MOYSE tañi ley eluñmafi ta che ñi eldungukünual kiñeke mu, fey feypiafuyngün: “Eldungukünuaeyu Ngünechen ñi duam mu”, kam “eldungukünuaeyu Jewba ñi üy mu”. Welu Jesus tañi antü mew, pu judiu pekan femingün tüfa, fey chem dungu mu rume eldungukünukefuyngün, femngechi ñi feyentuaetew pu che. Welu Jesus epu rupa feypi ñi kümenon tüfa, doy may kidu kimeltuy : “Fey ta famngechi ‘may’ pilmün, femngechi felepe. ‘Felelay’ pilmün, felekilpe” (Matew 5:33-37; 23:16-22).

Talmud pingechi wirin chillka küme pengeli chem eldungun ñi mupitripayal kam famentungeal. Feymu ti Diccionario teológico del Nuevo Testamento feypi tati Talmud kimfalkünuy fente ñi pekan eldungukünukeel pu judiu, femngechi ñi feyentuaetew pu che.

Jesus müten feypilay ñi kümenon tüfa. Kiñe judiu wentru nütramdungukelu, Flavio Josefo pingelu, feypi kiñe trokiñche judiu tuwün-ngelu ñi eldungukünukenon engün. Tüfachi trokiñche rakiduamkefuy tüfa: ‘Koylatual kümelay, welu doyelküley eldungukünual’. Ka femngechi koylatufe trokikefuyngün pu che eldungukünulu ñi feyentungeal. Kiñe judiu lifru Eclesiástico pingelu, feypi: “Kiñe wentru re eldungukünukelu, wedañmangey”. Jesus feypi ñi kümenon pekan eldungukünual. Feymu llemay, iñchiñ mupin dunguliyiñ, duamfalngelayay taiñ eldungukünual, femngechi taiñ doy feyentuaetew pu che.