ສິ່ງໃດແດ່ຈະໝົດໄປເມື່ອລາຊະອານາຈັກມາປົກຄອງ?
‘ໂລກນີ້ກັບຄວາມຄຶດຢາກໄດ້ຂອງໂລກພວມຜ່ານພົ້ນໄປ ແຕ່ວ່າຜູ້ທີ່ກະທຳຕາມນໍ້າໃຈແຫ່ງພະເຈົ້າກໍຕັ້ງຢູ່ໄປເປັນນິດ.’—1 ໂຢຮັນ 2:17
ເພງ: 134, 24
1, 2. (ກ) ໃນແງ່ໃດທີ່ໂລກຊົ່ວນີ້ຄ້າຍຄືກັບອາດຊະຍາກອນທີ່ພວມຈະຖືກປະຫານຊີວິດ? (ເບິ່ງຮູບທຳອິດ) (ຂ) ຫຼັງຈາກລະບົບຊົ່ວນີ້ຖືກທຳລາຍ ທັງທູດສະຫວັນແລະມະນຸດທຸກຄົນຈະຮູ້ສຶກແນວໃດ?
ໃຫ້ນຶກພາບວ່າອາດຊະຍາກອນທີ່ອັນຕະລາຍກຳລັງຍ່າງໄປຕາມທາງໃນຄຸກແລະພວກຄົນຍາມທີ່ໄປນຳລາວກໍຮ້ອງວ່າ “ຄົນຕາຍກຳລັງຍ່າງຢູ່!” ເປັນຫຍັງຈຶ່ງເວົ້າແບບນັ້ນ? ເຖິງວ່າອາດຊະຍາກອນຄົນນີ້ຍັງມີຊີວິດແລະແຂງແຮງ ແຕ່ລາວຖືກຕັດສິນລົງໂທດໃຫ້ຕາຍແລະກຳລັງຈະຖືກປະຫານຊີວິດ. ນີ້ກໍເທົ່າກັບວ່າລາວໄດ້ຕາຍແລ້ວ. *—ເບິ່ງໄຂເງື່ອນ.
2 ໂລກຊົ່ວທີ່ເຮົາກຳລັງມີຊີວິດຢູ່ເປັນຄືກັບອາດຊະຍາກອນຄົນນັ້ນທີ່ພວມຈະຖືກປະຫານຊີວິດ. ຄຳພີໄບເບິນບອກວ່າ: ‘ໂລກພວມຜ່ານພົ້ນໄປ.’ (1 ໂຢຮັນ 2:17) ພະເຢໂຫວາຕັດສິນໃຈແລ້ວວ່າໃນອີກບໍ່ດົນພະອົງຈະທຳລາຍລະບົບນີ້ ເຮົາຈຶ່ງໝັ້ນໃຈໄດ້ວ່າມັນຈະຖືກທຳລາຍຢ່າງແນ່ນອນ. ແຕ່ມີສິ່ງໜຶ່ງທີ່ສຳຄັນເຊິ່ງແຕກຕ່າງ ກັນລະຫວ່າງການທຳລາຍລະບົບນີ້ກັບການປະຫານຊີວິດອາດຊະຍາກອນຄົນນັ້ນ. ບາງຄົນອາດຮູ້ສຶກວ່າລາວຖືກຕັດສິນຢ່າງບໍ່ຍຸຕິທຳ ແລະເຂົາເຈົ້າອາດປະທ້ວງ ໂດຍຫວັງວ່າລາວຈະບໍ່ຖືກປະຫານຊີວິດ. ແຕ່ພະເຢໂຫວາເປັນຜູ້ພິພາກສາທີ່ຍຸຕິທຳ ແລະການຕັດສິນໃຈຂອງພະອົງທີ່ຈະທຳລາຍລະບົບນີ້ກໍຍຸຕິທຳແທ້ໆ. (ພະບັນຍັດ 32:4) ການທຳລາຍລະບົບນີ້ຈະບໍ່ຊັກຊ້າ. ຫຼັງຈາກລະບົບນີ້ຖືກທຳລາຍແລ້ວ ທັງທູດສະຫວັນແລະມະນຸດທຸກຄົນຈະເຫັນດີນຳວ່າພະເຢໂຫວາຕັດສິນຢ່າງຖືກຕ້ອງ. ເລື່ອງນີ້ເຮັດໃຫ້ເຮົາໂລ່ງໃຈແທ້ໆ!
3. ເມື່ອລາຊະອານາຈັກຂອງພະເຈົ້າມາປົກຄອງ ມີບັນຫາຫຍັງແດ່ທີ່ຈະຖືກກຳຈັດຕະຫຼອດໄປ?
3 “ໂລກ” ທີ່ ‘ພວມຜ່ານພົ້ນໄປ’ ລວມເຖິງຫຍັງແດ່? ລວມເຖິງສິ່ງບໍ່ດີຕ່າງໆທີ່ເປັນສ່ວນໜຶ່ງໃນຊີວິດປັດຈຸບັນ. ແຕ່ອີກບໍ່ດົນມັນຈະຖືກທຳລາຍ ແລະການກຳຈັດສິ່ງເຫຼົ່ານີ້ກໍເປັນສ່ວນໜຶ່ງຂອງ ‘ຄຳປະເສີດແຫ່ງແຜ່ນດິນ’ ເຊິ່ງໝາຍເຖິງຂ່າວດີເລື່ອງລາຊະອານາຈັກ. (ມັດທາຍ 24:14) ໃນບົດຄວາມນີ້ ເຮົາຈະຮຽນຮູ້ວ່າ ເມື່ອລາຊະອານາຈັກຂອງພະເຈົ້າມາປົກຄອງ ມີ 4 ບັນຫາທີ່ຈະຖືກກຳຈັດຕະຫຼອດໄປ ນັ້ນຄື: ຄົນຊົ່ວ ອົງການທີ່ເສື່ອມຊາມ ການປະພຶດຊົ່ວ ແລະສະພາບການຊົ່ວຮ້າຍ. ໃນແຕ່ລະບັນຫາເຮົາຈະຮຽນຮູ້ 3 ເລື່ອງຄື: (1) ສິ່ງເຫຼົ່ານີ້ມີຜົນກະທົບຕໍ່ເຮົາແນວໃດໃນຕອນນີ້ (2) ພະເຢໂຫວາຈະເຮັດຫຍັງກັບສິ່ງເຫຼົ່ານີ້ ແລະ (3) ພະອົງຈະເອົາຫຍັງມາປ່ຽນແທນສິ່ງເຫຼົ່ານີ້.
ຄົນຊົ່ວ
4. ຄົນຊົ່ວສົ່ງຜົນກະທົບຕໍ່ເຮົາແນວໃດ?
4 ຄົນຊົ່ວສົ່ງຜົນກະທົບຕໍ່ເຮົາແນວໃດໃນຕອນນີ້? ອັກຄະສາວົກໂປໂລບອກວ່າໃນສະໄໝສຸດທ້າຍຈະ “ເກີດຄວາມລຳບາກຢ່າງຮ້າຍແຮງ, ທ.ປ.” ຈາກນັ້ນລາວບອກຕື່ມອີກວ່າ: “ຄົນຊົ່ວແລະຄົນລໍ້ລວງທັງຫຼາຍຈະທຳຊົ່ວຮ້າຍມາກກວ່າຂຶ້ນໄປ.” (2 ຕີໂມເຕ 3:1-5, 13) ເຈົ້າເຄີຍປະສົບກັບເລື່ອງນີ້ບໍ? ພວກເຮົາຫຼາຍຄົນເຄີຍຕົກເປັນເຫຍື່ອຂອງຄົນຊົ່ວ ເຊັ່ນ: ຄົນທີ່ກໍ່ຄວາມຮຸນແຮງ ຄົນທີ່ກຽດຊັງເຊື້ອຊາດ ແລະຄົນທີ່ເຮັດຜິດກົດໝາຍຢ່າງຊົ່ວຮ້າຍ. ເຂົາເຈົ້າບາງຄົນເຮັດສິ່ງຊົ່ວຢ່າງເປີດເຜີຍ. ສ່ວນບາງຄົນທຳທ່າເຮັດຄືວ່າຊ່ວຍເຫຼືອຄົນອື່ນ ແຕ່ທີ່ຈິງແລ້ວເຂົາເຈົ້າເປັນຄົນຊົ່ວ. ເຖິງວ່າເຮົາບໍ່ເຄີຍຕົກເປັນເຫຍື່ອຂອງການກະທຳຜິດໃນຮູບແບບໃດໜຶ່ງ ແຕ່ເຮົາຍັງໄດ້ຮັບຜົນກະທົບຈາກຄົນຊົ່ວ. ເຮົາຮູ້ສຶກສະເທືອນໃຈເມື່ອໄດ້ຍິນເລື່ອງໂຫດຮ້າຍທີ່ຄົນຊົ່ວເຮັດຕໍ່ເດັກນ້ອຍ ຜູ້ເຖົ້າ ແລະຄົນທີ່ບໍ່ມີທາງສູ້. ຄົນຊົ່ວເຫຼົ່ານີ້ເຮັດໃຫ້ຕົວເອງເປັນຄືກັບສັດຮ້າຍຫຼືປີສາດ. (ຢາໂກໂບ 3:15) ແຕ່ເຮົາຮູ້ສຶກດີໃຈທີ່ຄຳພີໄບເບິນໃຫ້ເຮົາມີຄວາມຫວັງ.
5. (ກ) ມີໂອກາດຫຍັງສຳລັບຄົນຊົ່ວ? (ຂ) ຈະເກີດຫຍັງຂຶ້ນກັບຄົນທີ່ບໍ່ຍອມປ່ຽນແປງຕົວເອງ?
5 ພະເຢໂຫວາຈະເຮັດຫຍັງຕໍ່ຄົນຊົ່ວ? ຕອນນີ້ພະເຢໂຫວາກຳລັງເປີດໂອກາດໃຫ້ຄົນຊົ່ວປ່ຽນແປງຕົວເອງ. (ເອຊາອີ 55:7) ໃນອີກບໍ່ດົນລະບົບນີ້ຈະຖືກທຳລາຍ ແຕ່ຄົນຊົ່ວຍັງບໍ່ຖືກຕັດສິນຂັ້ນສຸດທ້າຍເທື່ອ. ຈະເກີດຫຍັງຂຶ້ນກັບຄົນທີ່ບໍ່ຍອມປ່ຽນແປງຕົວເອງແລະຄົນທີ່ສະໜັບສະໜູນລະບົບນີ້ຈົນເຖິງຄວາມທຸກລຳບາກຄັ້ງໃຫຍ່? ພະເຢໂຫວາສັນຍາວ່າຈະກຳຈັດຄົນຊົ່ວໃຫ້ໝົດໄປຈາກໂລກນີ້. (ອ່ານຄຳເພງ 37:10) ທຸກມື້ນີ້ ຫຼາຍຄົນເຮັດຊົ່ວແບບລັບໆ ແລະຫຼາຍຄັ້ງເຂົາເຈົ້າກໍບໍ່ຖືກລົງໂທດ. (ໂຢບ 21:7, 9) ແຕ່ຄຳພີໄບເບິນເຕືອນວ່າ: ‘ພະເຈົ້າເຝົ້າເບິ່ງການກະທຳຂອງທຸກຄົນແລະຂີດໝາຍການເດີນໄປຂອງມະນຸດທຸກບາດກ້າວ. ບໍ່ມີຄວາມມືດອັນໃດທີ່ຈະມືດໜາຫຼາຍພໍທີ່ຈະປິດບັງຄົນບາບໜາຈາກພະເຈົ້າໄວ້ໄດ້.’ (ໂຢບ 34:21, 22, ທ.ປ.) ເມື່ອເປັນເຊັ່ນນັ້ນຈຶ່ງບໍ່ມີທາງປິດບັງພະເຢໂຫວາໄດ້. ພະອົງເຫັນທຸກສິ່ງທີ່ຄົນຊົ່ວກຳລັງເຮັດ. ຫຼັງຈາກສົງຄາມອະລະມະເຄໂດນ ເຮົາອາດແນມເບິ່ງບ່ອນທີ່ຄົນຊົ່ວເຄີຍຢູ່ ແຕ່ຈະບໍ່ເຫັນ ເພາະເຂົາເຈົ້າຖືກທຳລາຍຕະຫຼອດໄປ!—ຄຳເພງ 37:12-15
6. ໃຜຈະລອດຊີວິດເມື່ອຄົນຊົ່ວຖືກທຳລາຍຕະຫຼອດໄປ ແລະເປັນຫຍັງເລື່ອງນີ້ຈຶ່ງເປັນຂ່າວດີ?
6 ໃຜຈະລອດຊີວິດເມື່ອຄົນຊົ່ວຖືກທຳລາຍຕະຫຼອດໄປ? ພະເຢໂຫວາສັນຍາວ່າ: “ຄົນທີ່ອ່ອນນ້ອມຖ່ອມຕົນຈະໄດ້ຢູ່ໃນໂລກ ພວກເຂົາຈະຊົມຊື່ນຍິນດີແລະມີແຕ່ຄວາມສະຫງົບສຸກ, ລ.ມ.” ໃນຄຳເພງບົດດຽວກັນນີ້ ເຮົາອ່ານວ່າ: “ຄົນຊອບທຳທັງຫຼາຍຈະມີແຜ່ນດິນໄວ້ແລະເຂົາຈະຕັ້ງຢູ່ທີ່ນັ້ນສືບໆໄປເປັນນິດ.” (ຄຳເພງ 37:11, 29) “ຄົນທີ່ອ່ອນນ້ອມຖ່ອມຕົນ” ແລະ “ຄົນຊອບທຳ” ໝາຍເຖິງໃຜ? ຄົນທີ່ອ່ອນນ້ອມຖ່ອມຕົນແມ່ນຄົນຖ່ອມທີ່ຢາກຮຽນຮູ້ຈາກພະເຢໂຫວາແລະເຊື່ອຟັງພະອົງ. ຄົນຊອບທຳແມ່ນຄົນທີ່ມັກເຮັດສິ່ງທີ່ພະເຈົ້າບອກວ່າຖືກຕ້ອງ. ໃນໂລກທຸກມື້ນີ້ ຄົນຊົ່ວມີຫຼາຍກວ່າຄົນຊອບທຳ. ແຕ່ໃນໂລກໃໝ່ຈະມີແຕ່ຄົນທີ່ອ່ອນນ້ອມຖ່ອມຕົນແລະຄົນຊອບທຳ ແລະເຂົາເຈົ້າຈະເຮັດໃຫ້ໂລກນີ້ເປັນອຸທິຍານ!
ອົງການທີ່ເສື່ອມຊາມ
7. ອົງການທີ່ເສື່ອມຊາມສົ່ງຜົນກະທົບຕໍ່ເຮົາແນວໃດໃນຕອນນີ້?
7 ອົງການທີ່ເສື່ອມຊາມສົ່ງຜົນກະທົບຕໍ່ເຮົາແນວໃດໃນຕອນນີ້? ຄວາມຊົ່ວຮ້າຍສ່ວນຫຼາຍໃນໂລກທຸກມື້ນີ້ບໍ່ໄດ້ເກີດຈາກບຸກຄົນໃດໜຶ່ງແຕ່ເກີດຈາກອົງການຕ່າງໆ. ອົງການທາງສາສະໜາໄດ້ຫຼອກລວງຫຼາຍລ້ານຄົນ. ຕົວຢ່າງເຊັ່ນ: ເຂົາເຈົ້າສອນເລື່ອງຕົວະກ່ຽວກັບພະເຈົ້າ ເຂົາເຈົ້າບອກວ່າຄຳພີໄບເບິນໄວ້ໃຈບໍ່ໄດ້ ແລະເຂົາເຈົ້າຕົວະຜູ້ຄົນກ່ຽວກັບອະນາຄົດຂອງໂລກແລະຂອງມະນຸດ. ລັດຖະບານທີ່ເສື່ອມຊາມສະໜັບສະໜູນສົງຄາມແລະຄວາມຮຸນແຮງທີ່ເກີດຈາກການແບ່ງແຍກເຊື້ອຊາດ ແລະກົດຂີ່ຄົນທຸກຍາກແລະຄົນທີ່ບໍ່ມີທາງສູ້. ຍ້ອນລັດຖະບານເຫຼົ່ານີ້ລຳອຽງຫຼືກິນສິນບົນ ດັ່ງນັ້ນເຂົາເຈົ້າຈຶ່ງຮັ່ງມີຫຼາຍຂຶ້ນແລະມີອຳນາດຕື່ມອີກ. ທຸລະກິດຕ່າງໆທີ່ໂລບມາກເຮັດໃຫ້ສິ່ງແວດລ້ອມເປັນພິດ ເຮັດໃຫ້ຊັບພະຍາກອນທຳມະຊາດຖືກທຳລາຍ ແລະເຮັດໃຫ້ຜູ້ຄົນຖືກເອົາປຽບເພື່ອຄົນຈຳນວນໜຶ່ງຈະຮັ່ງມີ. ເຫັນໄດ້ແຈ້ງວ່າ ຄວາມທຸກລຳບາກທີ່ມີຢູ່ໃນໂລກທຸກມື້ນີ້ ອົງການທີ່ເສື່ອມຊາມຕ້ອງໄດ້ຮັບຜິດຊອບເປັນສ່ວນຫຼາຍ.
8. ຄຳພີໄບເບິນບອກວ່າຈະເກີດຫຍັງຂຶ້ນກັບອົງການທີ່ເບິ່ງຄືໝັ້ນຄົງສຳລັບຫຼາຍຄົນໃນທຸກມື້ນີ້?
8 ພະເຢໂຫວາຈະເຮັດຫຍັງຕໍ່ອົງການທີ່ເສື່ອມຊາມ? ຄວາມທຸກລຳບາກຄັ້ງໃຫຍ່ຈະເລີ່ມຕົ້ນເມື່ອອຳນາດທາງການເມືອງໂຈມຕີອົງການສາສະໜາປອມທັງໝົດ ເຊິ່ງຄຳພີໄບເບິນເອີ້ນວ່າເປັນຍິງແມ່ຈ້າງທີ່ຊື່ ບາບີໂລນໃຫຍ່. (ຄຳປາກົດ 17:1, 2, 16; 18:1-4) ອົງການສາສະໜາເຫຼົ່ານີ້ຈະຖືກທຳລາຍໃຫ້ສິ້ນຊາກ. ຈະເກີດຫຍັງຂຶ້ນກັບອົງການທັງໝົດທີ່ເສື່ອມຊາມ? ຄຳພີໄບເບິນສົມທຽບອົງການເຫຼົ່ານີ້ວ່າເປັນພູເຂົາແລະເກາະຕ່າງໆທີ່ເບິ່ງຄືໝັ້ນຄົງແລະແຂງແກ່ນ. (ອ່ານຄຳປາກົດ 6:14) ຄຳພີໄບເບິນຍັງບອກຕື່ມວ່າລັດຖະບານຕ່າງໆແລະອົງການທັງໝົດຈະຖືກທຳລາຍ ເພາະບໍ່ໄດ້ສະໜັບສະໜູນລາຊະອານາຈັກຂອງພະເຈົ້າ. ເຫດການນີ້ຈະເປັນສ່ວນສຸດທ້າຍຂອງຄວາມທຸກລຳບາກຄັ້ງໃຫຍ່. (ເຢເຣມີ 25:31-33) ໃນທີ່ສຸດຈະບໍ່ມີອົງການທີ່ເສື່ອມຊາມອີກຕໍ່ໄປ!
9. ເປັນຫຍັງເຮົາໝັ້ນໃຈວ່າແຜ່ນດິນໂລກໃໝ່ຈະຖືກຈັດໃຫ້ເປັນລະບຽບຢ່າງດີ?
9 ສິ່ງໃດຈະມາປ່ຽນແທນອົງການທີ່ເສື່ອມຊາມ? ຫຼັງຈາກສົງຄາມອະລະມະເຄໂດນ ຈະມີອົງການໃດໜຶ່ງໃນໂລກນີ້ບໍ? ຄຳພີໄບເບິນບອກວ່າ: “ຕາມຄຳປະຕິຍານຂອງພະອົງ ເຮົາທັງຫຼາຍຄອຍຖ້າຟ້າອາກາດໃໝ່ແລະແຜ່ນດິນໂລກໃໝ່ ຢູ່ທີ່ນັ້ນຄວາມຊອບທຳຕັ້ງຢູ່.” (2 ເປໂຕ 3:13) ຟ້າອາກາດເກົ່າໝາຍເຖິງລັດຖະບານຕ່າງໆທີ່ເສື່ອມຊາມ ແລະແຜ່ນດິນໂລກເກົ່າໝາຍເຖິງຄົນບໍ່ຊອບທຳທີ່ລັດຖະບານ ເຫຼົ່ານີ້ຄວບຄຸມ. ຫຼັງຈາກທີ່ລັດຖະບານເຫຼົ່ານີ້ຖືກທຳລາຍແລ້ວ ສິ່ງໃດຈະມາປ່ຽນແທນ? ຄຳພີໄບເບິນບອກວ່າ: “ຟ້າອາກາດໃໝ່ແລະແຜ່ນດິນໂລກໃໝ່” ຈະມາປ່ຽນແທນ. ຟ້າອາກາດໃໝ່ໝາຍເຖິງລັດຖະບານໃໝ່ ເຊິ່ງກໍຄືລາຊະອານາຈັກທີ່ພະເຍຊູປົກຄອງຮ່ວມກັບ 144.000 ຄົນ. ແຜ່ນດິນໂລກໃໝ່ໝາຍເຖິງຄົນທີ່ຢູ່ພາຍໃຕ້ການປົກຄອງຂອງລາຊະອານາຈັກນີ້. ພະເຍຊູແລະຜູ້ຮ່ວມປົກຄອງກັບພະອົງຈະເຮັດຕາມແບບຢ່າງຂອງພະເຈົ້າໄດ້ຄົບຖ້ວນ ເພາະພະເຢໂຫວາເປັນພະເຈົ້າທີ່ມີລະບຽບ. (1 ໂກລິນໂທ 14:33) ດັ່ງນັ້ນ “ແຜ່ນດິນໂລກໃໝ່” ຈະຖືກຈັດໃຫ້ເປັນລະບຽບ ແລະຈະມີຄົນທີ່ດີເບິ່ງແຍງສິ່ງຕ່າງໆ. (ຄຳເພງ 45:16) ພະເຍຊູແລະຜູ້ຮ່ວມປົກຄອງກັບພະອົງຈະຊີ້ນຳຄົນເຫຼົ່ານີ້. ໃຫ້ນຶກເຖິງເວລາທີ່ອົງການທັງໝົດທີ່ເສື່ອມຊາມຈະຖືກປ່ຽນແທນໂດຍອົງການໜຶ່ງທີ່ມີຄວາມເປັນເອກະພາບເຊິ່ງຈະບໍ່ສ້າງຄວາມເສຍຫາຍຈັກເທື່ອ!
ການປະພຶດຊົ່ວ
10. ໃນເຂດທີ່ເຈົ້າຢູ່ ການປະພຶດຊົ່ວແບບໃດທີ່ຖືເປັນເລື່ອງທຳມະດາ ເຈົ້າແລະຄອບຄົວໄດ້ຮັບຜົນກະທົບແນວໃດ?
10 ການປະພຶດຊົ່ວສົ່ງຜົນກະທົບຕໍ່ເຮົາແນວໃດໃນຕອນນີ້? ເຮົາມີຊີວິດຢູ່ໃນໂລກທີ່ຖືວ່າການຜິດສິນລະທຳ ຄວາມບໍ່ສັດຊື່ ແລະຄວາມຮຸນແຮງທີ່ໂຫດຮ້າຍເປັນເລື່ອງທຳມະດາ. ຄວາມບັນເທີງຂອງໂລກເຮັດໃຫ້ສິ່ງເຫຼົ່ານີ້ໜ້າສົນໃຈ ແຕ່ໃນຂະນະດຽວກັນກໍເຍາະເຍີ້ຍມາດຕະຖານຂອງພະເຢໂຫວາໃນເລື່ອງທີ່ຖືກແລະຜິດ. (ເອຊາອີ 5:2) ດັ່ງນັ້ນ ພໍ່ແມ່ຕ້ອງບາກບັ່ນເພື່ອປົກປ້ອງລູກຈາກອິດທິພົນຊົ່ວເຫຼົ່ານີ້. ໃນໂລກທີ່ບໍ່ໄດ້ນັບຖືມາດຕະຖານຂອງພະເຢໂຫວາ ຜູ້ນະມັດສະການພະອົງຕ້ອງພະຍາຍາມຫຼາຍແທ້ໆເພື່ອປົກປ້ອງສາຍສຳພັນກັບພະອົງ.
11. ເຮົາຮຽນຮູ້ຫຍັງຈາກການຕັດສິນຂອງພະເຢໂຫວາຕໍ່ເມືອງຊໍດົມແລະໂຄໂມລາ?
11 ພະເຢໂຫວາຈະເຮັດຫຍັງຕໍ່ການປະພຶດຊົ່ວ? ໃຫ້ເບິ່ງຄືນໃນສິ່ງທີ່ພະເຢໂຫວາໄດ້ເຮັດຕໍ່ການປະພຶດຊົ່ວຮ້າຍໃນເມືອງຊໍດົມແລະໂຄໂມລາ. (ອ່ານ 2 ເປໂຕ 2:6-8) ໂລດເປັນຄົນທີ່ຊອບທຳ ລາວແລະຄອບຄົວທຸກໃຈຫຼາຍຍ້ອນການກະທຳຊົ່ວທຸກຢ່າງຂອງຜູ້ຄົນທີ່ຢູ່ອ້ອມຂ້າງເຂົາເຈົ້າ. ເພື່ອກຳຈັດການປະພຶດຊົ່ວ ພະເຢໂຫວາໄດ້ທຳລາຍບໍລິເວນເຫຼົ່ານັ້ນທັງໝົດ. ການທີ່ພະອົງເຮັດແນວນັ້ນກໍເພື່ອ “ໃຫ້ເປັນສຳຄັນ” ຫຼືເປັນຕົວຢ່າງເຕືອນໃຈຄົນຊົ່ວໃນທຸກມື້ນີ້ດ້ວຍ. ຄືກັບທີ່ພະເຢໂຫວາໄດ້ກຳຈັດການປະພຶດຜິດສິນລະທຳໃນສະໄໝກ່ອນ ໃນສະໄໝນີ້ພະອົງກໍຈະເຮັດຄືກັນເມື່ອພະອົງທຳລາຍລະບົບປັດຈຸບັນນີ້.
12. ເມື່ອລະບົບນີ້ຖືກທຳລາຍ ເຈົ້າຄອຍຖ້າທີ່ຈະເຮັດສິ່ງໃດແດ່?
12 ສິ່ງໃດຈະມາປ່ຽນແທນການປະພຶດຊົ່ວ? ໃນໂລກໃໝ່ ເຮົາຈະມີຄວາມສຸກໃນການເຮັດຫຼາຍສິ່ງຫຼາຍຢ່າງ ເຊັ່ນ: ເຮັດໃຫ້ໂລກນີ້ເປັນອຸທິຍານແລະປຸກເຮືອນສຳລັບຕົວເອງແລະຄົນທີ່ເຮົາຮັກ. ນອກຈາກນັ້ນ ເຮົາຍັງຈະໄດ້ຕ້ອນຮັບຫຼາຍລ້ານຄົນທີ່ຟື້ນຂຶ້ນມາຈາກຕາຍ ແລະສອນເຂົາເຈົ້າໃຫ້ຮູ້ເລື່ອງພະເຢໂຫວາແລະທຸກສິ່ງທີ່ພະອົງໄດ້ເຮັດເພື່ອມະນຸດ. (ເອຊາອີ 65:21, 22; ກິດຈະການ 24:15) ໃນຕອນນັ້ນ ເຮົາຈະເຮັດສິ່ງຕ່າງໆທີ່ພາໃຫ້ມີຄວາມສຸກແລະນຳຄຳສັນລະເສີນມາໃຫ້ພະເຢໂຫວາ!
ສະພາບການທີ່ຊົ່ວຮ້າຍ
13. ການກະບົດໃນສວນເອເດນກໍ່ຜົນແນວໃດ?
13 ສະພາບການທີ່ຊົ່ວຮ້າຍສົ່ງຜົນກະທົບຕໍ່ເຮົາແນວໃດໃນຕອນນີ້? ເນື່ອງຈາກໂລກນີ້ເຕັມແຕ່ຄົນຊົ່ວ ອົງການທີ່ເສື່ອມຊາມ ແລະການປະພຶດຊົ່ວ ດັ່ງນັ້ນຈຶ່ງເກີດມີສະພາບການຊົ່ວຮ້າຍ. ເຮົາທຸກຄົນໄດ້ຮັບຜົນກະທົບຈາກສົງຄາມ ຄວາມອຶດຢາກ ການແບ່ງແຍກເຊື້ອຊາດ ຄວາມເຈັບປ່ວຍແລະຄວາມຕາຍ. ສະພາບການເຫຼົ່ານີ້ເປັນຍ້ອນຊາຕານ ອາດາມ ແລະເອວາໄດ້ກະບົດຕໍ່ພະເຢໂຫວາ. ດັ່ງນັ້ນ ເຮົາທຸກຄົນຈຶ່ງໄດ້ຮັບຜົນກະທົບຈາກການກະບົດຂອງເຂົາເຈົ້າ.
14. ພະເຢໂຫວາຈະເຮັດຫຍັງຕໍ່ສະພາບການຊົ່ວຮ້າຍ?
ຄຳເພງ 46:8, 9) ພະອົງຈະກຳຈັດຄວາມເຈັບປ່ວຍໃຫ້ໝົດໄປ. (ເອຊາອີ 33:24) ພະອົງຈະທຳລາຍຄວາມຕາຍໃຫ້ສາບສູນ. (ເອຊາອີ 25:8) ພະອົງຈະເຮັດໃຫ້ຄວາມອຶດຢາກໝົດໄປ. (ຄຳເພງ 72:12-16) ນອກຈາກນັ້ນ ພະເຢໂຫວາຈະກຳຈັດສະພາບການຊົ່ວຮ້າຍທຸກຢ່າງທີ່ເຮັດໃຫ້ຊີວິດໃນຕອນນີ້ທຸກຍາກ. ແມ່ນແຕ່ອິດທິພົນທີ່ຊົ່ວຮ້າຍຂອງຊາຕານແລະພວກປີສາດຂອງມັນ ພະອົງກໍຈະກຳຈັດບໍ່ໃຫ້ເຫຼືອ!—ເອເຟດ 2:2
14 ພະເຢໂຫວາຈະເຮັດຫຍັງຕໍ່ສະພາບການຊົ່ວຮ້າຍ? ໃຫ້ຄິດເຖິງບາງຕົວຢ່າງຕໍ່ໄປນີ້. ພະເຢໂຫວາສັນຍາວ່າຈະບໍ່ໃຫ້ມີສົງຄາມອີກຕໍ່ໄປ. (ອ່ານໃຫ້ນຶກພາບເຖິງໂລກທີ່ບໍ່ມີສົງຄາມ ຄວາມເຈັບປ່ວຍ ແລະຄວາມຕາຍ! (ເບິ່ງຂໍ້ 15)
15. ຫຼັງຈາກສົງຄາມອະລະມະເຄໂດນ ມີຫຍັງແດ່ຈະຖືກກຳຈັດຕະຫຼອດໄປ?
15 ຂໍໃຫ້ນຶກພາບເຖິງຊີວິດໃນໂລກທີ່ບໍ່ມີສົງຄາມ ຄວາມເຈັບປ່ວຍ ແລະຄວາມຕາຍ! ເພາະວ່າຈະບໍ່ມີກອງທະຫານ ອາວຸດ ຫຼືອະນຸສາວະລີນັກຮົບ ເຮົາຈຶ່ງບໍ່ຈຳເປັນຕ້ອງມີໂຮງໝໍ ທ່ານໝໍ ພະຍາບານ ໂຮງເຢັນ ຫຼືປ່າຊ້າ. ເນື່ອງວ່າຈະບໍ່ມີອາດຊະຍາກຳ ຈຶ່ງບໍ່ຕ້ອງມີຕຳຫຼວດ ລະບົບເຕືອນໄພ ຫຼືແມ່ນແຕ່ກະແຈ! ສະພາບການຊົ່ວຮ້າຍທັງໝົດນີ້ຈະຖືກກຳຈັດຕະຫຼອດໄປ ເພາະມັນເຮັດໃຫ້ເຮົາກັງວົນໃຈຫຼາຍ.
16, 17. (ກ) ຄົນທີ່ລອດຊີວິດຜ່ານສົງຄາມອະລະມະເຄໂດນຈະຮູ້ສຶກແນວໃດ? ໃຫ້ຍົກຕົວຢ່າງ. (ຂ) ເຮົາຕ້ອງເຮັດຫຍັງເພື່ອໝັ້ນໃຈວ່າຈະລອດຊີວິດຫຼັງຈາກໂລກນີ້ຖືກທຳລາຍ?
16 ຊີວິດຈະເປັນແນວໃດເມື່ອສະພາບການທີ່ຊົ່ວຮ້າຍຖືກກຳຈັດຕະຫຼອດໄປ? ບໍ່ງ່າຍທີ່ຈະນຶກພາບແບບນັ້ນ ເພາະເຮົາມີຊີວິດໃນສະພາບການທີ່ຊົ່ວຮ້າຍມາດົນ ຈົນບໍ່ໄດ້ຮູ້ສຶກວ່າສິ່ງເຫຼົ່ານັ້ນເຮັດໃຫ້ເຄັ່ງຕຶງຫຼາຍສໍ່າໃດ. ເພື່ອເປັນຕົວຢ່າງ ຄົນທີ່ອາໄສຢູ່ໃກ້ສະຖານີລົດໄຟທີ່ວຸ່ນວາຍ ເມື່ອຢູ່ດົນໆໄປກໍລຶ້ງ ແລະອາດບໍ່ຮູ້ສຶກວ່າມີສຽງຟົດນັນ. ຄົນທີ່ອາໄສຢູ່ໃກ້ບ່ອນຖິ້ມຂີ້ເຫຍື້ອ ເມື່ອຢູ່ດົນໆໄປກໍລຶ້ງ ແລະອາດບໍ່ຮູ້ສຶກວ່າມີກິ່ນເໝັນ. ດັ່ງນັ້ນ ເມື່ອພະເຢໂຫວາກຳຈັດສະພາບການຊົ່ວຮ້າຍທັງໝົດ ເຮົາຈະໂລ່ງໃຈຫຼາຍແທ້ໆ!
17 ສິ່ງໃດຈະມາປ່ຽນແທນຄວາມເຄັ່ງຕຶງທຸກຢ່າງທີ່ເຮົາຮູ້ສຶກໃນຕອນນີ້? ຄຳເພງ 37:11 (ລ.ມ.) ບອກວ່າ: “ພວກເຂົາຈະຊົມຊື່ນຍິນດີແລະມີແຕ່ຄວາມສະຫງົບສຸກ.” ເຮົາໄດ້ກຳລັງໃຈຫຼາຍທີ່ຮູ້ວ່າ ພະເຢໂຫວາຕ້ອງການໃຫ້ເຮົາໄດ້ຮັບສິ່ງເຫຼົ່ານີ້! ໃນເວລາທີ່ເຄັ່ງຕຶງນີ້ ໃຫ້ເຮົາເຮັດສຸດຄວາມສາມາດເພື່ອໃກ້ຊິດກັບພະເຢໂຫວາແລະອົງການຂອງພະອົງ. ເນື່ອງຈາກຄວາມຫວັງເລື່ອງອະນາຄົດເປັນສິ່ງທີ່ມີຄ່າແທ້ໆ ຂໍໃຫ້ເຈົ້າຄິດຢ່າງເລິກເຊິ່ງໃນເລື່ອງນີ້ ເຮັດທຸກຢ່າງເພື່ອໃຫ້ຄວາມຫວັງນັ້ນເປັນຈິງສຳລັບເຈົ້າ ແລະເວົ້າເລື່ອງນີ້ໃຫ້ຄົນອື່ນຟັງ. (1 ຕີໂມເຕ 4:15, 16; 1 ເປໂຕ 3:15) ຖ້າເຮັດແບບນີ້ ເຈົ້າໝັ້ນໃຈໄດ້ວ່າເມື່ອລະບົບນີ້ຖືກທຳລາຍ ເຈົ້າກໍຈະລອດຊີວິດແລະມີຄວາມສຸກຕະຫຼອດໄປ!
^ ຂໍ້ 1 ຂໍ້ນີ້ເວົ້າເຖິງປະເພນີໜຶ່ງເມື່ອຫຼາຍປີແລ້ວໃນບາງເຂດຂອງອາເມຣິກາເຊິ່ງຖືວ່າເປັນເລື່ອງທຳມະດາທີ່ຄຸກຕ່າງໆຈະເວົ້າແບບນີ້.