Mä Génesis japë Dios ojts ttukˈaneˈemyë Abrahán parë nëjkx dyaky tuˈugë wintsëˈkën ets kajaa nety tyuˈuyoˈoyaˈany. Biiblyë jyënaˈany: “Abraham ojts yëˈë nyijäˈäxy ttsoˈowë [tˈoˈxë] ja wintsëˈkëny, ets tmooyë ja Isaac taats tpätsoˈowëty [tpaˈooxët] kyejkykyijxy, kyoon nenduˈun ja tsujkn ets ja jëën, ets ojts nyëjkxtë nimajtsk” (Génesis 22:6, Mʉgoxpʉ ja̱ noky mʉdiˈibʉ jyaayʉn Moisés).

Biiblyë kyaj tnimaytyaˈaky wiˈix ijtyë jäˈäy yajjënmëjëdë. Per ¿waˈanë Abrahán mëdë Isaac ojts dyajmëjjëdë jëën etsë net ojts tmënëjkxtë? Tuˈugë jäˈäy diˈib yˈëxpëjkpëtsëëmbyë Biiblyë, jyënaˈany ko piˈtstäˈäyëp ja jëën ko jeky yajmëduˈuyoˈoyët. Tyäˈädë jäˈäy jyënaˈany ko waˈanë Abrahán mëdë Isaac ojts tmënëjkxtäˈäytyë tijatyë nety tsojkëp parë yajjënmëjjëdët.

Perë wiinkpë ëxpëkyjyaˈay jyënäˈändë ko mä tadë tiempë tsipë netyë jäˈäy dyajmëjjëdët ja jëën. Pääty, waˈan ijty tˈamdowdë jëënbäjk parë yajjënmëjëdë, extëm nyëjkxtë jëëngoombë mä myëdëjkpäˈä. Nimayë ëxpëkyjyaˈay wyinmaytyë ko waˈanë Abrahán ojts jawyiin tˈëxtäˈäyë jëënbäjk mä kyatsoonyëm ets jyënäˈändë ko waˈan ojts tmënëjkxy mä tuˈugë abëjkën diˈib duˈun extëm tuˈugë tuˈts diˈib wyiintˈäjtypyë kadenë (Isaías 30:14). Pääty, waˈanë Abrahán dyajtuunyë jëënbäjk etsë jäˈäxytyëˈëts ko dyajmëjjëyany ja jëën.