1. Pif­fis­sap akor­natsin­nilu pisut eq­qumaf­figinis­saata pingaaruteqas­susianik as­sersuuteqarit. (Al­laaserisap aal­laq­qaataani as­seq takuuk).

ATAATSIMEERSUAR­NIS­SAQ aal­lar­tiler­poq. Saq­qum­mius­sas­sanik aqutsisoq tikil­luaq­qusivoq. Nipilersuut tusar­naar­neqarsin­naaler­poq. Najuut­tut nalun­ngilaat ingik­kiar­tor­nis­samut pif­fis­san­ngor­toq. Nipilersuutinut tusar­nersunut tusar­naarusup­put oqalugiaatis­sal­lu qilanaaralugit. Ilaasali im­maqa saq­qum­mius­sas­sanik aqutsisoq oqalut­toq nipilersuul­lu aal­lar­tit­toq tusaan­ngitsoor­paat. Maluginian­ngitsoor­paat ataatsimeersuar­neq aal­lar­tereersoq, sulilu pisut­tuarusaarlutil­luun­niit ikin­ngutitik oqaloqatigaat. Tamatuman­nga erser­poq pif­fis­saq imaluun­niit akor­natsin­ni pisut eq­qumaf­figin­ngik­kutsigit qanoq pisoqarsin­naasoq. Taman­na uagutsin­nut ilin­niutaavoq pingaar­toq, sulimi pingaaruteqar­nerungaar­tumik ungasin­ngitsuk­kut pisus­saqarmat, taman­nalu piareersimaf­figisariaqar­par­put. Qanoq pisoqas­sagami?

2. Sooq Jiisusip ajoqersuk­kani ‘eq­qumaq­qul­lugit’ kajumis­saar­pai?

² Jiisusip Kristusip ajoqersuk­kani eq­qumasariaqar­neran­nik ‘silarsuul­lu naggatis­saanut’ piareersimasariaqar­neran­nik oqaluuk­kamigit ima kajumis­saar­pai: “Mianersoritsi! Eq­qumagitsi!  Naluarsimi taamaalif­fis­saa qaqugu nal­liuk­kumaar­toq.” Taava arlaleriarluni oqarfigisar­pai: “Eq­qumagitsi!” (Mat­t 24:3; Markusi 13:32-37 atuak­kit). Aam­ma Mat­thæusip iivangkiiliua naaper­torlugu Jiisusip ajoqersuk­kani taamatut kajumis­saar­tar­pai. Ima oqarfigai: “Eq­qumagitsi, naluarsimi ul­loq Naalak­kas­si tikiuf­fis­saa.” Oqarfigeq­qip­pai: “Piareersimas­saasi Inuup Er­nera tikiutis­sam­mat nalunaaqut­tap-akun­nerani ilimasuf­figin­ngisas­sin­ni.” Taavalu oqaq­qip­poq: “Eq­qumagitsi, ul­loq nalunaaqut­tap-akun­neraluun­niit nalugas­siuk.” – Mat­t 24:42-44; 25:13.

3. Sooq Jiisusip kajumis­saarutaa pimoorup­par­put?

³ Jehovap Nalunaajaasuisa Jiisusip kajumis­saarutaa pimoorup­paat. Nalun­ngilar­put “naggatis­sap” nal­liutingajaler­nerani inuul­luta er­niin­narlu ‘naal­liun­nar­toqangaalerumaar­toq’! (Dan 12:4; Mat­t 24:21) Jiisusip siulit­tuutigisaatut Jehovap in­nut­taasa naalagaaf­fim­mik nutaarsias­saq nuan­nersoq nunarsuarmi tamarmi oqaluus­sis­sutigaat. Aam­ma sorsun­nerit, nap­paatit, nunap sajut­tar­nerisa kaan­nersuil­lu nunar­pas­suar­ni atuun­nerat nalun­ngilar­put. Up­perisarsior­ner­ni paatsiveerusimaar­nersuaqar­poq, aam­ma aatsaat taama pinerlut­toqar­tigalunilu nakuuser­toqar­tigaaq. (Mat­t 24:7, 11, 12, 14; Luk 21:11) Jiisusip tikiun­nis­saa Ataatamilu siuner­taanik naam­mas­sin­nin­nis­saa qilanaarutigingaar­par­put. – Mark 13:26, 27.

4. (a) Sooq oqarsin­naavugut Jiisusip Harmagedonip qaqugu nal­liun­nis­saa ilisimagaa? (b) An­nikil­lior­nar­tus­sarsuup qaqugu aal­lar­tin­nis­saa nalugaluarlugu suna qularutigin­ngilar­put?

⁴ Ataatsimeersuaraangat­ta qas­sinut aal­lar­tin­nis­saa naluneq ajor­par­put. An­nikil­lior­nar­tus­sarsuul­li qaqugor­piaq aal­lar­tin­nis­saa ilisiman­ngilar­put. Jiisusi nunarsuarmiik­kal­larami ima oqar­poq: “[Ul­loq] taan­na nalunaaqut­tap-akun­neraluun­niit kimil­luun­niit ilisimaneqan­ngil­lat, in­ngilil­luun­niit qilan­niit­tut Er­nerul­luun­niit ilisiman­ngilaat, Ataatal­li kisimi.” (Mat­t 24:36) Jiisusip sorsun­neq Harmagedoni siulersor­tus­saagamiuk ul­lumik­kut ilisimagunar­paa qaqugu nal­liutis­sasoq. (Saq­q 19:11-16) Uagul­li ul­lus­sap qaqugu nal­liun­nis­saa suli naluar­put. Taamaat­tuminguna eq­qumajuar­nis­sar­put taama pingaaruteqar­tigisoq. An­nikil­lior­nar­tus­sarsuup qaqugor­piaq aal­lar­tin­nis­saa Jehovap aalajangersimavaa, ul­lorlu taan­na ul­lut tamaasa qanil­liar­tor­tuar­poq. “Kingusinaar­navian­ngilaq.” (NW) (Habak­kuki 2:1-3 atuak­kit). Sooq ul­lus­saq taan­na kingusinaar­navian­ngitsoq up­peril­luin­narsin­naavar­put?

5. Jehovap pif­fis­saq eq­qorlugu siulit­tuutiminik piviusun­ngor­titsiuar­tar­neranik ersersitsisumik as­sersuuteqarit.

⁵ Jehovap siulit­tuutai pif­fis­saq eq­qorlugu eq­quut­tuaan­nar­put! In­nut­taminik Egyptenimit aniguisitsinera as­sersuutigeriar­tigu. Nisanip 14-ian­ni 1513-imi Kr.in.si. taman­na pivoq. Ul­loq taan­na Mosesip kingusin­nerusuk­kut ima al­laatigaa:   “Ul­lormi tas­saner­piaq Egyptenimut pinermik kingor­nagut ukiut 430-t qaangiuf­fian­ni Naalak­kap katersaarsui tamak­kerlutik Egyptenimit anip­put.” (2 Mos 12:40-42) “Ukiut 430-t” taak­ku aal­lar­tip­put Jehovap Aaperaamik angerusia 1943-mi Kr.in.si. atuutilersin­neqarmat. (Gal 3:17, 18) Kingusin­nerusuk­kut Jehova Aaperaamut ima oqar­poq: “Ilisimas­savat kinguaas­satit nunagin­ngisamin­ni takor­nar­tatut najugaqas­sasut. Tas­sani inus­siaataal­lutil­lu naal­liutsitaajumaar­put ukiuni 400-ni.” (1 Mos 15:13; ApS 7:6) 1913-imi Kr.in.si. Ismaelip Iisaaq qin­ngasaar­talermagu ukiut 400-t taak­ku aal­lar­tip­put. Ukiut taak­ku naap­put Jehovap Israelik­kut Egyptenimit aniguisim­magit. (1 Mos 21:8-10; Gal 4:22-29) Aap, taman­na ukiunik hundredilin­nik sioq­qul­lugu Jehovap ul­loq in­nut­taminik aniguisitsif­fis­sani aalajangereersimavaa!

6. Sooq qularutigin­ngilar­put Jehovap in­nut­tani an­naak­kumaarai?

⁶ Israelik­kut Egyptenimit aniguisitaam­mata Josva ilaavoq. Ukior­pas­suit qaangiut­tut inuit ima eq­qaasip­pai: “[Tamas­si] uum­matis­sigut tar­nis­sigul­lu ilisimas­savarsi ajun­ngitsut Naalak­kap Guutis­si ilis­sin­nut oqaatigisaasa ilaat ataasin­nguarluun­niit qam­muin­narsiman­ngitsoq. Tamarmik piviusun­ngorsimap­put, oqaaseq ataasiin­narluun­niit maangaan­narsiman­ngilaq.” (Jos 23:2, 14) Jehovap in­nut­tani an­nikil­lior­nar­tus­sarsuarmit aniguisin­niarlugit silarsuas­samilu nutaami naas­saan­ngitsumik inuuneqalersin­niarlugit neriorsor­pai. Qularutigin­ngilar­pul­lu neriorsuutaa eq­quuk­kumaar­toq. Taamaat­tumik silarsuas­sami nutaami inooqataarusuk­kut­ta eq­qumasariaqar­pugut.

7, 8. (a) Itsaq pigaar­tup suna sulias­saraa, taman­nalu uagut qanoq ilin­niutigisin­naavar­put? (b) Pigaar­tut pigaar­tuuf­fim­min­ni siniler­pata qanoq pisoqaratarsin­naaneranik as­sersuuteqarit.

⁷ Itsaq il­loqarfin­ni pigaar­tut ilin­niutigisin­naavavut. Il­loqarfip­pas­suit, as­sersuutigalugu Jerusalemi, akeq­qanit iserfigineqarsin­naajun­naarlugit kaajal­lal­lugit qarmarsuaqar­put. Nuna il­loqarfiup avataaniit­toq tamarmi alaper­naarsor­neqarsin­naanias­sam­mat qarmarsuar­ni pigaar­toqar­tar­poq. Al­lat il­loqarfiup isaariaani pigaar­tuusar­put. Angutit taak­ku ul­loq un­nuarlu eq­qumasariaqar­tar­put akeq­qanik agger­toqar­pat il­loqarfiup in­nut­tai kalerris­sin­naanias­sagamik­kit. (Es 62:6) Nalun­ngilaat eq­qumajuar­nis­sar­tik alaper­naarsuiuar­nis­sar­til­lu qanoq pingaaruteqar­tigisoq, taamaaliun­ngik­kunim­mi inup­pas­suit toqutaas­sam­mata. – Ez 33:6.

⁸ Josefus, juutit oqalut­tuarisaaneran­nik al­laatigin­nit­toq, nas­suiaavoq Romamiut qanoq ilil­lutik ukiumi 70-imi Kr.in.king. Jerusalemimut isaasin­naasimasut. Pigaar­tut ilaat sinilersimap­put. Tamatuma kingunerisaanik Romamiut sak­kutuui il­loqarfim­mut isersin­naaler­put. Naalaf­fim­mut isaap­put ikual­lal­lugulu Jerusalemilu piuneerul­lugu. Taan­naavoq an­nikil­lior­nar­torsuup juutit misigisimasaan­nit sak­kor­tuner­paap naggataa.

9. Ul­lumik­kut inuit amerlanerit suna eq­qumaf­figin­ngilaat?

⁹ Ul­lumik­kut nunar­pas­suit kil­leqarfim­min­ni nak­kutil­liisunik sak­kutooqar­titsisar­put teknologiimil­lu ator­tut kingul­liit atorlugit nak­kutil­liisarlutik. Nak­kutil­liisut  taak­ku nunar­tik il­lersorlugu ajoqusiisoqar­nis­saa pin­ngitsoor­tin­niar­tar­paat. Paasisiman­ngilaal­li qilam­mi naalagaaf­fik Kristusimit Jiisusimit aqun­neqar­toq qanit­tuk­kul­lu naalagaaf­fin­nut nunarsuarmiit­tunut tamanut sorsut­tus­saq piviusuusoq. (Es 9:5, 6; 56:10; Dan 2:44) Ul­lup tamatuma nal­liun­nis­saa qilanaarluta utaq­qivar­put piareersimaf­figerusul­lugulu. Taamaat­tumik Biibilimi siulit­tuutit eq­qumaf­figaavut aalajaal­lutalu Jehova kif­far­torfigalutigu. – Tus­s 130:6.

10, 11. (a) Suna mianersuutigisariaqar­par­put, aam­ma sooq? (b) Sooq up­peraajuk inuit Biibilimi siulit­tuutinik up­perin­nik­kuman­ngin­neran­nut Diaavulu sun­niisuusoq?

¹⁰ Takorlooruk pigaar­toq un­nuaq naal­lugu eq­qumasimasoq. Ul­laas­sak­kut pigaar­tup qasuleriar­tor­nermini eq­qumaan­nar­niar­nera unam­miniar­nar­tupilus­suan­ngor­tar­poq. Uagut silarsuarmi matumani ul­luni kingul­ler­ni inuuvugut. Naggatis­sarlu qanil­liar­tor­til­lugu eq­qumaniar­nis­sar­put ajor­nakusoor­nerulis­saaq. Qanorli ajor­tigis­sava anersaak­kut sinilis­sagaluarut­ta! Eq­qumajun­naarutigisin­naasavut pingasut sam­meriar­tigit.

¹¹ Diaavulup inuit tam­mar­tin­niar­pai. Jiisusip toqun­ngitsiar­nermini ajoqersuk­kani pingasoriarluni eq­qaasip­pai Diaavulu ‘silarsuup matuma naalagarigaa’. (Joh 12:31; 14:30; 16:11) Diaavulup up­perisarsior­neq eq­qun­ngitsoq atorlugu inuit tam­marsaar­niar­tar­pai. Taamaat­tuminguna Biibilimi siulit­tuutit silarsuup naggatis­saata qanit­tuararsuuneranik ersersitsisut inuit up­periumaneq ajoraat. (Sef 1:14) Erseq­qip­poq Saatanip up­pin­ngitsut ‘eq­qarsaataat tap­piil­lisis­simagai’. (2 Kor 4:3-6) Tamatuma kinguneranik inuit silarsuup naggatis­saata qanil­lineranik Jiisusil­lu maan­na aqutsineranik oqalut­tuun­niaraangatsigit amerlasuut tusar­naarumasan­ngil­lat. Ima oqar­tar­put: “Soqutigin­nin­ngilanga.”

12. Sooq Diaavulumit tam­mar­tin­neqar­naveersaas­saagut?

¹² Amerlasuut Biibilimi siulit­tuutinik up­perin­nin­ngik­kaluar­tut uagut taak­kua  isigin­nit­taasiat nikal­luutigis­san­ngilar­put. Eq­qumanis­saq sooq taama pingaaruteqar­tigisoq nalun­ngilar­put. Paulusip up­peqatini ima al­laf­figai: “Ilisimal­luar­parsi Naalak­kap ul­lus­saa nal­liuk­kumaar­toq un­nuami til­lin­niatut.” (1 Thes­salonikamiut 5:1-6 atuak­kit). Jiisusip ima mianersoq­quaatigut: “Piareersimas­saasi, Inuup Er­nera pif­fis­sak­kut ilimagin­ngisas­sigut tikiutis­sam­mat.” (Luk 12:39, 40) Qanit­tuk­kut Saatanip inuit silarsuup ‘sumil­luun­niit aarlerinar­toqan­ngin­neranik’ isumaqalersis­savai. Taava Jehovap ul­lus­saa tas­sangaan­naq nal­liutis­saaq, taak­kulu tuparujus­suas­sap­put. Uagum­mi? Ul­loq taan­na piareersimaf­figerusuk­kutsigu tam­mar­titaarusun­ngik­kut­talu ‘eq­qumaniar­tariaqar­pugut’. Taamaat­tuminguna ul­lut tamaasa Guutip oqaasia atuar­tariaqarip­put eq­qarsaatigeq­qis­saarlugulu.

13. Silarsuup anersaava inuian­nut qanoq sun­niisar­pa, sun­niinerlu ulorianar­toq taman­na uagut qanoq ingalas­simasin­naavar­put?

¹³ Silarsuup anersaava inuit eq­qarsar­taasian­nut sun­niisar­poq. Inup­pas­suit ul­lumik­kut isumaqar­put Guuti ilisarisimasariaqar­nagu. (Mat­t 5:6) Pif­fis­sar­tik nukitil­lu tamaasa atorlugit silarsuup neqeroorutaanik pigisar­pas­suaqaler­niarsarip­put. (1 Joh 2:16) Inuit nuan­nareqisaan­nik ‘inuul­luar­niutinik’ nuan­narin­nin­nerulersitsisunik aatsaat taama aliik­kutas­siaqar­tigaaq. (2 Tim 3:4) Aliik­kutas­siat tamak­ku pingaaruteqan­ngitsunut saasaatigaat Guutimul­lu at­taveqar­nis­sar­tik eq­qarsaatiginagu. Taamaat­tuminguna Paulusip kristumiut inuunermin­ni kis­saatigisatik piniaan­nar­nagit ‘sinin­nermit iter­nis­saan­nik’ eq­qaasik­kai. – Rom 13:11-14.

14. Lukasip iivangkiiliuani 21:34, 35-milu qanoq mianersoq­qus­suteqar­pa?

¹⁴ Silarsuup anersaava pin­nagu Guutip anersaava eq­qarsar­taatsitsin­nut sun­niuteqar­tik­kusup­par­put. Qanoq pisoqarumaar­nis­saanik paasin­nin­nis­satsin­nut Jehovap anersaamigut ikiorsimavaatigut. (1 Kor 2:12) ^[1] Mianersor­tariaqar­pugul­li. Al­laat ul­luin­nar­ni nalingin­naasut Jehovamut kif­far­tor­nitsin­nut akor­nutaasin­naap­put. (Lukasi 21:34, 35 atuak­kit). Im­maqa al­lat il­laruaatigaluta oqas­sap­put ul­luni kingul­ler­ni inuunitsin­nik up­perin­nin­ner­put sianiitsor­pal­lan­nerusoq. (2 Petr 3:3-7) Uagul­li naggatis­sap nal­liutingajaler­neranut ersaris­sunik up­per­narsaatis­saqarat­ta nikal­lor­titaas­san­ngilagut. Guutip anersaavanit sun­ner­neqarumal­luta up­peqativut ilagalugit ataatsimiit­tar­nerit najuuf­figiuar­tariaqar­pavut.

15. Petrusip, Jaakup Johan­nesil­lu suna paasin­ngilaat, uagul­lu taman­na qanoq ilin­niutigisin­naavar­put?

¹⁵ San­ngiis­sutivut eq­qumanis­satsin­nut akor­nutaasin­naap­put. Jiisusip nalun­ngilaa inuit naam­mal­luin­nan­ngitsuul­lutil­lu san­ngiis­suteqar­tut. Toqunis­saa aqagut­toq qanoq pisoqar­toq eq­qarsaatigiuk. Jiisusip nalun­ngilaa naam­mal­luin­nar­tuugaluarluni aalajaat­tuar­niaruni  Ataataminut ikioq­qul­luni qinusariaqarluni. Jiisusip qinunermi nalaani apustilit Petrusi, Jaaku Johan­nesilu eq­qumaq­quai. Apustilil­li paasil­luan­ngilaat eq­qumanis­sar­tik sooq taama pingaaruteqar­tigisoq. Qasup­put sinilerlutil­lu. Jiisusi aam­ma qasugaluarluni eq­qumavoq Ataataminul­lu qinul­luni. Apustilit pif­fis­sami tamatumani aam­ma qinusus­saagaluar­put. – Mark 14:32-41.

16. Jiisusip ilitsersuutaa Lukasip iivangkiiliuani 21:36-miit­toq naaper­torlugu ‘eq­qumajuarumal­luta’ susariaqar­pugut?

¹⁶ ‘Eq­qumajuar­nis­satsin­nut’ Jehoval­lu ul­lus­saanut piareersimanis­satsin­nut suut iluaqutigisin­naavavut? Eq­qor­tumik ilior­tuar­nis­satsin­nut piumas­suseqangaar­tariaqar­pugut. Taman­naan­naan­ngilarli. Jiisusip toqunis­si ul­lualun­nik sioq­qul­lugu ajoqersuk­kani oqalut­tuup­pai Jehovamut ikioq­qul­lutik qinujuar­tariaqar­tut. (Lukasi 21:36 atuaruk). Uagut­taaq naggatis­sap nalaani eq­qumajuarumal­luta Jehovamut qinujuar­tariaqar­pugut. – 1 Petr 4:7.

17. Siunis­sami qanoq pisoqarumaar­neranut piareersimanis­sar­put qanoq qulak­keersin­naavar­put?

¹⁷ Jiisusip oqaatigaa naggatis­saq ‘nalunaaqut­tap-akun­nerani ilimasuf­figin­ngisatsin­ni’ tikiutis­sasoq. (Mat­t 24:44) Tas­sa piareersimajuar­tariaqar­pugut. Maan­nak­kut Saatanip silarsuaata pil­luar­narsorisaatut inooriaaseqas­sal­luni pif­fis­saan­ngilaq. Pil­luar­nan­ngivip­pormi. Jehoval­li Jiisusil­lu qanoq eq­qumajuar­nis­satsin­nik Biibilimi paasitip­paatigut. Taamaat­tumik Biibilimi siulit­tuutit taak­kualu eq­quun­nis­saat eq­qumaf­figisigit. Aam­ma Jehovamut qanil­liar­tor­tuarlutalu Guutip naalagaaf­fia inuunitsin­ni sal­liutit­tuar­tigu. Taamaaliorut­ta naggatis­sap nal­liun­nis­saanut piareersimas­saagut. (Saq­q 22:20) Qanor­toq an­nak­kumal­luta eq­qumajuarisa!