeqaarput Jehovap avataarsuaq uumassuseqartullu tamaasa asanninneq kajumississutigalugu pinngortissimammagit!
2. Guutip asanninnera ilisimagatsigu suna qularutiginngilarput? (Allaaserisap aallaqqaataani assiliaq takuuk).
2 Jehova pinngortitaminik isumassuisuullunilu asannittuuvoq. Uagutsinnut asanninnera ilisimagatsigu Jehovap inuiannut siunertani pitsaanerpaamik naammassiumaaraa qularutiginngilarput. Tamannalu Guutimut naalattunut pilluangaarnermik kinguneqarumaarpoq. Assersuutigalugu Jehovap asanninnini pissutigalugu ‘aalajangersimavaa ulloq silarsuarmik tamarmik naapertuilluartumik eqqartuussiffissani ApS 17:31) Eqqartuussiffissap tamatuma piumaarnera upperilluinnarparput. Inuit naalattut naapertuilluartumik eqqartuunneqarnissaat naassaanngitsumik nuanningaartumik siunissaqartitaanerannik kinguneqarumaarpoq.
angutikkut tamatumunnga qinereersimasamigut’ – Kristusikkut. (OQALUTTUARISAANERMI SUNA UPPERNARSARNEQARPA?
3. Guuti asanninneqanngikkaluarpat inuiaat qanoq siunissaqassagaluarpat?
3 Guuti asanninneqanngikkaluarpat inuiaat qanoq siunissaqassagaluarpat? Inuit imminnut naalakkersortuassallutillu Saatanimit silarsuup guutianit asanniuitsumit kamaqangaartumillu sunnersimaneqaannarsimassagaluarput. (2 Kor 4:4; 1 Joh 5:19; Saqqummersitat 12:9, 12 atuakkit). Jehovap asasimanngitsuuppatigut siunissarput nuanniitsorujussuussagaluarpoq!
4. Sooq Jehovap naalakkersuinerminut pikitsitsisoqarnera akueraa?
4 Saatanip Guutip naalakkersuineranut pikitsitsinermini aamma inuit siulliit sunnerlugit pikitsitsisippai. Guutip kisimi oqartussaassusia apeqquserpaa. Saatani unnerpoq Guutimit aqutsilluarsinnaanerulluni. (1 Mos 3:1-5) Jehovap ilisimassuseqangaarluni Saatanip piffissami sivikitsumi unnerluutiminik uppernarsaaniarnissaa akueraa. Oqaluttuarisaanermit erseqqilluinnarpoq inuit Saatanillu aqutsisinnaannginnerat.
5. Inuiaat oqaluttuarisaaneranni suna uppernarsarneqarpa?
5 Ullumikkut silarsuaq ajorsigaluttuinnarpoq. Ukiuni 100-ni kingullerni inuit 100 millionit sinnerlugit sorsunnerni toqutaasimapput. ‘Ullussat kingulliit’ pillugit Biibilimi ima allassimavoq: “[Inuit] ajortut peqquserluttullu ajortumut nakkaakkiartuinnartussaapput.” (2 Tim 3:1, 13) Aamma Biibilimi ima allassimavoq: “Jehova, nalunngilluinnarpara inuup ingerlavissi oqartussaaffiginngikkaa. Inuk ingerlasoq alloriartarnerminik aqutsisinnaatitaanngilaq.” (Jer 10:23, NW) Oqaatsit taakkua ilumoortuunerat oqaluttuarisaanermi uppernarsarneqarpoq. Jehovap inuit namminneq aqutsinissaannut pisinnaatitaaffilerlugit piginnaassusilerlugilluunniit pinngortinngilai.
6. Sooq Guutip ajussuseq akuerigallarpaa?
6 Ajussutsimik akuerinnikkallarnermigut Jehovap aamma uppernarsarpaa naalakkersuinera kisimi iluatsilluarsinnaasoq. Guutip inuit ajortut tamaasa siunissami suujunnaarsissavai. Tamatuma kingorna asannittumik naalakkersuinera apeqquserneqaqqissagaluarpat Guuti ingerlaannaq iliuuseqarumaarpoq. Kina kisimi oqartussaassuseqartariaqartoq inuiaat oqaluttuarisaanerannit uppernarsarneqareermat pikitsitsisut ingerlaannaq piuneerunneqassapput ajussuserlu atuuteqqinngisaannassalluni.
GUUTIP ASANNINNINI QANOQ ERSERSISSIMAVAA?
7, 8. Jehovap asanninnini qanoq ersersissimavaa?
7 Guutip asanningaarnini assigiinngitsorpassuartigut ersersissimavaa. Avataarsuup angingaassusia kusanangaassusialu eqqarsaatigikkit. Milliardilinnik galakseqarpoq galaksillu immikkut tamarmik milliardilinnik ulloriaqarlutillu planeteqarput. Galaksimi uagut Rom 1:20.
inuuffigisatsinni, Qilaap Silliani, seqineq ullorissat ilagaat. Seqineqanngikkaluarpat nunarsuarmi uumassuseqassanngikkaluarpoq. Tamakku tamarmik Jehovap uagutsinnik Pinngortitsisuuneranut uppernarsaataapput pissusiinillu, soorlu pissaaneranik, ilisimassusianik asanninneranillu, ersersitsillutik. Aap, Guutip pissusii takussaanngitsut, aamma “ittuinnartumik pissaanera Guutiussusialu, silarsuup pinngortitaaneraniilli takussaagaluarput suliaasigullu ilisimaneqarlutik”. –8 Jehovap nunarsuaq inuuffigineqartussanngorlugu pinngortissimavaa. Pinngortitat nunarsuarmiittut tamaasa uumasut inuillu iluaqutigaat. Guutip naatsiivik kusanartoq inuit najugaqarfissaattut pinngortippaa, inuillu naassaanngitsumik inuusussanngortillugit isumamikkut timimikkullu naammalluinnartuutillugit pinngortippai. (Saqqummersitat 4:11 atuaruk). Aamma “ilumoorfiginnilluni asanninnera naassaanngitsuummat uummassuseqartut tamaasa nerisassaqartittarpai”. – Tuss 136:25, NW.
9. Jehovap Guutiusup asannittup suna uumigaa?
9 Jehova Guutiuvoq asannittoq, ajussuserli uumigaa. Assersuutigalugu Tussiaat 5-imi Jehova pillugu ima allassimavoq: ‘Illit tassaanngilatit Guuti iluaatsuliornernik iluarinnittoq. Pinerluttut tamaasa uumigaatit.’ Aamma “inuartut peqqusersiortullu maajugai”. – Tuss 5:5-7.
AJUSSUSEQARUNNAANGAJALERPOQ
10, 11. (a) Inuit ajortut qanoq pineqassappat? (b) Inuit naalattut Jehovap qanoq akissarsisissavai?
10 Jehova Guutiugami asannittoq ajussusermillu uumiginnittoq piffissaq eqqorlugu silarsuaq tamakkerlugu ajussuseqarunnaarsitsissaaq. Guutip oqaasiani ima neriorsorneqarpugut: “Pinerluttummi piiagaasussaapput, Naalakkamulli neriuttut nuna kingornutissavaat. Iluanngitsoq erniinnaq peeruttussaavoq.” Jehovamut akeraasut ‘nungussapput pujunngorlutik’. – Tuss 37:9, 10, 20.
11 Guutip oqaasiani aamma ima neriorsorneqarpugut: “Iluartut nuna kingornutissavaat najugaqassallutillu tassani naassaanngitsumik.” (Tuss 37:29) Aalajaatsut ‘pilluangaarnertik nuannaarutigissavaat’. (Tuss 37:11) Sooq? Guuterput asannittoq kiffaminut aalajaatsunut ajunnginnerpaamik kissaassisarami. Biibilimi ima allassimavoq: “[Qulliit] tamaasa isaannit allarterumaarpai, toqulu peerukkumaarpoq, aliasuttoqarunnaarlunilu nilliasoqarunnaarlunilu anniartoqarunnaassaaq siulliit peermata.” (Saqq 21:4) Inunnut naalattunut Guutip asanninneranik pingaartitsisunut siunissaq nuannissaqaaq!
12. Kikkut ‘assuarnaatsutut’ oqaatigineqarsinnaappat?
12 Biibilimi ima allassimavoq: “Assuarnaatsoq malugiuk, peqqusersuitsoq isiguuk pilluarnartumik siunissaqarmat. Ajortuliortulli tamarmik piiagaassapput, iluanngitsullu siunissaqartitaanngillat.” (Tuss 37:37, 38) “Assuarnaatsoq” Jehovamik Erneranillu ilisimannippoq naalallunilu Guutip piumasaanik iliortarluni. (Johannesi 17:3 atuaruk). Upperilluinnarpaa ‘silarsuaq piumatussusialu nungussasut, Guutilli piumasaanik iliortoq naassaanngitsumik atassasoq’. (1 Joh 2:17) Silarsuup naggatissaa qanilleqimmat Jehova ‘neriuffigalugulu aqqutigeqqusaanik atuaanissaq’ pingaaruteqangaarpoq. – Tuss 37:34.
GUUTIP ASANNITTULIORNERA ANNERPAAQ
13. Guutip asannittuliornera annerpaaq suua?
13 Naak naammalluinnanngitsuugaluarluta Guutimut naalassinnaavugut. Aamma Jiisusip utertitsissutitut pilliutaa, Guutip asannittuliornera annerpaaq, pissutigalugu Jehovamut attaveqarluarsinnaavugut. Jehovap inuit naalattut ajortimit toqumillu aniguisinnaanissaannut periarfissinniarlugit utertitsissut pilersippaa. (Romamiut 5:12; 6:23 atuakkit). Jiisusi qilammi piffissami sivisoorujussuarmi aalajaattuarsimammat Jehovap qularutiginngilluinnarpaa erni nunarsuarmi aalajaattuarumaartoq. Ataatatut asannittutut Jehovap ernermi inunnit ajortumik pineqarnera anniaatigingaarpaa. Jiisusilli Guutip kisimi oqartussaassusia tapersersorluinnarpaa, takutippaalu inuk naammalluinnartoq pissutsini erloqinartuni Guutimut aalajaalluinnarsinnaasoq.
14, 15. Jiisusip toqunera inuiannut qanoq isumaqarpa?
14 Misilinneqangaaraluarluni Jiisusip toqussi tikillugu Guuti ilumoorfigiuarpaa. Inuit silarsuassami nutaami Guutip neriorsuutigisaani naassaanngitsumik inuusinnaaqqullugit Jiisusip inuunini utertitsissutitut akiliutigimmagu qujamasuutigingaartariaqarparput! Jehovap Jiisusillu utertitsissut aqqutigalugu asanningaarnerminnik ersersitsinerat apustilip Paulusip ima allaatigaa: “Suli sanngiitsuutilluta Kristusi iluaatsut pillugit toquvoq piffissaq nalliummat. Ilimananngilaq iluartoq pillugu toqujumasoqarnissaa; immaqa ajunngitsoq pillugu toqunissamut sapiisertoqarsinnaagaluarpoq; Guutilli uagutsinnut asanninnini takutippaa ajortiliugallartilluta Kristusip pilluta toquneratigut.” (Rom 5:6-8) Apustili Johannesi ima allappoq: “Matumuuna Guutip asanninnera akornatsinni saqqummersinneqarsimavoq: Guutip ernituani silarsuarmut aallartimmagu taassumuuna inooqqulluta. Asanninneq tassaanngilaq uagut Guuti asagatsigu, tassaavorli Guutip asammatigut erninilu aallartimmagu ajortivut pillugit pilliutitut saammaannartitsissutitut.” – 1 Joh 4:9, 10.
15 Jehovap inunnik asanninnera pillugu Jiisusi ima oqarpoq: ‘Guutip silarsuaq ima asatigaa ernituani tunniussimallugu taassumunnga uppertoq kinaluunniit tammaqqunagu naassaanngitsumilli inooqqullugu’. (Joh 3:16) Naak Jehovamut annernangaaraluartoq ernini utertitsissutissatut tunniuppaa. Taamaaliornermigut inuit qanoq asatigigini ersersippaa, asanninneralu naassaanngitsuussaaq. Paulusi ima allappoq: “Qularinngilluinnarparami toqulluunniit inuunerulluunniit, inngililluunniit pissaaneqaqataasaluunniit, maannakkut ittulluunniit piumaartussalluunniit, pissaanerilluunniit, qutsissulluunniit atsissulluunniit pinngortitalluunniit allat avissaartissinnaanngikkaatigut Guutip asannissusianit Kristusi-Jiisusimi Naalakkatsinni.” – Rom 8:38, 39.
GUUTIP NAALAGAAFFIA AQUTSIVOQ
16. Guutip naalagaaffia suua, tassanilu Jehovap kina aqutsisussanngortippaa?
16 Guutip naalakkersuinera, tassa naalagaaffia, uagutsinnik asanninneranut uppernarsaataavoq. Qanoq? Jehovap naalakkersuisussatut piukkunnaatilik inuiannut asannittoq, Jiisusi Kristusi, aqutsisussatut ivertereersimavaa. (Uss 8:31) Aammattaaq 144.000-t inuiannit immikkoortitat Kristusip qilammi naalakkersueqatigissavai. Qilammiilerunik nunami inuugallaramik misilittakkatik suli eqqaamassavaat. (Saqq 14:1) Jiisusi nunarsuarmiikkallarmat ilinniartitsissutaanit Naalagaaffik pingaarnerpaavoq, aamma ajoqersukkani ima qinusarnissaannik ilinniartippai: “Ataatarput qilanniittutit! Aqqit illernartitaali, naalagaaffiit tikiulli, piumasat qilammisut nunamissaaq pili.” (Matt 6:9, 10) Qinnutit taamaattut piviusunngornissaat qilanaaraarput, tamannami inuiaat Guutip naalagaaffiani pilluaqquneqangaarnissaannik kinguneqassammat.
17. Jiisusip aqutsinerata inuillu aqutsinerisa assigiinngissutaat nassuiaruk.
17 Jiisusip asannittumik aqutsinera inuit aqutsisarnerannit allaanerungaarpoq. Inuit aqutsinerat sorsunnerni inuit millionillit toqutaanerannik kinguneqartarpoq. Uagulli aqutsiserput, Jiisusi, uagutsinnik asanningaarlunilu Guutip pissusiisa nuanningaartut assinginik, pingaartumik asanninnermik, pissuseqarpoq. (Saqq 7:10, 16, 17) Jiisusi ima oqarpoq: “Ornissinga tamassi suleruluttusi nanertugaasusilu, qasuertissavassi. Nammaatara ilissinnut pisissiuk, ilinniarfigisingalu qanilaarama uummatikkullu makitajuikkama; taava qasuerfissarsiumaarpusi tarnissinnut. Nammaatarami iluaqaaq, nammakkiussaralu oqeqaluni.” (Matt 11:28-30) Ilumut neriorsuutaavoq asanninnermut ersiutaasoq!
18. (a) 1914-imiilli susoqalerpa? (b) Allaaserisami tulliuttumi suut sammissavavut?
18 Biibili naapertorlugu Guutip naalagaaffia 1914-imi qilammi aqutsilerpoq. Taamanimiilli Jiisusip qilammi naalakkersueqatissai kinguleruttut ‘inuppassuillu’ silarsuup matuma naggatissaani aniguisussat silarsuassamilu nutaami inuusussat katersorneqalerput. (Saqq 7:9, 13, 14) Ullumikkut “inuppassuit” qassiuppat? Guutip taakku qanoq piumasaqarfigai? Apeqqutit taakku allaaserisami tulliuttumi akineqassapput.