1, 2. (a) Anersaak­kut it­tunik pingaar­titsisuuneq qatan­nguter­pas­suit qanoq isumaqarfigaat? (b) Al­laaserisami matumani apeq­qutit pingaarutil­lit suut sam­mis­savavut?

“ANERSAAK­KUT it­tunik pingaar­titsisuuneq pil­luar­nerulis­sutigaara ul­luin­nar­nilu ajor­nar­torsiutinik qaangiinis­samut iluaqutigalugu,” taama qatan­ngut ar­naq Canadameersoq oqalut­tuar­poq. Qatan­ngut angut Brasiliameersoq oqar­poq: “Anersaak­kut it­tunik pingaar­titsiniar­tuugat­ta ukiuni 23-ni pil­luarluta aap­pariip­pugut.” Qatan­ngut angut Filip­pinerineersoq oqar­poq: “Anersaak­kut it­tunik pingaar­titsisuuneq isumak­kut eq­qis­sis­sutigaara, aam­ma qatan­ngutinut as­sigiin­ngitsunik tunuliaqutalin­nut at­taveqarluar­neruler­nis­samut iluaqutigaara.”

² Anersaak­kut it­tunik pingaar­titsisuuneq as­sigiin­ngitsor­pas­suar­tigut iluaqutigisarip­put ersarip­poq. Anersaak­kut it­tut pingaar­tin­nerulerumal­lugit iluaqutis­sar­taalu nuan­naarutigiumal­lugit  qanoq iliorsin­naavugut? Siul­ler­tut inuit anersaak­kut it­tunik pingaar­titsisut, Guutip anersaavanit il­ler­nar­tumit siulersor­tit­tut Jehovatul­lu eq­qarsar­taaseqar­tut Biibilimi qanoq al­laatigineqar­tut paasiniar­tariaqar­par­put. Al­laaserisami matumani apeq­qutit pingasut pingaarutil­lit akis­sutis­sarsis­savavut: (1) Anersaak­kut it­tunik pingaar­titsisuuneq qanoq paasisariaqar­pa? (2) Kik­kut maligas­siaat anersaak­kut ineriar­tor­nis­samut iluaqutigis­savavut? (3) ‘Kristusitut isigin­nit­taaseqarumal­luta’ iliuutsivut anersaak­kut it­tunik pingaar­titsinis­samut qanoq iluaqutigis­savavut?

3. Inuit tar­nimut atasut inun­nit anersaamut atasunit sutigut as­sigiin­ngis­suteqar­nerat Biibilimi qanoq al­laatigineqar­pa?

³ “Inuup tar­nimut atasup” aam­ma inuup ‘anersaamut atasup’ as­sigiin­ngis­sutaasa paasinis­saan­nut apustilip Paulusip ikior­paatigut. (1 Korinthimiut 2:14-16 atuakkit). “Inuup tar­nimut atasup Guutip Anersaavanit pisut ilas­sisan­ngilai; taman­na taas­sumun­nga sianiitsulior­neruvoq.” Inuul­li anersaamut atasup “suut tamaasa misis­sor­tar­pai” ‘Kristusil­lu eq­qarsaatai pigalugit’, tas­sa Kristusitut eq­qarsar­niar­tar­poq. Anersaak­kut it­tunik pingaar­titseq­qul­luta Paulusip kajumis­saar­paatigut. Inuit tar­nimut atasut inun­nit anersaamut atasunit sutigut aam­ma as­sigiin­ngis­suteqar­pat?

4, 5. Inuk tar­nimut atasoq qanoq pis­suseqar­pa?

⁴ Inuk tar­nimut atasoq qanoq eq­qarsar­tar­pa? Silarsuup isigin­nit­taasianut, nam­minis­sarsiorluni pilerigisanik pingaar­titsisumut, naleq­qus­sar­tar­poq. Taamatut isigin­nit­taaseqar­neq Paulusip ‘naalas­seriitsut qitor­naan­nut sun­niuteqar­tuar­tar­nerar­paa’. (Ef 2:2) Taamatut isigin­nit­taaseqar­neq inun­nut amerlanerus­suteqar­tunut maleruutiin­nalersitsisar­poq. Guutip najoq­qutas­siai soqutiginagit eq­qor­tuusorisar­tik malil­lugu iliuuseqar­tar­put. Inuup tar­nimut, imaluun­niit uinim­mut, atasup pigisat eq­qarsaatiginerusar­pai amerlaner­tigul­lu misigisimasarluni inis­sisimaf­fini, aningaasaatini nam­minerluun­niit pisin­naatitaaf­fini sunit tamanit pingaar­ner­paasut.

⁵ Biibilimi ‘uin­ngup suliaanik’ taaneqar­tut inuup tar­nimut atasup amerlaner­tigut suliarisar­pai. (Gal 5:19-21) Paulusip Korinthimi kristumiunut al­lak­kamini siul­ler­ni inuit tar­nimut atasut iliuuserisar­tagaat al­lat eq­qaavai. Taak­ku isumaqatigiin­ngis­suteqar­tut ilaan­nik il­lersuisar­put, inun­nik avis­saar­tuutitsiniar­tar­put, pikitsitsinis­samik kajumis­saarisar­put, eq­qar­tuus­sivin­nut im­min­nut tun­niut­tar­put, siulersuisunik ataq­qin­nis­suseqan­ngil­lat aam­ma nerinermik imer­nermil­lu inuunermin­ni pingaar­ner­paatitsip­put. Inuk tar­nimut atasoq ajor­tulior­nis­samut us­ser­neqaraangami akiuun­neq ajor­poq. (Uss 7:21, 22) Judasi al­lap­poq inuit tar­nimut atasut Jehovap anersaava al­laat an­naasin­naagaat. – Jud 18, 19.

6. Anersaak­kut it­tunik pingaar­titsisoq qanoq pis­suseqar­pa?

⁶ Inuk tar­nimut atasoq as­siginagu anersaak­kut it­tunik pingaar­titsisup Guutimut at­taveqar­nini pingaar­tingaar­paa. Guutip anersaavanit il­ler­nar­tumit siulersor­tit­tarlunilu Jehova sapin­ngisaminik  ilaar­niar­tar­paa. (Ef 5:1) Jehova qanoq eq­qarsar­taaseqar­toq paasiniar­tar­paa taas­sumatul­lu isigin­nit­taaseqar­niar­tarluni. Guuti piviusutut isigaa. Inuk tar­nimut atasoq as­siginagu anersaak­kut it­tunik pingaar­titsisup Jehovap najoq­qutas­siai inuunermini sutigut tamatigut ataq­qisar­pai. (Tuss 119:33; 143:10) “Uin­ngup suliai” suliarinagit ‘anersaap inerititaa’ ineriar­tor­tin­niar­tar­paa. (Gal 5:22, 23) Anersaak­kut it­tunik pingaar­titsisuuneq paasil­luarumal­lugu una as­sersuut eq­qarsaatigiuk: Niuil­laq­qis­soq niuer­nermik pingaar­titsisutut taaneqar­tar­poq, aam­ma Guutimik pal­lorfigin­nin­nermik ilumoorluni pingaar­titsisoq anersaak­kut it­tunik pingaar­titsisutut taaneqar­tar­poq.

7. Anersaak­kut it­tunik pingaar­titsisut pil­lugit Biibilimi qanoq al­las­simasoqar­pa?

⁷ Jiisusip anersaak­kut it­tunik pingaar­titsisut pil­luar­nerar­pai oqarluni: “Pil­luar­put anersaak­kut pisariaqar­titsinermin­nik eq­qumaf­figin­nit­tut, taak­kuami qilaat naalagaaf­fiat pigaat.” (Matt 5:3, NW) Romamiut 8:6-imi nas­suiar­neqar­poq Jehovatut eq­qarsar­taaseqar­ner­put inuuin­nar­nis­satsin­nut aalajangiisuusoq: “Uin­ngup kajunger­nera toqus­sutaavoq, Anersaal­li kajunger­nera inuus­sutaal­lunilu eq­qis­sis­sutaavoq.” Anersaak­kut it­tunik pingaar­titsigut­ta maan­nangaaq Guutimik uatsin­nil­lu eq­qis­seqateqas­sal­lutalu naas­saan­ngitsumik inuunis­samik neriuuteqas­saagut.

8. Sooq anersaak­kut it­tunik pingaar­titsiler­nis­saq pingaar­titsiuar­nis­sarlu saper­narsin­naava?

⁸ Silarsuarmili ulorianar­tunik avatangiiseqar­pugut. Guutitut eq­qarsar­taaseqan­ngitsut avatangiiseralugit inuugat­ta isumar­put ilungersorluta il­lersor­tariaqar­par­put. Jehovap eq­qarsaatai isumatsin­niitin­ngik­kutsigit silarsuup isumar­put uin­ngup isigin­nit­taasianik eq­qarsar­taasianil­lu im­mersus­savaa. Taman­na pin­ngitsoor­tin­niarlugu susin­naavugut? Anersaak­kut qanoq ineriar­torsin­naavugut?

9. (a) Anersaak­kut it­tunik pingaar­titsiler­nis­samut suna iluaqutigisin­naavar­put? (b) Maligas­saal­luar­tut kik­kut sam­mis­savavut?

⁹ Meeq­qap angajoq­qaani maligas­siuil­luar­tut ilin­niarfigis­sal­lugit ilaas­sal­lugil­lu pisariaqar­tip­paa, taamatut­taaq Jehovamut qanimut at­taveqar­tut ilin­niarfiginis­saat ilaar­nis­saal­lu pisariaqar­tip­par­put. Taman­na anersaak­kut it­tunik pingaar­titsiler­nis­samut iluaqutigis­savar­put. Uin­ngul­li suliaanik pingaar­titsisut qimerloor­nerisigut paasisar­par­put qanoq ilius­sanata. (1 Kor 3:1-4) Maligas­saal­luar­tut maligas­siuinerlut­tul­lu Biibilimi al­laatigineqar­put. Maligas­saal­luar­tut ilin­niarfigisin­naasavut sam­meriar­tigit: Jaaku, Maria Jiisusilu.

10. Jaakup anersaak­kut it­tunik pingaar­titsisuunini qanoq ersersip­paa?

¹⁰ Amerlanersat­ta atugaqar­nerat­tut Jaakup inuunera imaan­naan­ngilaq. Qatan­ngutaata Esauip toquk­kusup­paa. Jaakul­li Jehovap Aaperaamut neriorsuutaa up­peril­luin­nar­paa. Jaakup nalun­ngin­namiuk ilaqut­tani neriorsuum­mut nuan­nersumut tamatumun­nga at­tuumas­suteqar­tut isumagil­luar­pai. (1 Mos 28:10-15) Jaaku inuit uinim­mut atasumik isigin­nit­taasil­lit akor­nan­ni inuugaluarluni anersaak­kut it­tunik pingaar­titsiuar­poq. As­sersuutigalugu Jaaku qatan­ngum­minit navianar­torsior­tin­neqarsorilerami an­naateq­qul­luni Jehovamut qinunik­kut ima kimigiiser­poq: “Nam­mineq oqar­putit ajun­ngitsuliorfigiumaarlunga, kinguaas­sak­kalu sioq­qatut sis­samiit­tutut amerlatigilersik­kumaarlugit kisis­saan­ngitsun­ngorlugit.” (1 Mos 32:7-13) Jehovap neriorsuutaa Jaakup up­peril­luin­nar­paa taman­nalu malil­lugu inuul­luni.

11. Mariap anersaak­kut it­tunik pingaar­titsisuunera qanoq nalun­ngilar­put?

¹¹ Maan­na Maria eq­qarsaatigiuk. Anersaak­kut it­tunik pingaar­titsisuum­mat  Jehovap Jiisusimut anaanan­ngor­tus­satut toq­qar­paa. Mariap ilaqut­tani Zakaria Elisabethilu tikeraaramigit oqaasii atuak­kit. (Lukasi 1:46-55 atuakkit). Takusin­naavar­put Guutip oqaasii Mariap nuan­naralugil­lu Al­lak­kat Hebræerisuut ilisimal­luarai. (1 Mos 30:13; 1 Sam 2:1-10; Mal 3:12) Al­laat Maria Josefilu katereeraluarlutik aatsaat Jiisusi inun­ngoreermat atoqatigiip­put. Guutimit sulias­sin­neqar­ner­tik nam­min­neq pileris­sutsimin­nit pingaar­nerutip­paat. (Matt 1:25) Aam­ma Jiisusip peroriar­tor­nerani pisut tamaasa Mariap malin­naavigeq­qis­saar­pai taas­sumalu ilin­niar­titsis­sutaanut tusar­naarluni. ‘Tamaasalu uum­mam­minut toq­qorlugit’. (Luk 2:51) Guutip Mis­siarsi pil­lugu neriorsuutaanik soqutigin­ningaar­nera ersarip­poq. Guutip piumasaatut ilior­tuar­nis­samut tun­ngatil­lugu Maria ilaarsin­naavar­put?

12. (a) Jiisusip Ataatani qanoq ilaar­paa? (b) Jiisusi qanoq ilaarsin­naavar­put? (Al­laaserisap aal­laq­qaataani as­siliaq takuuk).

¹² Anersaak­kut it­tunik pingaar­titsinermut tun­ngatil­lugu Jiisusi inun­nit inuusimasunit tamanit maligas­saal­luar­ner­paavoq. Nunarsuarmi inuunermini kif­far­tor­nerminilu Ataataminik ilaarserusun­nini ersersip­paa. Jiisusi Jehovatut eq­qarsar­tarlunilu misigisarlunilu iliuuseqar­tar­poq. Guutip piumasaatut iliorlunilu najoq­qutas­siai ataq­qivai. (Joh 8:29; 14:9; 15:10) As­sersuutigalugu Jehovap misigin­neqataanera pil­lugu Zakariap al­lagai Jiisusip misigis­susii pil­lugit Markusip al­lagaanut sanil­lersuutik­kit. (Zakaria 2:12; Markusi 6:34 atuakkit). Ikior­tariaqar­tunik tamatigut misigin­neqataasar­nik­kut Jiisusi ilaar­tar­par­put? Jiisusitut oqaluus­sineq nutaarsias­sanil­lu nuan­nersunik ilin­niar­titsineq pingaar­ner­paatip­pavut? (Luk 4:43) Anersaak­kut it­tunik pingaar­titsisut misigin­neqataal­lutil­lu al­lanik ikiuiniar­tar­put.

13, 14. (a) Nalitsin­ni anersaak­kut it­tunik pingaar­titsisut qanoq ilin­niarfigisin­naavavut? (b) As­sersuuteqarit.

¹³ Nalitsin­ni qatan­ngutit amerlasuut Kristusimik ilaarserusut­tut anersaak­kut it­tunik pingaar­titsisuup­put. Im­maqa oqaluus­sinermi aal­lus­sil­luar­tuusut, inoroorsaar­tuusut misigin­neqataasul­lu maluginiar­pat. Naam­mal­luin­nan­ngitsuugaluarlutik pis­suseris­saar­nis­sar­tik Jehoval­lu piumasaatut ilior­nis­sar­tik tamaviaarutigaat. Rachel, qatan­ngut Brasiliameersoq, ima oqar­poq: “Silarsuarmi mutit malin­naavigis­sal­lugit nuan­naraara. Taamaat­tumil­lu isor­nar­tumik atisalersoriaaseqar­punga. Sal­lusuis­sul­li ilin­niarak­ku anersaak­kut it­tunik pingaar­titsilerumal­lunga iliuuseqaler­punga. Al­lan­nguineq ajor­naatsuin­naan­ngilaq, kisian­ni pil­luar­nerulerlungalu inuunera siuner­taqaler­poq.”

¹⁴ Reylene, qatan­ngut ar­naq Filip­pinerineersoq, al­lamik unam­miniagaqar­poq. Sal­lusuis­sut malil­lugu inuugaluarluni qaf­fasis­sumik ilin­niagaqar­nis­saq atorfigis­saar­nis­sarlu sal­liup­pai. Pif­fis­sap ingerlanerani anersaak­kut anguniak­kani pingaar­tip­piarun­naar­pai. Ima oqar­poq: “Paasiler­para inuunin­ni arlaan­nik, sulif­fin­nit pingaar­nerujus­suarmik, amigaateqarlunga.” Reylenep eq­qarsar­taatsini al­lan­ngor­tip­paa Jehovamul­lu kif­far­tor­nini tamanit pingaar­ner­paatilerlugu. Maan­na Mat­thæusi 6:33, 34-milu Jehovap neriorsuutaa up­peralugu ima  oqar­poq: “Qularin­ngilara Jehovap isumas­sorumaaraanga!” Im­maqa il­lit ilagiin­ni qatan­ngutinik taama isigin­nit­taaseqar­tunik nalun­ngisaqar­putit. Kristusimik ilaarsisut takugaangatsigit aalajaal­lutik maligas­siuinerat ilaarusuler­tar­par­put. – 1 Kor 11:1; 2 Th 3:7.

15, 16. (a) Kristusi ilaarumal­lugu susariaqar­pugut? (b) ‘Kristusip eq­qarsaataanit’ sun­ner­tik­kumal­luta susin­naavugut?

¹⁵ Kristusi qanoq ilaarsin­naavar­put? Korinthimiunut al­lak­kat siul­liit 2:16-imi ‘Kristusip eq­qarsaatai pigisariaqarivut’ nas­suiar­neqar­poq. Romamiut 15:5-imi Kristusitut Jiisusitut isigin­nit­taaseqar­tariaqar­ner­put ersersin­neqar­poq. Kristusi as­sigilerumal­lugu qanoq eq­qarsar­tarlunilu misigisarlunilu iliuuseqar­tar­toq ilin­niar­tariaqar­par­put. Jiisusip Guutimut at­taveqar­nini sunit tamanit pingaar­ner­paatim­magu Jiisusi ilaaraangatsigu Jehovatut pis­suseqar­neruler­tar­pugut. Taamaat­tumik Jiisusitut eq­qarsar­taaseqaler­nis­sap ilin­niar­nis­saa pingaaruteqarluin­nar­poq.

¹⁶ Qanoq taamaaliorsin­naavugut? Ajoqersugaasa Jiisusi tupin­nar­tulior­toq isigin­naar­paat, inup­pas­suar­nik ajoqersuisoq tusar­naar­paat, inuit tamalaaneersut qanoq pisarai takuaat Jehoval­lu eq­qarsar­taasianit qanoq siulersor­neqar­toq maluginiarlugu. Ima oqar­put: “Nalunaajaasuuvugut ... qanoq ilior­nerinik tamanik.” (ApS 10:39) Ul­lumik­kut Jiisusi takusin­naan­ngilar­put. Iivangkiiliul­li iluaqutigalugit ilisarisimal­lualersin­naavar­put. Mat­thæusip, Markusip, Lukasip aam­ma Johan­nesip al­lagaat atuarutsigit eq­qarsaatigeq­qis­saarlugil­lu Jiisusip eq­qarsar­taasia ilin­niar­nerus­savar­put. Taman­na ‘tumai atuarlugit malin­naanis­samut’ ‘taas­sumatul­lu isumaqaler­nis­samut’ iluaqutigis­savar­put. – 1 Petr 2:21; 4:1.

17. Kristusitut eq­qarsar­taaseqar­ner­put qanoq iluaqutigis­savar­put?

¹⁷ Kristusitut eq­qarsar­taaseqar­ner­put qanoq iluaqutigis­savar­put? Peq­qin­nar­tunik nerinerup timimik nakus­satsitsisar­neratut Kristusip eq­qarsar­taasianik eq­qarsaatigin­nit­tar­neq anersaak­kut nakus­satsis­sutigisar­par­put. Pis­sutsini qanoq it­tuniluun­niit qanoq ilius­sagaluar­nersoq paasiar­tulis­savar­put. Taava Guutip iluarisaanik ilerasuuteqar­titsin­ngitsunil­lu silatusaarluta aalajangiisarsin­naalis­saagut. ‘Jiisusip Kristusip atinis­saanut’ tamak­ku pis­sutis­saal­luar­put, ilaa? – Rom 13:14.

18. Anersaak­kut it­tunik pingaar­titsisuuneq pil­lugu suut ilik­kar­pigit?

¹⁸ Al­laaserisaq una iluaqutigalugu paasivar­put anersaak­kut it­tunik pingaar­titsisuuneq qanoq isumaqar­toq. Inuit anersaamit il­ler­nar­tumit siulersor­tit­tut maligas­saal­luar­tut ilin­niarfigaavut. Aam­ma paasivar­put ‘Kristusip eq­qarsaataanik pigisaqar­neq’ Jehovatut eq­qarsar­taaseqar­nis­samut taas­sumun­ngalu qanit­tumik at­taveqar­nis­samut iluaqutaasar­toq. Sulili ilik­kagaqar­nerusin­naavugut. As­sersuutigalugu: Anersaak­kut nukit­tunerluta qanoq nalun­ngis­sin­naavar­put? Anersaak­kut nukit­tunerulerumal­luta qanoq iliorsin­naavugut? Anersaak­kul­lu it­tunik pingaar­titsisuuneq inuunitsin­nut qanoq sun­niuteqar­tar­pa? Al­laaserisap tul­liani taak­ku akineqas­sap­put.