1, 2. (a) Guutip peqatigiis­sor­taqar­nera pil­lugu inuit ilaat qanoq oqar­tar­pat? (b) Al­laaserisami matumani suut eq­qar­tus­savavut?

INUIT ilaat oqar­tar­put: “Peqatigiif­fim­mit siulersor­neqar­nis­sarsi pisariaqan­ngilaq. Guutimut at­taveqar­neq naam­map­poq.” Taman­na ilumoor­pa? Pis­sutsit sunik ersersitsip­pat?

² Al­laaserisami matumani Jehovap aaq­qis­suus­saasumik iliuuseqar­tar­nera in­nut­taminil­lu aaq­qis­suus­saatitsinera sam­mis­savar­put. Aam­ma Jehovap peqatigiis­sor­taanit ilitsersuutinik tunineqaraangat­ta qanoq ilior­tariaqar­tugut eq­qar­tus­savar­put. (1 Kor 14:33, 40) Kristumiut siul­liit Al­lak­kani Il­ler­nar­tuni ilitsersuutit maleruaramik­kit nunani amerlasuuni nutaarsias­samik nuan­nersumik oqaluus­sisin­naaler­put. Taak­kunatut ilitsersuutit Biibilimeersut Guutil­lu peqatigiis­sor­taaneersut maleruar­niar­tar­pavut. Taman­nalu pis­sutigalugu nutaarsias­saq nuan­nersoq nunarsuaq tamak­kerlugu oqaluus­sis­sutigisin­naavar­put. Aam­ma ilagiit­tut minguitsuul­lutalu eq­qis­seqatigiil­lutalu ataasioqatigiis­sin­naavugut.

3. Sooq qularin­ngiliuk Jehova aaq­qis­suus­saanermut Guutiusoq?

³ Jehovap aaq­qis­suus­saanermut Guutiunera pin­ngor­titaanit erser­poq. “Nuna tun­ngaviler­paa ilisimas­sutsimigut, qilak siaar­paa paasisimasaqas­sutsimigut.” (Us­s 3:19) Jehovap pin­ngor­titai amerlasuut ilisimasaqarfigin­ngilavut. Tas­sa Guutip “suliaasa ilaminiin­naat, isus­sun­ner­tut nipeqarlutik tusarsaasut” ilisimavavut. (Job 26:14) Avataarsuali pil­lugu ilisimasavut an­nikik­kaluar­tut suut tamarmik aaq­qis­suus­saal­luar­nerat nalun­ngilar­put. (Tus­s 8:4, 5) Avataarsuani ul­loris­sat mil­lionil­lit aaq­qis­suus­saasumik ingerlaar­put. Aam­ma planetit seqinermik kaaviinerat eq­qarsaatigiuk. Planetit ul­loris­sal­lu taamatut kaaviisin­naap­put Jehovap aaq­qis­suus­saasumik ingerlaar­tus­san­ngor­tim­magit. Qilak nunalu ‘silatus­sutsimigut pin­ngor­titai’ eq­qarsaatigeq­qis­saaraangatsigit un­nersiutigerusuler­tarlugulu pal­lorfigerusuler­tarlugulu ilumoorfigerusuler­tar­par­put. – Tus­s 136:1, 5-9.

4. Sooq ilisimatuut apeq­qutit pingaarutil­lit amerlasuut akisin­naan­ngilaat?

⁴ Ilisimatuut avataarsua nunarsuarlu pil­lugit ilisimasaat inuunitsin­nik pitsan­nguinis­samut iluaqutigaavut. Apeq­quter­pas­suil­li pingaarutil­lit akisin­naan­ngilaat. As­sersuutigalugu ul­loris­sanik ilisimatuut avataarsua qanor­piaq pin­ngor­toq imaluun­niit sooq nunarsuarmi inoqarlunilu uumasoqarlunilu naasoqar­toq nas­suiarsin­naan­ngilaat. Inup­pas­suil­lu sooq naas­saan­ngitsumik inoorusus­suseqar­tugut nas­suiarsin­naan­ngilaat. (Oqal 3:11, qup­per­nerup ataani ilan­ngus­saq) Ilaatigut ilisimatuut al­lal­lu oqar­tarmata Guuteqan­ngitsoq pin­ngoriar­tuaar­toqarsimasorlu inup­pas­suit apeq­qutit taak­ku akis­sutis­sarsisin­naan­ngilaat. Guutil­li oqaatsimini, Biibilimi, apeq­qutit akivai.

5. Inuit pin­ngor­titap inatsisai qanoq malit­tar­paat?

⁵ Pin­ngor­titap inatsiser­pas­sui al­lan­ngor­neq ajor­tut Jehovap atuutilersip­pai. In­naal­lagis­serisut, ruujorilerisut, ingeniørit, tim­misar­tor­tar­tut, pilat­taasar­tut al­lal­lu inatsisit taak­ku malil­lugit sulisar­put. As­sersuutigalugu inuup uum­mataa nalingin­naasumik sakis­sap saamiatungaaniit­tarmat pilat­taasar­tut naluneq ajor­paat suk­kut pilat­taas­sanerlutik. Aam­ma kik­kut tamarmik nalun­ngilaat inuk por­tusuumiit pis­sik­kuni nak­karluni toqusin­naasoq. Inuuin­narusuk­kat­ta pin­ngor­titap inatsisai, soorlu nunap nutsuinera, ataq­qisar­pavut.

6. Qanoq nalun­ngilar­put Jehovap aaq­qis­suus­saasumik pal­lorfigineqar­nis­sani piumasarigaa?

⁶ Jehovap avataarsua tupin­narluin­nar­tumik aaq­qis­suus­saatim­magu aaq­qis­suus­saasumik pal­lorfigineqarusun­nera ilimagisin­naavar­put. Jehovap qanoq pal­lorfigis­sagitsin­ni paasinias­sagatsigu Biibili al­latsip­paa. Biibili peqatigiis­sor­tanilu aq­qutigalugit siulersuinerata maleruar­neratiguin­naq pil­luarluta nalerisimaarlutalu inuusin­naavugut.

7. Biibilip aaq­qis­suus­saasumik al­lan­neqar­neranut suut takus­sutis­saap­pat?

⁷ Biibili Guutimit tunis­sutaavoq as­seqan­ngitsoq. Ilisimatuut ilaat oqar­tar­put Biibili tas­saan­naasoq juutit kristumiul­lu al­lagaasa ilaan­nit inun­nit katitigaq. Atuak­kal­li taak­ku kik­kun­nit qaquguk­kul­lu  al­lan­neqas­sanersut qanorlu imaqas­sanersut Guutip aalajanger­paa. Taamaat­tumik Biibilimi atuak­kat tamarmik Guutip tusarlius­saanik paasin­nin­nis­samut iluaqutigaavut. ‘Kinguaas­sap’ nunarsuarmik paratiisin­ngor­titseq­qiinis­saa Mosesimik al­lak­kat siul­ler­niit Saq­qum­mersitanut sam­mineqar­poq. Aam­ma paasivar­put ‘kinguaas­saq’ tas­saasoq Kristusi Jiisusi taas­sumalu Naalagaaf­fiata Jehovap kisimi oqar­tus­saanerata eq­qor­tuunera up­per­narsas­sagaa. – 1 Mosesi 3:15; Mat­thæusi 6:10; Saq­qum­mersitat 11:15 atuak­kit.

8. Israelik­kut qanoq aaq­qis­suus­saal­luar­pat?

⁸ Israelik­kut Inatsisit Guutip tun­nius­sai maleruaramik­kit aaq­qis­suus­saal­luar­put. As­sersuutigalugu Inatsisit naaper­torlugit ar­nat Toq­qup Naapeqatigiit­tarfiup iser­tariaani aaq­qis­suus­saasumik kif­far­tor­tus­saap­put. (2 Mos 38:8) Israelik­kut aam­ma tam­maarsimaf­fim­mik Tupermil­lu Naapeqatigiit­tarfim­mik qanoq aaq­qis­suus­saasumik nuus­sisas­sanerlutik ilitsersor­neqar­put. Kingusin­nerusuk­kut kun­ngip Daavip palasit Levik­kul­lu naalaf­fim­mi aalajangersimasumik suliaqar­tar­nis­saat aaq­qis­suup­paa. (1 Nal 23:1-6; 24:1-3) Israelik­kut Jehovamut naalak­kaangamik pil­luaq­quneqar­tar­put. Aaq­qis­suus­saal­luaramik eq­qis­seqatigiil­lutil­lu ataasius­suseqar­put. – 5 Mos 11:26, 27; 28:1-14.

9. Kristumiut siul­liit ilagiivi qanoq aaq­qis­suus­saap­pat?

⁹ Kristumiut siul­liit ilagiivi aam­ma aaq­qis­suus­saap­put. Siulersuisoqatigiin­nit, angutinit eqimat­tanit, ilitsersor­neqar­tar­put. Aal­laq­qaam­mut apustilit kisimik siulersuisoqatigiin­nut ilaasor­taap­put, kingusin­nerusuk­kul­lu utoq­qaaner­tat al­lat ilaasor­tan­ngor­put. (ApS 6:1-6; 15:6) Jehovap siulersuisoqatigiin­nut ilaasor­tat al­lal­lu taak­kunin­nga qanimut suleqateqar­tut ilagiin­nut al­lak­katigut siun­nersueq­qul­lugit ilitsersueq­qul­lugil­lu siulersor­pai. (1 Tim 3:1-13; Tit 1:5-9) Ilagiit siulersuisoqatigiin­nit ilitsersuutinik maleruaaner­tik qanoq iluaqutigaat?

10. Kristumiut siul­liit ilagiivisa siulersuisoqatigiit ilitsersuutaan­nik maleruaanerat qanoq kinguneqarluar­pa? (Al­laaserisap aal­laq­qaataani as­siliaq takuuk).

¹⁰ Apustilit Suliaat 16:4, 5 atuak­kit. Kristumiut siul­liit nalaan­ni qatan­ngutit angutit siulersuisoqatigiit sin­nerlugit ilagiit “ileq­qoreq­qusanik apustilit utoq­qaaner­tal­lu Jerusalemimiit­tut ator­tus­san­ngor­tis­simasaan­nik” ilisimatik­kumal­lugit tikeraar­tar­paat. Ilagiit ilitsersuutit taak­ku maleruaramik­kit “up­per­nermin­ni nakus­satsitaasar­put ul­lul­lu tamaasa amerliar­torlutik”. Maligas­siuinerat ilagiit­tut qanoq iluaqutigisin­naavar­put?

11. Utoq­qaaner­tat ilagiin­nilu kif­far­tor­tut Guutip peqatigiis­sor­taanit ilitsersuutit qanoq isumaqarfigisariaqar­paat?

¹¹ Im­mik­koor­tor­taqarfiup Ataatsimiititaliaanut imaluun­niit Nunami Ataatsimiititaliamut ilaasor­tat, ilagiin­nik nak­kutil­liisut utoq­qaaner­tal­lu Guutip peqatigiis­sor­taanit ilitsersuutit maleruar­tariaqar­paat. Aap, Jehovap oqaasiani tamat­ta siulersor­titsin­nut naalaq­quneqar­pugut. (5 Mos 30:16; Hebr 13:7, 17) Jehovamut ilumoorfigin­nit­tut naalas­seriin­natil­lu ilitsersuutit tun­niun­neqar­tut pil­lugit naam­magit­taal­lior­neq ajor­put. Diotrefesi qatan­ngutinik angutinik siulersuisunik ataq­qin­nin­ngitsoq  as­sigerusun­ngilar­put. (3 Johan­nesi 9, 10 atuak­kit). Ilitsersuutit maleruaraangatsigit ilagiit­tut eq­qis­seqatigiit­tarlutalu ataasioqatigiit­tar­pugut. Taamaat­tumik im­minut ima aperisin­naavugut: ‘Qatan­ngutik­ka Jehovamut ilumoorfigin­neq­qul­lugit kajumis­saar­tar­pak­ka? Guutip peqatigiis­sor­taanit ilitsersuutit nangaananga maleruar­tar­pak­ka?’

12. Utoq­qaaner­tat ilagiin­nilu kif­far­tor­tut qanoq toq­qar­neqar­tar­pat?

¹² Qanit­tuk­kut ilagiin­ni utoq­qaaner­tat ilagiin­nilu kif­far­tor­tut toq­qar­neqar­tar­nerat Siulersuisoqatigiin­nit al­lan­ngor­tin­neqar­poq. Vagt­tår­net novembarip 15-iat 2014-imoor­tumi “Spørgsmål fra læser­ne”-mi nas­suiar­neqar­poq kristumiut siul­liit nalaan­ni nak­kutil­liisut angalasar­tut utoq­qaaner­tanik ilagiin­nilu kif­far­tor­tunik toq­qaanis­samut siulersuisoqatigiin­nit pisus­saatin­neqar­tut. Taamaat­tumik 2014-imi septembari aal­lar­nerfigalugu ilagiin­nik nak­kutil­liisut toq­qaasaler­put. Ilagiin­nik nak­kutil­liisup ilagiin­ni utoq­qaaner­tat qatan­ngut angut utoq­qaaner­tatut imaluun­niit ilagiin­ni kif­far­tor­tutut kif­far­tor­tus­satut siun­nersuutigisaat, im­maqa oqaluus­seqatigineratigut, ilisarisimaler­niar­tar­paa. Aam­ma ilaqutai ilisarisimaler­niar­tar­pai. (1 Tim 3:4, 5) Tamatuma kingor­na ilagiin­nik nak­kutil­liisoq utoq­qaaner­tal­lu ataatsimiit­tar­put Al­lak­kanilu Il­ler­nar­tuni utoq­qaaner­tanut imaluun­niit ilagiin­ni kif­far­tor­tunut piumasaqaatit misis­soq­qis­saar­tarlugit. – 1 Tim 3:1-10, 12, 13; 1 Petr 5:1-3.

13. Utoq­qaaner­tat ilitsersuutaat tapersersorlutigit qanoq ersersis­sin­naavar­put?

¹³ Utoq­qaaner­tat ilagiit il­lersorumal­lugit isumas­sorumal­lugil­lu Biibili tun­ngavigalugu ilitsersor­tar­paat. Suleqatigisariaqar­pavut “peq­qis­sinar­tunik” ilitsersor­neqar­ner­put nam­mineq iluaqutigis­sagatsigu. (1 Tim 6:3) Kristumiut siul­liit nalaan­ni inuit ataasiak­kaat ‘torin­ngitsumik inuuseqar­put’. Sulis­sanatik susas­sarin­ngisatik akuliuf­figisar­paat. Utoq­qaaner­tanit naq­qin­neqaraluarlutik al­lan­ngorusun­ngil­lat. Paulusi inuk taamaat­toq pil­lugu ima al­lap­poq: “Taan­na sianigisiuk ilagisar­nagulu.” Inuk taamaat­toq ilagisarun­naaraluarlugu akeq­qatut pisar­tus­saan­ngilaat. (2 Th 3:11-15) Aam­ma ul­lumik­kut utoq­qaaner­tat inuk Guutip najoq­qutas­siaanik sumigin­naasoq, as­sersuutigalugu al­lamik up­perisalim­mik sam­misaqar­toq, ikior­niar­tar­paat. (1 Kor 7:39) Inuk pis­suserisaminik al­lan­nguiuman­ngip­pat utoq­qaaner­tat aalajangersin­naap­put taamatut pis­suseqar­neq pis­sutigalugu al­lat ilagiin­nik ajor­tumik oqaluuserin­nilersin­naanerat pil­lugu oqalugiar­toqas­sasoq. Utoq­qaaner­tat il­lit ilagiin­ni taamatut oqalugiar­pata qanoq ilius­savit? Oqalugiaam­mi kina pineqar­toq nalun­ngik­kuk­ku taan­na ilagisarun­naas­saviuk? Taamaalioruit im­maqa pineqar­tup paasis­savaa Jehovap iluarin­ngisaatut pis­suseqar­nini nam­mineq ajoqutigis­sagamiuk isigin­nit­taatsini al­lan­ngor­tit­tariaqarlugu. ^[1]

14. Ilagiit qanoq minguitsuutis­sin­naavavut?

¹⁴ Ilagiit minguitsuutik­kumal­lugit tamat­ta qanoq ilior­tariaqar­tugut Guutip oqaasiani al­laatigineqar­poq. Korinthimi pisut eq­qarsaatigik­kit. Paulusip qatan­ngutit tas­sani najugaqar­tut asavai amerlasuul­lu  sal­lusuis­sum­mik ilin­niar­tis­simal­lugit. (1 Kor 1:1, 2) Taamaat­tumik taak­kua ilaata kinguaas­siuutitigut inuunerlut­tup ilagiin­nut ilaagin­nar­nis­saa qatan­ngutit angutit akuerisimagaat paasil­lugu qanoq misigisimas­sasoq takorlooruk. Paulusip utoq­qaaner­tat al­laf­figai ‘inuk taan­na Saatanimut pisis­sagaat’. Tas­sa inuk taan­na ilagiin­nut ilaajun­naarsit­tariaqar­paat. (1 Kor 5:1, 5-7, 12) Nalitsin­ni utoq­qaaner­tat aalajangersin­naap­put ingasat­tumik ajor­tuliorsimasoq peq­qis­simin­ngitsoq ilaajun­naarsin­neqas­sasoq. Taama pisoqar­pat ilaajun­naarsitaasoq Al­lak­kani Il­ler­nar­tuni peq­qus­sutigineqar­tutut pis­savar­put? Taamaaliorut­ta ilagiit minguitsuutis­savavut. Aam­ma inuup taas­suma peq­qis­simisariaqar­nini Jehovamul­lu isumak­keerfigeq­qusariaqar­nini im­maqa paasis­savaa.

15. Ilagiin­ni qanoq eq­qis­seqatigiis­sin­naavugut?

¹⁵ Korinthimiut aam­ma al­lamik ajor­nar­torsiuteqar­put. Qatan­ngutit ilaat qatan­ngutitik eq­qar­tuus­sisumut un­nerluutigisarmatigit Paulusip ima aperai: “Sooq pitsaanerutin­ngin­ner­pisiuk iluaatsuliorfigitin­neq?” (1 Kor 6:1-8) Nalitsin­ni ilagiin­niit­tut ilaat qatan­ngutitik niuer­nik­kut isumaqatigiis­suteqarfigereerlugit aningaasanik an­naasaqarsimap­put im­maqalu qatan­ngutitik peq­quserlut­tulior­tutut isigilerlugit. Taamaat­tumik eq­qar­tuus­sisunut sulias­san­ngor­titsisar­put. Taamatul­li pisoqar­nera inuit Jehovamik taas­sumalu in­nut­taanik ajor­tumik oqaluuserin­niler­neran­nik kinguneqarsin­naavoq. Aam­ma ilagiin­niit­tunut ajor­nar­torsiutaalersin­naavoq. Guutip oqaasiani qatan­ngutitsin­nik, al­laat aningaasanik an­naasaqaraluarut­ta, eq­qis­seqateqar­nis­samik kajumis­saar­neqar­pugut. ^[2] Jiisusip ajor­nar­torsiutinik isumaqatigiin­ngis­sutinil­lu an­ner­tuunik qanoq aaq­qiisar­nis­samik ilitsersuup­paatigut. (Mat­thæusi 5:23, 24; 18:15-17 atuak­kit). Ilitsersuutaa maleruarutsigu ilagiin­ni eq­qis­seqatigiis­sal­lutalu ataasius­suseqas­saagut.

16. Sooq Guutip in­nut­tai ataasius­suseqar­pat?

¹⁶ Jehovap oqaasiani ima al­las­simavoq: “Iluarlunilu nuan­nil­laaraaq qatan­ngutigiit isumaqatigiil­lutik najor­tigiileraangata.” (Tus­s 133:1, Testamentitoqaq 1990-imi naqitigaq) Israelik­kut Jehovamut naalak­kaangamik aaq­qis­suus­saasumik kif­far­tor­tarlutil­lu ataasioqatigiit­tar­put. Guuti in­nut­tani pil­lugit ima siulit­tuivoq: “Ataatsimut kat­tutitik­kumaar­pak­ka savatut ungalusamut isersimatitatut.” (Mika 2:12) Jehovap aam­ma in­nut­tami sal­lusuis­sum­mik Biibilimeersumik paasin­nik­kumaar­nerat ataasius­suseqarlutil­lu kif­far­torumaar­nerat ima siulit­tuutigai: “Inuiaqatigiit al­lan­ngor­tis­savak­ka minguitsunik qarloqalersil­lugit;  taava tamak­kerlutik Naalak­kap aq­qa torlorfigis­savaat isumaqatigiil­lutil­lu kif­far­tuutis­sal­lugu.” (Sef 3:9) Ataasius­suseqarluta Jehovamik pal­lorfigin­nis­sin­naaner­put qujamasuutigingaar­par­put!

17. Ilagiin­ni ingasat­tumik ajor­tulior­toqar­pat utoq­qaaner­tat sus­sap­pat?

¹⁷ Ingasat­tumik ajor­tulior­toq utoq­qaaner­tat ingerlaan­naq asan­nit­tumik naq­qit­tariaqar­paat. Nalun­ngilaat ilagiit ajor­tumik sun­niiniar­tunut tamanut il­lersor­neqar­nis­saat, minguitsuutin­neqar­nis­saat ataasius­suseqar­nis­saal­lu Jehovap kis­saatigigaa. (Us­s 15:3) Paulusip al­lagaanit siul­ler­nit ersersin­neqar­tutut Korinthimi qatan­ngutini asangaarlugil­lu pisariaqar­tumik naq­qit­tar­pai. Paulusip utoq­qaaner­tat qaam­matialuit qaangium­mata aap­pas­saanik al­laf­figigamigit nersualaarmagit ilitsersuutinik ingerlaan­naq maleruaasimanerat nalun­ngilar­put. Qatan­ngut piaarinani ‘unioq­qutitsisoq’ utoq­qaaner­tat asan­nit­tumik naq­qit­tar­tus­saavaat. – Gal 6:1.

18. (a) Guutip oqaasiani ilitsersuutit kristumiut siul­liit ilagiivisa qanoq iluaqutigaat? (b) Al­laaserisap tul­liani suut misis­sus­savavut?

¹⁸ Kristumiut siul­liit Guutip oqaasiani ilitsersuutinik maleruaagaangamik ilagiit­tut minguil­lutil­lu eq­qis­seqatigiil­lutil­lu ataasius­suseqar­tar­nerat ersarip­poq. (1 Kor 1:10; Ef 4:11-13; 1 Petr 3:8) Tamatuma kingunerisaanik qatan­ngutit angutit ar­nal­lu taak­kua nutaarsias­saq nuan­nersoq “qilaap ataani pin­ngor­titanut tamanut” oqaluus­sis­sutigisin­naaler­paat. (Kol 1:23) Ul­lumik­kut­taaq Jehovap in­nut­taasa aaq­qis­suus­saasumik ataasius­suseqarlutil­lu nutaarsias­saq nuan­nersoq nunarsuaq tamak­kerlugu oqaluus­sis­sutigaat. Al­laaserisap tul­liani taak­kua Biibilimik ataq­qin­ningaar­neran­nut Jehovamil­lu, Naalak­kamik Kisimi Oqar­tus­saasumik, ataq­qinarsisitsinis­samik aalajangiusiman­nil­luin­nar­neran­nut up­per­narsaatit al­lat misis­sus­savavut. – Tus­s 71:15, 16.