O CHƐNƐSEE bolle 22 niŋ, mi Baabuiyo dimi maa mi Mɛlɛka dimul Ebilaham le mbo kuɛ landaŋ a chiee ndɔɔ le salaa solioo. O dimi aa, “Mi Ebilaham chua yɔmnde le salaa lomɔɔ, mbo handu Aase po ndɔ o lebol, mi ndu pila bii yiŋndeŋ o ba, a muɛi. Ma hiau lachi a kɔlaŋ nda ŋiɔɔŋ.”—Chɛnɛsee 22:6.

Baabuiyo tɛɛsiaa mɛɛ waŋnda o sindɔɔ niŋ ndaa looku yiŋndeŋ mɛndullɛ le. Baa yiŋndeŋ Ebilaham nda Aase mɛndul fɛŋ ni, nduyɛ ma chua ma kua a leŋ? Mi wana yaasiaa Baabui pilɛ dimi maa kɛlɛŋgaa yiŋnde wa leŋ sandei leŋ lee nɔla mi le “fuuluu a nda o tiŋ vilɛi koŋ niŋ te.” Kɛ, wana che pɛ maa mi Ebilaham nda po ndɔɔ chua nyɛ o nyɛ ndaa hau ba le yiŋndeŋ mɛndullo.

Kɛ apum dimi maa i ve suɛi kpɛdɛ le yiŋndeŋ mɛndullo a teleŋnda laŋ te. Lelaŋ, ba o ba waŋnda ndaa che pɛ yiŋndeŋ, a kɔ chua dɛŋgultaŋ le mi nda bɛɛ kiisuu yiŋndeŋ le ndaleŋ. Kɛlɛŋgaa o wanaa ndaa chiɛɛliaŋnda lo ndaa kua leŋ chuaa ni. Wanaa pɛɛkaa bɔɔbɔɔ laalaŋ maa Ebilaham chua fɛŋ yiŋndeŋ malaŋ nda kandu kɔlaŋ o tiŋ vilɛi koŋ niŋ. Wana che pɛ maa o nyɛ niŋ ndoo wou dɛŋgulta laŋ ni, kɛlɛŋgaa o kpɛɛnɛi nɔ lɔɔ ve niŋ. Nduyɛ wana che pɛ maa a kpɛɛnɛi keŋ o ba ndoo kuɛ ni. (Aisaya 30:14) Nduyɛ wana che pɛ maa dɛŋgulta laŋ a nyaandaŋ ndoo soliŋ kpeku ni teleŋ o teleŋ ndoo yeema pɛ yiŋndeŋ mɛndullo.