Guutimut suleqataaneq nuannaarutaavoq
“Guutimut suleqataasutut oqaaqqissaarpassi Guutip saammaannera pissarsiarsi maangaannarteqqunagu.” – 2 KOR 6:1.
1. Qutsinnerussaartuugaluarluni Jehovap asanninnini qanoq ersersippaa?
JEHOVA Qutsinnerussaartuuvoq. Sunik tamanik pinngortitsisuuvoq, aamma pissaanera ilisimassusialu killeqanngilluinnarput. Tamatuminnga Jobi Jehovamit paasitinneqareerami ima oqarpoq: “Paasivara tamanik sapigaqanngitsutit, iliuuseriumasannik tamanik ilinnut ajornartoqanngitsoq.” (Job 42:2) Jehova qanorluunniit aalajangiinermisut allanit ikiorneqarani iliuuseqarsinnaavoq. Siunertaminilli naammassinninniaanermini allat suleqatiserinerisigut asanninnini ersersippaa.
2. Jehovap Jiisusi sumik suleqatiseraa?
2 Guutip ernini, Jiisusi, allanit tamanit siulliullugu pinngortippaa. Taava Jehovap allanik tamanik pinngortitsinermini ernini ikiortigaa. (Joh 1:1-3, 18) Apustili Paulusi Jiisusi pillugu ima allappoq: “Taassumuuna suut tamarmik pinngortitaapput qilanni nunamilu, takussaasut takussaanngitsullu, issiavissaarsuit naalagaasullu, pissaanerit piginnaanillillu. Taassumuuna taassumunngalu suut tamarmik pinngortitaapput.” (Kol 1:15-17) Jehovap pinngortitsinermini ernini suleqatiseriinnarnagu aamma inissisimaffia pillugu allat paasitippai. Tamanna Jiisusimut pisinnaatitaaffiuvoq angingaartoq!
3. Jehovap Adami sumik suliakkerpaa, aamma sooq?
3 Jehovap aamma inuit suleqatiserai. Assersuutigalugu Adami uumasunik tamanik atsersuitippaa. (1 Mos 2:19, 20) Adamip suliani nuannaarutigisimassaqaa! Uumasut misissuataarlugillu pissusii maluginiarpai kingornalu tamaasa immikkut atsersorlugit. Jehovap nammineerluni atsersorsimasinnaagaluarpai uumasunik tamanik pinngortitsisuugami. Jehovalli asanninnini ersersillugu Adami uumasunik atsersuitippaa. Aamma Guutip Adami suliakkerpaa nunarsuaq tamaat paratiisinngortikkiartuaaqqullugu. (1 Mos 1:27, 28) Ajoraluartumik Adami kinguaaminut tamanut imminullu kingunipiloqartumik Guutimut suleqataajunnaarpoq. – 1 Mos 3:17-19, 23.
4. Inuit allat Jehova qanoq suleqatigaat taassuma piumasaa naammassiniarlugu?
4 Piffissap ingerlanerani Guutip inuit allat suleqatiserai. Noa ulersuarmi imminut ilaquttaminullu annassutissamik umiarsualiorpoq. Mosesip Israelikkut Egyptenimit aniguisippai. Josvap Israelikkut nunamut neriorsuutigisamut siulersorpai. Salomo Jerusalemimi naalaffiliorpoq. Maria Jiisusimut anaananngorpoq. Aalajaatsut taakku tamarmik allallu Jehova suleqatigaat taassuma piumasaa naammassiniarlugu.
5. Sumik suleqataasinnaavugut, Jehovallu suleqataanissarput pisariaqartippaa? (Allaaserisap aallaqqaataani assiliaq takuuk).
5 Aamma ullumikkut Jehova suleqatigisinnaavarput taassuma naalagaaffianik tapersersuinitsigut. Assigiinngitsorpassuartigut Jehova kiffartorfigisinnaavarput. Kiffartornermut assigiinngitsunik periarfissaqaraluarluta tamatta Naalagaaffimmik nutaarsiassaq nuannersoq oqaluussissutigisinnaavarput. Jehovap nammineerluni tamanna naammassisimasinnaagaluarpaa. Qilammiit inunnut nunarsuarmiittunut toqqaannartumik oqalussimasinnaagaluarpoq. Jiisusi oqarpoq Jehovap naalagaaffimmini kunnginngortitani pillugu ujaqqat inunnut oqalutsissimasinnaagaluarai. (Luk 19:37-40) Jehovalli suleqataatippaatigut. (1 Kor 3:9) Apustili Paulusi ima allappoq: “Guutimut suleqataasutut oqaaqqissaarpassi Guutip saammaannera pissarsiarsi maangaannarteqqunagu.” (2 Kor 6:1) Guutimut suleqataaneq immikkut pisinnaatitaaffiuvoq nalissaqanngitsoq. Tamatuma uagutsinnut nuannaarutaangaarneranut pissutaasut ilaat sammeriartigit.
GUUTIMUT SULEQATAANERPUT NUANNAARUTAAVOQ
6. Guutip angajulliliaata ataatani najorlugu sulinini qanoq oqaatigaa?
6 Guutimut suleqataaneq Jehovap kiffaanut nuannaarutaajuaannarpoq. Guutip angajulliliaa nunarsuarmukannginnermini ima oqarpoq: “Suliaminut aallaqqaatigitillunga Naalakkap pinngortippaanga. ... Tatigisaatut [suliortuullunga, 1900] sanianiippunga. Taassumunnga nuannaarutaavunga Uss 8:22, 30) Jiisusi ataataminik suleqateqarnermini naammassisarpassuaqartarami nalunnginnamiullu ataatami asagaani nuannaartuaannarpoq. Uagummi?
ullut tamaasa, kiinaatalu saani qitittuarpunga [nuannaartuarpunga, NW].” (7. Sooq oqaluussigaangatta nuannaartarpugut?
7 Jiisusi oqarpoq tunisineq tigusinerlu pilluarnartuusut. (ApS 20:35) Sallusuissut paasigatsigu nuannaaqaagut, soormiuna aamma sallusuissut allanut ingerlateqqikkaangatsigu nuannaartartugut? Taakkua Biibilimi ilinniartitsissutigineqartunik paasinnilerlutik Guutimullu attaveqalerlutik nuannaarnerat takusaratsigu, aamma inuunerminnik eqqarsartaatsiminnillu allannguigaangata nuannaarutigisaratsigu. Oqaluussineq suliarisinnaasatsinnit tamanit pingaarnerpaavoq nalerisimaarnarnerpaallunilu. Tamanna Guutimut ikinngutaalersunut inuunermik naassaanngitsumik kinguneqartitsisinnaavoq. – 2 Kor 5:20.
8. Jehovamut suleqataanerup nuannaarutaanera pillugu qanoq oqartoqarsimava?
8 Nalunngilarput allat Guuti pillugu ilinniartikkaangatsigit Jehovap iluarisaraa tamaviaarlutalu suliniarnerput pingaartikkaa. Tamannalu uagut aamma nuannaarutigisarparput. (1 Korinthimiut 15:58 atuaruk). Marco Italiamiu ima oqarpoq: “Nuannaarutigingaartarpara nalunnginnakku sapinngisara tamaat Jehovamut tunniussisarlunga inunnut suliannik erniinnaq puiortussanut pinnanga.” Assingusumik Franco, aamma Italiami kiffartortoq, ima oqarpoq: “Jehovap ullut tamaasa oqaatsimigut anersaakkullu pilersuinermigut eqqaasittarpaatigut asalluta iliuutsivullu tamaasa, uagutsinnut suunngippasikkaluartut, tassunga pingaaruteqartuusut. Taamaattuminguna Guutimut suleqataaneq uannut nuannaarutaasoq inuuninnillu siunertaqalersitsilluni.”
GUUTIMUT SULEQATAANERPUT TASSUNGA ALLANULLU QANINNERULISSUTIGAARPUT
9. Jehovap Jiisusillu ataqatigiinnerat qanoq sakkortutigaa, aamma sooq?
9 Nuannarisavut suleqatigigaangatsigit qaninnerulertarpavut. Inuttut qanoq ittuussusii paasiartulertarpavut. Anguniagaat qanorlu anguniarneraat paasisarpavut. Ukiuni milliardiliugunartuni Jiisusip Jehova suleqatigaa. Asaqatigiinnerat tunniusimaqatigiinnerallu ima sakkortutigaaq allaat kipitinneqarsinnaanani. Ataqatigiingaarnertik Jiisusip ima nassuiarpaa: “Uanga Ataatarlu ataasiuvugut.” (Joh 10:30) Ataasioqatigiilluinnarput suleqatigiilluartarlutillu.
Oqaluussisarnerput uppernitsigut nakussatsitsissutigisarparput Guutip asannittup neriorsuutaanik siunnersuutaanillu eqqaasittarmatigut
10. Sooq oqaluussisarnerput Guutimut allanullu qaninnerulissutigisarparput?
10 Jiisusip Jehova ima qinnuigaa: “Illit atikkut aalajangersikkit uatsitut ataasioqatigeeqqullugit.” (Joh 17:11) Jehovap najoqqutassiai malikkaangatsigit oqaluusseqataagaangattalu taassuma pissusii nuannersut paasinerulertarpavut. Aamma taassumunnga tatiginninneq peqqussutaanillu maleruaaneq sooq silatusaarnerusoq paasisarparput. Guutimut qaninnerujartortilluta taanna uatsinnut qanilliartussaaq. (Jaaku 4:8 atuaruk). Aamma qatanngutitta ajornartorsiutaat, nuannaarutaat anguniagaallu uagut atukkatsinnut assingummata taakkununnga qaninnerulertarpugut. Suleqatigiittarpugut, nuannaaqatigiittarpugut pinertusaaqatigiittarlutalu. Octavia Tuluit Nunaanneersoq oqarpoq ikinngutinilu assigiimmik anguniagaqarnertik pissutigalugu Jehovamut suleqataanini allanut qaninnerulissutigisarlugu. Uaguttaaq taamatut misigivugut. Qatanngutitta Jehova nuannaartinniarlugu ilungersornerat takugaangatsigu taakkununnga qaninnerulertarpugut.
11. Sooq silarsuassami nutaami Jehovamut qatanngutitsinnullu qaninnerulissaagut?
11 Guutimut qatanngutitsinnullu maanna asannissuseqangaarpugut, silarsuassamili nutaami asanninnerput sakkortunerulissaaq. Siunissami suliassavut pissanganartut takorluukkit! Toqusunit makittut tikilluaqqussavavut Jehovalu pillugu ilinniartillugit. Aamma nunarsuaq paratiisinngortikkiartuaassavarput. Suleqatigiinnissarput Kristusillu naalakkersuinerani naammalluinnartunngoriartuaarnissarput qilanaarnaqaaq! Inuit tamarmik imminnut Jehovamullu ‘pinngortitat kissaatigisaannik’ eqquutitsisartumut qaninnerulissapput. – Tuss 145:16.
GUUTIMUT SULEQATAANERPUT ILLERSUUTAAVOQ
12. Oqaluussisarneq qanoq illersuutigisinnaavarput?
12 Guutimut attaveqarnerput illersortariaqarparput. Saatanip silarsuaani inuuvugut naammalluinnanngitsuullutalu, Fil 4:8) Oqaluussisarnerput uppernitsigut nakussatsitsissutigisarparput Guutip asannittup neriorsuutaanik siunnersuutaanillu eqqaasittarmatigut. Aamma Saatanimut taassumalu silarsuaanut illersussagutta pissuserineqartussat pisariaqartut pigiinnarnissaannut oqaluussineq iluaqutigisinnaavarput. – Efesosimiut 6:14-17 atuakkit.
taamaattumik silarsuarmi pisartut assigalugit eqqarsalerlutalu iliuuseqalersinnaavugut. Immami sarfap killuata tungaanut naluttutut assersuunneqarsinnaavugut. Taamaattumik ornitatsinnut nalutsilluta tamaviaartariaqarpugut. Taamatuttaaq Saatanip silarsuaanit sunnertinnaveersaassagutta tamatta tamaviaartariaqarpugut. Oqaluussineq qanoq illersuutigisinnaavarput? Jehova Biibililu pillugit oqaluussigaangatta suut pingaarutillit ajunngitsullu eqqarsaatitsinniitittarpavut ajortut uppernitsinnik sanngiillisitsisinnaasut pinnagit. (13. Australiami nalunaajaasup oqaluussineq qanoq isigaa?
13 Oqaluussinermik, atuaqqissaarnermik ilagiinnilu allanik ikiuinermik ulapputeqarnerput uagutsinnut illersuutaassaaq, taamaaliornitsigummi uagut nammineq ajornartorsiutivut isumakuluutigivallaarunnaartaratsigit. Joel Australiamiu ima oqarpoq: “Oqaluussineq piviusorsiortumik isiginnittaaseqaannarnissannut iluaqutigisarpara. Biibilimi najoqqutassiat maleruarnerisigut inuuninni iluaqutigisimasannik inuillu unamminiarnartunik atugaqarnerannik eqqaasitsissutigisarpara. Oqaluussineq maniguuttuujuarnissannut iluaqutigaara, tamanna Jehovamik qatanngutinnillu tatiginninnissannut periarfissarisarakku.”
14. Sooq oqaluussiuarnerput Guutip anersaavanit ikiorneqarnitsinnut uppernarsaataava?
14 Oqaluussinermi aamma qularunnaarsinneqartarpugut Guutip anersaavata najoraatigut. Assersuuteqalaariarta: Illoqarfigisanni inunnut nerisassanik agguaassisutut suliffeqarputit. Akissarsissutigissanngilat aningaasartuutillu illit nammineq akilissavatit. Allaat inuit amerlanersaasa pajugutitit tigujumanngilaat, ilaasalu allaat uumitsaappaatsit. Qanoq sivisutigisumik taanna suliffigissagaluarpiuk? Sivitsunngitsoq nikallussaatit immaqalu soraarnialerlutit. Taamaattoq amerlanerpaajusugut ukiut tamaasa oqaluussiuarpugut, uffa piffissamik atuisaraluarluta namminerlu aningaasartuutit akilertaraluarlugit inuillu quujassuaatigalutalu kamaattaraluaraatigut. Tamanna Guutip anersaavanit ikiorneqarnitsinnut uppernarsaataavoq.
GUUTIMUT SULEQATAANERPUT TASSUNGA ALLANULLU ASANNINNITSINNUT ERSIUTAAVOQ
15. Oqaluussineq Jehovap inunnut siunertaanut qanoq attuumassuteqarpa?
15 Oqaluussineq Jehovap inunnut siunertaanut qanoq attuumassuteqarpa? Guutip inuit naassaanngitsumik inuunissaat siunertaraa, Adamilu ajortulioraluartoq siunertaa allanngortinneqarsinnaanngilaq. (Es 55:11) Guuti inuit ajortimit toqumillu aniguisitaanissaannik aaqqissuussivoq. Qanoq? Jiisusi nunarsuarmut pivoq inuuninilu pilliutigalugu. Pilliutaa iluaqutigiumallugu inuit Guutimut naalattariaqarput. Taamaattumik Jiisusip inuit Guutip taakkununnga piumasaqaataanik ilinniartippai ajoqersukkanilu taamaaliornissaannik peqqullugit. Ullumikkut oqaluussigaangatta allallu Guutimik ikinnguteqalernissaannik ikioraangatsigit Guuti toqqaannartumik suleqatigisarparput.
16. Oqaluussineq Guutip inassutaasa annersaannut qanoq attuumassuteqarpa?
16 Inuit inuunermik naassaanngitsumik ilinniartikkaangatsigit taakkununnga Guutimullu asanninnerput ersersittarparput. Guutip “piumasaraa inuit tamalaat annaanneqassasut sallusuissummillu eqqorluartumik ilisimasaqalissasut”. (1 Tim 2:4, NW) Jiisusi farisæerimit aperineqarami inassutit annersaat suunersoq ima akivoq: “‘Naalagaq Guutit asassavat uummatikkut iluunngarlutit tarnikkullu iluunngarlutit isumakkullu iluunngarlutit.’ Tassa inassutit annersaat siullersaallu, aappaatali taamaaqatigaa: ‘Tullit ilittut asassavat.’” (Matt 22:37-39) Nutaarsiassaq nuannersoq pillugu oqaluussigaangatta inassutit taakku naalattarpavut. – Apustilit Suliaat 10:42 atuaruk.
17. Nutaarsiassamik nuannersumik oqaluussineq immikkut pisinnaatitaaffiusoq qanoq isumaqarfigaajuk?
17 Pilluaqqusaangaaratta! Jehovap suliareqqusaa nuannaarutigisarput, Guutimut qatanngutitsinnullu qanillissutigisarput anersaakkullu illersuutigisarput suliaraarput. Aamma oqaluussinermi Guutimut allanullu asanninnitsinnik ersersitsinissatsinnut periarfissaqartarpugut. Nunarsuaq tamakkerlugu Jehova millionilinnik assigiinngitsunik atugaqartunik kiffaqarpoq. Inuusuttuugaluarluta utoqqaagaluarlutaluunniit, pisuujugaluarluta piitsuugaluarlutaluunniit, nukittuujugaluarluta sanngiikkaluarlutaluunniit sapinngisarput tamaat allat upperisatsinnik oqaluttuuttarpavut. Chantelip Frankrigimeersup ima oqarnera isumaqatigaarput: “Qilammi nunarsuarmilu pissaaneqarnerpaaq, sunik tamanik Pinngortitsisoq, Guuti pilluartoq uannut oqarpoq: ‘Aallarit! Oqalugit! Oqariartuutinnga, qamannga pisumik oqalugit. Illit nukissaqarnissat, Biibileqarnissat, qilammiit ikiortissaqarnissat, nunarsuarmi suleqateqarnissat, ilinniartitaajuarnerit piffissarlu eqqorlugu ilitsersorneqarnissat isumagissavakka.’ Jehovap uagutsinnut piumasaanik iliorneq Guutimullu suleqataaneq immikkorluinnaq pisinnaatitaaffiungaarpoq!”