ʼE Fakatupu Fiafia—Tatatou Gaue Fakatahi Mo Te ʼAtua
“ ʼI tamatou gaue fakatahi mo ia, ʼe matou toe kole mamahi atu kia koutou ke ʼaua naʼa kotou tali ia te ʼofa makehe ʼo te ʼAtua ʼo fakaalu noa.” —2 KOLINITO 6:1, MN.
KATIKO: 75, 74
1. Logo la ko Sehova ko te Maʼoluga, kaʼe kotea te tupuʼaga ʼo tana fakaafe ʼihi?
KO SEHOVA ko te Maʼoluga. Neʼe ina fakatupu ia meʼa fuli pea ko tona poto mo tona malohi ʼe mole hona gataʼaga. ʼI tana ʼosi fakamahino kia Sopo te ʼu faʼahi ʼaia, neʼe tali fenei age ia Sopo: “E au fakamooni e ke fealagia te u mea fuli, pea e mole fakafehagai he mea ki au manatu.” (Sopo 42:2) ʼE fealagia e Sehova ia meʼa fuli neʼe ina fakatuʼutuʼu, pea ʼe mole ʼaoga kia te ia he tokoni. Kaʼe ʼe ina fakaha ia tona ʼofa ʼi tana fakaafe niʼihi ke natou gaue fakatahi mo ia moʼo fakahoko ia tana fakatuʼutuʼu.
2. Kotea te gaue maʼuhiga ʼae neʼe foaki e Sehova kia Sesu ke ina fakahoko?
2 Neʼe fakatupu e te ʼAtua ia tona ʼAlo ʼae ko Sesu ʼi muʼa ʼo tana fakatupu te tagata mo meʼa fuli. Pea neʼe ina fakagafua ki tona ʼAlo ke tokoni age kia te ia ke nā fakatupu ia meʼa fuli. (Soane 1:1-3, 18) Neʼe tohi fenei e te apositolo ko Paulo ʼo ʼuhiga mo Sesu: “ ʼAki ia ia neʼe fakatupu ia meʼa fuape ʼi te lagi pea mo te kele, te ’u meʼa ʼae ʼe ha pea mo te ’u meʼa ʼae ʼe fakapulipuli, te ’u hekaʼaga hau, te ’u tuʼulaga fakaʼaliki, te ’u puleʼaga, pea mo te ’u malohi. Ko meʼa fuape neʼe fakatupu ʼaki ia ia, pea neʼe fakatupu maʼana.” (Kolose 1:15-17, MN) Koia neʼe foaki e Sehova ki tona ʼAlo ia te gaue maʼuhiga, pea neʼe ina fakaha te aluʼaga ʼaia ki ʼihi. Ko he toe pilivilesio ia.
3. Kotea te gaue ʼae neʼe tuku e Sehova kia Atama, pea kotea tona tupuʼaga?
3 Neʼe toe fakaafe e Sehova te hahaʼi ke natou gaue fakatahi mo ia. Ohage la, neʼe ina fakagafua kia Atama ke ina fakahigoaʼi te ʼu manu. (Senesi 2:19, 20) Fakakaukauʼi age muʼa te fiafia ʼae neʼe logoʼi e Atama ʼi tana fai te gaue ʼaia. Neʼe ina ako fakalelei te agaaga ʼo te ʼu manu pea neʼe ina fakahigoaʼi takitahi. Neʼe feala pe kia Sehova ke ina fakahigoaʼi te ʼu manu koteʼuhi ko ia ʼae neʼe ina fakatupu te ʼu manu fuli. Kaʼe ʼi tona ʼofa mamahi ʼae kia Atama, neʼe ina tuku ai kia ia te gaue ʼaia. Neʼe toe tuku e te ʼAtua kia Atama te gaue ʼae ke ina fakaliliu te kele katoa ko he palatiso. (Senesi 1:27, 28) Kaʼe neʼe fakatotonu e Atama ke ina fakagata tana gaue fakatahi mo te ʼAtua. Pea neʼe maʼuli mamahi ai ia ia mo tona hologa katoa.—Senesi 3:17-19, 23.
4. Neʼe feafeaʼi te gaue fakatahi ʼa ʼihi mo te ʼAtua moʼo fakahoko tona finegalo?
4 Ki muli age, neʼe fakaafe e te ʼAtua te tahi hahaʼi ke natou gaue fakatahi mo ia. Ko Noe, neʼe ina faʼu te aleka ʼo hao ai ia ia mo tona famili ʼi te Tulivio. Ko Moisese, neʼe ina fakaʼateainaʼi te puleʼaga ʼo Iselaele mai Esipito. Ko Sosue, neʼe ina taki te kau Iselaele ki te Kele ʼo Te Fakapapau. Ko Salomone, neʼe ina laga te fale lotu ʼi Selusalemi. Ko Malia, neʼe ko te faʼe ʼa Sesu. Ko te kau agatonu fuli ʼaia pea mo ʼihi, neʼe natou gaue fakatahi mo Sehova ke natou fakahoko tona finegalo.
5. Kotea te gaue ʼae ʼe feala ke tou kau ai? Neʼe ʼaoga koa ke fakaafe tatou e Sehova ki te gaue ʼaia? (Vakaʼi te ʼuluaki pāki.)
5 Ia ʼaho nei, ʼe fakaafe tatou e Sehova ke tou fai ia meʼa fuli ʼe tou lavaʼi moʼo lagolago ki tona Puleʼaga. ʼE lahi te ʼu aluʼaga ʼe feala ai hatatou tauhi ki te ʼAtua. Pea ʼe feala ke tou fakamafola fuli te logo lelei ʼo te Puleʼaga, logo la te kehekehe ʼo ʼotatou fealagia. Neʼe feala pe ke fakahoko e Sehova totonu te gaue ʼaia, ʼaki tana palalau mai te lagi ki te hahaʼi. Neʼe toe ui pe la e Sesu, neʼe feala ke fakaʼaogaʼi e Sehova te ʼu maka ke palalau ki te hahaʼi ʼo ʼuhiga mo te Hau ʼo Tona Puleʼaga. (Luka 19:37-40) Kaʼe neʼe fakagafua mai e Sehova kia tatou ke tou liliu ko ʼona “kaugā gaue.” (1 Kolinito 3:9, MN) Neʼe tohi fenei e te apositolo ko Paulo: “ ʼI tamatou gaue fakatahi mo ia, ʼe matou toe kole mamahi atu kia koutou ke ʼaua naʼa kotou tali ia te ʼofa makehe ʼo te ʼAtua ʼo fakaalu noa.” (2 Kolinito 6:1, MN) ʼE mole ko he pilivilesio koa la ʼaia totatou fakaafe ʼae ke tou gaue fakatahi mo te ʼAtua. Koia tou vakaʼi pe ʼe kotea ʼae ʼe fakatupu fiafia ai tatatou gaue fakatahi mo ia.
ʼE FAKATUPU FIAFIA TATATOU GAUE FAKATAHI MO TE ʼATUA
6. Kotea ʼae neʼe logoʼi e te ʼAlo ʼuluaki tupu ʼo te ʼAtua ʼi tana gaue ia tafa ʼo tana Tamai?
6 Ko te gaue fakatahi mo te ʼAtua ʼe fakatupu fiafia tuʼumaʼu ki te ʼu kaugana ʼa Sehova. ʼI muʼa ʼo te hifo mai ʼo te ʼAlo ʼuluaki tupu ʼo te ʼAtua ki te kele, neʼe ina ui fenei: “Ko Sehova totonu neʼe ina faʼu au ko te kamataʼaga ʼo tona ala . . . neʼe au liliu ai ʼi Taaga Lea 8:22, 30, MN) Neʼe fiafia ia Sesu ʼi tana gaue fakatahi mo tana Tamai. Koteʼuhi neʼe lahi te ʼu gaue neʼe ina fakahoko pea neʼe ina iloʼi ʼe ʼofa ia Sehova ia te ia. Kaʼe ʼe feafeaʼi kia tatou?
ʼona tafa ko he tufuga faiva pea neʼe au liliu ko he tahi neʼe ʼofa tafitō ki ai ʼi te ʼaho mo te ʼaho, ʼo au fiafia ʼi ʼona muʼa ʼi te temi fuli pe.” (7. He koʼe ko te gaue faifakamafola ʼe ina fakafiafiaʼi tatou?
7 Neʼe ui e Sesu ʼe tou fiafia moka tou foaki pea moka tou maʼu. (Gaue 20:35) Neʼe tou fiafia ʼi te temi ʼae neʼe tou maʼu ai te moʼoni, kaʼe he koʼe ʼe toe fakatupu fiafia tatatou fakaha te moʼoni ki ʼihi? Koteʼuhi ʼi te temi ʼae ʼe natou mahino ai ki te ʼu pelesepeto Fakatohi-tapu pea natou maʼu ai he ʼu felogoʼi lelei mo te ʼAtua, ʼe tou sisio ki te lahi ʼo tonatou fiafia. ʼE tou toe fiafia ki te fetogi ʼo tanatou faʼahiga manatu mo tonatou faʼahiga maʼuli. Ko te gaue faifakamafola, ko te gaue maʼuhiga pe ʼaia ʼe tahi mo fakatupu fiafia ʼe feala ke tou fakahoko. ʼAki te gaue ʼaia, ʼe feala ai kia natou ʼae kua liliu ko he ʼu kaumeʼa ʼo te ʼAtua ke natou maʼu te maʼuli heʼe gata.—2 Kolinito 5:20.
8. Kotea te manatu ʼa ʼihi ʼo ʼuhiga mo tanatou gaue fakatahi mo Sehova?
8 Kapau ʼe tou tokoni ki ʼihi ke natou iloʼi ia te ʼAtua, ʼe tou iloʼi ʼe fiafia ai ia Sehova pea ʼe maʼuhiga kia te ia ʼatatou faiga ʼae ke tou tauhi age kia te ia. Pea ʼe tou toe fiafia ai. (Lau ia 1 Kolinito 15:58.) Ko Marco ʼe maʼuli ʼi Italia, ʼe ina ui fenei: “Ko he toe fiafia ʼe au maʼu ʼi taku iloʼi ʼae ʼe au foaki ia meʼa fuli ʼe au lavaʼi kia Sehova, kaʼe mole ki he tahi ʼe ina galoʼi fakavilivili pe anai ʼaku gaue.” ʼO toe feia pe, ko Franco ʼe toe maʼuli ʼi Italia ʼe ina ui fenei: “ ʼAki tana Folafola mo te ʼu meʼa kai fakalaumalie, ʼe fakamanatuʼi mai e Sehova ʼi te ʼaho fuli ʼe ʼofa ia tatou. Pea ʼe maʼuhiga kia te ia te ʼu gaue fuli ʼe tou fai maʼana, tatau aipe pe ʼe mole faʼa maʼuhiga ʼatatou faiga kia tatou. Ko te tupuʼaga la ʼaia ʼo taku fiafia ʼi te gaue fakatahi mo te ʼAtua pea kua ʼi ai te ʼuhiga ʼo toku maʼuli.”
KO TATATOU GAUE FAKATAHI MO TE ʼATUA ʼE TOU FAKAOVI AI KIA TE IA MO ʼIHI
9. Neʼe feafeaʼi te ʼu felogoʼi ʼa Sehova mo Sesu? Pea kotea tona tupuʼaga?
9 Ka tou gaue fakatahi mo natou ʼae ʼe tou ʼoʼofa ai, ʼe tou fakaovi ai kia natou. ʼE tou iloʼi lelei ai tonatou ʼuluagaaga mo ʼonatou kalitate. ʼE tou toe iloʼi ai mo ʼanatou faiga moʼo fakahoko ʼanatou fakatuʼutuʼu. Ko Sesu neʼe gaue mo Sehova lagi lolotoga taʼu ʼe lauʼi miliale. Neʼe liliu ai tanā feʼofaʼofani ʼo malohi ʼaupito pea ʼe mole feala ke veteki ʼanā felogoʼi ʼi he temi. Neʼe fakamahino e Sesu te malohi ʼo ʼanā felogoʼi ʼi tana ui fenei: “Ko au mo te Tamai e ma tahi.” (Soane 10:30) Neʼe nā logotahi moʼoni, pea ʼi tanā gaue fakatahi neʼe nā felagolagoʼaki.
Ko te faifakamafola ʼe ina fakamalohiʼi tatatou tui, koteʼuhi ʼe tou haga manatuʼi ai te ʼu fakapapau ʼa te ʼAtua mo ʼana lekula ʼofa
10. He koʼe ko te faifakamafola ʼe ina fakaovi tatou ki te ʼAtua pea mo ʼihi?
10 Neʼe kole e Sesu kia Sehova ke ina puipui ʼana tisipulo. Kotea tona tupuʼaga? Neʼe faikole fenei ia Sesu: “Ke natou tahi o hage ko taua.” (Soane 17:11) Kapau ʼe tou mulimuli ki te ʼu lekula ʼa te ʼAtua mo tou faifakamafola, ʼe tou mahino lelei age ai ki ʼona kalitate fakaofoofo. ʼE tou ako ai pe ʼe koʼe ko he agafakapotopoto hatatou falala kia te ia pea mo fakalogo ki tana takitaki. Pea ka tou fakaovi ki te ʼAtua, ʼe toe fakaovi mai kia tatou. (Lau ia Sakopo 4:8.) ʼE tou toe fakaovi ki ʼotatou tehina mo tuagaʼane, koteʼuhi ʼe tou tau fuli mo te ʼu faigataʼaia mo te ʼu aluʼaga fakafiafia, pea ʼe tou manatu tahi. ʼE tou gaue fakatahi, ʼe tou fakafiafia fakatahi pea ʼe tou katakiʼi fakatahi te ʼu ʼahiʼahi. Ko Octavia ʼe maʼuli ʼi Pilitania, ʼe ina ui fenei: “ ʼAki taku gaue fakatahi mo Sehova, ʼe au fakaovi ai ki ʼihi.” ʼE ina fakamahino ko ʼana felogoʼi mo ʼona kaumeʼa kua fakatafito ki te “fakatuʼutuʼu ʼe tahi pea mo te manatu ʼe tahi.” Pea ʼe tou toe manatu feia. Ka tou sisio ki te ʼu faiga ʼo ʼotatou tehina ke leleiʼia natou e Sehova, ʼe tou fakaovi lahi age ai kia natou.
11. He koʼe ʼe tou fakaovi anai kia Sehova pea mo ʼotatou tehina ʼi te malama foʼou?
11 ʼE moʼoni, ʼe lahi totatou ʼofa ʼae ki te ʼAtua mo ʼotatou tehina, kaʼe ʼe toe lahi age anai ʼi te malama foʼou. Fakakaukauʼi age muʼa te ʼu gaue fakafiafia ʼae ka tou fai anai ʼi te ka haʼu. ʼE tou fakatalitali anai te kau fakatuʼuake pea ʼe tou akoʼi anai kia natou pe ko ai ia Sehova. ʼE tou kau anai ki te fakaliliu ʼo te kele ko he palatiso. ʼI meʼa fakafiafia anai hatatou gaue fakatahi pea mo tou liliu mamalie anai ʼo haohaoa lolotoga te ʼafio ʼa Kilisito. Ko te hahaʼi fuli ʼe natou fefakaoviʼaki anai pea ʼe natou toe fakaovi anai kia Sehova, ʼae ka ina “fafaga o makokona te u mea fuli ae e natou mau te mauli.”—Pesalemo 145:16.
KO TATATOU GAUE FAKATAHI MO TE ʼATUA KO HOTATOU PUIPUI
12. ʼE liliu feafeaʼi te faifakamafola ko hotatou puipui?
12 ʼE tonu ke puipui ʼatatou felogoʼi mo Filipe 4:8) Ko te faifakamafola ʼe ina fakamalohiʼi tatatou tui, koteʼuhi ʼe tou haga manatuʼi ai te ʼu fakapapau ʼa te ʼAtua mo ʼana lekula ʼofa. ʼE tokoni mai foki ke tou maʼu te ʼu kalitate ʼae ʼe ʼaoga ki totatou puipui mai ia Satana mo tona malama.—Lau ia Efeso 6:14-17.
Sehova. ʼE tou maʼuʼuli ʼi te malama ʼa Satana pea ʼe tou heʼe haohaoa, koia ʼe faigafua ai hatatou maʼu te faʼahiga fakakaukau mo te faʼahiga aga ʼa te malama. ʼE hage pe ʼe tou faiga ke tou kaugā ʼo fakatau ki te tatafe mai ʼo te vai tafe. Koia ʼe tonu ai ke tou faiga malohi ʼo tou kaugā ki he tahi kauvai. ʼO toe feia pe ʼe tonu ke tou tekeʼi malohi te ʼu fakahala ʼo te malama ʼa Satana. Kaʼe ʼe liliu feafeaʼi te faifakamafola ko hotatou puipui? Ka tou palalau ʼo ʼuhiga mo Sehova pea mo te Tohi-Tapu, ʼe tou tokakaga tafitō ki te ʼu ako maʼuhiga mo lelei kaʼe mole ki te ʼu manatu ʼae ʼe vaivai ai tatatou tui. (Kapau ʼe tou maʼumaʼua ʼi te faifakamafola, ʼe mole tou tuʼaniaʼi fau ʼotatou faigataʼaia
13. Kotea te manatu ʼa te Fakamoʼoni ʼi ʼOsitalalia ʼo ʼuhiga mo te faifakamafola?
13 Kapau ʼe tou maʼumaʼua ʼi te faifakamafola, ʼi te ako ʼo te Tohi-Tapu, mo te ʼu gaue ʼo te kokelekasio, ʼe puipui ai tatou ke mole tou tuʼaniaʼi fau ʼotatou faigataʼaia. Ko Joel, ʼe maʼuli ʼi ʼOsitalalia ʼe ina ui fenei: “ ʼE tokoni mai te gaue faifakamafola ke mole galo kia au te ʼu aluʼaga moʼoni ʼo te maʼuli. ʼE au manatuʼi ai te ʼu fihifihia ʼae ʼe tau mo te hahaʼi mo te ʼu fua lelei ʼae ʼe au maʼu ʼi taku maʼuliʼi te ʼu pelesepeto Fakatohi-tapu. ʼE tokoni mai ke au agavaivai pea ko he faigamalie ʼaia ke au falala ai kia Sehova mo ʼoku tehina mo tuagaʼane.”
14. ʼE ha feafeaʼi ʼi tatatou faʼa kataki ʼi te faifakamafola ʼe tokoni mai te laumalie ʼa te ʼAtua?
14 ʼI te faifakamafola, ʼe tou sisio ai ki te tokoni mai ʼa te laumalie ʼo te ʼAtua. Tou vakaʼi te faʼifaʼitaki ʼaeni: Ko tau gaue, ko te foaki ʼo te pane ki te hahaʼi ʼo tou kolo. ʼE mole totogi koe ki te gaue ʼaia, kaʼe ʼe ʼaoga foki hau foʼi falā ki tau feʼaluʼaki. Pea tahi, tokolahi ʼe mole natou fia fai ki te ʼu foʼi pane ʼaia, pea ko ʼihi ʼe natou fehihiʼa ki tau haʼu ʼo foaki age te ʼu foʼi pane. Koia ʼe ke hoko atu anai koa tau gaue ʼaia? ʼE mahino ia, ʼe mole tuai pea ke tuku anai tau gaue koteʼuhi kua ke lotovaivai. Kaʼe tokolahi ia tatou ʼe kei tou hoko atu pe tatatou faifakamafola ʼi te taʼu fuli, logo la ʼe tou fakaʼaoga ki ai totatou temi mo tatatou foʼi falā. Pea tatau aipe pe ʼe fakaagaʼi ai tatou peʼe iita mai te hahaʼi kia tatou, kaʼe ʼe tou hoko atu pe tatatou faifakamafola. ʼE mole ko he fakamoʼoni koa la ʼaia, ʼe tokoni mai te laumalie ʼo te ʼAtua kia tatou.
ʼI TATATOU GAUE FAKATAHI MO TE ʼATUA, ʼE TOU FAKAHA AI TOTATOU ʼOFA KIA TE IA PEA MO ʼIHI
15. Kotea te pikipikiga ʼo te fakamafola ʼo te logo lelei mo te fakatuʼutuʼu ʼa Sehova ki te tagata?
15 Kotea te pikipikiga ʼo te gaue faifakamafola mo te fakatuʼutuʼu ʼa Sehova ki te tagata? Neʼe fakatuʼutuʼu e te ʼAtua ke maʼuli te tagata ʼo heʼe gata, kaʼe neʼe mole fetogi tana fakatuʼutuʼu ʼi te temi ʼae neʼe agahala ai ia Atama. (Esaia 55:11) Koia neʼe fakatuʼutuʼu ai e te ʼAtua ke tou ʼateaina mai te agahala mo te mate. ʼO feafeaʼi? Neʼe hifo mai ia Sesu ki te kele ke ina sakilifisioʼi tona maʼuli. Kaʼe neʼe tonu ke fakalogo te tagata ki te ʼAtua ke feala ai hanatou maʼu te ʼu fua lelei ʼo tona sakilifisio. Koia neʼe akoʼi ai e Sesu ki te hahaʼi pe kotea ʼae ʼe fakamaʼua e te ʼAtua kia natou, pea neʼe ina fakatotonu ki ʼana tisipulo ke natou toe fai feia. Ka tou faifakamafola mo tou tokoni ki ʼihi ke natou kaumeʼa mo te ʼAtua, ʼe tou gaue fakatahi mo te ʼAtua. ʼE tou fakahoko ai ia tana fakatuʼutuʼu ʼofa ʼae ke haofaki te hahaʼi mai te agahala mo te mate.
16. Kotea te pikipikiga ʼo tatatou faifakamafola mo te ʼu folafola ʼe lua ʼa te ʼAtua ʼae ʼe lahi tokotahi?
16 Ka tou tokoni ki ʼihi ke natou maʼu te maʼuli heʼe gata, ʼe tou fakaha ai totatou ʼofa kia natou pea mo Sehova. ʼE ina “loto ke fakamauli te tagata fuli, pea ke natou kaku ki te iloi katoa o te mooni.” (1 Timoteo 2:4) ʼI te tahi ʼaho, neʼe fehuʼi e te Faliseo kia Sesu pe ko te folafola fea ʼae ʼe lahi tokotahi. Neʼe tali fenei ia Sesu: “E ke ofa anai [kia Sehova], tou Atua, i tou loto katoa, mo tou laumalie katoa, pea mo tau manatu katoa. Ko te uluaki aia pea mo te fakatotonu lahi osi. Pea koeni te lua, ae e tatau mo ia: E ke ofa anai ki tou oloi o hage ko tou ofa kia koe totonu.” (Mateo 22:37-39) ʼI tatatou fakamafola te logo lelei, ʼe tou fakalogo ki te ʼu fakatotonu ʼaia.—Lau ia Gaue 10:42.
17. Kotea tau manatu ki te pilivilesio ʼae ke tou fakamafola te logo lelei?
17 Ko he tapuakina lahi ʼe tou maʼu. Koteʼuhi neʼe foaki mai e Sehova te gaue ʼe fakatupu fiafia, ʼe tou fakaovi ai kia te ia mo ʼotatou tehina, mo puipui ai ʼatatou felogoʼi pea mo ia. Ko he faigamalie ʼaia ke tou fakaha ai totatou ʼofa ki te ʼAtua pea mo ʼihi. Ko te toko lauʼi miliona kaugana ʼa Sehova ʼe maʼuʼuli ʼi te malamanei katoa, pea ʼe kehekehe ʼonatou aluʼaga. Kaʼe tatau aipe pe ʼe tou tupulaga, matutuʼa, maʼu koloa, masisiva, malolohi, peʼe vaivavai, tou faiga malohi ʼo tou fakamafola tatatou tui ki te hahaʼi. ʼE tou maʼu te manatu ʼa Chantel ʼae ʼe maʼuli ʼi Falani, ʼe ina ui fenei: “Ko te Tupuʼaga ʼo meʼa fuli, ia ia ʼae ʼe malohi tokotahi ʼi te ʼatulaulau, te ʼAtua fiafia, ʼe ina ui fenei mai kia au: ‘Alu ʼo palalau, alu ʼo palalau maʼa ʼaku, mo ke palalau ʼaki tou loto. ʼE au foaki atu toku malohi, taku Folafola ia te Tohi-Tapu, he lagolago mai te lagi, he ʼu tehina mo tuagaʼane, te ʼu ako, mo he ʼu fakatotonu ʼi tona temi totonu.’ Ko he toe pilivilesio tatatou fakahoko te ʼu meʼa ʼae ʼe loto ki ai ia Sehova mo tatatou gaue fakatahi mo siʼotatou ʼAtua.”