1. Oqaluus­sineq Jiisusimut qanoq pingaaruteqar­tigisimava? Nas­suiaruk.

JIISUSIP Guutip naalagaaf­fia pil­lugu oqaluus­sisar­nini nuan­naringaarsimavaa. Nunarsuarmiik­kal­larami Naalagaaf­fik sam­misar­tak­kaminit al­lanit tamanit eq­qar­tor­nerusar­paa. Oqaluus­sinermini Naalagaaf­fik ikin­ner­paamik 100-riarluni eq­qaasimavaa. Aap, Guutip naalagaaf­fia Jiisusimut pingaaruteqarluin­narsimavoq. – Mat­thæusi 12:34 atuaruk.

2. Qas­sit Mat­thæusip iivangkiiliua 28:19, 20-mi peq­qus­sut tusarsimavaat, aam­ma sooq taama oqarsin­naavugut?

² Jiisusi makititaariitsiarluni ajoqersuk­kaminut 500-nit amerlanerusunut takutip­poq. (1 Kor 15:6) Tamatumani ‘inuiaqatigiin­nut tamanut’ oqaluus­sinis­saq peq­qus­sutigigunar­paa. Oqaluus­sinis­saq taman­na ajor­naatsuin­naanavian­ngilaq. * Oqarfigai suliaq taman­na imungarsuaq, tas­sa  ‘silarsuup naggatis­saa’ tikil­lugu, aal­lun­neqas­sasoq. Ul­lumik­kut nutaarsias­samik nuan­nersumik oqaluus­seqataanik­kut siulit­tuum­mik tamatumin­nga eq­quutitseqataavutit. – Mat­t 28:19, 20.

3. Suut pingasut nutaarsias­samik nuan­nersumik oqaluus­sinitsin­ni iluaqutigisimavavut?

³ Jiisusi oqaluus­sinis­samik peq­qusereerluni ima nangip­poq: “Najor­pas­si.” (Mat­t 28:20) Taamaalil­luni Jiisusip ajoqersuk­kani neriorsor­pai nunarsuaq tamak­kerlugu oqaluus­sineran­ni tapersersorlugil­lu siulersorumaarlugit. Jehovap aam­ma najor­paatigut. Oqaluus­sinis­satsin­nut iluaqutis­satsin­nik “ajun­ngitsunik tamanik” tunisimavaatigut. (Hebr 13:20, 21, NW) Al­laaserisami matumani ajun­ngitsut taak­kua ilaat pingasut sam­mis­savavut: (1) sak­kugisimasavut, (2) oqaluus­seriaaserisimasavut aam­ma (3) ilin­niar­titaaner­put. Siul­lermik, ukiuni 100-ni kingul­ler­ni sakkugisimasavut sam­meriar­tigit.

4. Sak­kut as­sigiin­ngitsut oqaluus­sinitsin­ni qanoq iluaqutigisimavavut?

⁴ Jiisusip Naalagaaf­fim­mik tusarlius­saq naatsiias­sanut is­sunut as­sigiin­ngitsunut tut­tunut as­sersuup­paa. (Mat­t 13:18, 19) Naatsiivilerisup is­soq piareersar­niaraangamiuk sak­kut as­sigiin­ngitsut ator­tar­pai. As­singusumil­lu tusarlius­sar­put inun­nit ilas­sineqaq­qul­lugu Kun­ngit­ta as­sigiin­ngitsunik sak­kus­salersorsimavaatigut. Sak­kut ilaat sivikitsumik iluaqutaap­put ilaal­lu suli ul­lumik­kut ator­neqar­tarlutik. Tamak­kuli tamaasa oqaluus­sinermi pik­korin­neruler­nis­satsin­nut iluaqutigisimavavut.

5. Al­lagar­taq nalunaajaat suua, qanorlu ator­neqar­tar­pa?

⁵ 1933-mi oqaluus­sisar­tut allagartaq nalunaajaat, oqaluus­sinermi aal­lar­niutitut amerlasuunit iluaqutigineqarsimasoq, ator­taler­paat. Al­lagar­tan­nguuvoq naatsumik Biibilimik oqariar­tuutilik. (Angis­susiata mis­saa: 8 x 13 cm) Oqariar­tuutaa ilaan­nik­kut nutar­ter­neqar­tar­poq. Qatan­ngut Erlenmeyer al­lagar­tamik nalunaajaam­mik atueq­qaarami qulit mis­saan­nik ukioqar­poq. Nas­suiaavoq: “Ima oqak­kajut­tar­pugut: ‘Una atualaarsin­naaviuk?’ Pulaak­kap atuareeraangagu atuagas­sianik neqeroorfigeriarlugu ingerlaq­qiin­nar­tar­pugut.”

6. Al­lagar­taq nalunaajaat qanoq iluaqutigineqarsimava?

⁶ Oqaluus­sisar­tut al­lagar­taq nalunaajaat as­sigiin­ngitsutigut iluaqutigisimavaat. As­sersuutigalugu oqaluus­sisar­tut ilaat it­tuutuujup­put, oqaluus­serusungaaraluarlutil­lu qanoq oqas­sanerlutik nalusar­paat. Al­lat it­tuujuil­lutik oqalun­niaan­nar­tar­put. Minutsini arlaqan­ngitsuni suna tamaat pulaak­kamin­nut oqalut­tuariniar­tar­paat ilaan­nik­kul­li periaaserip­pal­laar­taratik. Oqaluus­sisar­tut tamarmik al­lagar­taq nalunaajaat naatsumik paasiuminar­tumil­lu nalunaajaanis­samin­nut iluaqutigisimavaat.

7. Al­lagar­tamik nalunaajaam­mik atuineq sunik unam­miniar­nar­tor­taqar­pa?

⁷ Aam­ma unam­miniar­nar­tor­taqar­poq. Qatan­ngut ar­naq Grace Estepimik atilik ima oqar­poq: “Ilaan­nik­kut oqar­tar­put: ‘Sunaana? Nas­suiaatilaagin­nan­nga.” Aam­ma pulaak­kat ilaat atuarsin­naan­ngil­lat. Ilaasa al­lagar­taq nalunaajaat tiguin­nariarlugu matu matusar­paat. Inuit ilaasa oqariar­tuuter­put nuan­narineq  ajor­paat, al­lagar­tarlu tigoriarlugu alit­tor­tarlugu. Unam­miniar­nar­toqaraluar­toq oqaluus­sisar­tut al­lagar­taq nalunaajaat inoqatimin­nut oqaluus­sinermin­nut iluaqutigisimaqaat Naalagaaf­fim­mil­lu oqaluus­sisar­tutut ilisarisimaneqaatigilersimal­lugu.

8. Oqalut­tar­tut angal­lat­tak­kat qanoq ator­neqar­tarsimap­pat? (Al­laaserisap aal­laq­qaataani as­seq takuuk).

⁸ 1930-p kingor­na oqaluttartoq angallattagaq ator­neqar­taler­poq. Oqaluus­sisar­tut ilaasa oqalut­tar­toq Aronimik taasar­paat sin­nerlutik oqalut­tarmat. (2 Mosesi 4:14-16 atuak­kit). Pulaagaq tusar­naarumagaangat oqaluus­sisar­tup oqalugiaat Biibililersaarut naatsun­nguaq aal­lar­tit­tar­paa taavalu atuagas­siaq tun­niut­tarlugu. Ilaan­nik­kut ilaqutariit tamarmik tusar­naar­niarlutik katersuut­tar­put. 1934-mi Napasuliaq Alaper­naarsuif­fiup Peqatigiif­fia oqalut­tar­tunik angal­lat­tak­kanik oqaluus­sinermi atugas­sanik sanatitsisaler­poq. Naggataatigut qulequt­tat as­sigiin­ngitsut 92-it im­mius­saatigineqaler­put.

9. Oqalut­tar­toq angal­lat­tagaq qanoq sun­niuteqarsimava?

⁹ Angutip soqutigin­nit­tup Hil­lary Goslinimik atil­lip oqalugiaatit im­mius­sat ilaan­nut tusar­naareerluni eq­qaamiuni Biibilip oqariar­tuutaanik tusar­naar­tik­kumal­lugit oqalut­tar­toq sapaatip-akun­nerani ator­paa. Tamatuma kingunerisaanik inuit arlal­lit sal­lusuis­sum­mik soqutigin­niler­put kingor­nalu kuisil­lutik. Ukior­paaluit qaangium­mata qatan­ngutip Goslinip panii marluk Ilin­niarfim­mut Gileadimut qaaq­qusaap­put ajoqersuiar­tor­titan­ngorlutil­lu. Al­lagar­tap nalunaajaatip iluaqutaasimaneratul­li oqaluus­sisar­tun­ngorlaat amerlasuut oqalut­tar­toq angal­lat­tagaq iluaqutigisimaqaat. Kingusin­nerusuk­kut Kun­ngip Teokratiimik Ilin­niarfik iluaqutigalugu in­nut­tani sun­niuteqarluar­tumik oqaluus­sisar­nis­saan­nik ilin­niar­tip­pai.

10, 11. Aviisit radiulu nutaarsias­samik nuan­nersumik nalunaajaanitsin­ni qanoq ator­neqar­tarsimap­pat, aam­ma sooq oqaluus­seriaatsit taak­ku sun­niuteqarluarsimap­pat?

¹⁰ Kun­ngit­ta aqutsineratigut Guutip in­nut­taasa inuit sapin­ngisamik amerlasuut anguniarlugit oqaluusseriaatsit assigiin­ngitsut atorsimavaat. Pingaar­tumik oqaluus­sisar­tut amerlan­ngim­mata oqaluus­seriaatsit taak­ku pingaaruteqar­torujus­suusimap­put. (Mat­thæusi 9:37 atuaruk). As­sersuutigalugu ukior­pas­suit matuma sior­na aviisit nutaarsias­samik nuan­nersumik nalunaajaanermi ator­neqar­tar­put. Sapaatit-akun­neri tamaasa qatan­ngut Rus­sel­l oqalugiaam­mik Biibililersaarum­mik nutaarsias­saqar­titsivim­mut nas­sius­sisar­poq. Taava Canadami, Europami USA-milu aviisinut nas­siun­neqar­tar­poq. 1913-imi qatan­ngutip Rus­sel­lip oqalugiaatai aviisini 2000-ni naqin­neqarsimap­put inun­nil­lu  15.000.000-t mis­saan­nit atuar­neqarsimal­lutik!

¹¹ Aam­ma radio nutaarsias­samik nuan­nersumik nalunaajaanermut iluaqutaal­luarsimavoq. 1922-mi apriilip 16-ian­ni qatan­ngut Rutherford radiuk­kut 50.000-t mis­saan­nit tusar­naar­teqarluni siul­ler­paamik oqalugiaateqar­poq. Sivitsun­ngitsoq radiuk­kut nam­minerisamik WBBR-imik taaguutilim­mik aal­lakaatitsivit­taar­pugut 1924-milu februaarip 24-an­ni aal­lakaatitseq­qaarluta. Vagttaarnet-imi januaari 1925-moor­tumi ima al­las­simavoq: “Isumaqar­pugut sal­lusuis­sum­mik siaruar­terinitsin­ni ator­toris­saarutinit tamanit radio aningaasar­tuutaan­ngin­nerul­lunilu sun­niuteqar­ner­paasimasoq.” Aviisit iluaqutigineqarsimanerat­tul­li radio sumiif­fin­ni amerlan­ngitsunik oqaluus­sisar­toqarfiusuni inup­pas­suar­nut nalunaajaanitsin­ni iluaqutaasimavoq.

12. (a) Il­lit tamanut oqaluus­seriaatsit suut nuan­nari­ner­paavigit? (b) Tamanut oqaluus­sinermut an­nilaanga­sar­ner­put qaanger­niarlugu suna iluaqutigisin­naavar­put?

¹² Tamanut oqaluussineq – tas­sa bus­sit unit­tarfiini, qimut­tuitsoqarfin­ni, biilit unin­ngaar­tarfiini, inuit katersuut­tarfiini tuniniaasarfin­nilu oqaluus­sineq – oqaluus­seriaasiuvoq sun­niuteqarluar­toq al­la. Oqaluus­seriaaseq taan­na il­lit  unam­miniar­nar­tit­tar­piuk? Taamaap­pat ikioq­qul­lutit qinusarit, aam­ma Manerap qatan­ngutil­lu nak­kutil­liisup angalasar­tup oqaasii uku eq­qarsaatigik­kit: “Oqaluus­seriaatsit nutaat tamaasa Jehovamut kif­far­toriaatsitut nutaatut, Jehovamut ilumoorfigin­nin­nitsin­nik up­per­narsaariaatsitut nutaatut, as­suar­naas­sutsitsin­nik misilin­neqaatitut nutaatut isigisar­pavut, qanorluun­niil­lu peq­quneqar­ner­put naaper­torlugu Jehovamut kif­far­torusun­ner­put takutik­kusoqaar­put.” An­nilaangasar­ner­put qaangerutsigu oqaluus­seriaatsil­lu nutaat ator­tarutsigit Jehovamik tatigin­nin­nerulerlutalu oqaluus­sisar­tutut pik­korin­nerulis­saagut. – 2 Korinthimiut 12:9, 10 atuak­kit.

13. Sooq oqaluus­sinermi nit­tar­tak­katsin­nik atuineq sun­niuteqarluar­pa, tamatumun­ngalu tun­ngatil­lugu qanoq misigisaqarsimavit?

¹³ Oqaluus­sisar­tor­pas­suit nittartagarput jw.org inun­nut in­nersuutigis­sal­lugu nuan­narisar­paat. Tas­sani Biibililersaarutit oqaatsini 700-nit amerlanerusuni atuar­neqarsin­naal­lutil­lu aaneqarsin­naap­put. Ul­lut tamaasa inuit 1,6 mil­lioninit amerlanerusut nit­tar­tagar­put alak­kar­tar­paat. Qangaanerusoq radio iluaqutigalugu inuit avin­ngarusimasumiit­tut nutaarsias­saq nuan­nersoq tusarsimavaat. Ul­lumik­kut nit­tar­tagar­put aam­ma taamatut sun­niuteqar­tar­poq.

14. Oqaluus­sisar­tut suna pisariaqar­tis­simavaat, ilin­niarfil­lu sorleq iluaqutigaat?

¹⁴ Sak­kuvut oqaluus­seriaatsivul­lu sam­misimasavut sun­niuteqarluarsimaqaat. Taamaak­kaluar­torli oqaluus­sisar­tut ilinniartinneqarnissaat pisariaqarsimavoq. As­sersuutigalugu pulaak­kat ilaat oqalut­tar­tumit tusak­kamin­nut isumaqataaneq ajor­put. Al­lat soqutigin­nit­tar­put ilik­kagaqar­nerujumasarlutil­lu. Oqaluus­sisar­tut akerliliiner­nut qanoq periaaseril­lutik akisar­nis­sar­tik qanorlu pitsaanerusumik ilin­niar­titsinis­sar­tik ilisimasariaqar­paat. Qular­nan­ngitsumik Guutip anersaavanit ikior­neqar­nermigut qatan­ngutip Knorrip paasivaa oqaluus­sisar­tut nalunaajaanis­samik ilin­niar­tin­neqar­nis­saat qanoq pingaaruteqar­tigisoq. Taamaat­tumik 1943-miil­li ilagiin­ni tamani Teokratiimik Ilinniarfik aal­lar­tin­neqar­poq. Ilin­niarfik taman­na iluaqutigalugu oqaluus­sisar­tut tamarmik sun­niuteqarluar­tumik ilin­niar­titsil­laq­qin­neruler­put.

15. (a) Teokratiimik Ilin­niarfim­mi pisas­saqaq­qaar­tut ilaat qanoq misigisaqarsimap­pat? (b) Jehovap Tus­siaat 32:8-mi oqaasiisa ilumoor­nerat il­lit qanoq misiginikuuiuk?

¹⁵ Qatan­ngutit angutit ilar­pas­suisa inuit saal­lugit oqalugiar­nis­sar­tik sungiusiman­ngilaat. Qatan­ngutip Ramup 1944-mi siul­ler­paamik oqalugiar­nini eq­qaamavaa. Biibilimi versini tal­limaan­nar­ni eq­qaaneqar­toq, Do’egi, pil­lugu oqalugiaatigaa. Ima oqar­poq: “Seeq­quk­ka as­sak­kalu sajoqaat al­lerulaaqaangalu.” Ima nangip­poq: “Tas­sa oqalugiar­tarfim­mi misigisara siul­leq, anusin­ngun­ngilangali.” Taman­na ajor­naatsuin­naan­ngik­kaluar­toq al­laat meeq­qat ilin­niarfim­mi pisas­saqar­tar­put. Nukap­piaq­qap siul­ler­paamik oqalugiar­nera pil­lugu qatan­ngut Manera ima oqalut­tuar­poq: “An­nilaangangaarami al­laat qialer­poq. Naam­mas­siniarluguli aalajangersimagami qiaatigaluni oqalugiaatini naam­mas­sivaa.”  Im­maqa il­lit it­toorlutil­luun­niit sapiuk­kavit ataatsimiin­ner­nut akis­sanal­lu al­latigul­luun­niit peqataaneq ajor­putit. Taamaap­pat an­nilaanganerit qaanger­niarlugu ikioq­qul­lutit Jehova qin­nuigisaruk. Jehovap Teokratiimik Ilin­niarfim­mi taamani ilin­niarsimasunik ikiuisimanermisut ikius­savaatit. – Tus­siaat 32:8 atuaruk.

16. Ilin­niarfiup Gileadip suna siuner­taraa (a) 1943-miit (b) 2011-miil­li?

¹⁶ Jehovap in­nut­tai aam­ma al­lanik ilin­niarfeqar­put. Ajoqersuiar­tor­titat al­lal­lu Ilin­niarfik Gileadi iluaqutigisimaqaat. Ilin­niarfiup siuner­taasa ilagaat ilin­niar­tut nutaarsias­samik nuan­nersumik oqaluus­sinermik kis­saateqar­neruler­nis­saan­nik ikior­neqar­nis­saat. Ilin­niarfik Gileadi 1943-mi aal­lar­tip­poq, taamanimiil­li 8500-t ilin­niar­tin­neqarsimap­put nunanul­lu 170-inut aal­lar­tin­neqarsimal­lutik. 2011-miil­li ajoqersuiar­tor­titat suli Gileadimiis­siman­ngitsut, specialpionerit, nak­kutil­liisut angalasar­tut imaluun­niit Betelimi kif­far­tor­tut ilin­niarfim­mut qaaq­quneqar­taler­put.

17. Gileadimi ilin­niar­titaaneq qanoq sun­niuteqar­tigisimava?

¹⁷ Ilin­niarfik Gileadi sun­niuteqarluarsimava? Aap. Japanimi pisimasoq eq­qarsaatigeriaruk. 1949-mi aggustimi nunami tas­sani oqaluus­sisar­tut quliun­ngil­lal­luun­niit. Ukiorli naan­ngitsoq ajoqersuiar­tor­titat Gileadimi ilin­niar­tuusimasut 13-it najugaqavis­sunut ikiuul­lutik oqaluus­seqataaler­put. Ul­lumik­kut Japanimi oqaluus­sisar­tut 216.000-up­put, taak­kunan­ngalu af­fangajaat pioneriup­put!

18. Sunik al­lanik ilin­niarfeqar­pugut?

¹⁸ Suli al­lar­pas­suar­nik ilin­niarfeqar­pugut. As­sersuutigalugu Naalagaaf­fim­mut Kif­far­tor­nermik Ilin­niarfik, Pionerinut Ilin­niarfik, Kristumiunut Oqaluus­sisar­tunut Ilin­niarfik, Ilagiin­nik Nak­kutil­liisunut taak­kualu Nuliaan­nut Ilin­niarfik aam­ma Im­mik­koor­tor­taqarfiit Ataatsimiititaliaan­ni Ilaasor­tanut taak­kualu Nuliaan­nut Ilin­niarfik. Ilin­niarfin­ni taak­kunani qatan­ngutit angutit ar­nal­lu iluatsil­luar­tumik ilin­niar­titaal­lutil­lu up­per­nermik­kut nakus­satsitaasimap­put. Kun­ngit­ta in­nut­taminik ilin­niar­titsiuar­nera ersarip­poq.

19. Qatan­ngut Rus­sel­l oqaluus­sineq pil­lugu qanoq oqarsimava, taman­nalu qanoq eq­quup­pa?

¹⁹ Guutip Naalagaaf­fia ukiuni 100-ni amerlanerusuni aqutsereersimaler­poq. Tamatuma ingerlanerani Kun­nger­put, Jiisusi Kristusi, oqaluus­sinermi siulersuisuuvoq. 1916-imi qatan­ngutip Rus­sel­lip up­peraa nutaarsias­samik nuan­nersumik oqaluus­sineq nunarsuaq tamak­kerlugu an­ner­tusiumaar­toq. Ima oqar­poq: “Suliaq ineriar­tupal­laqaaq ineriar­tor­tuas­sal­lunilu, ‘naalagaaf­fim­mim­mi iivangkiiliu’ nunarsuaq tamak­kerlugu oqaluus­sis­sutigineqar­tus­saam­mat.” (Fremad i tro, A.H. Macmillan, qup­p. 72) Ul­lumik­kor­piaq taman­na suliarineqar­poq! Jehova, eq­qis­sinerup Guutia, taas­suma piumasaa malil­lugu iliorsin­naaq­qul­luta pisariaqar­titatsin­nik tamanik tunisisoq qutsavigaar­put!