ΣΕ ΕΚ χουρντί πόλη κι Γκουτζαράτ, κι Ινδία, ο ντατ του Τζον μπολντιλό σαρ Μάρτυρας του Ιεχωβά κο τέλος του 1950. Όμως ο Τζον, λέσκε παντς πφραλά ντα πφενιά ντα λένγκι ντάι ισινέ Ρωμαιοκαθολικοί ντα τθερένας μπαρί πίστη πουμαρέ θρησκειάτε. Οτθάρ, τζάνας κόντρα πουμαρέ νταντέσαρ.

Εκ ντιβές, ο ντατ του Τζον μανγκλάς λέσταρ τι γκερέλ εκ φάκελος εκχέ πφραλέστε κατά εκκλησία. Όμως, οντουβά ντιβές ο Τζον γκιλό τι πουτρέλ εκ μπαρί τενεκία ντα τσσιντάς μπουτ πο δάχτυλος. Αλλά επειδή μανγκέλας τι ασουνέλ πι νταντές, πφαντάς πο δάχτυλος εκχέ κοτορέσαρ ντα γκιλό τι ντελ ο φάκελος.

Όταν ο Τζον ερεσλό οντουλέ κχερέστε, ντινάς ο φάκελος κι πφραλέσκι ρομνί. Βόι-ντα ισινέ Μάρτυρας του Ιεχωβά. Ντικχλάς ότι ο Τζον τσσιντάς πο δάχτυλος ντα μανγκλάς τι βοηθίνελ-λες. Αντάς εκ κουτίς σο τθερέλας αντρέ μερικά πράγματα για τι περιποιήνελ λέσκι πληγή, καθαριντάς-λα ντα τσσουντάς λέσκε εκ επίδεσμος κο δάχτυλος. Σοράν κερντάς λέσκε εκ τατό τσάι. Σαρό οντουβά σαάτι κερέλας λέσκε λάφι ι Γραφιάκε με σουκάρ τρόπος.

Επειδή βόι σικαντάς λατσσιπέ, οντουλά σο αισθάνελας ο Τζον για τους Μάρτυρες αρχισάλε τι αλλάνεν. Οτθάρ, κερντάς λάκε ντούι ερωτήσεις για τι ντικχέλ σο διαφορά τθερένα ο Μάρτυρες του Ιεχωβά κατά Καθολικοί. Πουτσλάς άμα ο Ιησούς ισί ο Ντεβέλ ντα άμα ο Χριστιανοί πρέπει τι προσευχίντιβεν κι Μαρία. Η πφεν, σο σικλιλίας ι τσσιπ σο κερέλας λάφι ο Τζον, ι γκουτζαράτι, σικαντάς λέσκε ο απαντήσεις κατά Γραφή ντα ντινάς-λες ο βιβλιάριος «Τούτο το Ευαγγέλιον της Βασιλείας».

Σοράν, όταν ο Τζον διαβάνελας ο βιβλιάριος, τζανέλας ότι οντουλά σο διαβάνελας ισινέ μπαγιά. Γκιλό κο παπάζι σο τθερέλας κι Καθολική εκκλησία ντα κερντάς λέσκε ο ίδιες ντούι ερωτήσεις. Ο παπάζι νευριασάλο μπουτ, φουρτιντάς λέσκε εκ Γραφή ντα ντέλας βίκος: «Αβιλάν Μπενγκ! Σίκαβ μάνγκε κατέ βακερέλα η Γραφή ότι ο Ιησούς νανέ ο Ντεβέλ. Σίκαβ μάνγκε κατέ βακερέλα ότι δεν πρέπει τι ντας λατρεία κι Μαρία. Έλα, σίκαβ μάνγκε!» Ο Τζον σαστισάλο αζόμ μπουτ με τη συμπεριφορά σο τθερέλας ο παπάζι, σο βακερντάς λέσκε ότι να κα ξανατζάλας ποτές κι Καθολική εκκλησία. Ντα ατσσικιαρντάς πο λάφι!

Ο Τζον αρχισάλο μελέτη με τους Μάρτυρες, δεχτιντάς ι αλήθεια ντα αρχισάλο τι υπηρετίνελ ι Ιεχωβάς. Σιγά σιγά, γιαβερά-ντα τζενέ λέσκε φαμιλιάταρ κερντέ ο ίδιος. Αντιβές, περίπου 60 μπρεσά μετά, ο σημάδι κο δάχτυλος του Τζον συνεχίνελα τι ανέλ λέσκε γκοντιάτε ο λατσσιπέ σο σικαντάς εκ Χριστιανή ντα κερντάς-λες τι υπηρετίνελ σαρί πι ζωή ι Ιεχωβάς.​—2 Κορινθίους 6:4, 6.