1. (a) Jefta Hannalu sumik as­sigiis­suteqar­pat? (Al­laaserisap aal­laq­qaataani as­siliat takuk­kit). (b) Apeq­qutit suut al­laaserisami matumani akineqas­sap­pat?

JEFTA siut­tuuvoq qunusuitsoq sak­kutuujul­lunilu sapiitsoq. Hanna ar­naavoq maniguut­toq uiminil­lu isumas­suil­luar­toq. Inuit taak­ku Jehovamik pal­lorfigin­nit­tuup­put. Al­lamit­taaq as­sigiis­suteqar­put. Jefta Hannalu Jehovamut neriorsuuteqar­put, tamarmil­lu im­mik­kut neriorsuutimin­nik aalajaal­lutik eq­qor­titsip­put. Angutinut ar­nanul­lu Jehovamut neriorsuuteqar­niarlutik aalajanger­tunut maligas­saal­luar­put. Maan­na apeq­qutit pingasut uku sam­meriar­tigit: Neriorsuineq qanor­piaq paasisariaqar­pa? Guutimut neriorsuuteqar­neq qanoq pimoorus­sas­saatigaa? Jefta Hannalu sumik ilin­niarfigisin­naavavut?

2, 3. (a) Neriorsuineq qanoq paasisariaqar­pa? (b) Guutimut neriorsuuteqar­neq pil­lugu Biibilimi qanoq al­las­simasoqar­pa?

² Inuit neriorsuutaat Biibilimi eq­qaaneqar­tut amerlaner­tigut Guutimut neriorsuutaasar­put pimoorus­sas­sat. As­sersuutigalugu Jehovamut neriorsuisoqarsin­naavoq arlaan­nik iliuuseqar­niarluni, arlaan­nik tunis­suteqar­niarluni,  aalajangersimasumik kif­far­tuuteqar­niarluni imaluun­niit aalajangersimasunik pinaveersaagaqar­niarluni. Neriorsuiniarluni aalajanger­toqar­tar­poq nam­mineq piumas­suseq tun­ngavigalugu, pin­ngitsaalisaanani. Inuk neriorsuuteqar­niarluni aalajangeraangat Jehovap taas­suma neriorsuutaa pimoorus­sas­satut, ataq­qisarialit­tut eq­qor­titas­satul­lu isigisar­paa. Neriorsuineq Biibili naaper­torlugu arlaan­nik iliuuseqar­niarluni iliuuseqar­niar­naniluun­niit up­per­narsaaner­tul­li pingaaruteqar­tigaaq. (1 Mos 14:22, 23; Hebr 6:16, 17) Guutimut neriorsuutit­ta qanoq pimoorus­sas­saatiginerat pil­lugu Biibilimi qanoq al­las­simasoqar­pa?

³ Mosesip inatsisaani al­las­simavoq inuup Jehovamut neriorsuuteqaraangami ‘oqaatsini unioq­qutit­tas­san­ngik­kaa neriorsuisimanermisorluin­narli ilius­sasoq’. (4 Mos 30:3) Kingusin­nerusuk­kut Salomo ima al­lap­poq: “Guuti neriorsuif­figiguk­ku neriorsuutit naam­mas­siumaataas­san­ngilat, sianiitsut Guutip iluarisarin­ngim­magit! Neriorsuutit naam­mas­siniaruk!” (Oqal 5:3) Jiisusip Guutimut neriorsuineq pimoorus­sas­saanerar­paa ima oqarami: “Tusar­parsi siulisi oqarfigineqarsimasut: ‘Sal­lul­lutit up­per­narsaas­san­ngilatit’, aam­ma: ‘Naalak­kamut up­per­narsaal­lutit neriorsuutigisatit naam­mas­sis­savatit’.” – Matt 5:33.

4. (a) Guutimut neriorsuuteqar­neq qanoq pimoorus­sas­saatigaa? (b) Jefta Hannalu sumik paasisaqarfigerusup­pavut?

⁴ Erseq­qip­poq Jehovamut neriorsuutigisavut suul­luun­niit pimoorutivit­tariaqarivut. Neriorsuutitsin­nik iliuuseqarfigin­neriaaser­put taas­sumun­nga at­taveqar­nitsin­nut sun­niuteqar­tar­poq. Daavi tamatumin­nga erseq­qis­saavoq ima aperigami: “Kina majuarsin­naava Naalak­kap qaq­qaanut, kina qeqarsin­naava najugaani il­ler­nar­tumi?” Taava nam­mineq akivoq al­lal­luni Jehovap ‘sal­lul­luni up­per­narsaasan­ngitsoq’ kinaluun­niit akueriumaaraa. (Tuss 24:3, 4) Jefta Han­nalu tamarmik im­mik­kut qanoq neriorsuigamik? Neriorsuutimin­nik eq­qor­titsinis­sar­tik ajor­nan­ngitsutut isigaat?

5. Jefta qanoq neriorsuiva, qanorlu kinguneqar­pa?

⁵ Jefta Am­monik­kun­nut sorsugialerluni Jehovamut neriorsuuteqar­poq. Am­monik­kut Guutimut akeraap­put, Jeftallu Jehova kimigiiserfigaa ajugaateq­qul­luni. (Eqq 10:7-9) Ima neriorsuivoq: “Am­monik­kut uanga as­san­nut tun­niuk­kuk­kit, taava Am­monik­kut sorsuf­figereerlugit ajor­nanga uter­nin­ni parsiarlunga siul­liul­luni il­lun­nit anisoq il­lit Naalagaq pigis­savat.” Guutip Jefta sorsun­nermi ajugaatip­paa. Jefta angerlamut apuuk­kami panim­minit asangaak­kaminit parsiar­neqar­poq. Tas­sa taan­na ‘Naalak­kap pigiligas­saa’. (Eq­q 11:30-34) Taman­na panianut qanoq kinguneqar­pa?

6. (a) Jeftap Guutimut neriorsuutaanik eq­qor­titsinis­saq Jeftamut panianul­lu qanoq ajor­nan­ngitsigaa? (b) Mosesimik al­lak­kat tal­limaat 23:22, 24-milu aam­ma Tussiaat 15:4-mi al­las­simasut neriorsuineq pil­lugu qanoq ilik­kagaqarfigisin­naavavut?

 ⁶ Jeftap pania ataatami neriorsuutaanik eq­qor­titsiumal­luni il­ler­nar­tuum­mi pif­fis­saq tamaat Jehovamut kif­far­toriar­tor­tariaqar­poq. Jefta eq­qarsaatigin­nil­luaq­qaar­nani neriorsuisimava? Naagga. Ilimanar­poq Jeftap nalun­ngik­kaa panini im­minik parsiaajar­toq­qaar­tooratarsin­naasoq. Pis­sutsit qanorluun­niit is­simagaluar­pata taas­suma Jehovamut neriorsuutiminik eq­qor­titsinis­saa Jeftamut panianul­lu imaan­naan­ngilaq. Jefta panini takugamiuk aliatsangaar­nerar­poq. Pania aal­lar­poq niviarsiaas­sutsi qis­satigiar­torlugu. Sooq? Jefta er­neqan­ngilaq, maan­nalu panituaa aap­par­taan­ngisaan­narlunilu meerar­taan­ngisaan­nar­tus­san­ngor­poq. Jeftap aq­qa ingerlateq­qin­neqar­navian­ngilaq. Jeftalli paniatalu nalun­ngilaat nam­min­neq misigis­sutsimin­nit pingaaruteqar­nerusoqar­toq. Jefta ima oqar­poq: “Naalagaq neriorsuif­figisimavara, neriorsuutigalu unioq­qutis­sin­naan­ngilara.” Paniata ima akivaa: “Oqarsimanerit malil­lugu iliorfigin­nga.” (Eqq 11:35-39) Jefta panialu ilumoorfigin­nit­tuup­put Guutimut neriorsuutimin­nik eq­qor­titsin­ngitsoorusun­ngil­luin­nar­tut, eq­qor­titsinis­sar­tik ar­tor­nar­tik­kaluarunik­kuluun­niit. – 5 Mosesi 23:22, 24; Tussiaat 15:4 atuakkit.

7. (a) Hanna qanoq neriorsuiva, aam­ma sooq, qanorlu kinguneqar­pa? (b) Hannap neriorsuutaa Samuelimut qanoq kinguneqar­tus­saava? (Qup­per­nerup ataani ilan­ngus­saq takuuk).

⁷ Aam­ma Hanna ar­tor­nar­torsior­til­luni Jehovamut neriorsuuteqar­poq. Meerar­taarsin­naan­ngin­nini taman­nalu pil­lugu mitaatigineqarlunilu tusangiasaar­neqar­tar­nini aliasuutigingaar­pai. (1 Sam 1:4-7, 10, 16) Jehova misigis­sutsiminik aniatitsivigaa imalu neriorsuil­luni: “Katersaarsuit Naalagaat! Kif­favit ar­nap erloqinera takuguk­ku eq­qaamal­lungalu, puigun­ngik­kum­malu er­nermil­lu tunil­lunga, taava taan­na Naalak­kamut pigitik­kumaar­para ul­luni inuuf­figisas­saani tamani, nujaajaal­lu niaquanut at­tuutitin­neqas­san­ngilaq.” * (1 Sam 1:11) Hannap qin­nutaa tusar­neqar­poq, aap­paaguanilu Samuelimik er­ner­taar­poq. Hanna nuan­naaqaaq! Guutimul­li neriorsuutini puiun­ngilaa. Er­ner­taareerluni ima oqar­poq: “Naalak­kamit qin­nutigaara.” – 1 Sam 1:20.

8. (a) Hannap neriorsuutiminik eq­qor­titsinis­sani ar­tor­nar­tip­paa? (b) Tussiaat 61 Hannap maligas­siuil­luar­neranut qanoq eq­qaanar­pa?

⁸ Samueli pingasut mis­saan­ni ukioqar­toq Hanna Jehovamut neriorsuisimanermisut ilior­poq. Samueli Shilomi il­ler­nar­tuum­mi palasiunermut Elimukaap­paa imalu oqarluni: “Nukap­piaraq una qin­nutigaara, Naalak­kal­lu qin­nutigisan­nik tunivaanga. Maan­na Naalak­kamut tun­niup­para. Ul­luni inuuf­figisas­samini tamani  Naalak­kamut pigititaas­saaq.” (1 Sam 1:24-28) Taamanimiil­li Samueli il­ler­nar­tuum­miiler­poq. Biibilimi al­las­simavoq ‘nukap­piaraq Samueli Jehova najorlugu al­liar­tor­toq’. (1 Sam 2:21) Hannap neriorsuutiminik eq­qor­titsinis­sani ar­tor­nar­tis­simas­savaa. Tas­sami er­nin­nguani asangaak­kani ul­lut tamaasa ilagisin­naan­ngilaa. Peroriar­tor­nera tamaat malin­naavigisin­naan­ngilaa. Hannalli Jehovamut neriorsuutini pimoorup­paa. Guutimut neriorsuutini eq­qor­tis­sin­naajumal­lugu nam­mineq pingaar­titaminik pil­liutigin­nin­nis­samut piumas­suseqar­poq. – 1 Sam 2:1, 2; Tussiaat 61:2, 6, 9 atuakkit.

9. Maan­na suut sam­mis­savavut?

⁹ Maan­na paasigatsigu Jehovamut neriorsuuteqar­neq qanoq pimoorus­sas­saatigisoq apeq­qutit mak­ku sam­meriar­tigit: Ul­lumik­kut sunik neriorsuuteqarsin­naavugut? Neriorsuutit taak­kua eq­qor­tin­nis­saat qanoq aalajangiusimatigis­savar­put?

10. Kristumiup neriorsuutigisin­naasaasa pingaaruteqar­ner­paar­taat suua, neriorsuul­lu taman­na qanoq paasisariaqar­pa?

¹⁰ Kristumiup neriorsuutigisin­naasaasa pingaaruteqar­ner­paar­taat tas­saavoq Jehovamut  tun­niul­luin­nar­nera. Tun­niul­luin­nar­toq qinunik­kut neriorsuisar­poq inuunini Guutimut kif­far­tor­nermut naas­saan­ngitsumut ator­niarlugu, qanorluun­niit pisoqas­sagaluar­pat. Jiisusi oqar­poq im­minut ‘isumak­keer­tariaqar­tugut’, tas­sa imaap­poq neriorsuis­sasugut im­minut sal­liun­nata Jehova sal­liun­niarlugu. (Matt 16:24) Ul­loq taan­na aal­lar­nerfigalugu Jehovamit ‘pigineqaler­tar­pugut’. (Rom 14:8) Tun­niul­luin­nar­ner­put pimoorup­par­put. Tus­siaasior­tup misigineratut ima misigivugut: “Qanoq ilil­lunga akilis­savara Naalagaq uan­nut ajun­ngitsulior­ner­pas­sui pil­lugit? Naam­mas­sis­savak­ka Naalak­kamut neriorsuutik­ka in­nut­taasa tamarmik tak­kuan­ni.” – Tuss 116:12, 14.

11. Ul­lormi kuisif­fin­ni qanoq pisoqar­pa?

¹¹ Il­lit inuunerit Jehovamut tun­niul­luin­nareer­piuk tun­niul­luin­nar­neril­lu imermi morsutsitaanik­kut ersersereerlugu? Taamaap­pat nersor­tariaavutit! Eq­qaamaviuk qatan­ngutip kuisit­tus­sanut oqalugiar­tup aperim­matit Jehovamut tun­niul­luin­narsimanersutit paasisimaneril­lu ‘tunniulluinnarnikkut kuisinnikkullu Jehovamik Nalunaajaasuunerit tamanut ersersikkit’? Angeravit najuut­tut tamarmik paasivaat tun­niul­luin­narsimasutit Jehoval­lu kif­fan­ngor­titaatut kuisin­nis­samut piumasaqaatinik eq­qor­titsisimasutit. Jehovap taman­na nuan­naarutigisimas­saqaa!

12. (a) Im­minut qanoq aperisin­naavugut? (b) Petrusip pis­suserineqar­tus­sanik sunik ineriar­tor­titseq­qul­luta kajumis­saar­paatigut?

¹² Kuisik­kavit Jehova neriorsor­pat inuunerit taas­sumun­nga kif­far­tor­nermut taas­sumalu najoq­qutas­siaanik sapin­ngisat tamaat maleruaanermut ator­niarlugu. Kuisin­nerli kristumiutut inuunermut aal­lar­niutaagin­nar­poq. Pif­fis­sap ingerlanerani tamat­ta im­minut misis­sor­tuar­tariaqar­tar­pugut. Im­minut ima aperisin­naavugut: ‘Kuisin­nin­niil­li Jehovamut at­taveqar­nera qanoq ineriar­torsimava? Uum­matik­kut iluun­ngarlunga suli kif­far­torfigaara? (Kol 3:23) Qinukulavunga? Biibili ul­lut tamaasa atuar­tar­para? Ilagiit ataatsimiin­neri najuuf­figiuaan­nar­pak­ka? Sapin­ngisara tamaat oqaluus­seqataaniar­tar­punga? Imaluun­niit tamak­kunun­nga tun­ngatil­lugu kajumiil­lisimavunga?’ Apustili Petrusi Jehovamut kif­far­tor­nermi unit­toor­nerup navianar­tuanut mianersoq­qusivoq. Unit­toor­naveersaarsin­naavugut sapin­ngisar­put tamaat iliuuseqar­tarut­ta up­per­ner­put ineriar­tor­tin­niarlugu, ilisimasaqar­neruler­niarluta, piner­tusaarsin­naanerulerumal­luta Guutimul­lu tun­niusimanerulerumal­luta. – 2 Petrusi 1:5-8 atuakkit.

13. Kristumiup tun­niul­luin­narlunilu kuisis­simasup suna paasisariaqar­paa?

¹³ Jehovamut kif­far­tor­niarluta neriorsuereerut­ta neriorsuuter­put atuuk­kun­naarsis­sin­naan­ngilar­put. Inuk Jehovamut kif­far­tukatalersoq kristumiutul­luun­niit inuukatalersoq kingusin­nerusuk­kut oqarsin­naan­ngilaq Guutimut tun­niul­luin­navin­nikuunani kuisin­niniluun­niit atuutin­ngitsoq. * Inuk Jehovamut tun­niul­luin­narsimasoq ingasat­tumik ajor­tulioruni Jehovamut ilagiin­nul­lu akisus­saatitaasus­saavoq. (Rom 14:12) Jiisusip ima oqarfigisai qaqugumul­luun­niit as­sigerusun­ngilavut: “As­suaraak­kit asan­nis­sutsit siul­leq soraaruk­kak­ku.” Taas­suman­nga ima oqarfigineqarsin­naarusup­pugut: “Ilisimavak­ka suliatit asan­nis­sutsil­lu  un­neq­qaris­sutsil­lu kif­far­tor­neril­lu nikal­lujuis­sutsil­lu, suliavil­lu kingul­liit siul­liit akimor­paat.” (Saqq 2:4, 19) Jehova nuan­naar­tik­kusup­par­put tun­niul­luin­nar­ner­put aal­lus­sil­luarluta eq­qor­til­lugu.

14. Inuup neriorsuutigisin­naasaasa pingaaruteqar­ner­paar­taata tul­lia suua, aam­ma sooq?

¹⁴ Inuup neriorsuutigisin­naasaasa pingaaruteqar­ner­paar­taata tul­lia tas­saavoq katin­nermi neriorsuutaa. Aap­pariin­neq il­ler­nar­tuuvoq. Jehovap katin­nermi neriorsuineq pimoorus­sas­satut isigaa. Katit­tut neriorsoqatigiik­kaangamik taamaalior­tar­put Jehovap tak­kuani aam­ma najuut­tut tamarmik tak­kuan­ni. Amerlaner­tigut neriorsoqatigiit­tar­put marluullutik inuutillutik asaqatigiikkumallutik ataqqeqatigiikkumallutillu Guutip aappariinnermut inatsisai Allakkani Illernartuni allassimasut naapertorlugit. Al­lat oqaatsit taak­koq­qis­saat atun­ngik­kaluarlugit Guutip tak­kuani aam­ma neriorsoqatigiit­tar­put. Taamaalil­lutik aap­pariiler­tar­put. Aap­pariin­neq inuuneq naal­lugu atasus­satut naatsorsuus­saavoq. (1 Mos 2:24; 1 Kor 7:39) Jiisusi oqarmat ‘Guutip ataqatigiilersitai inuup avis­saar­tis­san­ngik­kai’, katit­tut siun­niut­tariaqar­paat aap­pariin­ner­tik ingerlanerliuler­pat avin­neq aaq­qiis­sutis­satut isigis­sanagu. – Mark 10:9.

15. Sooq kristumiut aap­pariin­neq silarsuarmi isigineqar­neratut isigis­san­ngilaat?

¹⁵ Soorunami soorlu inoqan­ngitsoq naam­mal­luin­nar­tunik, taamat­taaq ingerlal­luaan­naavil­luni aap­pariit­toqarsin­naan­ngilaq. Taamaat­tuminguna Biibilimi al­las­simasoq aap­pariit ilaan­nik­kut ‘ajor­nar­torsior­tarumaar­tut’. (1 Kor 7:28) Ajoraluar­tumik inup­pas­suit aap­pariin­nermi neriorsuum­mik pimoorus­sineq ajor­put. Inuit misigisar­put aap­pariit­tut ingerlanerliorunik aviin­narsin­naal­lutik. Kristumiul­li aap­pariin­neq taamatut isigin­ngilaat. Nalun­ngilaat Guutip tak­kuani katin­nermin­ni neriorsoqatigiil­lutik. Neriorsuum­mik tamatumin­nga unioq­qutitsigunik as­sigiin­nas­savaa Guuti sal­luliorfigigunik­ku, Guutil­lu sal­lutuut uumigai. (3 Mos 19:12; Uss 6:16-19) Kristumiut aap­pariit apustilip Paulusip oqaasii uku eq­qaamasariaqar­paat: “Nuliaqaruit avin­nias­san­ngilat.” (1 Kor 7:27) Paulusi taama oqarsin­naavoq nalun­ngin­namiuk ilumuun­ngitsuliorluni avin­neq Jehovap aam­ma uumigigaa. – Mal 2:13-16.

16. Avin­neq averuser­nerlu pil­lugit Biibilimi qanoq al­lasimasoqar­pa?

¹⁶ Jiisusi ilin­niar­titsivoq avin­nis­samut pis­sutis­satuaq Biibilimut naaper­tuut­toq tas­saasoq aap­paq al­lasiorsimap­pat aam­ma al­lasiorfigitit­toq isumak­keerfigin­nin­niar­nani aalajanger­pat. (Matt 19:9; Hebr 13:4) Averuser­nermi? Taman­nat­taaq pil­lugu Biibilimi ajoqersuutigineqar­tut paasiuminar­put. (1 Korinthimiut 7:10, 11 atuakkit). Averuser­nis­samut Biibilimi tun­ngavis­saqan­ngilaq. Ilaan­nik­kul­li kristumiut aap­paasut ilaat pis­sutsini aalajangersimasuni misigisar­put averuser­nis­sar­tik pisariaqarluin­nar­toq. As­sersuutigalugu aap­paasup qularutigin­ngil­luin­narsin­naavaa inuunini Jehovamul­luun­niit at­taveqar­nini navianartorsiortilluinnarlugu aap­pani peq­qar­niitsoq imaluun­niit tunus­sisoq najuin­naruniuk. *

17. Aap­pariit kristumiut aap­pariin­ner­tik ataavar­tin­niarlugu susin­naap­pat?

¹⁷ Aap­pariit ilagiin­ni utoq­qaaner­tanut saaf­figin­nik­kunik qanoq aap­pariil­luar­nerulersin­naaner­tik  pil­lugu siun­nersoq­qul­lutik, utoq­qaaner­tat aap­pariit aperisin­naavaat filmi Hvad er ægte kærlighed? isigin­naarsimaneraat qup­persagarlu Ilaqutariittut pilluarsinnaavusi atuarsimaneraat. Taak­kunani najoq­qutas­siat Biibilimiit­tut aap­pariil­luar­neruler­nis­samut iluaqutaasin­naasut erseq­qis­sar­neqar­put. Aap­pariit ima oqalut­tuar­put: “Qup­persagaq taan­na atuar­taleratsiguli aap­pariit­tut aatsaat taama pil­luar­tigaagut.” Qatan­ngut ar­naq aap­pani ukiuni 22-ni aap­parereerlugu isumaqaleraluarsimavoq aap­pariin­ner­tik umiulersoq. Taava filmi taan­na isigin­naar­paa. Ima oqar­poq: “Tamat­ta kuisimavugut, misigis­sutsik­kul­li as­sigiin­ngil­luin­nar­pugut. Filmi pif­fis­saq eq­qoq­qis­saarlugu saq­qum­mer­poq! Mas­sak­kut aap­pariit­tut ingerlal­luar­neroqaagut.” Erseq­qip­poq uiusoq nuliaasorlu tamarmik im­mik­kut Jehovap najoq­qutas­siaanik aap­pariin­nermin­ni maleruaagunik at­taveqatigiin­nerat nuan­ner­nerulerlunilu nukit­tunerulerumaar­toq.

18, 19. (a) Angajoq­qaat kristumior­pas­suit susimap­pat? (b) Pif­fis­saq tamaat im­mik­kut it­tumik kif­far­tor­tut pil­lugit qanoq oqar­toqarsin­naava?

¹⁸ Al­laaserisap matuma aal­laq­qaataatungaani Jeftap Hannallu neriorsuutaat sam­mivavut. Taak­kua tamarmik im­mik­kut neriorsuinerisa kingunerisaan­nik Jeftap pania Hannallu er­nera Jehovamut im­mik­kut it­tumik kif­far­tor­put. Ul­lumik­kut angajoq­qaat kristumiut ilar­pas­suisa qitor­natik kajumis­saarsimavaat pif­fis­saq tamaat kif­far­tuleq­qul­lugit Guutimul­lu kif­far­tor­nermin­nik inuunermin­ni pingaar­ner­paatitseq­qul­lugit. Tamat­ta inuusut­tunik taamatut kajumis­saareqataasin­naavugut. – Eqq 11:40, tastamantitoĸaĸ; Tuss 110:3.

¹⁹ Ul­lumik­kut Jehovap Nalunaajaasuisa Pif­fis­saq Tamaat Im­mik­kut Kif­far­tor­tunut Nunarsuaq Tamak­kerlugu Aaq­qis­suus­saan­nut ilaasor­tat 67.000-t mis­saan­niip­put. Taak­kua ilaat sanaar­toqataap­put Beteliniluun­niit ilageeqatigiin­niluun­niit angalasar­tutut kif­far­torlutik. Ilaat ilin­niarfin­ni ilin­niar­titsisutut, specialpioneritut, ajoqersuiar­tor­titatul­luun­niit kif­far­tor­put al­lal­lu ataatsimeersuar­tarfin­ni Biibilimil­luun­niit ilin­niarfin­ni kif­far­torlutik. Taak­ku tamarmik im­mik­kut neriorsuuteqarsimap­put Jehovamut kif­far­tor­nermi qanorluun­niit suliak­ker­neqaraluarunik aal­lus­sil­luar­niarlutik, pilimanian­ngitsumik inuuniarlutik akuerisaaq­qaar­tin­natil­lu sulif­fit­taar­niar­natik. Taak­kunun­nga sulias­siis­sutigineqar­tut im­mik­kut it­tuup­put, inut­taat pin­natik. Taak­ku maniguup­put, aalajangiusimavaal­lu pif­fis­saq tamaat im­mik­kut it­tumik kif­far­tor­til­lutik neriorsuuter­tik eq­qor­tin­niarlugu.

20. Guutimut neriorsuutivut qanoq isigis­savavut, aam­ma sooq?

²⁰ Al­laaserisami matumani Guutimut neriorsuutigineqarsin­naasut pingasut sam­mivavut. Im­maqa taak­kua ilaat il­lit nam­mineq neriorsuutigisimavat. Nalun­ngilar­put neriorsuutivut pimoorus­sas­saasut eq­qor­tin­niarlugil­lu sapin­ngisar­put tamaat ilior­tariaqar­tugut. (Uss 20:25) Jehovamut neriorsuutitsin­nik eq­qor­titsin­ngin­ner­put ajor­tumik kinguneqarsin­naavoq. (Oqal 5:5) Taamaat­tumik tus­siaasior­toq Jehovamut ima oqar­toq ilaar­tigu: “Aq­qit erinalim­mik un­nersiutigis­savara naas­saan­ngitsumik, neriorsuutik­kalu eq­quutitil­lugit ul­lut tamaasa.” – Tuss 61:9.