1-3. Σο μπορεί τι αβιλό-πες με την Ευοδία ντα τη Συντύχη; Σαρ μπορίνασα τι νασάς ντουρ ασακέ προβληματένταρ; (Ντικχ ι φωτογραφία σο ισί κι αρχή.)

ΕΚΤΙΜΙΝΑΣΑ μπουτ ι Αγία Γραφή επειδή τζανάσα ότι ισί ο Βιβλίος ι Ντεβλέσκο. Η Γραφή τθερέλα συμβουλές σο μπορίνενα τι βοηθίνεν-αμέν τι νασάς ντουρ κατά προβλήματα ντα τι διορθώνεν-αμέν κάνα κεράσα λάθη. Όμως σαρ αντιδράνασα κο συμβουλές σο ντέλα-αμέν; Σκεφτίνεν ντουέ χρισμέ τζουβλίν σο τζουβντιλέ κο πρώτος αιώνας, την Ευοδία ντα τη Συντύχη. Η Γραφή βακερέλα ότι χαλέ-πες αλλά να βακερέλα αμένγκε σόσκε. Για τι σκεφτίνας σο μπορεί τι αβιλό-πες.

² Μπορεί η Ευοδία τι καλιντάς μερικέ πφραλέν ντα πφενίν πι κχερέστε για τι κερέν παρέα. Αλλά να καλιντάς τη Συντύχη. Σοράν, όταν η Συντύχη ασουντάς γιαβερένταρ τι βακερέν καζόμ σουκάρ νακχλέ οντουλέ παρεάτε, νευριασάλι μπουτ. Μπορεί τι σκεφτιντάς: “Να πακιάβα ότι να καλιντάς-μαν η Ευοδία! Ντα με αμντίναβας ότι ισινάμας λατσσέ αμαλινά”. Η Συντύχη νιωσάλι ότι η Ευοδία να μανγκέλας-λα ντα ότι να μπεϊντίνελας τι κερέλ παρέα λάσαρ. Οτθάρ, η Συντύχη κερντάς εκ παρέα  ντα καλιντάς ι ίδιε πφραλέν ντα πφενίν εκτός κατά Ευοδία! Οντουβά πρόβλημας μπορεί τι επηρεαντάς γιαβερέν-ντα αντρέ κι εκκλησία. Η Γραφή σικαντάς ότι ο Παύλος διορθωντάς ι ντουέ πφενίν ντα βακερντάς λένγκε τι κερέν ειρήνη. Οντουλά πφενιά μάλλον ασουντέ-λες ντα συνεχιντέ τι υπηρετίνεν ι Ιεχωβάς με χαρά.​—Φιλιππησίους 4:​2, 3.

³ Αμαρέ εκκλησιέντε αντιβές, μπάζιμα αμέν-ντα μπορεί τι τθεράς εκ πρόβλημας εκχέ πφραλέσαρ ή εκχέ πφενιάσαρ. Όμως, άμα κεράσα αμαρέ ζωγιάτε ο συμβουλές σο ισί κι Γραφή, μπορίνασα τι νακχαβάς ασακέ προβλήματα. Κι πραγματικότητα, κα μπορίνας ατζέ-ντα τι νασάς ντουρ λένταρ. Ντα όταν ασουνάσα σο βακερέλα η Γραφή, σικαβάσα ότι εκτιμίνασα μπαγιά ο Βιβλίος ι Ιεχωβάσκο.​—Ψαλμός 27:11.

4, 5. Καλά συμβουλές ντέλα-αμέν ο Λάφι ι Ντεβλέσκο για τι μπορίνας τι κεράς κουμάντος αμαρέ αισθήματα;

⁴ Νανέ πάντα εύκολος τι κεράς κουμάντος αμαρέ αισθήματα. Μπορεί τι αισθάνασα μπουτ στεναχωριμέ ή χολιαμέ άμα κάποιος προσβαλιντάς-αμέν ή αδικιντάς-αμέν επειδή ισινάμ εκχέ γιαβερέ τθεμέσταρ ή τθεράσα γιαβέρ χρώμας ή επειδή ισινάμ διαφορετικοί λέσταρ. Ντα μπορεί τι πληγωσάλαμ ατζέ πιο μπουτ άμα οντουβά σο προσβαλιντάς-αμέν ή αδικιντάς-αμέν ισί εκ πφραλ ή εκ πφεν. Καλά συμβουλές τθερέλα ο Λάφι ι Ντεβλέσκο σο μπορίνενα τι βοηθίνεν-αμέν;

⁵ Ο Ιεχωβά τζανέλα σο μπορεί τι αβέλ-πες άμα ο τζενέ να κερένα κουμάντος πουμαρέ αισθήματα. Όταν ισινάμ νευριασμέ ή χολιαμέ, μπορεί τι βακεράς ή τι κεράς πράγματα σο κα μετανιώνας-λεν σοράν. Κι Γραφή, ο Ιεχωβά ντέλα-αμέν ι συμβουλή τι κεράς κουμάντος αμαρέ νεύρα όταν βακερέλα αμένγκε: «Μα σίνγκιαρ τι προσβαλίντιβες». Απλά σκεφτίνεν καζομέ προβληματένταρ νασάσα ντουρ όταν ασουνάσα ανταγιά συμβουλή ντα να νευριάνασα εύκολα! (Διαβάνεν Εκκλησιαστής 7:9· Παροιμίες 16:​32) Η Γραφή επίσης βακερέλα αμένγκε τι συγχωρίνας ι γιαβερέν. Μάλιστα ο Ιησούς βακερντάς ότι, άμα να συγχωρίνασα ι γιαβερέν, ο Ιεχωβά να κα συγχωρίνελ-αμέν. (Ματθαίος 6:​14, 15) Μήπως τουμέν πρέπει τι τθερέν πιο μπουτ υπομονή ντα τι σικλιόν τι συγχωρίνεν πιο εύκολα ι γιαβερέν;

6. Σο μπορεί τι αβέλ-πες άμα να κεράσα κουμάντος αμαρέ αισθήματα;

⁶ Άμα να κεράσα κουμάντος αμαρέ αισθήματα, μπορεί τι ατσσικιαράς χολί ντα μπορεί τι ερεσάς κο σημείος τι αρχίνας τι μισίνας εκχέ τζενές. Ή μπορεί τι κεράς γιαβερέν-ντα τι αισθάνεν αντικάς αντρέ κι εκκλησία. Ατζέ-ντα άμα κα προσπαθίνας τι γκεραβάς αμαρί χολί ή αμαρό μίσος, κάποια στιγμή ο γιαβερά κα αγαβέν σαρ αισθάνασα. Σοράν, ο πφραλά ντα ο πφενιά μπορεί μα τι μανγκέν τι αβέν αμέντζαρ. (Παροιμίες 26:​24-26) Ο πρεσβύτεροι κα χρησιμοποιήνεν ι Γραφή για τι προσπαθίνεν τι βοηθίνεν-αμέν τι νικαβάς αντρ’ αμένταρ ι χολί ντα ο μίσος ντα τι συγχωρίνας ι γιαβερέν. (Λευιτικό 19:​17, 18· Ρωμαίους 3:​11-18) Όταν κα κερέν-λες ανταβά, κα ντας καν κο οδηγίες σο ισί κο Βιβλίος κι Ιεχωβάσκο;

7, 8. (α) Σαρ οδηγίνελα ο Ιεχωβά πι λαός; (β) Καλά ισί μερικές οδηγίες σο αρακχάσα κο Λάφι κι Ντεβλέσκο, ντα σόσκε πρέπει τι ακολουθίνας-λεν;

⁷ Ο Ιεχωβά οδηγίνελα ντα σικλιαρέλα οντουλέν σο ισί αντιβές αντρέ κι οργάνωση λέσκι ατθέ κι πφουβ. Σαρ; Τσσουντάς ι Χριστός τι αβέλ ο «σορό ι εκκλησιάκο»,  ντα ο Χριστός τσσουντάς τον “πιστό ντα φρόνιμο δούλο” για τι σικλιαρέλ ντα τι οδηγίνελ ι Ντεβλέσκε λαός. (Εφεσίους 5:​23· Ματθαίος 24:​45-47) Σαρ κερέλας κο πρώτος αιώνας ο κυβερνών σώμας, αντικάς ανταβά δούλος-ντα εκτιμίνελα μπαγιά ι Γραφή επειδή ισί ο Λάφι ι Ντεβλέσκο. (Διαβάνεν 1 Θεσσαλονικείς 2:​13) Καλά ισί μερικές οδηγίες σο αρακχάσα κι Γραφή;

⁸ Η Γραφή ντέλα-αμέν ι οδηγία τι τζας κο συναθροίσεις. (Εβραίους 10:​24, 25) Μανγκέλα αμένταρ τι τθεράς σαρέ πίστη κο ίδιες αλήθειες σο σικλιαρέλα η Γραφή. (1 Κορινθίους 1:​10) Επίσης βακερέλα αμένγκε τι συνεχίνας “τι μανγκάς πρώτα ι βασιλεία”. (Ματθαίος 6:​33) Η Γραφή ντέλα-αμέν ι συμβουλή τι κεράς ο έργος κχερ κχερέστε, κο ντρομά ντα σαρέ κο τθανά σο μπορεί τι αρακχάς τζενέν. (Ματθαίος 28:​19, 20· Πράξεις 5:​42· 17:​17· 20:​20) Ντέλα ι συμβουλή κο πρεσβύτεροι τι ατσσικιαρέν πάκι ο εκκλησίες. (1 Κορινθίους 5:​1-5, 13· 1 Τιμόθεο 5:​19-21) Ντα βακερέλα αμένγκε ότι πρέπει τι αβάς πάκι ντα ότι δεν πρέπει τι σκεφτίνας ούτε τι κεράς πράγματα σο μισίνελα ο Ιεχωβά.​—2 Κορινθίους 7:1.

9. Κας τσσουντάς ο Ιησούς για τι βοηθίνελ-αμέν τι αγαβάς ο Λάφι ι Ντεβλέσκο;

⁹ Μερικά τζενέ μπορεί τι αμντίνενα ότι να τθερένα ανάγκη τι εξηγίνελ λένγκε κάποιος σο βακερέλα η Γραφή. Αλλά κατά 1919, ο Ιησούς χρησιμοποιήνελα τον “πιστό ντα φρόνιμο δούλο” για τι βοηθίνελ ι Ντεβλέσκε λαός τι αγαβέλ σο βακερέλα η Γραφή ντα για τι κερέλ οντουλά σο βακερέλα. Όταν ντάσα καν κι Γραφή, βοηθίνασα ι εκκλησία τι αβέλ πάκι, ενωμέ ντα τι τθερέλ ειρήνη. Πουτσέν τουμαρό νεαυτός: “Με κα αβάβ πιστός κο Ιησούς ντα κα ακολουθίναβ ο οδηγίες σο ντέλα ο πιστός δούλος;”

10. Κο βιβλίος του Ιεζεκιήλ, σαρ μοιάζελα ι Ιεχωβάσκι οργάνωση κο ουρανός;

¹⁰ Αντράλ κατά Γραφή, σικλιάσα ότι ο υπηρέτες ι Ιεχωβάσκε κο ουρανός-ντα ισί οργανωμέ. Για παράδειγμας, ο προφήτης Ιεζεκιήλ ντικχλάς σε φαντασία ι Ιεχωβάς τι οδηγίνελ εκ άμαξα σο μπορίνελας τι τσσίντελ μπουτ κατέ-ντα τι μανγκέλας ο Ιεχωβά. (Ιεζεκιήλ 1:​4-28) Η άμαξα, σο ακολουθίνελα αμέσως ι οδηγία Λέσκι, μανγκέλα τι σικαβέλ ι οργάνωση ι Ντεβλέσκι κο ουρανός. Ντα οντουβά ουράνιος τμήμας επηρεάνελα ι πφουβιάκο τμήμας σο τθερέλα ι Ντεβλέσκι οργάνωση. Σκεφτίνεν ο μπουτ αλλαγές σο αβιλέ-πες κο τελευταία ντες μπρεσά κι Ντεβλέσκι οργάνωση. Ντεν-τουμέν γκοντί ότι ο Ιεχωβά οδηγίνελα ανταλά αλλαγές. Ατζεχάνικ ο Χριστός ντα ο άγγελοι κα καταστραφίνεν ανταλέ πφιρνέ ντουνιάς. Καέκ τζενό να κα προσβαλίνελ πάλι ι Ιεχωβάς ντα λέσκο ναβ ούτε κα κρίνελ ο τρόπος σο κυβερνίνελα-αμέν!

11, 12. Σο πράγματα κερντάς η οργάνωση ι Ιεχωβάσκι ανταλέ τελευταίε ντιβεσέντε;

¹¹ Σκεφτίνεν σο καταφεριντάς η οργάνωση ι Ιεχωβάσκι ανταλέ τελευταίε ντιβεσέντε. Οικοδόμηση. Μπουτ πφραλά ντα πφενιά μαρντέ-πες για τι κερέν ο νεβέ κεντρικά γραφεία των Μαρτύρων του Ιεχωβά κο Γουόργουικ σο ισί κι Νέα Υόρκη, κι Αμερική. Χιλιάδες γιαβερά πφραλά σαρό κο ντουνιάς, χωρίς τι ποκίντιβεν, κερένα  νεβέ Αίθουσες Βασιλείας ντα γραφεία τμήματος. Ανταλέ πφραλέν οδηγίνελα-λεν ο Παγκόσμιος Τμήμας Σχεδιασμού/Οικοδόμησης. Καζόμ εκτιμίνασα σαρέ ι πφραλέν σο μαρένα-πες για τι κερέν ασακέ κτίρια! Ντα σαρό κο ντουνιάς ο υπηρέτες ι Ιεχωβάσκε ντένα ο πιο λατσσό σο μπορίνενα για τι βοηθίνεν πουμαρέ λοβέντζαρ τι κερντιόν ανταλά κτίρια. Ο Ιεχωβά ευλογίνελα πι λαός σο σικαβέλα ταπεινότητα ντα πίστη.​—Λουκάς 21:​1-4.

¹² Σικλιαριπέ. Ο Ιεχωβά μπεϊντίνελα τι σικλιαρέλ πι λαός. (Ησαΐας 2:2, 3) Σκεφτίνεν ο μπουτ σχολές σο τθεράσα. Ι Σχολή Υπηρεσίας Σκαπανέα, ι Σχολή για Ευαγγελιστές της Βασιλείας, ι Σχολή Γαλαάδ, ι Σχολή Εισερχομένων στο Μπέθελ, ι Σχολή για τους Επισκόπους Περιοχής ντα Λένγκε Ρομνίνγκε, ι Σχολή για τους Πρεσβυτέρους των Εκκλησιών, ι Σχολή Διακονίας της Βασιλείας ντα ι Σχολή για τα Μέλη Επιτροπών Τμήματος ντα λένγκε Ρομνίνγκε. Επίσης, κο ιστότοπος jw.org σο τθεράσα, μπορίνασα τι αρακχάς ι Γραφή ντα γιαβερά εκδόσεις μπουτέ τσσιμπέντε. Ανταβά ιστότοπος τθερέλα θέματα-ντα ι χουρντένγκε ντα ι φαμιλίνγκε, ντα εκ μέρος σο σικαβέλα νεβέ αμπέρια σαρό κατά ντουνιάς. Τουμέν  χρησιμοποιήνενα ο jw.org κο έργος ντα κι φαμιλιάκι λατρεία;

13. Καγιά ευθύνη τθερέλα ο λαός ι Ιεχωβάσκο;

¹³ Σο προνόμιος τθεράσα τι αβάς αντρέ κι οργάνωση κι Ιεχωβάσκι ντα τι τζανάς σο μανγκέλα αμένταρ! Αφού τζανάσα σο ευχαριστίνελα ι Ντεβλές, τθεράσα ι ευθύνη τι ασουνάς-λες ντα τι κεράς ο σωστός. Ντα παρόλο σο μπουτ τζενέ μανγκένα τι κερέν μπέτι πράγματα, αμέν πρέπει “τι μισίνας ο κακός”, σαρ μισίνελα-λες ο Ιεχωβά-ντα. (Ψαλμός 97:​10) Αμέν ποτές δεν πρέπει τι αβάς σαρ οντουλέντε σο βακερένα ότι «ο λατσσό ισί κακός ντα ο κακός ισί λατσσό». (Ησαΐας 5:​20) Μανγκάσα τι κεράς ι Ιεχωβάς τι χαιρίνελ, οτθάρ ισινάμ αποφασισμέ τι ατσσάς πάκι σαρέ κο πράγματα. (1 Κορινθίους 6:​9-11) Σο-ντα βακερέλα αμένγκε ο Ιεχωβά κι Γραφή ισί αμαρέ λατσσιμάσκε. Μανγκάσα-λες ντα μανγκάσα τι αβάς πιστοί λέστε. Οτθάρ, ακολουθίνασα λέσκε οδηγίες κο κχερ, κι εκκλησία, κι μπουτί, κο σχολείος ή κάι-ντα τι αβάς. (Παροιμίες 15:3) Σκεφτίνεν μερικούς τρόπους σο πρέπει τι αβάς πιστοί κο Ντεβέλ.

14. Σαρ μπορίνενα ο νταντά ντα ο νταγιά τι αβέν πιστοί κο Ιεχωβά;

¹⁴ Σαρ σικλιαράσα αμαρέ τσσαβέν. Κι Γραφή, ο Ιεχωβά ντινάς οδηγίες κο νταντά ντα κο νταγιά σο σικαβένα σαρ τι σικλιαρέν πουμαρέ τσσαβέν. Ο Χριστιανοί πρέπει τι αβέν προσεκτικοί για μα τι επηρεάντιβεν κατά τρόπος σο σκεφτίνενα ο τζενέ κο ντουνιάς. (Εφεσίους 2:2) Για παράδειγμας, μερικέ τθεμέντε εκ ντατ μπορεί τι σκεφτίνελ: “Ατθέ, ο τζουβλιά σικλιαρένα ι τσσαβέν”. Η Γραφή όμως ντέλα ξεκάθαρη εντολή κο νταντά τι σικλιαρέν πουμαρέ τσσαβέν ι Ιεχωβάσκε. (Εφεσίους 6:4) Ο νταντά ντα ο νταγιά σο μανγκένα ι Ιεχωβάς μανγκένα τι τθερέν λένγκε τσσαβέ εκ λατσσί φιλία λέσαρ, σαρ τθερέλας ο Σαμουήλ όταν ισινέ χουρντό.​—1 Σαμουήλ 3:19.

15. Σαρ μπορίνασα τι αβάς πιστοί κο Ιεχωβά όταν λάσα μπαρέ αποφάσεις;

¹⁵ Σαρ λάσα αποφάσεις. Πριν τι λας μπαρέ αποφάσεις αμαρέ ζωγιάτε, μανγκάσα τι αρακχάς καγιά ισί η άποψη ι Ιεχωβάσκι για τι μπορίνας τι αβάς πιστοί λέστε. Η Γραφή ντα λέσκι οργάνωση μπορίνενα τι βοηθίνεν-αμέν. Για παράδειγμας, μερικά νταντά ντα νταγιά αμαρέ ντιβεσέντε σο νασλέ πουμαρέ τθεμέσταρ όταν κερντέ μαξιμίς λιντέ ι απόφαση τι μπουτσσαβέν-λες παλάλ πουμαρέ τθεμέστε για τι μπαριαρέν-λες λένγκε τζενέ. Αντικάς εμ ο ντατ εμ η ντάι κα μπορίνενας τι συνεχίνεν τι κερέν μπουτί ντα τι νικαβέν λοβέ. Ανταγιά ισί προσωπική απόφαση, αλλά εκ αντρόγυνος πρέπει τι σκεφτίνελ: “Σαρ ντικχέλα ο Ιεχωβά αμαρί απόφαση;” (Διαβάνεν Ρωμαίους 14:​12) Λατσσό κα αβέλας πρώτα τι σκεφτίνας σο βακερέλα η Γραφή ντα σοράν τι λας σημαντικές αποφάσεις σο τθερένα τι κερέν αμαρέ φαμιλιάσαρ ντα αμαρέ μπουτιάσαρ. Τθεράσα ανάγκη ι βοήθεια αμαρέ Νταντέσκι επειδή “να τθεράσα ο δικαίωμας τι αποφασίνας κατέ κα τζας”.​—Ιερεμίας 10:23.

16. Όταν μπιάντιλο λάκο τσσαβό, καγιά επιλογή έπρεπε τι κερέλ εκ ντάι; Σο βοηθιντάς-λα τι λελ ι σωστή απόφαση;

 ¹⁶ Αφού εκ αντρόγυνος γκιλό εκχέ γιαβερέ τθεμέστε, κερντέ εκχέ χουρντές ντα μανγκένας τι μπουτσσαβέν-λες παλάλ πουμαρέ τθεμέστε για τι μπαριαρέν-λες ο πάππους ντα η μπάμπα. Όμως αζομάν, η ρακλί αρχισάλι τι κερέλ μελέτη με εκ Μάρτυρας του Ιεχωβά. Σικλιλί ότι ισινέ λάκι ευθύνη τι σικλιαρέλ πι τσσαβές ι Ιεχωβάσκε. (Ψαλμός 127:3· Παροιμίες 22:6) Βόι προσευχισάλι κο Ιεχωβά, σαρ βακερέλα αμένγκε η Γραφή τι κεράς, ντα μολιντάς-λες τι βοηθίνελ-λα τι κερέλ ο σωστός. (Ψαλμός 62:​7, 8) Επίσης, βακερντάς πο πρόβλημας εμ κι πφεν σο κερέλας λάκι μελέτη εμ γιαβερέ τζενέντε κι εκκλησία. Παρόλο σο τθερέλας πίεση πι τζενένταρ ντα πι αμαλένταρ σο συνεχίνενας τι βακερέν λάκε τι μπουτσσαβέλ ι χουρντές κο παππούδες, βόι αποφασιντάς ότι οντουβά να ισινέ σωστός. Λάκο ρομ ντικχλάς καζόμ μπουτ βοηθιντέ ο πφραλά ντα ο πφενιά λέσκε ρομνιά ντα λέσκε τσσαβές. Κερντάς λέσκε αζόμ μπαρί εντύπωση, σο αρχισάλο τι κερέλ μελέτη ντα τι τζαλ κο συναθροίσεις πι φαμιλιάσαρ. Σκεφτίνεν καζόμ χαρά νιωσάλι οντιά ντάι όταν αγαντάς ότι ο Ιεχωβά απαντιντάς λάκε προσευχιάτε!

17. Όταν κεράσα μελέτη εκχέ τζενές, καγιά οδηγία πρέπει τι ακολουθίνας;

¹⁷ Σαρ ακολουθίνασα ο οδηγίες. Άμα ισινάμ πιστοί κο Ντεβέλ, κα ακολουθίνας ο οδηγίες σο λάσα κατά οργάνωση. Σκεφτίνεν για παράδειγμας σο πρέπει τι κεράς αφού κα ξεκινίνας εκ μελέτη εκχέ τζενέσαρ κατά βιβλίος Σο Μπορίνελα τι Σικλιαρέλ-αμέν η Αγία Γραφή; Βακερντέ αμένγκε τι αφιερώνας χάνικ λεπτά μετά από κάθε μελέτη για τι βοηθίνας ι τζενές σο κεράσα-λες μελέτη τι σικλιόλ πιο μπουτ πράγματα για την οργάνωση ι Ιεχωβάσκι. Μπορίνασα τι χρησιμοποιήνας ο βίντεος Σο Αβέλα-πες κο Αίθουσες Βασιλείας; ντα ο βιβλιάριος Κον Κερέλα Οντουβά σο Μανγκέλα ο Ιεχωβά Αμαρέ Ντιβεσέντε; Για τι βοηθίνας-λες τι “αβέλ πιο ζουρανό” κι πίστη, όταν κα τελειώνας ο βιβλίος Σικλιαρέλα-αμέν μπορίνασα τι κεράς-λες μελέτη κατά βιβλίος «Κρατήστε τον Εαυτό σας στην Αγάπη του Θεού», ατζέ-ντα άμα κα μπολντιόλ. (Κολοσσαείς 2:7) Τουμέν ακολουθίνενα οντουλά σο βακερέλα η οργάνωση ι Ιεχωβάσκι;

18, 19. Καλά ισί μερικοί λόγοι σο κερένα-αμέν τι σικαβάς εκτίμηση κο Ιεχωβά;

¹⁸ Τθεράσα μπουτ λόγους για τι σικαβάς εκτίμηση κο Ιεχωβά! Πρώτα από όλα, «λέσταρ τθεράσα ζωή ντα πφιράσα ντα υπαρχίντιβασα». (Πράξεις 17:​27, 28) Επίσης, ντινάς-αμέν πο Βιβλίος, ι Γραφή. Σαρ ι Χριστιανόνγκε κι Θεσσαλονίκη, αντικάς αμένγκε-ντα τθερέλα μπαρί αξία ανταβά δώρος επειδή ισί οντουβά σο βακερέλα αμένγκε ο Ντεβέλ.​—1 Θεσσαλονικείς 2:13.

¹⁹ Η Γραφή βοηθιντάς-αμέν τι πλησιάνας ι Ιεχωβάς ντα βοβ πλησιαντάς-αμέν. (Ιακώβου 4:8) Τθεράσα μπαρί εκτίμηση αμαρέ Νταντέσκε σο ισινάμ αντρέ κι οργάνωση λέσκι! Νιωθίνασα σαρ ο ψαλμωδός σο γραφιντάς: «Ευχαριστίνεν ι Ιεχωβάς αντράλ τουμαρέ γκίσταρ, σόσκε βοβ ισί λατσσό· ο λατσσιπέ σο σικαβέλα αμένγκε ατσσόλα για πάντα». (Ψαλμός 136:1) Σαρέ κο εδάφια σο τθερέλα ανταβά ψαλμός, ο ψαλμωδός βακερέλα ότι «ο λατσσιπέ [ή γιαβέρτουλους, η «όσια αγάπη»] σο σικαβέλα αμένγκε ατσσόλα για πάντα». Βα, αν ισινάμ πιστοί κο Ιεχωβά ντα ακολουθίνασα ο οδηγίες σο ντέλα-αμέν αντράλ κατά οργάνωση σο τθερέλα, κα ντελ-αμέν ζωή για πάντα ντα κα σικαβέλ αμένγκε «όσια αγάπη» για πάντα!