1, 2. Σο παρατηρίνενα κάποια τζενέ κο Μάρτυρες του Ιεχωβά;

ΜΠΟΥΤ τζενέ παρατηρίνενα ότι ο Μάρτυρες του Ιεχωβά ξεχωρίνενα κατά γιαβερά. Για παράδειγμας, εκ συγγραφέας, ο Άντον Γκιλ, ισαρντάς ι Ιεχωβάσκε Μαρτυρέν κι ναζιστική Γερμανία για το ιδιότητες σο τθερένας. Γραφιντάς: «Ο Ναζί τθερένας κι γιακχ ι Ιεχωβάσκε Μαρτυρέν. . . . Κο 1939, υπαρχίντιβενας 6.000 Μάρτυρες [κο στρατόπεδα συγκέντρωσης]». Επίσης βακερντάς ότι, παρόλο σο νακχένας μπαρό διωγμός, σαρέ τζανένας ότι μπορίνενας τι ντεν λένγκε μπέσα, ότι ατσσόνας ήρεμοι κο δυσκολίες ντα ότι ισινέ ενωμέ ντα πιστοί κο Ντεβέλ.

² Κο 2011, τζενέ κι Νότια Αφρική-ντα ντικχλέ κάτι ξεχωριστός κο Μάρτυρες του Ιεχωβά. Πριν από μερικά μπρεσά, ισινέ απαγορευμέ οντουλέ τθεμέστε τι κερέν παρέα τζενέ σο τθερένας διαφορετικός χρώμας κο δέρμας. Οτθάρ, ο Μάρτυρες του Ιεχωβά σο τθερένας διαφορετικός χρώμας κο δέρμας, να μπορίνενας τι γκιντίντιβεν σαρέ γιεκ. Αλλά κι Κυριακή 18 Δεκεμβρίου 2011, πιο μπουτ από 78.000 Μάρτυρες σο ισινέ από διαφορετικές φυλές, κατά Νότια Αφρική ντα  γιαβερέ τθεμένταρ οτθέ πασέ, γκιντισάλε για εκ ξεχωριστός πρόγραμμας κο πιο μπαρό στάδιος κο Γιοχάνεσμπουργκ. Εκ τζενό οντουλένταρ σο ισινέ υπεύθυνοι κο στάδιος βακερντάς: «Πρώτη φορά ντικχάβα αζόμ μπουτ τζενέν τι τθερέν αζόμ λατσσί συμπεριφορά ανταλέ σταδιόστε. Σαρέ ισί λατσσές ιριαντέ. Ντα καθαριντέν μπουτ λατσσές ο στάδιος. Αλλά ο πιο σημαντικός ισί ότι ισινέν πραγματικά από μπουτ φυλές».

3. Σο κερέλα αμαρέ πφραλέν ντα πφενίν τι ξεχωρίνεν κατά γιαβερά τζενέ;

³ Άρα, ατζέ-ντα ο τζενέ σο νανέ Μάρτυρες μπορίνενα τι ντικχέν ξεκάθαρα ότι αμαρέ πφραλά ντα πφενιά σαρό κο ντουνιάς ξεχωρίνενα σαρέ κατά γιαβερά τζενέ. (1 Πέτρου 5:9) Σόσκε, όμως, ισινάμ αζόμ διαφορετικοί; Με τη βοήθεια σο λάσα κατά Αγία Γραφή ντα κατά άγιος πνεύμας ι Ντεβλέσκο, προσπαθίνασα μπουτ τι αλλάνας αμαρέ νεαυτόσταρ σαρέ ο πράγματα σο στεναχωρίνενα ι Ιεχωβάς. “Νικαβάσα οπρ’ αμένταρ ο πουρανό χαρακτήρας” ντα “ιριάσα ο νεβό χαρακτήρας”.​—Κολοσσαείς 3:9, 10.

4. Σο κα ντικχάς ανταλέ μαθημάστε, ντα σόσκε;

⁴ Αφού κα νικαβάς οπρ’ αμένταρ ο πουρανό χαρακτήρας, πρέπει τι ατσσικιαράς-λες ντουρ. Ανταλέ μαθημάστε, κα σικλιάς πρώτα σαρ μπορίνασα τι νικαβάς οπρ’ αμένταρ ο πουρανό χαρακτήρας ντα σόσκε ανταβά ισί αζόμ σημαντικός. Κα ντικχάς ότι εκ τζενό μπορίνελα τι κερέλ μπαρέ αλλαγές πι ζωγιάτε ατζέ-ντα άμα τθερέλας ι συνήθεια τι κερέλ λάθος πράγματα. Επίσης, κα ντικχάς σο μπορίνενα τι κερέν οντουλά σο ισί μπουτ μπρεσά κι αλήθεια για τι ατσσικιαρέν ντουρ πουμένταρ ο πουρανό χαρακτήρας. Σόσκε χρειαζίντιβελα τι ντικχάς-λες ανταβά; Δυστυχώς, κάποια τζενέ σο υπηρετίνενας ι Ιεχωβάς τσσιναντέ τι αβέν προσεκτικοί. Αρχισάλε τι σκεφτίνεν ντα τι κερέν ο πράγματα σο κερένας πριν τι σικλιόν ι Ιεχωβάσκε. Ο κάθε εκ αμένταρ πρέπει τι τθερέλ πι γκοντιάτε ακαγιά προειδοποίηση: «Οντουβά σο αμντίνελα ότι ατσσόλα πι πιντρέντε τι προσοχίνελ μα τι περέλ».​—1 Κορινθίους 10:12.

5. (α) Βακερέν εκ παράδειγμας σο σικαβέλα σόσκε πρέπει τι νικαβάς σουγκό οπρ’ αμένταρ ο πουρανό χαρακτήρας. (Ντικχ ι φωτογραφία σο ισί κι αρχή.) (β) Σαρ βακερένα ο εδάφια Κολοσσαείς 3:​5-9, καλά συνήθειες τθερέλα ο πουρανό χαρακτήρας;

⁵ Σο κα κερένας άμα κα αγαβένας ότι τουμαρέ σέα ισί μελαλέ ντα κχάντενα λέσι; Κα νικαβένας-λεν οπρά-τουμένταρ καζόμ πιο σουγκό αβέλα-πες. Αντικάς αμέν-ντα, άμα αγαντάμ ότι κεράσα πράγματα σο μισίνελα ο Ιεχωβά, πρέπει τι κεράς αλλαγές σουγκό. Ο Παύλος κερντάς λάφι ασακέ μπέτι συνηθειένγκε ντα βακερντάς: «Πρέπει τι νικαβέν-λεν σαρέ ανταλά οπρά-τουμένταρ». Για τι ντικχάς ντούι ασακέ συνήθειες: ο λουμνιπέ ντα ο μαγαριπέ.​—Διαβάνεν Κολοσσαείς 3:​5-9.

6, 7. (α) Σαρ σικαβένα ο λάφια ι Παυλόσκε ότι πρέπει τι προσπαθίνας μπουτ για τι νικαβάς οπρ’ αμένταρ ο πουρανό χαρακτήρας; (β) Σαρ τζουβντιόλας η Σακούρα, ντα σο βοηθιντάς-λα τι αλλάνελ;

⁶ Λουμνιπέ. Σαρ βακερέλα η Γραφή, εκ τζενό κερέλα «λουμνιπέ» όταν τζάλα εκχέ γιαβερέ τζενέσαρ σο νανέ νόμιμα παντριμέ λέσαρ. Ο Παύλος βακερντάς κο Χριστιανοί ότι “λένγκο σώμας” πρέπει «τι αβέλ σαρ μουλό» για μα τι κερέν λουμνιπέ. Ανταβά μανγκέλα τι βακερέλ ότι πρέπει τι κεράς μπαρέ προσπάθειες για τι νασκιαράς  αμένταρ ο λάθος πράγματα σο μανγκάσα. Ανταβά μπορεί τι αβέλ δύσκολος, αλλά μπορίνασα τι κεράς-λες!

⁷ Μπορίνασα τι ντικχάς-λες ανταβά κατά παράδειγμας εκχέ πφενιάκο κι Ιαπωνία, σο βακερένα λάκε Σακούρα. * (Ντικχ ι υποσημείωση.) Καζόμ μπαριόλας, νιωθίνελας κορκορί ντα ισινέ στεναχωριμέ. Για μα τι νιωθίνελ κορκορί, αρχισάλι τι σοβέλ γιαβερέντζαρ όταν ισινέ 15 μπρεσένγκι. Η Σακούρα σοβέλας μπουτέ διαφορετικέ τζενέντζαρ ντα τελικά περαβκιαρντάς-πες τριν φαρ. Βόι βακερντάς: «Κι αρχή, νιωθίναβας ασφάλεια όταν τζάβας γιαβερέντζαρ, επειδή αμντίναβας ότι τθερένας-μαν ανάγκη ντα μανγκένας-μαν. Αλλά καζόμ πιο μπουτ φαρ τζάβας γιαβερέντζαρ, αζόμ πιο χάνικ ασφάλεια νιωθίναβας». Η Σακούρα συνεχιντάς τι τζουβντιόλ αντικάς μέχρι σο αβιλί 23 μπρεσένγκι. Αζομάν, αρχισάλι τι κερέλ μελέτη με τους Μάρτυρες του Ιεχωβά ντα μπεϊντίνελας μπουτ οντουλά σο σικλιόλας. Ο Ιεχωβά βοηθιντάς-λα τι τσσιναβέλ τι κερέλ μπέτι πράγματα ντα τι αντιμετωπίνελ ο τύψεις σο τθερέλας ντα ι μπαρί λατζ σο νιωθίνελας. Ακανά, η Σακούρα ισί τακτική σκαπάνισσα ντα να νιωθίνελα κορκορί. Βόι βακερέλα: «Ισινόμ μπουτ ευτυχισμέ σο νιωθίναβα ι αγάπη ι Ιεχωβάσκι κάθε ντιβές».

8. Καλά ισί μερικές συνήθειες σο κα μπορίνενας τι κερέν-αμέν τι αβάς μαγαριμέ κι Ντεβλέσκε γιακχά;

⁸ Μαγαριπέ. Κι Γραφή, ο «μαγαριπέ» τθερέλα τι κερέλ με πιο μπουτ πράγματα από ό,τι ο λουμνιπέ. Μπορεί τι τθερέλα τι κερέλ πραγματέντζαρ σαρ ισί τι πιλ εκ τζενό τσιγάρα ή τι κερέλ σακάς μπέτι λαφίντζαρ. (2 Κορινθίους 7:1· Εφεσίους 5:3, 4) Επίσης, μπορεί τι τθερέλα τι κερέλ μπέτι πραγματέντζαρ σο κερένα ο τζενέ κάνα ισί κορκορέ, σαρ για παράδειγμας όταν διαβάνενα βιβλία σο μπαριαρένα λένγκι επιθυμία τι τζαν γιαβερέντζαρ ή όταν ντικχένα πορνογραφία. Ανταλά πράγματα μπορεί τι οδηγίνεν εκχέ τζενές κο αυνανισμός, σο ισί εκ μαγαριμέ συνήθεια. (Κολοσσαείς 3:5) *​—Ντικχ ι υποσημείωση.

9. Σο μπορίνελα τι αβέλ-πες άμα εκ τζενό μπαριαρέλα αντρέ πέστε ι επιθυμία τι “μανγκέλ μπουτ τι σοβέλ γιαβερέντζαρ”;

⁹ Ο τζενέ σο τθερένα ι συνήθεια τι ντικχέν πορνογραφία μπαριαρένα αντρέ πουμέντε ι επιθυμία τι «μανγκέν μπουτ τι σοβέν γιαβερέντζαρ», εκ επιθυμία σο μπορίνελα τι κερέλ-λεν τι σκεφτίνεν συνέχεια ο σεξ. Ο επιστήμονες βακερένα ότι οντουλά τζενέ σο ισί κολλημέ κι πορνογραφία ισί σαρ οντουλά τζενέ σο ναστί τσσιναβένα ι μολ ή ο ναρκωτικά. Οτθάρ, να κερέλα αμένγκε εντύπωση ότι κον τθερέλα ι συνήθεια τι ντικχέλ πορνογραφία τθερέλα μπουτ μπέτι αποτελέσματα. Ο αποτελέσματα σο μπορεί τι τθερέν ισί τι νιωθίνεν μπαρί λατζ, μα τι μπορίνεν τι κερέν λατσσές πουμαρί μπουτί, μα τι τθερέν ευτυχία πουμαρέ φαμιλιάτε, τι λεν διαζύγιος ή ατζέ-ντα τι ερεσέν κο σημείος τι μουνταρέν-πες. Εκ μουρς σο τσσιναντάς ι πορνογραφία, αφού νακχλό εκ μπρες, βακερντάς ότι μπορισάλο επιτέλους τι σεβάνελ πάλι πο νεαυτός.

10. Σαρ μπορισάλο ο Ριμπέιρο τι ελευθερώντιβελ κατά πορνογραφία;

¹⁰ Μπουτ τζενέ κερένα μπαρό αγώνας για τι ελευθερώντιβεν κατά πορνογραφία. Αλλά μπορίνενα τι κερδίνεν ανταβά αγώνας. Σκεφτίνεν ο παράδειγμας του Ριμπέιρο κατά Βραζιλία. Κάνα ισινέ έφηβος, νασλό πι φαμιλιάταρ ντα γκιλό τι κερέλ μπουτί σε εκ εργοστάσιος σο ανακυκλώνελας χαρτιά.  Οτθέ ντικχλάς περιοδικά σο σικαβένας πορνογραφία. Ο Ριμπέιρο βακερντάς: «Σιγά σιγά κολλισάλομ. Τθεράβας αζόμ μπαρό πρόβλημας σο μπεσάβας σαρ σαρ τι νασέλ κατά κχερ η τζουβέλ σο τθεράβας λάσαρ σχέση για τι μπορίναβ τι ντικχάβ βίντεα σο σικαβένας πορνογραφία». Εκ ντιβές σο ισινέ κι μπουτί, ο Ριμπέιρο ντικχλάς μερικά βιβλία σο ισινέ για ανακύκλωση ντα οτθέ αρακχλάς ο βιβλίος Το Μυστικό της Οικογενειακής Ευτυχίας. Λιντάς-λες ντα διαβαντάς-λες. Οντουλά σο σικλιλό κερντέ-λες τι αρχίνελ μελέτη με τους Μάρτυρες του Ιεχωβά. Αλλά έπρεπε τι νακχέλ μπουτ καιρός για τι ελευθερώντιβελ ο Ριμπέιρο κατά πορνογραφία. Σο βοηθιντάς-λες; Βοβ βακερντάς: «Επειδή κεράβας προσευχές, διαβάναβας ι Γραφή ντα σκεφτίναβας λατσσές οντουλά σο σικλιάβας, μι εκτίμηση για το ιδιότητες ι Ντεβλέσκε μπαριλί ντα μι αγάπη ι Ιεχωβάσκε αβιλί πιο ζουρανί κατά επιθυμία σο τθεράβας τι ντικχάβ πορνογραφία». Με τη βοήθεια σο λιντάς κατά Γραφή ντα κατά άγιος πνεύμας ι Ντεβλέσκο, ο Ριμπέιρο αλλαντάς οντουλά σο κερέλας, μπολντιλό ντα ακανά ισί πρεσβύτερος.

11. Σο κα βοηθίνελ εκχέ τζενές τι ελευθερώντιβελ κατά πορνογραφία;

¹¹ Σκεφτίνεν ότι, για τι ελευθερώντιβελ ο Ριμπέιρο κατά πορνογραφία, να ερεσέλας σάντε τι διαβάνελ ι Γραφή. Έπρεπε τι σκεφτίνελ προσεκτικά οντουλά σο διαβάνελας ντα τι μουκχέλ-λεν τι ερεσέν λέσκε γκίστε. Έπρεπε τι προσευχίντιβελ κο Ιεχωβά ντα τι μολίνελ-λες τι βοηθίνελ-λες. Ανταλά πράγματα μπαριαρντέ ι αγάπη σο τθερέλας ο Ριμπέιρο ι Ντεβλέσκε, ντα οτθάρ μπορισάλο τι νικίνελ ι επιθυμία τι ντικχέλ πορνογραφία. Για τι ελευθερώντιβας κατά πορνογραφία, πρέπει αμέν-ντα τι μανγκάς μπουτ ι Ιεχωβάς ντα τι μισίνας σο-ντα ισί κακός.​—Διαβάνεν Ψαλμός 97:10.

12. Σο βοηθιντάς τον Στίβεν τι νικαβέλ οπρά-πέσταρ ι χολί ντα ο κουσίματα;

¹² Μερικά τζενέ νευριάνενα μπουτ εύκολα ντα βακερένα λάφια σο πληγώνενα ντα προσβαλίνενα ι γιαβερέν. Όταν αβέλα-πες ανταβά, σαρί λένγκι φαμιλί τσσίντελα τιμωρία. Ο Στίβεν, εκ ντατ κατά Αυστραλία, κουσέλας μπουτ ντα νευριάνελας με το παραμικρό. Βοβ βακερέλα: «Χωρισάλομας μι ρομνιάσαρ τριν φαρ ντα αποφασιντάμ τι λας διαζύγιος». Αζομάν, αρχισάλε τι κερέν μελέτη ντα ο Στίβεν προσπαθίνελας τι κερέλ οντουλά σο σικλιόλας. Βακερέλα ότι, πριν τι σικλιόλ ι Ιεχωβάσκε, νευριάνελας αζόμ μπουτ όταν κάτι ενοχλίνελας-λες σο νιωθίνελας σαρ εκ μπόμπα έτοιμη τι παλταντίνελ. Αλλά όταν ο Στίβεν αρχισάλο τι κερέλ πι ζωγιάτε ο συμβουλές ι Γραφιάκε, ο πράγματα γκιλέ πιο λατσσές. Βοβ βακερέλα: «Η ζωή αμαρέ φαμιλιάκι αβιλί μπουτ πιο λατσσί. Με τη βοήθεια ι Ιεχωβάσκι, ακανά αισθάντιβαβα ότι ισινόμ πφερντό ειρήνη ντα ηρεμία». Αντιβές, ο Στίβεν ισί διακονικός υπηρέτης ντα λέσκι ρομνί ισί τακτική σκαπάνισσα μπουτ μπρεσά. Ο πρεσβύτεροι κι εκκλησία σο ισί ο Στίβεν βακερντέ: «Ο Στίβεν ισί εκ ήσυχος, μπουτιαρνό ντα ταπεινός πφραλ». Επίσης, βακερντέ ότι ποτές να ντικχλέ-λες τι χολιάνελ. Ο Στίβεν να βακερέλα ότι καταφεριντάς κορκορό τι αλλάνελ πο χαρακτήρας. Βακερέλα: «Να κα τθεράβας μι ζωγιάτε καέκ ανταλέ σουκάρ ευλογιένταρ  άμα να δεχτιντόμας ι βοήθεια ι Ιεχωβάσκι για τι αλλάνελ ντιπ μο χαρακτήρας».

13. Σόσκε ισί επικίνδυνος τι τθεράς χολί, ντα καγιά προειδοποίηση ντέλα-αμέν η Γραφή;

¹³ Η Γραφή ντέλα-αμέν ι προειδοποίηση μα τι χολιάνας, μα τι κουσάς ντα μα τι ντας βίκος οπράλ κο γιαβερά. (Εφεσίους 4:​31) Ανταλά πράγματα μπορεί τι κερέν-αμέν τι χας-αμέν ι γιαβερέντζαρ. Αντιβές, μπουτ τζενέ κο ντουνιάς πακιάνα ότι ισί φυσιολογικός τι χολιάνεν ή τι χαν-πες ι γιαβερέντζαρ. Αλλά κον συμπεριφερίντιβελα αντικάς να ντέλα δόξα ι Ντεβλές. Μπουτ πφραλά έπρεπε τι αλλάνεν πουμαρί συμπεριφορά ντα τι ιρίν ο νεβό χαρακτήρας.​—Διαβάνεν Ψαλμός 37:​8-11.

14. Μπορίνελα εκ τζενό σο χάλα-πες ι γιαβερέντζαρ τι αβέλ ήρεμος;

¹⁴ Εκ πφραλ, ο Χανς, ισί πρεσβύτερος εκχέ εκκλησιάτε κι Αυστρία. Ο συντονιστής του πρεσβυτερίου κι εκκλησία σο ισί ο Χανς βακερντάς: «[Ο Χανς] ισί εκ κατά πιο ήρεμα πφραλά σο κα μπορίνεας τι γνωρίνες». Αλλά ο Χανς να ισινέ πάντα ήρεμος. Κάνα ισινέ έφηβος, αρχισάλο τι πιλ μπουτ ντα χάλας-πες ι γιαβερέντζαρ. Εκ φαρ σο ματιλόας, νευριασάλοας αζόμ μπουτ σο μουνταρντάς ι τζουβλιά σο τθερέλας λάσαρ σχέση. Ο Χανς δικασάλο 20 μπρεσά, αλλά η ζωή κι φυλακή να αλλαντάς λέσκο χαρακτήρας. Σοράν, λέσκι ντάι μανγκλάς εκχέ πρεσβυτερόσταρ τι τζαλ τι αρακχέλ-λες, ντα ο Χανς αρχισάλο τι κερέλ μελέτη. Βοβ βακερντάς: «Κερντόμ αγώνας για τι νικαβάβ οπρά-μάνταρ ο πουρανό χαρακτήρας. Ντινάς-μαν δύναμη ο εδάφιος Ησαΐας 55:7, σο βακερέλα: “Τι μουκχέλ ο πφιρνό πο ντρομ”, ντα ο εδάφιος 1 Κορινθίους 6:​11 σο βακερέλα οντουλένγκε σο μουκχλέ ο γκεραλέ ντρομά: “Ασακέ τζενέ ισινένας μερικοί τουμένταρ”. Για μπουτ μπρεσά, ο Ιεχωβά βοηθιντάς-μαν με υπομονή αντράλ κατά  άγιος πνεύμας τι ιριάβ ο νεβό χαρακτήρας». Ο Χανς μπολντιλό κάνα ισινέ ατζέ κι φυλακή ντα ελευθερωσάλο αφού νακχλάς δεκαεφτάμισι μπρεσά κι φυλακή. Βοβ βακερντάς: «Ευχαριστίναβα ι Ιεχωβάς σο σικαντάς μάνγκε μπουτ μπαρό έλεος ντα συγχωριντάς-μαν».

15. Καβά ισί εκ γιαβέρ πράγμας σο κερέλα ο πουρανό χαρακτήρας, αλλά σο βακερέλα η Γραφή ανταλέσκε;

¹⁵ Ο ψέμας ισί ατζέκ εκ πράγμας σο κερέλα ο πουρανό χαρακτήρας. Για παράδειγμας, μπουτ τζενέ βακερένα ψέματα για μα τι ποκινέν φόρους ή για τι γκεραβέν πουμαρέ λάθη. Αλλά ο Ιεχωβά ισί “ο Ντεβέλ σο λέσταρ αβέλα η αλήθεια”. (Ψαλμός 31:5) Οτθάρ, μανγκέλα σαρέ πι υπηρετόνταρ “τι βακερέν ι αλήθεια” ντα “μα τι βακερέν ψέματα”. (Εφεσίους 4:​25· Κολοσσαείς 3:9) Ισί ξεκάθαρος ότι πρέπει τι βακεράς ι αλήθεια ατζέ-ντα άμα ανταβά κερέλα-αμέν τι λατζάς ή ισί δύσκολος αμένγκε.​—Παροιμίες 6:​16-19.

16. Σο κα βοηθίνελ-αμέν τι νικαβάς οπρ’ αμένταρ ο πουρανό χαρακτήρας;

¹⁶ Ναστί νικαβάσα οπρ’ αμένταρ ο πουρανό χαρακτήρας σάντε αμαρέ ζοριάσαρ. Η Σακούρα, ο Ριμπέιρο, ο Στίβεν ντα ο Χανς έπρεπε τι κερέν αγώνας για τι αλλάνεν ο τρόπος σο τζουβντιόνας. Οντουβά σο βοηθιντάς-λεν ισινέ η ζορ σο λιντέ κατά Λάφι ι Ντεβλέσκο ντα κατά άγιος πνεύμας. (Λουκάς 11:​13· Εβραίους 4:​12) Για τι μπορίνας αμέν-ντα τι τθεράς ανταγιά ζορ, πρέπει τι διαβάνας ι Γραφή κάθε ντιβές, τι σκεφτίνας λατσσές οντουλά σο διαβάνασα ντα τι μανγκάς συνέχεια κι προσευχή σοφία ντα ζορ για τι μπορίνας τι κεράς αμαρέ ζωγιάτε οντουλά σο σικλιάσα. (Ιησούς του Ναυή 1:8· Ψαλμός 119:​97· 1 Θεσσαλονικείς 5:​17) Επίσης, βοηθίντιβασα κατά Λάφι ι Ντεβλέσκο ντα κατά άγιος πνεύμας όταν προετοιμάντιβασα ι συναθροισιένγκε ντα παρακολουθίνασα-λεν. (Εβραίους 10:​24, 25) Ντα μανγκάσα τι χρησιμοποιήνας σαρέ ο γιαβερά πράγματα σο ντινάς-αμέν ι Ιεχωβάσκι οργάνωση, σαρ ισί αμαρέ περιοδικά, ο JW Broadcasting, ο JW Library ντα ο jw.org.​—Λουκάς 12:42.

17. Σο κα ντικχάς κο γιαβέρ μάθημας;

¹⁷ Ντικχλάμ μερικές γκεραλέ συνήθειες σο ο Χριστιανοί πρέπει τι νικαβέν οπρά-πουμένταρ ντα τι ατσσικιαρέν-λεν ντουρ για τι κερέν ι Ιεχωβάς τι χαιρίνελ. Αλλά πρέπει τι κεράς πιο μπουτ πράγματα. Πρέπει τι ιριάς ο νεβό χαρακτήρας ντα μα τι νικαβάς-λες ποτές οπρ’ αμένταρ. Κο γιαβέρ μάθημας, κα ντικχάς σαρ μπορίνασα τι κεράς-λες ανταβά.