Ana Tia Kakoaua Iehova—Antai Ngaira?
Ti roko mani katei ao taetae aika kakaokoro aika bubua ma bubua mwaitiia, ma e ngae n anne ti bane ni katiteuanaaki n tiia aika ti uaiakin. Ae kakawaki riki, ti karinea Iehova, ae te Atua ae taekinaki n te Baibara ao te tia Kariki bwaai ni kabane. Ti kabanea ara konaa ni kakairi iroun Iesu Kristo ao ti kakatonga ngkai ti aranaki bwa Kristian. Ti kabanea ara tai ngaira n tatabemanira nako, ni buokiia aomata n reiakina taekan te Baibara ao Ana Tautaeka n Uea te Atua. Kioina ngkai taani kakoaua ngaira, ke taan tataekina taekan Iehova ae te Atua ma ana Tautaeka n Uea, ti a kinaaki n arara ae Ana Tia Kakoaua Iehova.
Neweabaa ara atureti n te Intanete aei. Wareka te Baibara n te Intanete. Ao karekea riki kinaakira ao ataakin ara koaua.
