RO Kejadian fasal ḇeḇe 22:6 ya, Refo ikofen Allah dawos ḇe Abraham insa imbe fyarser farsarser ro moḇ ḇeḇinkwan ido fandun fa, ”Abraham dun ai faro farsarser ḇeḇerap ma Ishak, romawa ḇyedi ikamar na, ma dun for kuker inoi ḇeḇesuk, ramnai sura kayame”.

Refo dapḇair ḇa rariso snonkaku sya sifrur for ro fafisu iwara. Ro fawar insanja ani, komentator oso ikofen snar for Abraham dun ya, ”nari nasak pdef ḇa ro marandan” ḇeḇinkwan suḇena. Inja, imbude roi dunna iso roiebor ḇefandun fa sḇukifrur for.

Ḇape, ḇesesya sobe sifrur for ro fafisu iwara ima samswen kaku. Inja snonkaku sya imbude sor fondes ro snonkaku ḇesesya, bardiḇur sifrur for ro mankunsi. Inja, man ḇefawinanem ḇeḇeso sikyar snar roi Abraham dun ya ima rosaser oso, imnis pot ma rosai sḇukiyuf rosaser ani ḇeḇefrur ro rantai. Rosaser ani naser batu bara ḇesam ḇaido fondes ḇesak kaker ro for ḇeba ḇesak ro roḇ ḇeponya. (Yesaya 30:14) Fondes ani bisa sḇukna fa sikfrur for ro fafisu marandan sena. Sifrurna kuker srir aimun ro fondes yaḇori.