1. Manoa ataatan­ngulerluni tusaramiuk sua?

MANOAP nuliatalu qitor­nar­taarsin­naan­ngin­ner­tik nalun­ngilaat. Jehoval­li in­ngiliata Manoap nulia er­ner­taarumaar­neranik nalunaarfigaa. Tusak­kap ila nuan­nis­susia! Manoa nuliaminit kalerrin­neqarami nuan­naangaar­poq. Jehoval­li ataataasunut piumasaqaatai eq­qarsaatigeq­qis­saar­pai. Israelik­kut amerlasuut ajor­tulior­tarmata nulianilu qanoq er­ner­tik Jehovamik asan­nin­nis­samik kif­far­torfigin­nin­nis­samil­lu ilin­niar­tis­sin­naavaat? Manoap Jehova in­ngilimik aal­lar­titseq­qul­lugu ima kimigiiserfigaa: “Naalagaq, tusan­nga! Guutip kif­faa aal­lar­titat maan­naq­qil­li ajoqersuul­lutalu nukap­piaraq inun­ngor­tus­saq qanoq iliuuseqarfigis­sagip­put.” – Eq­q 13:1-8.

2. Angajoq­qaatut suna akisus­saaf­figaajuk, qanorlu pitsaaner­paamik taamaaliorsin­naavit? (Takuuk ungalusaq “ Biibilimik atuaq­qis­saaqatigisar­tak­kan­ni pingaar­ner­paar­taat”).

² Meeraqaruit Manoa qanoq misiginersoq takorloorsin­naas­savat. Aam­ma il­lit qitor­navit Jehovamik ilisarisiman­niler­nis­saat asan­niler­nis­saal­lu akisus­saaf­figaat. (Us­s 1:8)  Ilaqutariit­tut atuaq­qis­saaqatigiin­nermi Jehova Biibililu pil­lugit ilin­niar­tit­tarsin­naavatit. Soorunami sapaatit-akun­neri tamaasa Biibilimik atuaq­qis­saaqatigisar­nerat naam­man­ngilaq. (5 Mosesi 6:6-9 atuak­kit). Jehovamik asan­nin­nermik kif­far­torfigin­nin­nermil­lu ilin­niar­tin­neran­ni aam­ma suut al­lat iluaqutigisin­naavigit? Al­laaserisami matumani Jiisusip maligas­siuinera sam­mis­savar­put. Taan­na meeraqan­ngik­kaluarluni ajoqersuk­kani asan­nit­tumik, maniguul­luni ilisimas­suseqarlunilu ajoqersorlugil­lu ilin­niar­tit­tarmagit perorsaanermut tun­ngatil­lugu ilin­niarfigingaarsin­naavar­put. Jiisusip pis­susii ataasiak­kaarlugit sam­meriar­tigit.

3. Jiisusip ajoqersuk­kaminik asan­nin­nini qanoq ersersit­tar­paa?

³ Jiisusip ajoqersuk­kani asal­lugit oqarfigisar­pai. (Johan­nesi 15:9 atuaruk). Aam­ma ilaginiarlugit pif­fis­sani an­ner­tooq ator­tar­paa. (Mark 6:31, 32; Joh 2:2; 21:12, 13) Ilin­niar­tiin­nar­nagit ikin­ngutigai. Taamaat­tumik ajoqersuk­kat asaneqar­ner­tik qularin­ngil­luin­nar­paat. Jiisusi qanoq ilin­niarfigisin­naaviuk?

4. Qitor­natit asal­lugit qanoq ersersis­sin­naaviuk? (Al­laaserisap aal­laq­qaataani as­seq takuuk).

⁴ Qitor­natit asal­lugit oqarfigisarlugil­lu pingaar­tingaarlugit ersersit­taruk. (Uss 4:3; Tit 2:4) Samuel, Australiamiu, ima oqalut­tuar­poq: “Meeraal­lunga ataatama un­nuit tamaasa Biibilimik oqaluttuaatikka-mit atuf­fat­tar­paanga. Apeq­qutik­ka akisarlugil­lu pak­kut­tarlungalu sinin­nialeraangama apar­tar­paanga. Kingusin­nerusuk­kut ataataga meeraal­luni qaqutiguin­naq pak­kutaar­neqar­tarlunilu apar­neqar­tar­toq tusarlugu tupaal­laatigaara! Uan­nil­li asan­nin­nerminik ersersitsiniarluni sapin­ngisaminik iliuuseqar­poq.  Tamatuma kingunerisaanik at­taveqarfigil­lualer­para, aam­ma nalerisimaar­tutut toq­qis­sisimasutul­lu misigiler­punga.” Qitor­natit taamatut misiginias­sam­mata ima oqarfigisak­kit: “Asavak­kit.” Pak­kut­tarlugil­lu apar­tak­kit. Oqaloqatigisarlugil­lu nereqatigisarlugil­lu pin­nguaqatigisak­kit.

5, 6. (a) Ajoqersuk­kani asagamigit Jiisusi sua? (b) Qitor­natit qanoq naleq­qut­tumik naveersin­naavigit?

⁵ Jiisusi ima oqar­poq: “Asasak­ka tamaasa pil­larlugil­lu anusin­ngorsar­tar­pak­ka.” * (Saq­q 3:19) As­sersuutigalugu ajoqersugaasa arlaleriarlutik kina arlar­tik an­ner­paar­taanersoq as­sor­tuus­sutigaat. Jiisusip taman­na soqutigin­ngitsuusaar­nagu kamagit­tarluni arlaleriarluni siun­nersor­pai. Saamajuar­porli, aam­ma pif­fis­sami sumiif­fim­milu naleq­qut­tumi naq­qiisar­poq. – Mark 9:33-37.

⁶ Qitor­natit asagak­kit naveer­tariaqar­tarlugit nalun­ngilat. Ilaan­nik­kut suut eq­qor­tuunersut eq­qun­ngitsuunersul­luun­niit nas­suiar­nis­saat naam­mat­tar­poq. Taavami suli naalak­kuman­ngip­pata? (Us­s 22:15) Jiisusi ilin­niarfigiuk. Siulersor­nerisigut, ilin­niar­tin­nerisigut naq­qin­nerisigul­lu kamagit­tarlutit naveer­tak­kit. Pif­fis­sami sumiif­fim­milu naleq­qut­tumi naveersisarit, qajas­suar­tumil­li taamaalior­tarit. Qatan­ngut ar­naq Sydafrikamiu Elainemik atilik ima oqalut­tuar­poq: “Angajoq­qaama sukan­nersumik naveer­tar­paan­nga. Naalan­ngin­nermali kingunis­saan­nik oqalut­tuuteq­qaarlunga naveer­tar­paan­nga. Kamal­lutik imaluun­niit naveersin­nin­nut pis­sutaasut nas­suiaq­qaar­nagit naviin­ngisaan­nar­paan­nga. Taamaat­tumik toq­qis­sisimasutut misigisar­punga. Kil­lis­sak­ka uan­nil­lu suut piumasarineraat nalun­ngilak­ka.”

7, 8. (a) Jiisusip qin­nutai ajoqersugaasa qanoq ilin­niarfigaat? (b) Qin­nutigisar­tak­kan­nit qitor­navit Guutimik tatigin­nin­nis­saq qanoq ilin­niarsin­naavaat?

⁷ Jiisusip tigusaanis­sani sioq­qutitsiarlugu ataatani ima qin­nuigaa: “Abba, ataataq, ilin­nut ajor­nar­toqan­ngilaq. Ermuseq una uan­nit peeruk. Uangali piumasara pin­nani il­lit piumasat pili.” * (Mark 14:36) Jiisusi taamatut qinusoq, imaluun­niit kingusin­nerusuk­kut taamatut qinusimasoq, tusarlugu ajoqersuk­kat qanoq misigisimas­sasut takorlooruk. Paasivaat naam­mal­luin­nar­tuugaluarluni Ataataminut ikioq­qusar­toq. Taamaat­tumik maniguut­tuunis­sar­tik Jehovamil­lu tatigin­nin­nis­sar­tik ilik­kar­paat.

⁸ Qin­nutitit qitor­navit ilin­niarfigingaarsin­naavaat. Soorunami qitor­natit ilin­niar­tin­niaan­narlugit qinuneq ajor­putit. Qin­nutin­nil­li tusar­naar­nermik­kut Jehovamik tatigin­nin­nis­sar­tik ilin­niarsin­naavaat. Qinugaangavit qitor­navit ikior­neqar­nis­saat Jehovamut qin­nutigiin­nar­nagu aam­ma il­lit ikior­neqar­nis­sat qin­nutigisaruk. Qatan­ngut ar­naq Brasiliamiu ima oqar­poq: “Ajor­nar­torsiuleraangat­ta, soorlu aatak­kuk­ka nap­parsimalermata, angajoq­qaak­ka piner­tusaar­nis­samut nukis­samik silatusaar­tumil­lu aalajangiisar­nis­samut ilisimas­susermik  tuneq­qul­lutik Jehovamut qinusar­put. Al­laat tatineqangaar­nermin­ni ajor­nar­torsiutit Jehovamut isumagisas­san­ngor­tit­tar­paat. Taman­nalu pis­sutigalugu Jehovamik tatigin­nin­neq ilik­kar­para.” Sanilin­nut oqaluus­sinis­samut imaluun­niit ataatsimeersuariar­nis­samut tun­ngatil­lugu sulin­ngif­feqarumanis­samut sapiis­susermik tuneq­qul­lutit Jehovamut qinusutit tusarunik­ku paasis­savaat Jehovamik tatigin­nit­tutit, taamaalior­nis­sar­til­lu aam­ma nam­min­neq ilin­nias­savaat.

9. (a) Jiisusip ajoqersuk­kani maniguut­tuunis­samik nam­minis­sarsior­tuun­ngin­nis­samil­lu qanoq ilin­niar­tip­pai? (b) Maniguut­tuuguit nam­minis­sarsior­tuunal­lu qitor­natit sunis­samik ilin­niar­tis­savigit?

⁹ Jiisusip ajoqersuk­kani oqaatsimigut iliuutsimigul­lu maniguun­nermik nam­minis­sarsiun­ngin­nermil­lu ilin­niar­tip­pai. (Lukasi 22:27 atuaruk). Jehovamut kif­far­torumal­luni al­lanil­lu ikiuiumal­luni im­minut pil­liutigeriaan­naanera ajoqersugaasa takul­lugulu ilin­niarfigaat. Aam­ma il­lit maligas­siuinik­kut qitor­natit ilin­niar­tis­sin­naavatit. Debbie, marlun­nik qitor­nalik, ima oqar­poq: “Uima utoq­qaaner­tatut al­lanik peqateqar­tar­nera pil­lugu sin­ngan­ngisaan­nar­punga. Nalun­ngilara ilaqutariit­tut pisariaqar­titsilerut­ta uima ingerlaan­naq isumas­sus­sagaatigut.” (1 Tim 3:4, 5) Debbiep uiatalu, Pranasip, maligas­siuinerat ilaqutariin­nut qanoq sun­niuteqar­pa? Uiusoq oqalut­tuar­poq meeq­qat ataatsimeersuar­ner­ni ikiuun­nis­samin­nut piumas­suseqar­tuaan­nar­tut. Meeq­qat pil­luarlutil­lu pitsaasunik ikin­ngutitaarlutil­lu anersaak­kut qatan­ngutitik ilagerusut­tar­paat. Ilaqutariit tamarmik maan­nak­kut pif­fis­saq tamaat kif­far­tor­put. Maniguut­tuuguit nam­minis­sarsior­tuunal­lu qitor­natit al­lanik ikiuisar­nis­samik ilin­niar­tis­savatit.

10. Jiisusip Galilæamiunit ujar­neqarami ilisimas­suseqar­nini qanoq ersersip­paa?

¹⁰ Jiisusi naam­mal­luin­nar­tuugami ilisimas­suseqangaar­poq. Inuit iliuusaat maluginiaan­nar­nagit iliuusaan­nut pis­sutaasut  maluginiar­tar­pai. Uum­mam­miui takusin­naavai. As­sersuutigalugu taamaal­luni Galilæamiunit ujar­neqar­poq. (Joh 6:22-24) Paasivaa inuit tusar­naarusun­ner­tik pis­sutiginagu nererusun­ner­til­li pis­sutigalugu ujaraan­ni. (Joh 2:25) Jiisusip qanor­piaq misiginersut nalun­ngin­namiuk kamagit­tarluni naq­qil­lugil­lu qanoq al­lan­nguisariaqar­neran­nik nas­suiaap­pai. – Johan­nesi 6:25-27 atuak­kit.

11. (a) Qitor­navit oqaluus­sinermut tun­ngatil­lugu isigin­nit­taasiat qanoq paasiniar­sin­naaviuk? (b) Qitor­natit oqaluus­sinermik nuan­narin­nileq­qul­lugit qanoq ikiorsin­naavigit?

¹¹ Inuit uum­mam­miui takusin­naan­ngik­ka­luarlugit aam­ma il­lit ilisimas­suseqar­sin­naa­vutit. As­sersuutigalugu qitor­navit oqaluus­sineq qanoq isumaqarfigineraat paasiniarsin­naavat. Im­minut ima aperisin­naavutit: ‘Oqaluus­sinermi unik­kal­lar­nis­sar­put sutulaar­nis­sar­pul­luun­niit taamaal­laat qilanaarisar­paat?’ Paasiguk­ku qitor­navit oqaluus­sineq nuan­narival­laan­ngik­kaat soqutigin­niler­sin­niarlugit iliuuseqarit. Iluaqutaasutut misiginias­sam­mata an­ner­tun­ngitsunik sulias­sit­tak­kit.

12. (a) Jiisusip ajoqersuk­kani qanoq mianersoq­quai? (b) Sooq Jiisusip ajoqersugaasa taamatut mianersoq­quneqar­nis­sar­tik pisariaqar­tip­paat?

¹² Jiisusip ilisimas­suseqar­nini al­latigut qanoq ersersip­paa? Nalun­ngin­namiuk kuk­kuneq ingasat­tumik ajor­tulior­taler­nermik kinguneqarsin­naasoq ajoqersuk­kani taman­na pil­lugu mianersoq­quai. As­sersuutigalugu kinguaas­siuutitigut inuunerlun­nerup ajor­tuunera ajoqersuk­kat nalun­ngilaat. Jiisusil­li kinguaas­siuutitigut inuunerlulis­su­taasin­naasut pil­lugit mianersoq­quai ima oqarluni: “Kialuun­niit al­lap nulia pilerigalugu isigiguniuk taan­na uum­matimigut al­lasiorfigereer­paa. Isivit taler­piup tam­mar­tip­patit, peeruk igil­lugulu.” (Mat­t 5:27-29) Romamiut isigin­naagas­sianik atoqatigiin­ner­talin­nik oqaasipilun­ner­talin­nil­lu ulik­kaar­tunik isigin­naas­sal­lutik nuan­narisal­lit nalaan­ni Jiisusip ajoqersugai inuup­put. Taamaat­tumik Jiisusip asan­nil­luni eq­qor­tulior­nis­samik saper­nar­neru­lersitsisumik sumil­luun­niit ingalas­siman­neq­qul­lugit oqaaq­qis­saar­pai.

13, 14. Qitor­natit kinguaas­siuutitigut inuunerlun­ner­talin­nik aliik­kutaqan­ngin­nis­saan­nik qanoq ikiorsin­naavigit?

¹³ Jehovamit iluarineqan­ngitsunik qitor­natit iliuuseqan­ngin­nias­sam­mata ilisimas­suseqar­neq angajoq­qaatut atorluarsin­naavat. Ajoraluar­tumik ul­lumik­kut al­laat meeq­qat mikisut por­nografiimik kinguaas­siuutitigul­luun­niit inuunerlun­nermut tun­ngasunik al­lanik isigin­naar­nis­saat ajor­nan­ngitsuararsuuvoq. Il­lersor­niarlugil­li iliuuseqar­nerusin­naavutit. Im­minut ima aperigit: ‘Qitor­nam­ma nalun­ngilaat sooq por­nografii taama ulorianar­tigisoq? Suut as­sinik taamaat­tunik isigin­naarusulis­sutigisin­naavaat? Uan­nik, al­laat por­nografiimik isigin­naar­nis­samut us­ser­nar­torsiuleraluarunik, oqaloqateqar­nis­samin­nut tunuarsimaan­ngin­nias­sam­mata iliuuseqar­tar­punga?’ Qitor­natit al­laat nukangagaluar­pata ima oqarfigisin­naavatit: “Atoqatigiin­neq pil­lugu alaper­naalis­sutigisan­nik isigin­naarusulis­sutigisan­nil­lu inter­netimi arlaan­nik takusaqaruit oqarfigilaaringa. Ikioq­qunis­san­nut an­nilaangas­san­ngilatit kan­ngusun­nal­lun­niit. Ikiorusup­pak­kit.”

 ¹⁴ Aliik­kutas­san­nik toq­qaaleraangavit aam­ma qitor­nan­nut qanoq maligas­saal­luarsin­naanerlutit eq­qarsaatigeq­qis­saar­tas­savat. Pranas, siusin­nerusuk­kut eq­qaaneqar­toq, ima oqar­poq: “As­sigiin­ngitsor­pas­suit eq­qar­torsin­naavatit, qitor­navil­li iliuutsitit maluginias­savaat ilaarlutil­lu.” Nipilersuutinik, atuak­kanik isigin­naagas­sianil­lu minguitsunik toq­qaasar­nerit qitor­navit ilit­tul­li aalajangiisar­nis­samin­nut kajumis­sis­sutigisin­naavaat. – Rom 2:21-24.

15, 16. (a) Sooq qitor­nan­nik ilin­niar­titsinin­ni Jehovamit ikior­neqar­nis­sat qularin­ngis­sin­naaviuk? (b) Al­laaserisami tul­liut­tumi suna sam­mis­savar­put?

¹⁵ Manoap Jehova angajoq­qaajul­luar­nis­samut ikioq­qul­luni qin­nuigim­magu susoqar­pa? “Guutip Manoap qin­nutaa tusar­paa.” (Eq­q 13:9) Angajoq­qaajususi, aam­ma ilis­si qin­nutisi Jehovamit tusar­neqas­sap­put. Qitor­nas­sin­nik ilin­niar­titsinis­sin­ni ikius­savaasi. Aam­ma asan­nin­nermik, maniguun­nermik ilisimas­susermil­lu ersersitsinis­sas­sin­nut ikius­savaasi.

¹⁶ Soorlu qitor­nan­nik mikisunik ilin­niar­titsinin­ni Jehovap ikius­sagaatit taamatut­taaq aam­ma qitor­natit inuusut­tuaran­ngor­pata ikius­savaatit. Al­laaserisami tul­liut­tumi inuusut­tuaraativit Jehovamut kif­far­tuleq­qul­lugit ilin­niar­tin­neran­ni Jiisusip asan­nin­nermik, maniguun­nermik ilisimas­susermil­lu maligas­siuinera qanoq iluaqutigisin­naagit sam­mis­savar­put.