1, 2. Hebræerit 13:4 sunis­samut kajumis­sis­sutigisariaqar­par­put?

TAMAT­TA Jehova ataq­qerusup­par­put. Uagutsin­nit ataq­qineqar­tus­saal­lunilu ataq­qigutsin­ni ataq­qiniarluta neriorsor­paatigut. (1 Sam 2:30; Uss 3:9; Saqq 4:11) Aam­ma piumaf­figaatigut inuit al­lat, soorlu naalak­kersuisuni atorfil­lit, ataq­qis­sagivut. (Rom 12:10; 13:7) Nam­minerli aalajangersimasumi ataq­qin­nit­tariaqar­ner­put pingaaruteqar­poq. Tas­sa aap­pariin­nermut.

² Apustili Paulusi al­lap­poq: “Aap­pariin­neq tamanit ataq­qineqas­saaq, aap­pariil­lu sinif­fiat minguitsuus­saaq.” (Hebr 13:4) Paulusip katis­simaneq pil­lugu taama oqar­nera oqaaseqalaagin­nar­nerun­ngilaq. Kristumiut al­laf­figai aap­pariin­neq ataq­qisariaqaraat, tas­sa erlin­nar­tutut isigisariaqaraat. Pingaar­tumik il­lit aap­paqaruit aap­pariin­neq taamatut isigin­nit­taaseqarfigaajuk?

3. Aap­pariin­neq pil­lugu Jiisusi pingaarutilim­mik sumik siun­nersuiva? (Al­laaserisap aal­laq­qaataani as­siliaq takuuk).

³ Aap­pariin­neq erlin­nar­tutut isigiguk­ku maligas­siuil­luar­tut ilaar­patit. Jiisusip aap­pariin­neq ataq­qivaa. Farisiiarit  avit­tar­neq pil­lugu aperim­man­ni Guutip aap­pariin­neq siul­leq pil­lugu oqaasiinut in­nersuus­sivoq: “Taman­na pil­lugu angutip ataatani anaananilu qimas­savai ... taak­kulu marluk uinin­ngus­sap­put ataaseq.” Jiisusi nangip­poq: “[Guutip] ataqatigiilersitai inuup avis­saar­tis­san­ngilai.” – Markusi 10:2-12 atuakkit; 1 Mos 2:24.

4. Jehovap aap­pariin­nermut tun­ngatil­lugu suna siuner­taraa?

⁴ Aap­pariin­nerup Guutimit pilersin­neqar­nera ataavar­tuusariaqar­neralu Jiisusip isumaqataaf­figaa. Guutip aap­pariin­neq siul­leq pilersik­kamiuk Adami Evalu avis­sin­naaneran­nik oqarfigin­ngilai. Taak­kuli “marluk” naas­saan­ngitsumut ataqatigiit­tuar­nis­saat siuner­taraa.

5. Toqu aap­pariin­nermut qanoq sun­niuteqar­pa?

⁵ Nalun­ngisat­tut, Adami ajor­tuliormat sor­pas­suit al­lan­ngor­put. Ilaatigut tas­saavoq inuit toqusaler­nerat, taman­nalu aap­pariin­nermut sun­niuteqar­poq. Apustili Paulusi kristumiunut nas­suiaavoq toqup aap­pariin­neq kipitit­taraa qimagaasorlu kateq­qis­sin­naasoq. – Rom 7:1-3.

6. Aap­pariin­nermut Guutip isigin­nit­taasia Mosesip inatsisaanit qanoq ilin­niarfigaar­put?

⁶ Inatsisit Guutip Israelik­kun­nut tun­nius­sai aap­pariin­nermut paasis­sutis­saqar­put. As­sersuutigalugu angut Israelik­kuusoq arlalin­nik nuliaqarsin­naatitaavoq. Guutip Inatsisit pilersin­ngik­kal­laramigil­li taman­na ileq­qorineqar­poq. Inatsisitigul­li ar­nat meeq­qal­lu il­lersugaap­put. As­sersuutigalugu Israelik­kuusoq inus­siamik katil­lunilu kingusin­nerusuk­kut al­lamik nuliaq­qik­kuni, nuliami siul­liup pisariaqar­titai ileq­qumisut matus­suser­tariaqar­pai. Nuliani il­lersor­tuarlugulu isumas­sor­tuas­sagaa Guutip piumasaraa. (2 Mos 21:9, 10) Mosesip inatsisai uagutsin­nut atuutin­ngil­lat, aap­pariin­nerli Guutip erlin­nar­tutut isigigaa  ilin­niar­par­put. Taman­na aap­pariin­nerup ataq­qinis­saanut iluaqutigaar­put.

7, 8. (a) Mosesip al­lagaasa tal­limaat 24:1 najoq­qutaralugu avin­neq pil­lugu Inatsisini qanoq al­las­simasoqar­pa? (b) Jehovap avin­neq qanoq isumaqarfigaa?

⁷ Avin­neq pil­lugu Inatsisini qanoq al­las­simasoqar­pa? Avit­toqar­nis­saa Guutip siuner­tarisiman­ngisaan­naraluaraa angutip Israelik­kuusup nuliani “kan­ngunar­tumik nas­saarfigalugu” avis­sin­naavaa. (5 Mosesi 24:1 atuaruk). ‘Kan­ngunar­tup’ suusin­naaneranik inatsisini nas­suiar­neqan­ngilaq. Arran­nerin­naanani kan­ngut­taatsumik pis­susilersor­nerusimas­saaq imaluun­niit maajun­nar­tulior­nerul­luni mingun­nar­tulior­nerul­luniluun­niit. (5 Mos 23:15) Ajoraluar­tumil­li Jiisusip nalaani juuter­pas­suit nuliatik ‘suugaluar­tumil­luun­niit patsiseqarlutik’ avit­tar­paat. (Matt 19:3) Taak­kua isigin­nit­taasiat pigiliuk­kusun­ngilar­put, ilaa?

⁸ Pruf­fiiti Malakip nalaani angutip nuliaminut siul­lermut avit­tar­nera nalingin­naavoq, im­maqa ar­namut inuusun­nerusumut Guutimik nalusumut katik­kumal­luni. Avin­nerli pil­lugu Guutip isum­mani erseq­qis­sar­paa. Oqar­poq: “Avin­nermi uumigaara.” (NW) (Mal 2:14-16) Aap­pariin­nermut tun­ngatil­lugu Guutip aal­laq­qaam­mul­li isigin­nit­taasia al­lan­ngorsiman­ngilaq: “[Angutip] nuliani at­tavigis­savaa, uiniulis­sap­pul­lu ataaseq.” (1 Mos 2:24) Jiisusil­lu Ataatami aap­pariin­nermut isigin­nit­taasia ima oqarami tapersersor­paa: “[Guutip] ataqatigiilersitai inuup avis­saar­tis­san­ngilai.” – Matt 19:6.

9. Jiisusip oqaasii Markusi 10:11, 12-imiit­tut qanoq paasisariaqar­pat?

⁹ Ilaat aperiumas­sap­put, ‘avin­nis­samut kateq­qin­nis­samul­lu kristumiu arlaan­nik pis­suteqarsin­naava?’ Jiisusi qanoq oqar­nersoq maluginiaruk: “Avil­luni al­lamik nuliar­toq al­lasior­poq, ar­narlu avil­luni al­lamik uinit­toq al­lasior­poq.” (Mark 10:11, 12; Luk 16:18) Erseq­qip­poq Jiisusip aap­pariin­neq ataq­qil­lugulu al­lat ataq­qin­nin­nis­saat kis­saatigigaa. Angutip nuliani ilumoorfigin­nit­toq avil­lugulu kateq­qik­kuni al­lasius­saaq. Ar­namut uiminik ilumoorfigin­nit­tumik taamaalior­tumut aam­ma taamaap­poq. Tas­sa avin­nerup kisimi aap­pariin­neq kipitin­neq ajor­paa. Guutip aap­pariit ‘uinit­tut ataatsitut’ suli isigai. Jiisusi aam­ma oqar­poq angutip nuliani pisuus­suteqan­ngitsoq avik­kuniuk al­lasior­nis­saanut navianar­torsior­tis­sagaa. Qanoq? Taamanik­kut ar­naq avis­simasoq aningaasaqar­nik­kut tapersersor­neqarumal­luni kateq­qit­tariaqar­tutut misigisin­naavoq. Taamatut kateq­qin­neq al­lasior­ner­tut ip­poq.

10. Kristumiup avin­nis­saanut kateq­qin­nis­saanul­lu suna pis­sutis­satuaava?

¹⁰ Avin­nis­samut pis­sutis­saq ataaseq Jiisusip ilin­niar­titsis­sutigaa: “Oqarfigaas­simi: Kinguaassiuutitigut inuunerlunnerunngitsumik peqquteqarluni avit­toq al­lamil­lu nuliar­toq al­lasior­poq.” (Matt 19:9) Qaq­qami oqaluutsimini taamatut najoq­qutas­seeq­qip­poq.  (Matt 5:31, 32) Taak­kunani ‘kinguaas­siuutitigut inuunerlun­neq’ Jiisusip eq­qaavaa. Ajor­tulior­nerit taak­kua ilagaat al­lasior­neq, ator­tit­tar­neq, katis­simanani atoqatigiin­nerit, ar­naqam­mik anguteqam­mil­luun­niit atoqateqar­neq uumasumil­luun­niit atoqateqar­neq. As­sersuutigalugu angut katis­simasoq kinguaas­siuutitigut inuunerlup­pat nuliata avin­niar­nerlugu avin­niar­naguluun­niit aalajangersin­naavaa. Avik­kuniuk Guutip aap­pariik­kun­naar­tutut isigis­savai.

11. Sooq kristumiu Biibili naaper­torlugu avin­nis­samut pis­sutis­saqaraluaruniluun­niit avin­niar­nani aalajangersin­naava?

¹¹ Maluginiaruk Jiisusi oqan­ngim­mat kinguaas­siuutitigut inuunerlut­toqar­pat aap­paasoq pisuus­suteqan­ngitsoq avittariaqartoq. As­sersuutigalugu nuliaasoq uini kinguaas­siuutitigut inuunerlus­simagaluar­toq aap­pariin­nar­niarlugu aalajangersin­naavoq. Sooq? Im­maqa uini suli asavaa isumak­keerfigerusul­lugulu aap­pariin­ner­tik pitsan­ngorsarumal­lugu uinilu sulis­suteqarumasin­naap­put. Aam­ma avik­kuni kateq­qin­nanilu unam­miniar­nar­toqarumaar­poq. As­sersuutigalugu pigisatigut atoqateqar­nis­samil­lu pisariaqar­titai? Kiserlius­sava? Avin­neq qitor­naanut qanoq kinguneqas­sava? Sal­lusuis­sum­mi perorsar­nis­saat ajor­nar­nerus­sava? (1 Kor 7:14) Erseq­qip­poq aap­paasoq pisuus­suteqan­ngitsoq avin­niarluni aalajanger­toq ilungersunar­tunik unam­miniagaqarumaar­toq.

12, 13. (a) Hoseap aap­paqar­nerani susoqar­pa? (b) Sooq Hoseap Gomeri uter­tip­paa, aap­pariin­neran­nil­lu suna ilin­niarfigisin­naavar­put?

¹² Pruf­fiiti Hoseap misigisaa Guutip aap­pariin­nermut isigin­nit­taasia pil­lugu ilin­niarfigingaarsin­naavar­put. Guutip Hosea ar­naq Gomerimik atilik nulis­siuteq­qul­lugu peq­quaa, ‘ar­naq al­lasior­tus­saq’ imaluun­niit ator­tit­tar­toq, ‘uersak­kanil­lu qitor­nar­taarfis­saa’. Gomeri Hosealu er­ner­taar­put. (Hos 1:2, 3) Kingusin­nerusuk­kut Gomeri panis­saarlunilu er­ner­taar­poq, al­lasior­nermi kingunerigunagaanik. Gomeri ataasiaan­narani al­lasioraluar­toq Hoseap najuin­nar­paa. Kingusin­nerusuk­kut Hosea qimap­paa inus­sian­ngorlunilu. Hoseal­li pisiareq­qip­paa. (Hos 3:1, 2) Jehovap Israelik­kut guutipilus­siorlutik ilumoorfigin­nin­ngin­neran­nut isumak­keerfigin­nit­tuar­nini Hosea atorlugu ersersip­paa. Hoseap aap­paqar­neranit suna ilin­niarfigisin­naavar­put?

¹³ Kristumiup aap­parisaa kinguaas­siuutitigut inuunerlup­pat pisuus­suteqan­ngitsoq aalajanger­tariaqalis­saaq. Jiisusi oqar­poq pisuus­suteqan­ngitsoq avin­nis­samut pis­sutis­saqalerlunilu kateq­qis­sin­naalis­sasoq. Pisuus­suteqan­ngitsul­li aap­pani isumak­keerfiginiarlugu aalajanger­pat ajor­tulior­nerunavian­ngilaq. Hoseap Gomeri uter­tip­paa. Hoseamut utermat angum­mik al­lamik atoqateqas­san­ngitsoq oqarfigaa. Pif­fis­sap ilaani Hoseap nuliani ‘in­naak­kuman­ngilaa’. (Hos 3:3) Pif­fis­sal­li ingerlanerani nuliani atoqatigeq­qit­talersimas­savaa. Taman­na Guutip Israelik­kut uter­teq­qin­nis­saan­nut at­taveqarfigeq­qiler­nis­saan­nul­lu piumas­suseqar­neranut as­sersuutaavoq. (Hos 2:2; 3:3-5) Nalitsin­ni aap­pariin­nermut tun­ngatil­lugu taman­na qanoq ilin­niarfigisin­naagatsigu? Pisuus­suteqan­ngitsup aap­pani atoqatigeq­qik­kuniuk isumak­keerfigin­nin­nermut ersiutaas­saaq. (1 Kor 7:3, 5) Taava avin­nis­samut pis­sutis­saq  atuuk­kun­naas­saaq. Tamatuma kingor­na uiusoq nuliaasorlu suleqatigiit­tariaqarlutil­lu Guutip aap­pariin­nermut isigin­nit­taasia pigiliun­niar­tariaqar­paat.

14. Korinthimiunut al­lak­kat siul­liit 7:10, 11 naaper­torlugit aap­pariin­nermi susoqarsin­naava?

¹⁴ Jehovap Jiisusil­lu pinerat­tut kristumiut tamarmik aap­pariin­neq ataq­qisariaqar­paat. Ilaan­nik­kul­li naam­mal­luin­nan­ngis­suseq pis­sutigalugu ilaat taamaalior­neq ajor­put. (Rom 7:18-23) Taamaat­tumik kristumiut siul­liit nalaan­ni ilaat aap­pariin­nermin­ni ingasat­tunik ajor­nar­torsiuteqar­nerat tupaal­laatigis­san­ngilar­put. Paulusi al­lap­poq “nuliap uini qimas­san­ngik­kaa”. Ilaan­nik­kul­li taama pisoqar­tar­poq. – 1 Korinthimiut 7:10, 11 atuakkit.

15, 16. (a) Aap­pariin­nerlior­toqaraluar­toq suna anguniagarineqar­tariaqar­pa, aam­ma sooq? (b) Aap­parisaq Jehovamut kif­far­tor­tuun­ngip­pat taman­na qanoq atuup­pa?

¹⁵ Taamatut averuser­nermut pis­sutaasut Paulusip nas­suian­ngilai. Nalun­ngilar­pul­li ajor­nar­torsiut tas­saan­ngitsoq as­sersuutigalugu uiusoq, nuliami avin­nis­samut kateq­qin­nis­samul­lu pis­suteqalis­sutigisaanik, kinguaas­siuutitigut inuunerlus­simasoq. Paulusi al­lap­poq nuliaasoq uiminik qimatsisimasoq ‘aap­paqan­ngitsuujuas­sasoq uiniluun­niit isumaqatigalugu uterfigis­sagaa’. Tas­sa Guutip aap­pariit­tut suli isigai. Paulusi al­lap­poq aap­pariit qanorluun­niit ajor­nar­torsiuteqaraluarunik, kinguaas­siuutitigut inuunerlut­toqarsiman­ngip­pat, uter­nis­sar­tik anguniagaris­sagaat. Utoq­qaaner­tanut ikioq­qusin­naap­put. Utoq­qaaner­tat il­lersuinaveersaarlutik Biibilimit siun­nersuisin­naap­put.

¹⁶ Taavami kristumiu Jehovamik kif­far­tun­ngitsumik aap­paqar­pat? Aap­pariin­nerlior­nermi averuser­nis­samut pis­sutis­saqar­pa? Eq­qaaneqareersutut kinguaas­siuutitigut inuunerlun­neq avin­nis­samut pis­sutaasutut Biibilimi al­laatigineqar­poq. Biibilimili averuser­nis­samut pis­sutis­sat eq­qaaneqan­ngil­lat. Paulusi al­lap­poq: “[Ar­naq] up­per­tuun­ngitsumik ueqaruni taas­sumalu najuin­narumap­pani, taava avin­ngik­kiliuk.” (1 Kor 7:12, 13) Taman­na aam­ma ul­lumik­kut atuup­poq.

17, 18. Sooq kristumiut ilaat ingasat­tunik ajor­nar­torsiuteqaraluarlutik aap­pariigin­narsimap­pat?

¹⁷ Uiusul­li ilaat ‘up­per­tuun­ngitsut’ nuliatik ‘najuin­narusun­nagit’ ersersis­simavaat. As­sersuutigalugu im­maqa uiusoq ingasat­tumik timik­kut persut­taasar­poq, al­laat peq­qis­susianik  inuuneranil­luun­niit ulorianar­torsior­titsil­luni. Nuliaminik ilaqut­taminil­luun­niit pilersuiumanani nulianiluun­niit Guutimik kif­far­torsin­naajun­naarsil­lugu. Taamatut pisoqar­til­lugu kristumiu nuliaasoq nam­mineerluni aalajangersin­naavoq uini qanorluun­niit oqaraluar­toq taan­na ‘najuin­nar­nis­samut’ piuman­ngitsoq averuser­nis­sarlu pisariaqar­toq. Kristumiul­li ilaat as­singusumik atugaqar­tut aap­pariigin­nar­niarlutik aalajangersimap­put. Piner­tusaar­put aap­pariil­luar­neruler­nis­sar­til­lu sulis­sutigalugu. Sooq taamatut aalajangersimap­pat?

¹⁸ Taamatut averuserunik suli aap­pariiup­put. Im­mik­kut najugaqarunik eq­qaaneqareersutut marluul­lutik im­mik­kut unam­miniagaqas­sap­put. Apustili Paulusi aap­pariigin­nar­nis­samut suli al­lamik pis­sutis­saqalersitsivoq. Al­lap­poq: “[Angut] up­per­tuun­ngitsoq il­ler­nar­titaavoq nuliamigut, ar­narlu up­per­tuun­ngitsoq il­ler­nar­titaavoq qatan­ngutik­kut. Taamaan­ngip­pat qitor­nasi mingut­tuus­sagaluar­put, maan­nali il­ler­nar­titaap­put.” (1 Kor 7:14) Kristumior­pas­suit aap­par­tik Jehovamut kif­far­tun­ngik­kaluar­toq najuin­nar­niarlugu aalajangersimap­put, naak pis­sutsit unam­miniar­naraluar­tut. Taamatut pil­liuteqar­ner­tik nuan­naarutigaat pingaar­tumik aap­par­tik Jehovap Nalunaajaasuinut ilan­ngum­mat. – 1 Korinthimiut 7:16 atuaruk; 1 Petr 3:1, 2.

19. Sooq kristumiut ilagiivini iluatsil­luar­tunik aap­pariip­pas­suaqar­pa?

¹⁹ Avin­neq pil­lugu Jiisusi siun­nersuivoq, apustililu Paulusi averuser­neq pil­lugu siun­nersuil­luni. Marluul­lutik Guutip kif­fai aap­pariin­nermik ataq­qin­nin­nis­saat kis­saatigaat. Silarsuaq tamak­kerlugu kristumiut ilagiivini aap­pariil­luar­tor­pas­suaqar­poq. Nam­mineq ilagiin­ni im­maqa aap­pariit pil­luar­tut amerlasuut takusin­naavatit, uiusut ilumoorfigin­nit­tut nuliatik asagaat nuliaasul­lu asan­nit­tut uimin­nik ataq­qin­nit­tut. Aap­pariin­nerup ataq­qinar­tuusin­naanera tamarmik ersersip­paat. Guutip oqaasiata uuma ilumoor­neranik mil­lionilip­pas­suit up­per­narsaaqataasut nuan­naarutigisin­naavar­put: “Taamaat­tumik angutip ataatani anaananilu qimas­savai nulianilu at­tavigalugu, taak­kulu marluk uinin­ngus­sap­put ataaseq.” – Ef 5:31, 33.