MI SAWALA Mɛlɛka ndoo ke Muuse laŋ laa chɛl mi waŋnda menaŋ le sɔɔŋ pum. Mi ndaa dimi aa, “I menaŋ o Mɛlɛka lo,” ɔɔ “I menaŋ o diola Chɛhowalaŋ niŋ.” Kɛ o teleŋ Chiisu wo niŋ, mi menaŋndo simnuŋ nyɛ tɛtɛlɛ. Nyɛ o nyɛ Chuuwa ndaa dimi pɛ, mɛɛ mi ndaa menaŋ. A wa hei tosaa le mi waŋnda laalaŋ kɛsɛ nyɛ nda wa dimioo wo. Kɛ mi Chiisu kɛɛ kaa wɔɔŋ nda wa hoo tosaa wo bɛmbɔɔ le diiŋ. Mbo pɛɛku nda aa, “Lelaŋ, la tianuŋ te. Wana wa suɛi tosa pɛ a dimi aa, ‘I cho hei ndoo tosa.’ Te a ve tosa le, a dimi aa, ‘I cho hei tosa le.’”—Maatiu 5:​33-37; 23:​16-22.

Yaulaŋ ndaŋ Theological Dictionary of the New Testament, a “Talmud” mala naa le sinaa sabu i wa tɛtɛlɛ le mi Chuuwa menaŋndo. Le chɔmndo maa tonyaa nda wa dimioo ni. Yauwo hoo “Talmud,” tɛɛsiaa maa suɛi wana ndoo menaŋnde i wa, a i wana ndoo menaŋ te ve.

O cho ko Chiisu le ndoo kɛɛ kaa wɔɔŋndo hoo le. Le taamaseliiyo, mi Fleviɔs Chosifɔs, wana poonyiaa a sɔɔŋ okɔɔ wo poonyiaa a kunda pɔmbɔ Chuuwa okɔɔ a ndaa kɛɛ menaŋndo wa. Wanaa wa o kunda koŋ niŋnda ndaa laalaŋ maa menaŋndo ndoo wɔu mbo hiau choolaŋ dimioo. Ndaa yiyaŋ maa te waŋndo menaŋ pɛ malaŋ acheleŋnda laalaŋ nyɛ o cho dimioo wo, mɛɛ wana lachoowaa wana koŋ cho ni. Mi yau Chuuwa hoo diolaŋ “Wisdom of Sirach” dimi nyɛ pilɔɔ kpe aa, “Wana dɛnɛ wɔɔŋ wɔɔŋndo menaŋ ni.” Mi Chiisu kɛɛ kaa menaŋndo o sɔɔŋ fondo fuu woŋ choo. Te ŋ wa pɛ lɔɔlɔɔ wanaa dimiaa tonya, sabu o sabu cho miŋ menaŋ le halikpeŋ mi waŋnda laalaŋ nyɛ naŋ cho dimioo wo le.