KU Njenisisi kapitulu 22, Mbimbiliya nguayo Njambi ua lekele Avilahama ku ya ku cihela ca ku laako linga a ka mu hane cikombelo. Ya handeka nguayo: “Avilaha ua nonene vikuni via cikombelo ca ku tsimika, na ku vi tuika Isake muaneni; kaha ua tambuile mu livoko lieni tuhia na mpoko; kaha vose vavali va ile hamo.”—Njenisisi 22:6.

Mbimbiliya ka ya lomboluele vati va kele na ku ambata tuhia ku laza. Vuno Avilahama na Isake va vuekele tuhia na ku ambataho mulengi ni? Umo mukua ku tondesesa via Mbimbiliya ngueni, halumo ka ca tavele ku ambata mulengi “mu vungendzi vua laha.” Vunoni, halumo Avilahama na Muaneni va ambatele viose via tondekele linga va ka hase ku vueka tuhia.

Vunoni vamo ve ku handeka nguavo ku ntsimbu ize ka ca puile ca casi ku vueka tuhia. Ngeci hose oho ha va hasele ku vuekela tuhia, vantu va kele na ku ambata manungu a tuhia halumo ku vaze va va tunga navo. Cingi ca vakua ku lilongesa via ku laza nguavo Avilahama ua ambatele manungu a tuhia ku tuhia tua ku suama laza ntsimbu tele kanda a ye vungendzi. Halumo ua ambatelele mu cimo citenga ca kele na ku niengelesa mu vungendzi. (Isaiah 30:14) Kaha halumo ua a pangesele manungu aco hose oho ha tondele ku vueka tuhia na vikuni.