ເຮົາຈະ “ຖອດ” ລັກສະນະນິດໄສເກົ່າແລະບໍ່ກັບໄປໃສ່ອີກໄດ້ແນວໃດ?
“ເພດຄົນເກົ່າກັບການທັງຫຼາຍແຫ່ງຕົນ [“ລັກສະນະນິດໄສເກົ່າກັບສິ່ງຕ່າງໆທີ່ເຄີຍເຮັດ,” ລ.ມ.] ທ່ານທັງຫຼາຍຈົ່ງຖອດຖິ້ມເສຍ.”—ໂກໂລດ 3:9
ເພງ: 121, 142
1, 2. ຜູ້ຄົນສັງເກດເຫັນຫຍັງກ່ຽວກັບພະຍານພະເຢໂຫວາ?
ຫຼາຍຄົນສັງເກດເຫັນວ່າພະຍານພະເຢໂຫວາແຕກຕ່າງບໍ່ຄືໃຜ. ຕົວຢ່າງ: ນັກຂຽນຄົນໜຶ່ງຊື່ ແອນທອນ ກິວ ໄດ້ຊົມເຊີຍນິດໄສຂອງພະຍານພະເຢໂຫວາໃນຍຸກນາຊີເຢຍລະມັນ. ລາວຂຽນວ່າ: “ພະຍານພະເຢໂຫວາຕົກເປັນເປົ້າຂອງພວກນາຊີເຊິ່ງເປັນສັດຕູທີ່ຮ້າຍກາດຂອງເຂົາເຈົ້າ. . . . ໃນປີ 1939 ມີພະຍານພະເຢໂຫວາເຖິງ 6.000 ຄົນຢູ່ໃນ [ຄ້າຍກັກຂັງ].” ລາວບອກອີກວ່າ ເຖິງວ່າພະຍານຈະປະສົບຄວາມຍາກລຳບາກ ແຕ່ເຂົາເຈົ້າຍັງເປັນຄົນທີ່ໄວ້ໃຈໄດ້ ສະຫງົບເຖິງວ່າຖືກກົດດັນ ເຂົາເຈົ້າຍັງພັກດີຕໍ່ພະເຈົ້າ ແລະເປັນໜຶ່ງດຽວ.
2 ເມື່ອບໍ່ດົນມານີ້ ຜູ້ຄົນໃນປະເທດອາຝຼິກກາໃຕ້ສັງເກດເຫັນວ່າພະຍານພະເຢໂຫວາແຕກຕ່າງບໍ່ຄືໃຜ. ມີໄລຍະໜຶ່ງ ປະເທດນີ້ບໍ່ອະນຸຍາດໃຫ້ພະຍານພະເຢໂຫວາທີ່ມີສີຜິວຕ່າງກັນມາພົບປະກັນ. ຢ່າງໃດກໍຕາມ ວັນອາທິດທີ 18 ທັນວາ 2011 ມີພະຍານພະເຢໂຫວາຫຼາຍກວ່າ 78.000 ຄົນຈາກຫຼາຍເຊື້ອຊາດ
ໃນອາຝຼິກກາໃຕ້ແລະປະເທດໃກ້ຄຽງເຂົ້າຮ່ວມການປະຊຸມພິເສດຢູ່ສະໜາມກິລາທີ່ໃຫຍ່ທີ່ສຸດໃນໂຈຣານເນດສະເບີກ. ຜູ້ຈັດການສະໜາມກິລາຄົນໜຶ່ງບອກວ່າ: “ໃນບັນດາຄົນທີ່ມາໃຊ້ສະໜາມກິລານີ້ ນີ້ເປັນກຸ່ມຄົນທີ່ປະພຶດຕົວດີທີ່ສຸດເທົ່າທີ່ຂ້ອຍເຄີຍເຫັນໃນສະໜາມກິລານີ້. ທຸກຄົນແຕ່ງຕົວຮຽບຮ້ອຍແລະຍັງຊ່ວຍກັນອະນາໄມຢ່າງສະອາດງາມຕາ. ແຕ່ທີ່ຂ້ອຍປະທັບໃຈທີ່ສຸດຄື ເຂົາເຈົ້າມາຈາກຫຼາຍເຊື້ອຊາດ.”3. ສິ່ງໃດເຮັດໃຫ້ສັງຄົມພີ່ນ້ອງຂອງເຮົາແຕກຕ່າງບໍ່ຄືໃຜ?
3 ຄົນທີ່ບໍ່ແມ່ນພະຍານພະເຢໂຫວາກໍເຫັນໄດ້ແຈ້ງວ່າສັງຄົມພີ່ນ້ອງນານາຊາດຂອງເຮົາແຕກຕ່າງບໍ່ຄືໃຜ. (1 ເປໂຕ 5:9) ເປັນຫຍັງເຮົາຈຶ່ງແຕກຕ່າງຈາກອົງການອື່ນ? ກໍຍ້ອນພວກເຮົາພະຍາຍາມຢ່າງໜັກທີ່ຈະປ່ຽນແປງຕົວເອງເພື່ອເຮັດໃຫ້ພະເຢໂຫວາພໍໃຈ ແລະໂດຍທາງຄຳພີໄບເບິນແລະພະລັງບໍລິສຸດຂອງພະເຈົ້າເຮົາຈຶ່ງເຮັດໄດ້ສຳເລັດ. ເຮົາ “ຖອດຖິ້ມ” ລັກສະນະນິດໄສເກົ່າ ແລະສວມ “ລັກສະນະນິດໄສໃໝ່.”—ໂກໂລດ 3:9, 10, ລ.ມ.
ເຮົາສາມາດເຮັດການປ່ຽນແປງຊີວິດຄັ້ງໃຫຍ່ໄດ້
4. ເຮົາຈະຮຽນເລື່ອງຫຍັງໃນບົດຄວາມນີ້? ແລະຍ້ອນຫຍັງ?
4 ຖ້າເຮົາຖອດລັກສະນະນິດໄສເກົ່າແລ້ວ ນີ້ໝາຍຄວາມວ່າເຮົາຕ້ອງຖິ້ມແລະບໍ່ກັບໄປເຮັດອີກ. ໃນບົດຄວາມນີ້ ທຳອິດເຮົາຈະຮຽນວິທີທີ່ເຮົາຈະຖິ້ມລັກສະນະນິດໄສເກົ່າແລະເປັນຫຍັງຈຶ່ງສຳຄັນທີ່ຈະເຮັດແບບນັ້ນ ແລ້ວເຮົາຈະມາເບິ່ງຕົວຢ່າງຂອງຄົນທີ່ເຮັດການປ່ຽນແປງຊີວິດຄັ້ງໃຫຍ່ໄດ້ບໍ່ວ່າຈະເຄີຍເຮັດຊົ່ວມາຫຼາຍສໍ່າໃດກໍຕາມ. ຈາກນັ້ນ ເຮົາຈະມາເບິ່ງວ່າຄົນທີ່ຢູ່ໃນຄວາມຈິງຫຼາຍປີຈະບໍ່ກັບໄປເຮັດນິດໄສເກົ່າອີກໄດ້ແນວໃດ. ເປັນຫຍັງເຮົາຕ້ອງຮຽນເລື່ອງນີ້? ເພາະມີບາງຄົນທີ່ຮັບໃຊ້ພະເຢໂຫວາມາດົນແຕ່ບໍ່ໄດ້ລະວັງຕົວ. ເຂົາເຈົ້າເລີ່ມຄິດແລະກັບໄປເຮັດນິດໄສແບບເກົ່າຄືຕອນທີ່ຍັງບໍ່ຮູ້ຈັກພະເຢໂຫວາ. ເຮົາທຸກຄົນຕ້ອງຈື່ຄຳເຕືອນນີ້ທີ່ວ່າ: ‘ຄົນທີ່ຄິດວ່າຕົນໝັ້ນຄົງດີແລ້ວ ຈົ່ງລະວັງຕົວໃຫ້ດີຢ້ານວ່າຈະລົ້ມລົງ.’—1 ໂກລິນໂທ 10:12, ທ.ປ.
ກຳຈັດຄວາມຕ້ອງການທີ່ຈະເຮັດຜິດສິນລະທຳທາງເພດ
5. (ກ) ໃຫ້ຍົກຕົວຢ່າງວ່າເປັນຫຍັງເຮົາຕ້ອງຖິ້ມລັກສະນະນິດໄສເກົ່າໃຫ້ໄວທີ່ສຸດ. (ເບິ່ງຮູບທຳອິດ) (ຂ) ການກະທຳແບບໃດທີ່ເປັນສ່ວນໜຶ່ງຂອງລັກສະນະນິດໄສເກົ່າເຊິ່ງກ່າວເຖິງໃນໂກໂລດ 3:5-9?
5 ເຈົ້າຈະເຮັດແນວໃດຖ້າຮູ້ວ່າເສື້ອຜ້າທີ່ເຈົ້າໃສ່ຢູ່ເປື້ອນແລະມີກິ່ນເໝັນ? ເຈົ້າຄົງແກ້ມັນອອກໃຫ້ໄວທີ່ສຸດ. ຄ້າຍກັນ ຖ້າເຮົາຮູ້ວ່າກຳລັງເຮັດສິ່ງທີ່ພະເຢໂຫວາກຽດຊັງ ເຮົາກໍຕ້ອງປ່ຽນແປງຕົວເອງໃຫ້ໄວທີ່ສຸດ. ເມື່ອເວົ້າເຖິງການເຮັດສິ່ງທີ່ບໍ່ດີ ໂປໂລບອກວ່າ: “ສັບພະທຸກສິ່ງນີ້ ທ່ານທັງຫຼາຍທັງມວນຈົ່ງປະຖິ້ມເສຍ.” ໃຫ້ເຮົາມາເບິ່ງ 2 ຢ່າງທີ່ບໍ່ດີຄື: ການຜິດສິນລະທຳທາງເພດແລະການກະທຳທີ່ບໍ່ສະອາດ.—ອ່ານໂກໂລດ 3:5-9
6, 7. (ກ) ຄຳເວົ້າຂອງໂປໂລສະແດງໃຫ້ເຫັນແນວໃດວ່າເຮົາຕ້ອງພະຍາຍາມຖິ້ມລັກສະນະນິດໄສເກົ່າ? (ຂ) ຊະກຸລະເຄີຍໃຊ້ຊີວິດແບບໃດ? ສິ່ງໃດເຮັດໃຫ້ລາວມີກຳລັງທີ່ຈະປ່ຽນແປງຕົວເອງໄດ້?
6 ການເຮັດຜິດສິນລະທຳທາງເພດ. ໃນຄຳພີໄບເບິນຄຳວ່າ: “ຜິດຊາຍຍິງ” ຫຼືຜິດສິນລະທຳທາງເພດແມ່ນການມີເພດສຳພັນກັບໃຜກໍຕາມທີ່ບໍ່ໄດ້ເປັນຜົວຫຼືເມຍທີ່ຖືກຕ້ອງຕາມກົດໝາຍ. ໂປໂລບອກວ່າ:
ຄລິດສະຕຽນຕ້ອງ “ກະທຳໃຫ້ຕາຍ [“ກຳຈັດ,” ລ.ມ.]” ເມື່ອ “ສ່ວນອາການ” ຫຼືອະໄວຍະວະທີ່ຢູ່ໃນຮ່າງກາຍຂອງເຂົາເຈົ້າຢາກເຮັດຜິດສິນລະທຳທາງເພດ. ນີ້ໝາຍຄວາມວ່າເຮົາຕ້ອງອອກຄວາມພະຍາຍາມຢ່າງໜັກທີ່ຈະກຳຈັດຄວາມຕ້ອງການທີ່ຜິດໆນີ້. ການເຮັດແບບນີ້ອາດຈະຍາກ ແຕ່ເຮົາເຮັດໄດ້!7 ເຮົາເຫັນໄດ້ຈາກຕົວຢ່າງຂອງພີ່ນ້ອງຍີ່ປຸ່ນຊື່ ຊະກຸລະ. * (ເບິ່ງໄຂເງື່ອນ) ຕອນທີ່ເລີ່ມໃຫຍ່ເປັນໄວຮຸ່ນ ລາວມັກຮູ້ສຶກເຫງົາແລະເສົ້າ. ເພື່ອພະຍາຍາມເອົາຊະນະຄວາມຮູ້ສຶກນີ້ ລາວເລີ່ມມີເພດສຳພັນຕອນອາຍຸ 15 ປີ. ຊະກຸລະມີເພດສຳພັນກັບຫຼາຍໆຄົນແລະເຄີຍເອົາລູກອອກ 3 ເທື່ອ. ລາວເລົ່າວ່າ: “ທຳອິດຂ້ອຍຮູ້ສຶກມັກຄວາມສຳພັນທີ່ຜິດໆນີ້ ເພາະເຮັດໃຫ້ຂ້ອຍຮູ້ສຶກເປັນທີ່ຕ້ອງການແລະເປັນທີ່ຮັກຂອງຄົນອື່ນ ມັນເຮັດໃຫ້ຂ້ອຍຮູ້ສຶກໝັ້ນຄົງ. ແຕ່ເມື່ອຂ້ອຍເຮັດແບບນັ້ນຫຼາຍເທົ່າໃດ ຂ້ອຍກໍແຮ່ງຮູ້ສຶກບໍ່ໝັ້ນຄົງ.” ຊະກຸລະໃຊ້ຊີວິດແບບນີ້ຈົນອາຍຸ 23 ປີ. ຕໍ່ມາລາວເລີ່ມສຶກສາຄຳພີໄບເບິນກັບພະຍານພະເຢໂຫວາແລະຮັກສິ່ງທີ່ໄດ້ຮຽນ. ພະເຢໂຫວາຊ່ວຍລາວໃຫ້ເຊົາໃຊ້ຊີວິດທີ່ຜິດສິນລະທຳແລະເອົາຊະນະຄວາມຮູ້ສຶກຜິດແລະຄວາມອັບອາຍທີ່ຝັງຢູ່ໃນໃຈ. ຕອນນີ້ ຊະກຸລະເປັນໄພໂອເນຍປະຈຳແລະລາວບໍ່ຮູ້ສຶກເຫງົາອີກແລ້ວ. ລາວບອກວ່າ: “ຂ້ອຍມີຄວາມສຸກແທ້ໆທີ່ໄດ້ຮັບຄວາມຮັກຈາກພະເຢໂຫວາທຸກໆມື້.”
ເອົາຊະນະການກະທຳທີ່ບໍ່ສະອາດ
8. ການກະທຳແບບໃດທີ່ບໍ່ສະອາດໃນສາຍຕາຂອງພະເຈົ້າ?
8 ການກະທຳທີ່ບໍ່ສະອາດ. ໃນຄຳພີໄບເບິນຄຳວ່າ: “ການຂີ້ດຽດ” ຫຼືການກະທຳທີ່ບໍ່ສະອາດ ນອກຈາກຈະໝາຍເຖິງການເຮັດຜິດສິນລະທຳທາງເພດແລ້ວຍັງໝາຍເຖິງການເຮັດສິ່ງບໍ່ດີຕ່າງໆອີກ ເຊັ່ນ: ການສູບຢາຫຼືການເວົ້າຕະຫຼົກລາມົກ. (2 ໂກລິນໂທ 7:1; ເອເຟດ 5:3, 4) ການກະທຳທີ່ບໍ່ສະອາດນີ້ຍັງລວມເຖິງການເຮັດສິ່ງທີ່ບໍ່ດີເມື່ອຢູ່ຄົນດຽວ ເຊັ່ນ: ການອ່ານປຶ້ມທີ່ກະຕຸ້ນໃຫ້ມີອາລົມທາງເພດຫຼືການເບິ່ງສື່ລາມົກ. ສິ່ງເຫຼົ່ານີ້ອາດກະຕຸ້ນໃຫ້ສະໜອງຄວາມຕ້ອງການທາງເພດດ້ວຍຕົວເອງ. (ໂກໂລດ 3:5) *—ເບິ່ງໄຂເງື່ອນ
9. “ຄວາມຕັນຫາ” ແບບທີ່ບໍ່ມີການຄວບຄຸມເຮັດໃຫ້ເກີດຜົນແນວໃດ?
9 ການເບິ່ງສື່ລາມົກເປັນປະຈຳນັ່ນຈະເຮັດໃຫ້ເກີດ “ຄວາມຕັນຫາ” ແບບທີ່ບໍ່ມີການຄວບຄຸມແລະອາດກາຍເປັນຄົນເສບຕິດການມີເພດສຳພັນ. ນັກວິໄຈເຄີຍບອກວ່າການຕິດສື່ລາມົກກໍຄ້າຍຄືກັບການຕິດເຫຼົ້າຫຼືຕິດຢາເສບຕິດ ດັ່ງນັ້ນ ການເບິ່ງສື່ລາມົກຈຶ່ງກໍ່ໃຫ້ເກີດຜົນເສຍຫາຍຮ້າຍແຮງ. ນີ້ອາດເຮັດໃຫ້ເກີດຄວາມອັບອາຍທີ່ຝັງຢູ່ໃນໃຈ ເຮັດວຽກບໍ່ຄ່ອຍມີປະສິດທິພາບ ຄອບຄົວບໍ່ມີຄວາມສຸກ ຢ່າຮ້າງ ແລະເຖິງຂັ້ນຂ້າຕົວຕາຍ. ຜູ້ຊາຍຄົນໜຶ່ງບອກວ່າ: ຫຼັງຈາກທີ່ລາວເຊົາຕິດສື່ລາມົກໄດ້ 1 ປີ ລາວຮູ້ສຶກມີຄວາມນັບຖືຕົວເອງໄດ້ອີກເທື່ອໜຶ່ງ.
10. ຣິເບໂລເຊົາຕິດສື່ລາມົກໄດ້ແນວໃດ?
10 ເປັນການຕໍ່ສູ້ທີ່ຍາກແທ້ໆສຳລັບຫຼາຍຄົນທີ່ຈະເຊົາຕິດສື່ລາມົກ ແຕ່ການຕໍ່ສູ້ນີ້ເອົາຊະນະໄດ້. ໃຫ້ເຮົາມາເບິ່ງຕົວຢ່າງຂອງຣິເບໂລຈາກປະເທດເບຣຊິນ. ຕອນທີ່ລາວເປັນໄວຮຸ່ນ ລາວອອກຈາກບ້ານແລະໄປເຮັດວຽກຢູ່ໂຮງງານເຈ້ຍລີໄຊໂຄ. ເມື່ອຢູ່ທີ່ນັ້ນ ລາວເຫັນໜັງສືໂປ້ ລາວເລົ່າວ່າ: “ຂ້ອຍຄ່ອຍໆຕິດສື່ລາມົກ. ຂ້ອຍຕິດໜັກຫຼາຍຈົນຈະຖ້າບໍ່ໄຫວທີ່ໃຫ້ແຟນອອກຈາກບ້ານກ່ອນເພື່ອຂ້ອຍຈະໄດ້ເບິ່ງໜັງໂປ້.” ມື້ເຄັດລັບສຳລັບຄວາມສຸກໃນຄອບຄົວ ລາວຈັບຂຶ້ນມາອ່ານ. ເມື່ອລາວໄດ້ອ່ານ ລາວກໍຢາກສຶກສາຄຳພີໄບເບິນກັບພະຍານພະເຢໂຫວາ ແຕ່ລາວຕ້ອງຕໍ່ສູ້ອີກດົນຈຶ່ງເຊົາຕິດສື່ລາມົກ. ອັນໃດຊ່ວຍລາວ? ລາວບອກວ່າ: “ໂດຍການອະທິດຖານ ສຶກສາຄຳພີໄບເບິນແລະຄິດຕຶກຕອງສິ່ງທີ່ໄດ້ຮຽນ ຂ້ອຍກໍມັກຄຸນລັກສະນະຕ່າງໆຂອງພະເຈົ້າຫຼາຍຂຶ້ນເລື້ອຍໆ ຈົນຄວາມຮັກທີ່ຂ້ອຍມີຕໍ່ພະອົງນັ້ນຫຼາຍກວ່າຄວາມຕ້ອງການເບິ່ງສື່ລາມົກ.” ຄຳພີໄບເບິນແລະພະລັງບໍລິສຸດຂອງພະເຈົ້າຊ່ວຍຣິເບໂລໃຫ້ປ່ຽນແປງຕົວເອງ ຮັບບັບເຕມາ ແລະຕອນນີ້ລາວຮັບໃຊ້ເປັນຜູ້ເຖົ້າແກ່ໃນປະຊາຄົມ.
ໜຶ່ງຣິເບໂລເບິ່ງກອງປຶ້ມທີ່ກຳລັງຈະລີໄຊໂຄ ລາວກໍເຫັນປຶ້ມເຮົາຕ້ອງຮັກພະເຢໂຫວາສຸດຫົວໃຈແລະກຽດຊັງສິ່ງຊົ່ວ
11. ສິ່ງໃດຈະຊ່ວຍຄົນເຮົາບໍ່ໃຫ້ໄປຫຍຸ້ງກ່ຽວກັບສື່ລາມົກ?
11 ຂໍໃຫ້ສັງເກດວ່າເພື່ອຈະບໍ່ໄປຫຍຸ້ງກ່ຽວກັບສື່ລາມົກ ຣິເບໂລຈະຕ້ອງເຮັດຫຼາຍກວ່າການສຶກສາຄຳພີໄບເບິນ. ລາວຕ້ອງຄິດຢ່າງເລິກເຊິ່ງໃນສິ່ງທີ່ອ່ານ ແລະໃຫ້ເລື່ອງນັ້ນເຂົ້າເຖິງຫົວໃຈ. ລາວຕ້ອງອະທິດຖານຂໍໃຫ້ພະເຢໂຫວາຊ່ວຍລາວ. ການເຮັດແບບນີ້ຊ່ວຍໃຫ້ຣິເບໂລຮັກພະອົງຫຼາຍຂຶ້ນ ແລະສິ່ງນີ້ມີພະລັງຫຼາຍກວ່າຄວາມຕ້ອງການທີ່ຈະເບິ່ງສື່ລາມົກ. ດັ່ງນັ້ນ ເພື່ອຈະບໍ່ໄປຫຍຸ້ງກ່ຽວກັບສື່ລາມົກ ເຮົາຕ້ອງຮັກພະເຢໂຫວາສຸດຫົວໃຈແລະກຽດຊັງສິ່ງຊົ່ວ.—ອ່ານຄຳເພງ 97:10
ກຳຈັດຄວາມໃຈຮ້າຍ ການເວົ້າດູຖູກ ແລະການເວົ້າຕົວະ
12. ສິ່ງໃດຊ່ວຍໃຫ້ສະຕີເວັນເຊົາເປັນຄົນໃຈຮ້າຍແລະເຊົາເວົ້າຫຍາບຄາຍ?
12 ບາງຄົນມີນິດໄສໃຈຮ້າຍງ່າຍ ມັກເວົ້າດູຖູກແລະດ່າຄົນອື່ນ ນິດໄສແບບນີ້ເຮັດໃຫ້ຄອບຄົວເດືອດຮ້ອນ. ພໍ່ຄົນໜຶ່ງຈາກອົດສະຕຣາລີຊື່ສະຕີເວັນເຄີຍມັກເວົ້າຄຳຫຍາບຄາຍແລະມັກໃຈຮ້າຍກັບເລື່ອງເລັກໆນ້ອຍໆ. ລາວບອກວ່າ: “ຂ້ອຍກັບເມຍເຄີຍແຍກກັນຢູ່ເຖິງສາມເທື່ອແລະກຳລັງຈະຢ່າຮ້າງ.” ຕໍ່ມາເຂົາເຈົ້າສຶກສາຄຳພີໄບເບິນກັບພະຍານພະເຢໂຫວາ ສະຕີເວັນພະຍາຍາມໃຊ້ສິ່ງທີ່ໄດ້ຮຽນຮູ້ ລາວບອກວ່າກ່ອນຈະຮູ້ຈັກພະເຢໂຫວາ ລາວເປັນຄົນມັກໃຈຮ້າຍໄປກັບເລື່ອງບໍ່ເປັນເລື່ອງ ລາວຮູ້ສຶກຄືລະເບີດທີ່ກຽມຈະລະເບີດໄດ້ຕະຫຼອດເວລາ. ແຕ່ຫຼັງຈາກສະຕີເວັນເຮັດຕາມຄຳແນະນຳໃນຄຳພີໄບເບິນ ທຸກສິ່ງກໍດີຂຶ້ນ. ລາວບອກວ່າ: “ຊີວິດຄອບຄົວຂອງຂ້ອຍດີຂຶ້ນຫຼາຍແທ້ໆ. ດ້ວຍຄວາມຊ່ວຍເຫຼືອຈາກພະເຢໂຫວາ ຂ້ອຍໃຈເຢັນຂຶ້ນແລະຮູ້ສຶກສະຫງົບໃຈ.” ປັດຈຸບັນ ສະຕີເວັນເປັນຜູ້ຊ່ວຍງານຮັບໃຊ້ແລະເມຍລາວກໍເປັນໄພໂອເນຍປະຈຳຫຼາຍປີແລ້ວ. ຜູ້ເຖົ້າແກ່ໃນປະຊາຄົມຂອງສະຕີເວັນບອກວ່າ: “ລາວເປັນຄົນງຽບໆ ດຸໝັ່ນ ແລະຖ່ອມຕົວ.” ເຂົາເຈົ້າຍັງບອກອີກວ່າບໍ່ເຄີຍເຫັນສະຕີເວັນໃຈຮ້າຍເລີຍ. ສະຕີເວັນບໍ່ໄດ້ຖືວ່າທີ່ລາວປ່ຽນແປງນິດໄສໄດ້ເປັນຍ້ອນຄວາມສາມາດຂອງຕົວເອງ. ລາວບອກວ່າ: “ຖ້າຂ້ອຍບໍ່ຍອມຮັບການຊ່ວຍເຫຼືອຈາກພະເຢໂຫວາ ຂ້ອຍຄົງຈະບໍ່ໄດ້ຮັບພອນທີ່ດີເລີດເຫຼົ່ານີ້ໃນຊີວິດ ເພາະພະອົງຊ່ວຍຂ້ອຍໃຫ້ປ່ຽນແປງລັກສະນະນິດໄສໃໝ່ທັງໝົດ.”
13. ເປັນຫຍັງການໃຈຮ້າຍຈຶ່ງອັນຕະລາຍ? ຄຳພີໄບເບິນເຕືອນເຮົາເລື່ອງຫຍັງ?
13 ຄຳພີໄບເບິນເຕືອນວ່າເຮົາຕ້ອງບໍ່ໃຈຮ້າຍ ເວົ້າເອເຟດ 4:31) ສິ່ງເຫຼົ່ານີ້ມັກເຮັດໃຫ້ເກີດຄວາມຮຸນແຮງ. ໃນໂລກທຸກມື້ນີ້ຫຼາຍຄົນມັກຄິດວ່າການໃຈຮ້າຍ ຫຼືການໃຊ້ຄວາມຮຸນແຮງເປັນເລື່ອງທຳມະດາ ແຕ່ການເຮັດແບບນີ້ບໍ່ໄດ້ໃຫ້ກຽດພະເຈົ້າຜູ້ສ້າງເຮົາ. ດັ່ງນັ້ນ ພີ່ນ້ອງຂອງເຮົາຫຼາຍຄົນໄດ້ປ່ຽນການປະພຶດຂອງເຂົາເຈົ້າແລະປູກຝັງລັກສະນະນິດໄສໃໝ່.—ອ່ານຄຳເພງ 37:8-11
ດູຖູກຫຼືເວົ້າທັ່ງໃສ່ກັນ. (14. ເປັນໄປໄດ້ບໍທີ່ຄົນມັກໃຊ້ຄວາມຮຸນແຮງຈະກາຍເປັນຄົນອ່ອນນ້ອມຖ່ອມຕົວ?
14 ໃຫ້ມາເບິ່ງຕົວຢ່າງຂອງພີ່ນ້ອງຮັນ ເຊິ່ງເປັນຜູ້ເຖົ້າແກ່ໃນປະເທດໂອຕຣິດ ຜູ້ປະສານງານຄະນະຜູ້ເຖົ້າແກ່ໃນປະຊາຄົມຂອງລາວບອກວ່າ: “ຮັນເປັນຄົນອ່ອນນ້ອມຖ່ອມຕົວທີ່ສຸດເທົ່າທີ່ເຄີຍພົບ.” ແຕ່ຮັນບໍ່ໄດ້ເປັນຄົນແບບນີ້ຕັ້ງແຕ່ທຳອິດ ຕອນເປັນໄວຮຸ່ນ ລາວມັກກິນເຫຼົ້າແລະມັກໃຊ້ຄວາມຮຸນແຮງ. ມີເທື່ອໜຶ່ງຕອນທີ່ລາວເມົາ ລາວໃຈຮ້າຍຫຼາຍຈົນຂ້າແຟນຂອງຕົວເອງ. ຮັນຕິດຄຸກ 20 ປີ ແຕ່ຊີວິດໃນຄຸກບໍ່ໄດ້ປ່ຽນແປງນິດໄສຂອງລາວເລີຍ. ຕໍ່ມາແມ່ຂອງຮັນໄດ້ຂໍໃຫ້ຜູ້ເຖົ້າແກ່ໄປຢາມລາວ ແລະລາວກໍເລີ່ມສຶກສາຄຳພີໄບເບິນ. ລາວບອກວ່າ: “ມັນຍາກຫຼາຍທີ່ຂ້ອຍຈະຖິ້ມລັກສະນະນິດໄສເກົ່າ ແຕ່ຂໍ້ພະຄຳພີທີ່ກະຕຸ້ນໃຈຂ້ອຍແມ່ນເອຊາອີ 55:7 ບອກວ່າ: ‘ຄົນຮ້າຍຈົ່ງປະຖິ້ມຮີດຄອງແຫ່ງຕົນ’ ແລະ 1 ໂກລິນໂທ 6:11 ໄດ້ເວົ້າເຖິງຄົນທີ່ຖິ້ມລັກສະນະນິດໄສເກົ່າວ່າ: “ແຕ່ກ່ອນມີຜູ້ລາງຄົນໃນພວກທ່ານເປັນຢ່າງນັ້ນ.” ເປັນເວລາຫຼາຍປີທີ່ພະເຢໂຫວາອົດທົນຊ່ວຍຂ້ອຍໂດຍທາງພະລັງບໍລິສຸດເພື່ອປູກຝັງລັກສະນະນິດໄສໃໝ່.” ຮັນຮັບບັບເຕມາຕອນຢູ່ໃນຄຸກແລະລາວຖືກປ່ອຍຕົວຫຼັງຈາກຕິດຄຸກ 17 ປີເຄິ່ງ. ລາວບອກວ່າ: “ຂ້ອຍຂອບໃຈພະເຢໂຫວາແທ້ໆທີ່ມີຄວາມເມດຕາທີ່ຍິ່ງໃຫຍ່ແລະໃຫ້ອະໄພຂ້ອຍ.”
15. ລັກສະນະນິດໄສເກົ່າອີກຢ່າງໜຶ່ງຄືຫຍັງ ແລະຄຳພີໄບເບິນເວົ້າແນວໃດ?
ຄຳເພງ 31:5) ພະອົງຢາກໃຫ້ເຮົາທຸກຄົນທີ່ນະມັດສະການພະອົງ ‘ເວົ້າຄວາມຈິງ’ ແລະ “ຢ່າເວົ້າຕົວະ.” (ເອເຟດ 4:25; ໂກໂລດ 3:9) ເຫັນໄດ້ແຈ້ງວ່າພວກເຮົາຕ້ອງເວົ້າຄວາມຈິງເຖິງວ່າຈະເປັນເລື່ອງໜ້າອາຍຫຼືຍາກກໍຕາມ.—ສຸພາສິດ 6:16-19
15 ລັກສະນະນິດໄສເກົ່າອີກຢ່າງໜຶ່ງຄື ການຕົວະ. ຕົວຢ່າງ: ຫຼາຍຄົນຕົວະເພື່ອຈະບໍ່ເສຍພາສີຫຼືບໍ່ຢາກຮັບຜິດຊອບໃນຄວາມຜິດທີ່ລາວເຮັດ. ແຕ່ພະເຢໂຫວາເປັນ “ພະເຈົ້າແຫ່ງຄວາມຈິງ.” (ວິທີທີ່ເຂົາເຈົ້າເອົາຊະນະ
16. ມີສິ່ງໃດແດ່ຈະຊ່ວຍເຮົາໃຫ້ຖິ້ມລັກສະນະນິດໄສເກົ່າ?
16 ເປັນໄປບໍ່ໄດ້ທີ່ເຮົາຈະຖິ້ມລັກສະນະນິດໄສເກົ່າດ້ວຍກຳລັງຂອງເຮົາເອງ. ຕົວຢ່າງຂອງພີ່ນ້ອງຊະກຸລະ ຣິເບໂລ ສະຕີເວັນ ແລະຮັນສະແດງໃຫ້ເຫັນວ່າເຂົາເຈົ້າຕ້ອງຕໍ່ສູ້ຢ່າງໜັກເພື່ອປ່ຽນແປງຊີວິດຕົວເອງ. ສິ່ງທີ່ຊ່ວຍເຂົາເຈົ້າກໍຄືພະລັງຈາກຄຳພີໄບເບິນແລະພະລັງບໍລິສຸດຂອງພະເຈົ້າ. (ລືກາ 11:13; ເຫບເລີ 4:12) ເພື່ອຈະໄດ້ຮັບປະໂຫຍດຈາກພະລັງນັ້ນ ເຮົາຕ້ອງອ່ານຄຳພີໄບເບິນທຸກມື້ ຄິດຕຶກຕອງ ອະທິດຖານຂໍສະຕິປັນຍາ ແລະຂໍກຳລັງໃຫ້ເຮົາເຮັດຕາມສິ່ງທີ່ໄດ້ຮຽນ. (ໂຢຊວຍ 1:8; ຄຳເພງ 119:97; 1 ເທຊະໂລນີກ 5:17) ເຮົາຍັງໄດ້ຮັບປະໂຫຍດຈາກຄຳພີໄບເບິນແລະພະລັງບໍລິສຸດຂອງພະເຈົ້າເມື່ອເຮົາກຽມສ່ວນຕ່າງໆສຳລັບການປະຊຸມຢ່າງດີແລະເຂົ້າຮ່ວມການປະຊຸມປະຈຳປະຊາຄົມ. (ເຫບເລີ 10:24, 25) ແລະເຮົາຄວນຈະຮັບປະໂຫຍດຈາກສິ່ງຕ່າງໆທີ່ພະເຢໂຫວາຈັດກຽມໃຫ້ເຮົາ ເຊັ່ນ: ໜັງສືຕ່າງໆ ລາຍການໂທລະທັດ JW ແອັບ JW Library ແລະເວັບໄຊ jw.org.—ລືກາ 12:42
ເຮົາຈະຖິ້ມລັກສະນະນິດໄສເກົ່າໄດ້ແນວໃດ? (ເບິ່ງຂໍ້ 16)
17. ເຮົາຈະຮຽນເລື່ອງຫຍັງໃນບົດຄວາມຕໍ່ໄປ?
17 ເຮົາໄດ້ຮຽນເລື່ອງການກະທຳທີ່ບໍ່ດີຫຼາຍຢ່າງເຊິ່ງຄລິດສະຕຽນຕ້ອງຖິ້ມແລະບໍ່ກັບໄປເຮັດອີກເພື່ອຈະເຮັດໃຫ້ພະເຢໂຫວາພໍໃຈ. ແຕ່ເຮົາຕ້ອງເຮັດຫຼາຍກວ່ານັ້ນ ເຮົາຕ້ອງປູກຝັງລັກສະນະນິດໄສໃໝ່ແລະຮັກສາໄວ້ຕະຫຼອດຊີວິດເຊິ່ງເຮົາຈະຮຽນເລື່ອງນີ້ໃນບົດຄວາມຕໍ່ໄປ.