I BAS Kejadin pasal 22, nina Pustaka si Badia maka isuruh Dibata Abraham lawes ku ingan si ndauh guna mpersembahken korban. Nina, ”Isuruh Abraham si Isak maba ranting e, janah ia jine maba piso ras rara api. Asum ia erdalan duana.”—Kejadin 22:6.

La ituriken Pustaka uga cara kalak si nai mpegeluh api. Emaka ipegeluh Abraham ras Isak nge api janah kenca si e ibabana api e? Nina sekalak pakar Pustaka, adi api la banci ”terus gara i bas perdalanen si ndauh”. Sebalikna banci saja ibaba Abraham ras anakna kai pe si iperluken guna mpegeluh api.

Tapi lit ka si ngatakenca maka la menukah mpegara api paksa si e. Emaka adi memungkinken, ipegeluh kalak api alu muat batu bara si melas i bas rara nari, mungkin ipindona batu bara si melas e i bas tetanggana nari. Piga-piga pakar tek maka ibuat Abraham batu bara si melas i bas rara nari ope denga ia berkat. Itamana e i bas sada ingan, banci saja i bas kudin taneh si lit tagangenna. Janah ibabana kudin e sanga ia berkat. (Jesaya 30:14) Kenca si e banci igunakenna batu bara si melas e ras ranting-ranting si kitik sanga perlu ia mpegeluh api.