DIYIN BIZAAD biiʼdę́ę́ʼ Genesis wóltaʼ 22 áníigo God éí Éíbraham haghandóó nízaadgóó díínáałgo áadi náádiyííłnih hałníigo ákǫ́ǫ́ ahóółʼaʼ. Kótʼéego ání: “Éíbraham chizh bee adidlidgo bee náázhdiʼyoołnihígíí hayeʼ Áízak binaʼízhdéénilgo nihiiníłjid, áádóó kǫʼ índa béésh bił dashdiijaaʼ, áko tʼáá ájíłah ákǫ́ǫ́” jiníʼáázh.—Genesis 22:6.

Níléídę́ę́ʼ ałkʼidą́ą́ʼ diné deíkai yę́ę déédeidiłjah ńtʼééʼ yę́ęgi Diyin Bizaad éí kótʼéego diné déédeidiłjah ńtʼééʼ doo níi da. Ákoósh Éíbraham dóó Áízak éí kǫʼ jidiiłtłahgo áádóó dah nídínoʼgo joolohgo jiníʼáázh? Diyin Bizaad neiłkaahgo yaa yáłtiʼígíí łaʼ áníigo, díí kǫʼ éí doo shı̨́ı̨́ “tʼáá dah nídínoʼgo nizaagóó nizhníʼáazh” da. Ndi, Éíbraham dóó biyeʼ éí bee kǫʼ didooltłiłii bił dashdiijaaʼgo shı̨́ı̨́ átʼé.

Áádóó łaʼ ánáádadiʼníigo éí íídą́ą́ʼ nahalzhiish yę́ędą́ą́ʼ kǫʼ ádoolníiłgi yeeʼ nanitłʼah ńtʼéé’. Bił kéédahojitʼíinii dabikǫʼ bitsʼą́ą́dóó tsíídígíí náádazhdiiʼaahgo bee déédazhdiłjah ńtʼééʼ. Diné ląʼígóó daʼííłtaʼii ádaaníigo éí, Éíbraham tʼah doo dah diighááhgóó éí tsííd łaʼ ásaaʼ yee dahidiiloʼ. (Isaiah 30:14) Áádóó tsííd dóó chizh biyázhí yíłtseígíí neijaahgo bee déézhdíłjahgo tázhdííyá.