LIDAN Agumesehani, ariñagatu Bíbülia ruti lan Bungiu gumadi lun Abüraámü lun ladügün aban wéiyaasu díseti lun ladügün aban sákürifisiu. Ariñagati abahüdaguni: “Aba lanügüni Abüraámü lílemena adagaragüdüni, aba líchuguni légewagu Isaakü, aba lanügünu gusiñu luma watu gemeti, aba houdin úara” (Agumesehani 22:6).

Mafuranguagüdün tumuti Bíbülia ida liña lan meha háfuragun gürigia watu lidan binadu dan. Aba funa san háfuragun Abüraámü luma Isaakü watu, ani aba hanügüni hámagua? Ariñagati aban sásaamu lidan tuáguti Bíbülia luagu hénrengubei lan hamuga lerederun watu ligía durungu lidan lidise wéiyaasu ligía. Ariñagati háfuga lan barǘ lani Abüraámü luma lisaani sun le mégeiwabei lun háfuraguni watu.

Gama lumoun, ariñagatiña amu sásaamu hénrengu lan meha láfurawagun watu lidan dan ligía. Ligíati, dan le meha gayara lan, aba háfuragun gürigia watu lau leñegura amu watu le gemeñu liña. Háfuga aba lan meha hamuriahan eñeguraü luma somu habesinan. Gíbetiña sásaamu saminatiña ibiha lani Abüraámü eñeguraü lubaragiñe lagumeseruni wéiyaasu. Saminatiña háfuga lan barǘ lani eñeguraü lidan somu ageidinaü lenege gíndili ani aba ladahiruni lau aban güringüri (Isaíasi 30:14). Ligíati, háfuga yusu lan Abüraámü eñeguraü luma life fulansu le mábeihali dan le lemegeirunbei láfuraguni watu.