JOHNQA India nacionpi Gujarat llaqtamantan. Paypa papanmi bautizakusqa 1950 watakuna tukuyta jina. Johnwan mamanwan pisqantin hermanonkunapiwansi ichaqa nishu catolicokuna kasqaku chaysi cheqnikusqaku papanpa religionninta.

Juj kutinsi papanqa Johnta kamachisqa “amigoyman kay cartata aparapuway” nispa. Chay amigonqa congregacionpi juj iñiq masinsi kasqa. Ichaqa chay tutamantallanmi Johnqa latata kichashaspa makinta kuchurukusqa. Chaysi payqa papanta kasukuspa trapowan makinta watarukuspa chay cartata hermanoq wasinman apasqa.

Hermanoq wasinman chayaqtinqa manas papanpa amigonqa chaypichu kasqa. Aswansi esposallan chaypi kashasqa, paypas Testigos kasqa. Chaysi chay hermanaqa Johnpa makinta rikuspa nisqa “jamuy jampirusayki” nispa. Jinas botiquinta orqomuspa chay k’irinta jampisqa jinaspa vendachawan sumaqta watarapusqa. Chaymantataq hermanaqa mateta preparapusqa, mateta tomashanan kamataq Johnwan Bibliamanta rimasqaku.

Chay hermana sumaqta atiendesqanwansi Johnqa manaña maltachu piensasqa Testigokunamanta. Chaysi chay hermanata tapusqa: “¿Dioswan Jesuswan kaqllachu kanku? ¿Mariamanri rezanachu?”, nispa. Chay hermanaqa Johnpa rimasqan gujarati simipis chayta explicasqa. Chaymantataq ¡Diosmanta hamuq allin willakuykuna! , nisqa folletota payman qosqa.

Chay folletota leespas Johnqa reparasqa chaypi cheqaq yachachikuy kasqanta. Chaysi payqa iglesiapi sacerdoteman rispa hermanata jina tapukullasqataq. Chay sacerdotes ichaqa sinchita phiñakusqa, jinas Bibliata wikapaspa nisqa: “¡¿Satanaschu kanki?! ¡¿Maypin nin “Jesusqa manan Dioschu” nispa?! ¡¿Maypin nin “Mariataqa mana rezanachu” nispa?! ¡¿Maypi?!”, nispa. Johnqa mancharikusqaraqsi. Manas ni piensasqapaschu sacerdote chhayna kanantaqa. Chaysi nisqa: “Manañan jayk’aqpas iglesia catolicataqa jamusaqchu”, nispa.

Chaykuna pasasqan qhepatas Johnqa Testigokunawan Biblia estudiayta qallarisqa, chaymantataq bautizakapusqa. Wakin familiankunapas pay jinas Diosta servishanku. Soqta chunka watañas pasarun makin k’irikusqanmanta ichaqa may khuyakuywansi yuyarin chay hermana imayna jampisqanta. Chaywansi payqa reqsisqa cheqaq yachachikuyta. Kunanqa tukuy sonqonwanmi Jehová Diosta servishan (2 Cor. 6:4, 6).