របៀបដែលយើងដោះចេញម្ដងជាការស្រេចនូវបុគ្គលិកលក្ខណៈចាស់
«ចូរដោះចេញនូវបុគ្គលិកលក្ខណៈចាស់និងការប្រព្រឹត្ដរបស់វា»។—កូឡុស ៣:៩
ចម្រៀងលេខ: ៥២, ៥៤
១, ២. តើមនុស្សកត់សម្គាល់អ្វីអំពីសាក្សីព្រះយេហូវ៉ា?
មនុស្សជាច្រើនកត់សម្គាល់ឃើញថាសាក្សីព្រះយេហូវ៉ាគឺខុសពីគេ។ ជាឧទាហរណ៍ អ្នកនិពន្ធម្នាក់ឈ្មោះអាន់ថុន ហ្គៀល បានសរសើរគុណសម្បត្ដិរបស់សាក្សីនៅក្រោមរបបណាត្ស៊ី នាប្រទេសអាល្លឺម៉ង់។ គាត់បានសរសេរថា៖ «ពួកណាត្ស៊ីបានស្អប់សាក្សីព្រះយេហូវ៉ាជាខ្លាំង។ . . . នៅឆ្នាំ១៩៣៩ មានសាក្សីព្រះយេហូវ៉ា៦.០០០នាក់នៅក្នុង[ជំរុំឃុំឃាំង]»។ គាត់បានបន្ថែមទៀតថា សូម្បីតែសាក្សីបានរងទុក្ខវេទនាជាខ្លាំងក្ដី ពួកគេបានត្រូវគេស្គាល់ថាជាមនុស្សដែលគួរឲ្យទុកចិត្ដ រក្សាចិត្ដស្ងប់ទោះជាមានការបង្ខិតបង្ខំ មានភក្ដីភាពចំពោះព្រះ និងមានសាមគ្គីភាព។
២ ថ្មីៗនេះ មនុស្សនៅប្រទេសអាហ្វ្រិកខាងត្បូងក៏បានឃើញអ្វីដ៏ពិសេសអំពីសាក្សីព្រះយេហូវ៉ាដែរ។ នៅពេលមួយ សាក្សីដែលមានពណ៌សម្បុរខុសគ្នានៅប្រទេសនោះមិនបានត្រូវអនុញ្ញាតឲ្យជួបជុំគ្នាទេ។ ប៉ុន្ដែ នៅថ្ងៃអាទិត្យ ទី១៨ ខែធ្នូ ឆ្នាំ២០១១ សាក្សីជាង៧៨.០០០នាក់ដែលមានជាតិសាសន៍ផ្សេងៗពីគ្នា ហើយមកពីប្រទេសអាហ្វ្រិកខាងត្បូងនិងប្រទេសជិតខាង បានជួបជុំគ្នាសម្រាប់កម្មវិធីពិសេសមួយនៅកីឡាដ្ឋានដ៏ធំបំផុតក្នុងក្រុងជោហានេសបួ។ អ្នកគ្រប់គ្រងម្នាក់នៃកីឡាដ្ឋាននោះបាននិយាយថា៖ «នេះជាក្រុមមនុស្សដែលថ្លៃថ្នូរបំផុតដែលខ្ញុំបានឃើញនៅក្នុងកីឡាដ្ឋាននេះ។ ទាំងអស់គ្នាស្លៀកពាក់ស្អាតបាត
ហើយបានសម្អាតកីឡាដ្ឋានបានស្អាតល្អ។ ប៉ុន្ដែសំខាន់បំផុត អ្នកទាំងអស់គ្នានៅក្នុងអង្គការមួយដែលមានសមាជិកពីគ្រប់ពូជសាសន៍»។៣. ហេតុអ្វីសាមគ្គីភាពរបស់យើងជាបងប្អូនរួមជំនឿគឺជាអ្វីដ៏ពិសេស?
៣ ដូច្នេះ សូម្បីតែអ្នកដែលមិនមែនជាសាក្សីក៏អាចឃើញច្បាស់ថាសាមគ្គីភាពជាបងប្អូនរួមជំនឿទូទាំងពិភពលោកគឺជាអ្វីដ៏ពិសេស។ ហេតុអ្វីយើងខុសគ្នាឆ្ងាយណាស់ពីអង្គការទាំងអស់ឯទៀត? ពីព្រោះយើងព្យាយាមកែប្រែខ្លួនពីអ្វីណាក៏ដោយដែលព្រះយេហូវ៉ាមិនពេញចិត្ដ ដោយមានជំនួយពីគម្ពីរនិងសកម្មពលបរិសុទ្ធរបស់ព្រះ។ យើង«ដោះចេញនូវបុគ្គលិកលក្ខណៈចាស់» ហើយយើងបំពាក់ខ្លួនដោយ«បុគ្គលិកលក្ខណៈថ្មី»។—កូឡុស ៣:៩, ១០
យើងអាចធ្វើការកែប្រែធំៗក្នុងជីវិតរបស់យើងបាន
៤. តើយើងនឹងពិចារណាអំពីអ្វីខ្លះនៅក្នុងអត្ថបទនេះ ហើយហេតុអ្វី?
៤ ក្រោយពីយើងបានដោះចេញនូវបុគ្គលិកលក្ខណៈចាស់ យើងត្រូវបន្ដធ្វើឲ្យប្រាកដថាយើងមិនចាប់ផ្ដើមមានបុគ្គលិកលក្ខណៈចាស់នោះឡើងវិញ។ ដំបូងក្នុងអត្ថបទនេះ យើងនឹងពិចារណាអំពីរបៀបដែលយើងអាចដោះចេញនូវបុគ្គលិកលក្ខណៈចាស់និងមូលហេតុដែលសំខាន់ចាំបាច់ឲ្យយើងធ្វើដូច្នេះ។ យើងនឹងឃើញថាបុគ្គលម្នាក់អាចធ្វើការកែប្រែធំៗក្នុងជីវិតរបស់គាត់បាន មិនថាគាត់ធ្លាប់ប្រព្រឹត្ដអំពើខុសឆ្គងធ្ងន់ធ្ងរយ៉ាងណាក៏ដោយ។ បន្ទាប់មក យើងនឹងពិចារណាអំពីអ្វីដែលពួកអ្នកដែលបាននៅក្នុងសេចក្ដីពិតអស់ជាច្រើនឆ្នាំអាចធ្វើដើម្បីបន្ដធ្វើឲ្យប្រាកដថាពួកគេមិនចាប់ផ្ដើមមានបុគ្គលិកលក្ខណៈចាស់ឡើងវិញ។ ហេតុអ្វីយើងត្រូវពិចារណាចំណុចនេះ? គួរឲ្យស្តាយណាស់ បុគ្គលមួយចំនួនដែលធ្លាប់បម្រើព្រះយេហូវ៉ា មិនបានបន្ដយកចិត្ដទុកដាក់ចំពោះរឿងនេះទេ។ ពួកគេបានចាប់ផ្ដើមគិតនិងប្រព្រឹត្ដដូចដែលពួកគេធ្លាប់ធ្វើមុនដែលពួកគេស្គាល់ព្រះយេហូវ៉ា។ យើងម្នាក់ៗត្រូវចាំអំពីការព្រមានដែលថា៖ «ចូរឲ្យអ្នកដែលគិតថាខ្លួនឈរ ប្រយ័ត្នក្រែងលោដួល»។—កូរិនថូសទី១ ១០:១២
ចូរបំបាត់ចោលនូវសេចក្ដីប៉ងប្រាថ្នាឲ្យប្រព្រឹត្ដអំពើប្រាសចាកសីលធម៌ខាងផ្លូវភេទ
៥. (ក) សូមលើកឧទាហរណ៍មួយដែលបង្ហាញថាគឺជាការបន្ទាន់ឲ្យយើងដោះចេញនូវបុគ្គលិកលក្ខណៈចាស់។ (សូមមើលរូបភាពនៅដើមអត្ថបទ) (ខ) តើការប្រព្រឹត្ដណាខ្លះដែលជាផ្នែកនៃបុគ្គលិកលក្ខណៈចាស់បានត្រូវរៀបរាប់នៅកូឡុស ៣:៥-៩?
៥ តើអ្នកនឹងធ្វើអ្វីបើអ្នកឃើញថាសម្លៀកបំពាក់របស់អ្នកប្រឡាក់ ហើយមានក្លិនស្អុយ? អ្នកនឹងដោះវាចេញយ៉ាងឆាប់បំផុតតាមដែលអ្នកអាចធ្វើបាន។ ស្រដៀងគ្នាដែរ បើយើងឃើញថាយើងកំពុងធ្វើអ្វីមួយដែលព្រះយេហូវ៉ាស្អប់ គឺជាការបន្ទាន់ឲ្យយើងកែប្រែ។ ប៉ូលបានសំដៅលើអំពើខុសឆ្គងបែបនេះ ពេលគាត់បាននិយាយថា៖ «ចូរអ្នករាល់គ្នាលះចោលការទាំងអស់នោះទាំងស្រុង»។ សូមឲ្យយើងពិចារណាអំពីអំពើខុសឆ្គងពីរគឺអំពើប្រាសចាកសីលធម៌ខាងផ្លូវភេទនិងអំពើស្មោកគ្រោក។—សូមអាន កូឡុស ៣:៥-៩
៦, ៧. (ក) តើតាមរបៀបណាពាក្យសម្ដីរបស់ប៉ូលបង្ហាញថាយើងត្រូវខំប្រឹងយ៉ាងខ្លាំងដើម្បីដោះចេញនូវបុគ្គលិកលក្ខណៈចាស់? (ខ) តើបងសាគូរ៉ាធ្លាប់មានរបៀបរស់នៅបែបណា? តើអ្វីបានជួយគាត់ឲ្យកែប្រែ?
៦ អំពើប្រាសចាកសីលធម៌ខាងផ្លូវភេទ។ នៅក្នុងគម្ពីរ«អំពើប្រាសចាកសីលធម៌ខាងផ្លូវភេទ»រួមបញ្ចូលការរួមដំណេករវាងបុគ្គលណាក៏ដោយដែលមិនមែនជាគូអាពាហ៍ពិពាហ៍របស់ខ្លួនដែលបានរៀបការស្របច្បាប់។ ស្ដីពីអំពើប្រាសចាកសីលធម៌ខាងផ្លូវភេទ ប៉ូលបាននិយាយថាគ្រិស្ដសាសនិកត្រូវ«រម្ងាប់ភាពទោរទន់ដែលមាននៅក្នុងអវយវៈរូបកាយ»។ នេះមានន័យថាយើងត្រូវខំប្រឹងយ៉ាងខ្លាំងដើម្បីជៀសចេញពីសេចក្ដីប៉ងប្រាថ្នាខុសឆ្គង។ ការធ្វើដូច្នេះប្រហែលជាអ្វី
ដែលពិបាក ប៉ុន្ដែយើងអាចយកឈ្នះសេចក្ដីប៉ងប្រាថ្នានោះបាន!៧ យើងអាចឃើញចំណុចនេះពីគំរូរបស់បងស្រីសាគូរ៉ាដែលរស់នៅប្រទេសជប៉ុន។ * (សូមមើលកំណត់សម្គាល់) ពេលបងសាគូរ៉ាធំឡើង គាត់ច្រើនតែមានអារម្មណ៍ក្រៀមក្រំនិងឯកោ។ ដើម្បីបំបាត់អារម្មណ៍ឯកោនោះ គាត់ចាប់ផ្ដើមរួមភេទចាប់តាំងពីគាត់មានអាយុ១៥ឆ្នាំ។ បងសាគូរ៉ាបានរួមដំណេកជាមួយនឹងមនុស្សផ្សេងៗ ហើយនៅទីបំផុត គាត់បានរំលូតកូនបីដង។ គាត់បាននិយាយថា៖ «មុនដំបូង ពេលខ្ញុំបានប្រព្រឹត្ដអំពើប្រាសចាកសីលធម៌ខាងផ្លូវភេទ ខ្ញុំមានភាពកក់ក្ដៅដោយគិតថាមានអ្នកស្រឡាញ់និងត្រូវការខ្ញុំ។ ប៉ុន្ដែ ពេលដែលខ្ញុំកាន់តែប្រព្រឹត្ដដូច្នេះ ខ្ញុំកាន់តែមានអារម្មណ៍ថាខ្ញុំខ្វះភាពកក់ក្ដៅទៅវិញ»។ បងសាគូរ៉ាបានបន្ដមានរបៀបរស់នៅបែបនេះរហូតដល់គាត់មានអាយុ២៣ឆ្នាំ។ នៅពេលនោះ គាត់បានចាប់ផ្ដើមសិក្សាគម្ពីរជាមួយនឹងសាក្សីព្រះយេហូវ៉ា ហើយគាត់ចូលចិត្ដអ្វីដែលគាត់បានរៀនយ៉ាងខ្លាំង។ ព្រះយេហូវ៉ាបានជួយគាត់ឲ្យឈប់មានរបៀបរស់នៅដែលប្រាសចាកសីលធម៌ ហើយបានជួយគាត់ឲ្យយកឈ្នះអារម្មណ៍បន្ទោសខ្លួននិងអារម្មណ៍អៀនខ្មាសជាខ្លាំង។ សព្វថ្ងៃនេះ បងសាគូរ៉ាបម្រើជាអ្នកត្រួសត្រាយពេញពេល ហើយគាត់មិនមានអារម្មណ៍ឯកោទៀតទេ។ គាត់និយាយថា៖ «ខ្ញុំពិតជាសប្បាយដែលខ្ញុំទទួលសេចក្ដីស្រឡាញ់ពីព្រះយេហូវ៉ាជារៀងរាល់ថ្ងៃ»។
របៀបដែលយើងអាចឈប់ប្រព្រឹត្ដអំពើស្មោកគ្រោក
៨. តើការប្រព្រឹត្ដណាខ្លះអាចនាំឲ្យព្រះចាត់ទុកយើងថាស្មោកគ្រោក?
៨ អំពើស្មោកគ្រោក។ នៅក្នុងគម្ពីរ«អំពើស្មោកគ្រោក»រួមបញ្ចូលអ្វីច្រើនជាងអំពើប្រាសចាកសីលធម៌ខាងផ្លូវភេទ។ នេះអាចសំដៅទៅលើការជក់បារី ឬការនិយាយកំប្លែងអាសអាភាស។ (កូរិនថូសទី២ ៧:១; អេភេសូរ ៥:៣, ៤) នេះក៏អាចសំដៅទៅលើការធ្វើអ្វីដ៏អាក្រក់ដែលមនុស្សធ្វើពេលនៅម្នាក់ឯង ដូចជាការអានសៀវភៅដែលធ្វើឲ្យពួកគេមានអារម្មណ៍ស្រើបស្រាល ឬការមើលរូបអាសអាភាស។ អ្វីទាំងនេះអាចនាំឲ្យប្រព្រឹត្ដអំពើស្មោកគ្រោកដោយមានទម្លាប់ស្ទាបអង្អែលអវយវៈភេទរបស់ខ្លួនដើម្បីបំពេញចំណង់ផ្លូវភេទ * (សូមមើលកំណត់សម្គាល់)។—កូឡុស ៣:៥
៩. តើអ្វីអាចកើតឡើងបើបុគ្គលណាម្នាក់ចាប់ផ្ដើមមាន«តម្រេក»?
៩ មនុស្សដែលមានទម្លាប់មើលរូបអាសអាភាសចាប់ផ្ដើមមាន«តម្រេក»និងអាចទៅជាញៀននឹងការរួមភេទ។ អ្នកស្រាវជ្រាវបានរកឃើញថាការញៀនមើលរូបអាសអាភាសគឺស្រដៀងនឹងការញៀនស្រាឬថ្នាំញៀន។ ដូច្នេះ គឺមិនមែនជាអ្វីដែលគួរឲ្យភ្ញាក់ផ្អើលទេដែលទម្លាប់មើលរូបអាសអាភាសមានលទ្ធផលដែលគួរឲ្យខ្លោចផ្សារ។ នេះអាចរួមបញ្ចូលអារម្មណ៍អៀនខ្មាសជាខ្លាំង មិនសូវសម្រេចកិច្ចការនៅកន្លែងធ្វើការ គ្មានសុភមង្គលក្នុងក្រុមគ្រួសារ លែងលះគ្នា ហើយថែមទាំងធ្វើអត្ដឃាតទៀតផង។ បន្ទាប់ពីបុរសម្នាក់បានផ្ដាច់ពីការញៀនមើលរូបអាសអាភាសអស់រយៈពេលមួយឆ្នាំ គាត់បាននិយាយថាពេលនោះគាត់អាចមានអារម្មណ៍ថាខ្លួនមានតម្លៃម្ដងទៀត។
១០. តើតាមរបៀបណាបងរីបេរ៉ូបានផ្ដាច់ទាំងស្រុងនូវការញៀនមើលរូបអាសអាភាស?
១០ សម្រាប់មនុស្សជាច្រើន ការផ្ដាច់ទាំងស្រុងពីការមើលរូបអាសអាភាស គឺជាអ្វីដ៏ពិបាក។ ប៉ុន្ដែយើងអាចឈ្នះការតយុទ្ធនេះបាន។ សូមពិចារណាគំរូរបស់បងប្រុសរីបេរ៉ូដែលមកពីប្រទេសប្រេស៊ីល។ ពេលគាត់ជាយុវវ័យ គាត់បានចាកចេញពីផ្ទះ ហើយបានធ្វើការនៅរោងចក្រមួយដែលកែច្នៃក្រដាសឡើងវិញ។ នៅទីនោះគាត់បានឃើញទស្សនាវដ្ដីអាសអាភាស។ បងរីបេរ៉ូបាននិយាយថា៖ «បន្ដិចម្ដងៗ ខ្ញុំបានទៅជាញៀន។ ខ្ញុំញៀនខ្លាំងដល់ម៉្លេះបានជាខ្ញុំពិបាករង់ចាំឲ្យសង្សារដែលរស់នៅជាមួយនឹងខ្ញុំចាកចេញពីផ្ទះ ដើម្បីគន្លឹះនៃសុភមង្គលគ្រួសារ។ គាត់បានរើសសៀវភៅនោះឡើង ហើយបានអាន។ អ្វីដែលគាត់បានអានបាននាំឲ្យគាត់សិក្សាគម្ពីរជាមួយនឹងសាក្សីព្រះយេហូវ៉ា។ ប៉ុន្ដែ បងរីបេរ៉ូនៅតែត្រូវការពេលយូរដើម្បីផ្ដាច់ទាំងស្រុងនូវការញៀនមើលរូបអាសអាភាស។ តើអ្វីបានជួយគាត់? គាត់ពន្យល់ថា៖ «ការអធិដ្ឋាន ការសិក្សាគម្ពីរ និងការរំពឹងគិតអំពីអ្វីដែលខ្ញុំបានរៀន បានធ្វើឲ្យខ្ញុំកាន់តែកោតស្ងើចចំពោះគុណសម្បត្ដិរបស់ព្រះយេហូវ៉ា រហូតដល់សេចក្ដីស្រឡាញ់របស់ខ្ញុំចំពោះលោកគឺខ្លាំងជាងសេចក្ដីប៉ងប្រាថ្នារបស់ខ្ញុំឲ្យចង់មើលរូបអាសអាភាស»។ ដោយមានជំនួយពីគម្ពីរនិងសកម្មពលបរិសុទ្ធរបស់ព្រះ បងរីបេរ៉ូបានផ្លាស់ប្ដូររបៀបរស់នៅរបស់គាត់ ទទួលការជ្រមុជទឹក ហើយឥឡូវគាត់បម្រើជាអ្នកចាស់ទុំនៅក្នុងក្រុមជំនុំ។
ខ្ញុំអាចមើលរឿងអាសអាភាស»។ តែនៅថ្ងៃមួយនៅកន្លែងធ្វើការ បងរីបេរ៉ូបានមើលទៅគំនរសៀវភៅសម្រាប់កែច្នៃឡើងវិញ ហើយបានឃើញសៀវភៅដែលមានចំណងជើងថាយើងត្រូវស្រឡាញ់ព្រះយេហូវ៉ាយ៉ាងជ្រាលជ្រៅ ហើយស្អប់អ្វីដែលអាក្រក់
១១. តើអ្វីនឹងជួយបុគ្គលណាម្នាក់ឲ្យផ្ដាច់ទាំងស្រុងពីការមើលរូបអាសអាភាស?
១១ សូមកត់សម្គាល់ថាដើម្បីផ្ដាច់ទាំងស្រុងនូវការមើលរូបអាសអាភាស បងរីបេរ៉ូមិនគ្រាន់តែត្រូវសិក្សាគម្ពីរប៉ុណ្ណោះទេ។ គាត់ត្រូវគិតយ៉ាងជ្រាលជ្រៅអំពីអ្វីដែលគាត់បានអានក្នុងគម្ពីរ ហើយឲ្យអ្វីទាំងនោះចូលក្នុងចិត្ដរបស់គាត់។ គាត់ត្រូវអធិដ្ឋានអង្វរសុំព្រះយេហូវ៉ាឲ្យជួយគាត់។ អ្វីទាំងនេះបានជួយពង្រឹងសេចក្ដីស្រឡាញ់របស់បងរីបេរ៉ូចំពោះព្រះរហូតដល់សេចក្ដីស្រឡាញ់នោះអាចយកឈ្នះសេចក្ដីប៉ងប្រាថ្នាឲ្យចង់មើលរូបអាសអាភាស។ ដូចគ្នាដែរ ដើម្បីឲ្យយើងផ្ដាច់ទាំងស្រុងនូវការមើលរូបអាសអាភាស យើងក៏ត្រូវស្រឡាញ់ព្រះយេហូវ៉ាយ៉ាងជ្រាលជ្រៅ ហើយស្អប់អ្វីដែលអាក្រក់។—សូមអាន ទំនុកតម្កើង ៩៧:១០
ចូរលះចោលទាំងស្រុងនូវកំហឹង ពាក្យប្រមាថមើលងាយ និងការកុហក
១២. តើអ្វីបានជួយបងស្ទីវើនឲ្យលះចោលពាក្យប្រមាថមើលងាយនិងកំហឹង?
១២ មនុស្សខ្លះឆាប់ខឹង ហើយនិយាយអ្វីដែលធ្វើឲ្យអ្នកឯទៀតឈឺចិត្ដនិងប្រើពាក្យប្រមាថមើលងាយ។ ពេលនេះកើតឡើង ក្រុមគ្រួសារទាំងមូលរបស់ពួកគេរងទុក្ខ។ បងស្ទីវើនដែលជាឪពុកម្នាក់ដែលមកពីប្រទេសអូស្ត្រាលីធ្លាប់និយាយពាក្យអសុរោះជាច្រើន ហើយឆាប់ខឹងសូម្បីតែអំពីរឿងតូចតាច។ គាត់និយាយថា៖ «ខ្ញុំនិងប្រពន្ធរបស់ខ្ញុំធ្លាប់បែកគ្នាបីដង ហើយយើងបានឈានទៅរកការលែងលះគ្នា»។ ក្រោយមក ពួកគេបានចាប់ផ្ដើមសិក្សាគម្ពីរជាមួយនឹងសាក្សី ហើយបងស្ទីវើនបានព្យាយាមធ្វើតាមអ្វីដែលគាត់បានរៀន។ គាត់និយាយថាមុនគាត់ស្គាល់ព្រះយេហូវ៉ា ពេលមានអ្វីដែលធ្វើឲ្យគាត់ទើសចិត្ដគាត់ខឹងយ៉ាងខ្លាំងរហូតដល់គាត់មានអារម្មណ៍ដូចជាគ្រាប់បែកដែលជិតផ្ទុះ។ ប៉ុន្ដែក្រោយពីបងស្ទីវើនបានចាប់ផ្ដើមធ្វើតាមយោបល់ពីគម្ពីរ នេះបានល្អទៅៗ។ គាត់និយាយថា៖ «ជីវិតគ្រួសាររបស់យើងបានទៅជាល្អប្រសើរជាងមុនឆ្ងាយណាស់។ ឥឡូវនេះ ដោយមានជំនួយពីព្រះយេហូវ៉ា ខ្ញុំមានចិត្ដស្ងប់និងសេចក្ដីសុខសាន្ដ»។ សព្វថ្ងៃនេះ បងស្ទីវើនបម្រើជាជំនួយការខាងកិច្ចបម្រើ ហើយប្រពន្ធរបស់គាត់បានបម្រើជាអ្នកត្រួសត្រាយពេញពេលអស់រយៈពេលប៉ុន្មានឆ្នាំរួចហើយ។ អ្នកចាស់ទុំក្នុងក្រុមជំនុំរបស់បងស្ទីវើនបាននិយាយថា៖ «បងស្ទីវើនគឺជាបងប្រុសដែលស្ងៀមស្ងាត់ ខិតខំធ្វើកិច្ចការ និងមានចិត្ដរាបទាប»។ ពួកគាត់ក៏បាននិយាយផងដែរថាពួកគាត់មិនដែលឃើញបងស្ទីវើនខឹងទេ។ បងស្ទីវើនមិនព្រមទទួលការសរសើរចំពោះការកែប្រែបុគ្គលិកលក្ខណៈរបស់គាត់ទេ។ គាត់និយាយថា៖ «ខ្ញុំមិនបានទទួលពរទាំងនេះក្នុង
ជីវិតរបស់ខ្ញុំឡើយ បើខ្ញុំមិនបានឲ្យព្រះយេហូវ៉ាជួយខ្ញុំកែប្រែបុគ្គលិកលក្ខណៈរបស់ខ្ញុំទាំងស្រុងទេ»។១៣. ហេតុអ្វីកំហឹងនាំឲ្យមានបញ្ហា? តើគម្ពីរព្រមានយើងអំពីអ្វី?
១៣ គម្ពីរព្រមានយើងឲ្យជៀសវាងពីកំហឹង ការនិយាយដោយគ្មានមេត្ដា និងការស្រែកគំហក។ (អេភេសូរ ៤:៣១) អ្វីទាំងនេះច្រើនតែនាំឲ្យមានអំពើហិង្សា។ សព្វថ្ងៃនេះ មនុស្សជាច្រើនក្នុងពិភពលោកគិតថាកំហឹង និងការប្រើអំពើហិង្សាគឺជាអ្វីដែលធម្មតា។ ប៉ុន្ដែ តាមពិតការប្រព្រឹត្ដបែបនេះគឺធ្វើឲ្យអ្នកបង្កើតរបស់យើងអាប់ឱនកិត្ដិយស។ បងប្អូនរបស់យើងជាច្រើននាក់បានផ្លាស់ប្ដូរការប្រព្រឹត្ដរបស់ពួកគេ ហើយបំពាក់ខ្លួនដោយបុគ្គលិកលក្ខណៈថ្មី។—សូមអាន ទំនុកតម្កើង ៣៧:៨-១១
១៤. តើមនុស្សឃោរឃៅអាចទៅជាមនុស្សសុភាពបានឬទេ?
១៤ បងប្រុសហាន់ស៍បម្រើជាអ្នកចាស់ទុំក្នុងក្រុមជំនុំមួយនៅប្រទេសអូទ្រីស។ អ្នកចាត់ចែងកិច្ចការពួកអ្នកចាស់ទុំនៅក្រុមជំនុំបងហាន់ស៍បាននិយាយថា៖ «បងហាន់ស៍ជាបងប្រុសដ៏សុភាពមែនទែន»។ ប៉ុន្ដែ ពីមុនបងហាន់ស៍មិនមែនជាមនុស្សសុភាពនោះទេ។ ពេលគាត់ជាក្មេងជំទង់ គាត់បានចាប់ផ្ដើមផឹកស្រាហួសប្រមាណហើយប្រើអំពើហិង្សា។ ថ្ងៃមួយពេលដែលគាត់ស្រវឹងស្រា គាត់ខឹងយ៉ាងខ្លាំងរហូតដល់គាត់បានសម្លាប់សង្សាររបស់គាត់។ បងហាន់ស៍បានត្រូវគេកាត់ទោសឲ្យជាប់គុក២០ឆ្នាំ ប៉ុន្ដែជីវិតនៅក្នុងគុកមិនបានកែប្រែបុគ្គលិកលក្ខណៈរបស់គាត់ទេ។ ក្រោយមកម្ដាយរបស់គាត់បានសុំអ្នកចាស់ទុំម្នាក់ឲ្យទៅជួបគាត់ ហើយបងហាន់ស៍បានចាប់ផ្ដើមសិក្សាគម្ពីរ។ គាត់បាននិយាយថា៖ «ការដោះចេញបុគ្គលិកលក្ខណៈចាស់គឺពិបាកណាស់សម្រាប់ខ្ញុំ។ បទគម្ពីរដែលបានលើកទឹកចិត្ដខ្ញុំគឺអេសាយ ៥៥:៧ដែលចែងថា៖ ‹ត្រូវឲ្យមនុស្សអាក្រក់បោះបង់ចោលផ្លូវរបស់ខ្លួន› និងកូរិនថូសទី១ ៦:១១ដែលចែងអំពីពួកអ្នកដែលបានលះចោលអំពើខុសឆ្គងថា៖ ‹ក៏ប៉ុន្ដែអ្នករាល់គ្នាខ្លះធ្លាប់ ជាមនុស្សបែបនោះ›។ អស់ជាច្រើនឆ្នាំ ព្រះយេហូវ៉ាបានជួយខ្ញុំដោយចិត្ដអត់ធ្មត់តាមរយៈសកម្មពលបរិសុទ្ធរបស់លោក ដើម្បីឲ្យខ្ញុំបំពាក់ខ្លួនដោយបុគ្គលិកលក្ខណៈថ្មី»។ បងហាន់ស៍បានទទួលការជ្រមុជទឹកពេលដែលគាត់នៅក្នុងគុកនៅឡើយ ហើយគាត់បានត្រូវគេដោះលែងបន្ទាប់ពីគាត់បានជាប់គុកអស់១៧ឆ្នាំកន្លះ។ គាត់បាននិយាយថា៖ «ខ្ញុំមានចិត្ដកតញ្ញូចំពោះសេចក្ដីមេត្ដាករុណានិងការអភ័យទោសជាបរិបូររបស់ព្រះយេហូវ៉ា»។
១៥. តើអ្វីជាផ្នែកមួយទៀតនៃបុគ្គលិកលក្ខណៈចាស់? តើគម្ពីរចែងយ៉ាងណាអំពីរឿងនេះ?
១៥ ការកុហកគឺជាផ្នែកមួយទៀតនៃបុគ្គលិកលក្ខណៈចាស់។ ជាឧទាហរណ៍ មនុស្សជាច្រើនកុហកដើម្បីជៀសវាងពីការបង់ពន្ធ ឬដើម្បីជៀសវាងពីការទទួលខុសត្រូវចំពោះកំហុសរបស់ពួកគេ។ ប៉ុន្ដែព្រះយេហូវ៉ាគឺជា«ព្រះនៃសេចក្ដីពិត»។ (ទំនុកតម្កើង ៣១:៥) ដូច្នេះលោកតម្រូវឲ្យអស់អ្នកដែលគោរពប្រណិប័តន៍លោក «និយាយសេចក្ដីពិត» ហើយ‹មិនកុហក›។ (អេភេសូរ ៤:២៥; កូឡុស ៣:៩) យើងត្រូវនិយាយសេចក្ដីពិតសូម្បីតែនោះនឹងធ្វើឲ្យយើងអាម៉ាស់មុខឬមានការពិបាកក៏ដោយ។—សុភាសិត ៦:១៦-១៩
របៀបដែលពួកគាត់អាចឈ្នះ
១៦. តើអ្វីនឹងជួយយើងឲ្យដោះចេញនូវបុគ្គលិកលក្ខណៈចាស់?
១៦ យើងមិនអាចដោះចេញនូវបុគ្គលិកលក្ខណៈចាស់ដោយពឹងផ្អែកលើកម្លាំងរបស់ខ្លួនឡើយ។ បងសាគូរ៉ា បងរីបេរ៉ូ បងស្ទីវើន និងបងហាន់ស៍ ត្រូវខំប្រឹងយ៉ាងខ្លាំងដើម្បីកែប្រែរបៀបរស់នៅចាស់របស់ពួកគាត់។ អ្វីដែលបានជួយពួកគាត់គឺឫទ្ធានុភាពដែលមកពីសកម្មពលបរិសុទ្ធរបស់ព្រះនិងពីបណ្ដាំរបស់លោក។ (លូកា ១១:១៣; ហេប្រឺ ៤:១២) ដើម្បីទទួលប្រយោជន៍ពីឫទ្ធានុភាពនោះ យើងត្រូវអានគម្ពីរជារៀងរាល់ថ្ងៃ រំពឹងគិតអំពីអ្វីដែលយើងអាន និងអធិដ្ឋានជានិច្ចដើម្បីឲ្យលោកផ្ដល់ប្រាជ្ញានិងកម្លាំងឲ្យយើងធ្វើតាមអ្វីដែលយើងបានរៀន។ (យ៉ូស្វេ ១:៨; ទំនុកតម្កើង ១១៩:៩៧; ថែស្សាឡូនិចទី១ ៥:១៧) យើងក៏ទទួលប្រយោជន៍ផងដែរពីបណ្ដាំរបស់ព្រះនិងសកម្មពលបរិសុទ្ធរបស់លោកពេលយើងរៀបចំនិងចូលរួមកិច្ចប្រជុំ។ (ហេប្រឺ ១០:២៤, ២៥) ម្យ៉ាងទៀត យើងចង់ប្រើអ្វីៗជាច្រើនទៀតដែលអង្គការរបស់ព្រះយេហូវ៉ាផ្ដល់ឲ្យយើង ដូចជាទស្សនាវដ្ដីរបស់យើង កម្មវិធីJWបណ្ណាល័យ JWទូរទស្សន៍ និងគេហទំព័រjw.org។—លូកា ១២:៤២
តើតាមរបៀបណាយើងអាចដោះចេញនូវបុគ្គលិកលក្ខណៈចាស់? (សូមមើលវគ្គ១៦)
១៧. តើយើងនឹងពិចារណាអ្វីនៅអត្ថបទបន្ទាប់?
១៧ យើងបានពិចារណាអំពីអំពើអាក្រក់មួយចំនួនដែលគ្រិស្ដសាសនិកត្រូវឈប់ប្រព្រឹត្ដ ហើយដែលយើងត្រូវធ្វើឲ្យប្រាកដថាយើងមិនចាប់ផ្ដើមប្រព្រឹត្ដឡើងវិញ។ ប៉ុន្ដែ ដើម្បីធ្វើឲ្យព្រះយេហូវ៉ាពេញចិត្ដយើងត្រូវធ្វើច្រើនជាងនេះ។ យើងត្រូវបំពាក់ខ្លួនដោយបុគ្គលិកលក្ខណៈថ្មី ហើយបន្ដមានរបៀបរស់នៅដែលសមស្របនឹងបុគ្គលិកលក្ខណៈថ្មីនោះ។ នៅអត្ថបទបន្ទាប់ យើងនឹងពិចារណាអំពីរបៀបដែលយើងអាចធ្វើដូច្នេះ។
^ វគ្គ 7 ឈ្មោះខ្លះក្នុងអត្ថបទនេះបានត្រូវផ្លាស់ប្ដូរ។
^ វគ្គ 8 សូមមើលសេចក្ដីពន្យល់បន្ថែមដែលមានចំណងជើងថា «អ្នកអាចឈ្នះទម្លាប់បំពេញចំណង់ផ្លូវភេទតាមរបៀបមិនត្រឹមត្រូវ» ក្នុងសៀវភៅ«ចូររក្សាខ្លួនជាមនុស្សដែលព្រះស្រឡាញ់»។