1, 2. ¿Imaynatan Tony rikuchiran pipas vidanta cambiay atisqanta?

TONYQA mana taytayoqmi wiñaran mana allin estudiantetaq karanpas, colegionta saqepuytaraqmi piensasharanpas. Semana tukuytapas amigonkunawan kaq mayninpitaq cineman riq. Manaña drogakuqchu chaypas, manan yacharanchu imapaq kausasqanta, Diosmantapas iskayaqmi. Jinan juj casado iñiqmasikunata reqsiran, chaypin paykunata imaymanata tapuran. Paykunataq qoranku El origen de la vida. Cinco cuestiones dignas de análisis, ¿Es la vida obra de un Creador? nisqa folletokunata.

² Chay iñiqmasinchiskuna jujmanta visitaqtinkun Tonyqa cambiapusqa. Chay folletokunatan tukuy yuyaywan estudiasqa. Tonyn paykunata niran: “Diosqa kasqapunin”, nispa. Biblia estudiaytan qallariran pisi-pisimantataq vidanta cambiaran. Jinaspapas colegionpi allin estudiantemanmi tukupuran, directorpas admirasqan kasharan. Chaymi niran: “Allintapunin mejorarunki notaykikunata imayna kasqaykitapas. ¿Testigokunawan estudiasqaykichu  yanapashasunki?”, nispa. Chaymi Tonyqa “arí” niran; willarantaq imakuna yachashasqanta. Colegionta tukuspan kunanqa precursor regular kashan, yanapakuq kamachi ima. Chaymantapas kusisqan kashan, kunanqa ancha munakuq Jehová Diosmi taytan kapun (Sal. 68:5).

3. ¿Imatan Jehová Dios wayna-sipakunata consejan?

³ Tonyta pasasqanmi rikuchiwanchis Jehová Dios wayna-sipaskunapi interesakusqanta. Payqa munanmi ancha kusisqa kausanaykita. Chaymi kay consejota qosunki: “Wayna-sipasllaraq kashaspa Kamaqniykimanta yuyarikuy”, nispa (Ecl. 12:1). Kay tiempopi chay ruwayqa manan facilchu ichaqa Jehová Diospa yanapayninwanqa ima decidisqaykipas allillanmi kanqa, manan kay tiempollapichu aswanpas tukuy kausasqayki tiempopin. Chayta allinta entiendenapaq qhawarisunchis imas israelitakunata yanaparan prometesqa allpata jap’ikapunankupaq chayta. Jinallataq imas Davidta yanaparan jatunkaray Goliat-ta atipananpaq chaytapas.

4, 5. ¿Imatan yachasunman israelitakuna Canaán runakunata atipasqankumanta? ¿Imatan yachasunman David Goliat-ta atipasqanmanta? (21 paginapi dibujokunata qhaway.)

⁴ Israelitakuna prometesqa allpaman jaykunankuña kashaqtinkun, Diosqa manan kamachiranchu allin soldado kanankupaq nitaq guerraman rinankupaqpas (Deut. 28:1, 2). Aswanpas kamachikuyninkunata kasukunankupaq, paypi confianankupaq iman kamachiran (Jos. 1:7-9). Runakunaqa manapaschá allinpaqchu chay consejota qhawariranku, ichaqa ancha allin consejon karan. Chaymi Jehová Diospa yanapayninwan Canaán runakunata sapa kutilla atiparanku (Jos. 24:11-13). Diosta kasukunapaqqa paypin iñinanchis, chhayna iñiyniyoq kasun chayqa, allinpunin imapas kanqa.

⁵ Goliatqa kallpasapa soldadon karan, payqa kinsa metro sayayniyoq jinan karan. Jinaspapas allin armasqan kasharan (1 Sam. 17:4-7). Davidmi ichaqa Diospi iñispa warak’allantin Goliat contra riran. Mana iñiyniyoq runaqa mana yuyayniyoqpaq jinachá Davidtaqa qhawariran Goliatwan contra maqanakuq risqanmanta. Ichaqa manan chhaynachu karan, Goliatmi mana yuyayniyoqqa karan (1 Sam. 17:48-51).

6. ¿Imamantan kay estudiopi yachasun?

⁶ Ñaupaq estudiopin kusisqa kausanapaq tawa ruwaykunamanta yacharanchis: espiritualpi mijunamanta, allin amigokuna ajllaymanta, Diosta astawan servinapaq metakuna churakuymanta, Diospa qowasqanchis libre kayta allinta utilizaymanta ima. Chaykunamantan kay estudiopi yachallasuntaq Salmos 16 capitulopi yachachikuykunata estudiaspa.

7. a) ¿Imaynan allin iñiyniyoq runa? b) ¿Iman Davidpa herencian karan? ¿Imaynan David chaywan sientekuran?

⁷ Allin iñiyniyoq runaqa sonqomantan Diospi confian, kallpachakunmi Dios jina imatapas qhawarinanpaq, Dioswanmi kausayninpi pusachikun, sonqomantataq kasukunpas (1 Cor. 2:12, 13). Chhaynan  Davidpas karan, payqa kaqninta otaq herencianta jinan Diosta qhawariran, chaymi juj kutin takispa niran: “Diosníy, qanmi tukuy imaypas kanki”, nispa. Chayta nispaqa Jehová Dioswan allin amigontin kasqanmantan rimasharan (Sal. 16:5). Payqa ancha agradecesqan kasharan Diospa amigon kasqanmanta, pakaykuqninta jinan qhawariranpas (Sal. 16:1). Chaymi niran: “Noqaqa sonqoypi sinchitapuni kusikuni”, nispa. Arí, Davidtaqa Dioswan amigontin kasqanmi imamantapas kusichiq (leey Salmos 16:9, 11).

8. ¿Imakunatan ruwawaq sumaq kausayta tarinaykipaq?

⁸ Imaymana kusirikuykunawan otaq askha qolqeyoq runaqa manan David jina kusisqaqa kanmanchu (1 Tim. 6:9, 10). Canadá nacionmanta juj hermanon nin: “Cheqaq kusikuyqa manan vidanchispi imaymana ruwaymantachu dependen, aswanpas Jehová Diosta serviymantan. Diosllan tukuy ima allin kaqtapas qowanchis”, nispa (Sant. 1:17). Sichus iñiyniykita wiñachispa Jehová Diosta servinki chayqa, sumaq kausaytan tarinki. Ichaqa, ¿imatan ruwawaq iñiyniyki astawan yapakunanpaq? Bibliatan leenayki, kamasqankunatan qhawanayki imayna Dios kasqanpi ima yuyaymananayki; ejemplopaq qanta munakusqasuykipin yuyaymanawaq (Rom. 1:20; 5:8).

9. ¿Imatan ruwawaq Diospa siminwan llut’asqa kanaykipaq?

⁹ Jehová Diosqa munakuq tayta jinan imapipas corregiwanchis. Chaytan Davidpas valoraran, paypa nisqan jina Jehová Dios tutakunapi imachus piensasqantan corregiran, chaymi ‘yuyaychaqnin Señor Diosta jatuncharan’ (Sal. 16:7). Payqa Diospa yuyaychasqanpi otaq consejonkunapin piensaq, jinaspa kallpachakuq Dios jina piensananpaq. Chay consejokunan yanaparan llut’asqa kananpaq. ¿Imaynapi? Diospa siminwanmi yanapachikuq imayna runa kasqanta cambiananpaq. Sichus qanpas chay jinata ruwanki chayqa, astawanmi Diosta munakunki astawantaq kasukuytapas munanki. Chhaynapin allin iñiyniyoq runaman tukupunki. Christin sutiyoq hermanan nin: “Estudiaspa, leesqaypi yuyaymanaspa iman reparani noqapaqpas chayta Jehová Dios qelqanman karan jinata”, nispa.

10. Isaías 26:3 textoq nisqan jina, ¿imaynatan yanapasunki allin iñiyniyoq kanaykipaq?

¹⁰ Allin iñiyniyoq kanki chayqa, Jehová Diosmi yachayta allin reparaq kaytapas qosunki, chhaynapin kay mundota jamuq tiempotapas pay jina qhawarinki. Payqa yanapasunki imachus aswan importante kasqanta yachanaykipaq, allinta imatapas decidinaykipaq, jamuq tiempota ama manchakunaykipaqpas (leey Isaías 26:3). Estados Unidosmanta Joshua sutiyoq iñiqmasin nin: “Jehová Diospa qayllallanpi kanki chayqa, sut’itan rikunki imachus importante imataqchus mana chayta”, nispa.

11. ¿Imaynatan David amigonkunata ajllaq?

¹¹ (Leey Salmos 16:3). Davidqa allintan yacharan allin amigokunata tarinapaqqa Diospa llaqtapi maskhananchista. Chaymi payqa anchata kusikuran chhayna clase amigokunata tarisqanmanta, jinan  paykunamanta niran: “May allinmi Señor Diosta kasukuqkunaqa, anchatan kusikuni paykunawan kaspay”, nispa. Paykunaqa ch’uya kasqankutan rikuchiranku. Juj Salmos qelqaqmi nillarantaq: “Llapan manchakuqniykikunaq-masinmi kani, sut’inchasqaykikunata junt’aqkunaq amigonmi kani”, nispa (Sal. 119:63). Ñaupa estudiopi yachamusqanchis jina, qanpas atiwaqmi allin amigokuna tariyta. Paykunan kankuman wayna-sipaskuna otaq kuraqkunapas.

12. ¿Imaraykun Davidwan Jonatanwan allin amigontin karanku?

¹² Davidqa manan wiñaymasin amigokunallatachu ajllakuran. ¿Yuyashankichu Davidpa amigonpa sutinta? Jonatanmi karan. Paykunaq amistadninmantan Bibliaqa may munayta willan. Jonatanqa Davidmanta yaqa 30 wata kuraqmi karan. Chhaynaqa, ¿imaraykutaq allin amigontinri karanku? Iskayninkun allin iñiyniyoq karanku, respetanakuqkutaq kanpas; ejemplopaq Diospa enemigonkuna contra maqanakuspa valiente kasqankuta rikuchiranku (1 Sam. 13:3; 14:13; 17:48-50; 18:1).

13. ¿Imaynapin askha amigokunayoq kawaq? Juj ejemplota willay.

¹³ David jina Jonatán jinan noqanchispas Jehová Diosta munakuq runakunawan amigontin kaspaqa ‘anchatan kusikusun’. Diosta unayña serviq Kiera hermananchismi nin: “Mundontinpin amigoykuna kan, askha nacionkunamanta juj costumbrekunayoq ima”, nispa. Pay jina ruwanki chayqa, sut’itan rikunki Diosqa palabranwan santo espirituwan jujllachawasqanchista.

14. a) ¿Iman yanapasunki Diosta astawan servinaykipaq? b) ¿Ima nirankun wakin waynakuna Diosta astawan servisqankumanta?

¹⁴ (Leey Salmos 16:8). Davidpaqqa Diosta serviymi aswan importante karan. Qanpas pay jina ruwanki chayqa sumaq kausaytan tarinki. Dios serviyniykita ñaupaqman  churay, chayman jina Diosta astawan servinaykipaqtaq kallpachakuy. Steven iñiqmasin nin: “Astawan Diosta servinaypaq, chay yuyaywan kallpachakusqayta, imakunapi mejorasqayta qhawariymi mayta kusichiwan”, nispa. Alemania nacionmanta waynan nillantaq: “Kuraqña kaspaqa manan kay jinata niyta munaymanchu: ‘Ñaupaqpiqa tukuy imatapas noqallapi piensaspamá ruwasqani’, nispaqa”, nispa. ¿Qanpas paykuna jinachu piensanki? Chhayna kaqtinqa, ima ruway atisqaykiwan Diosta jatunchay jujkunatapas yanapay (Gál. 6:10). Jehová Diosta astawan servinaykipaq kallpachakuy, yanapaynintataq mañakuy chayman jina ruwanaykipaq. Payqa kusikuywanmi kutichimunqa mañakusqaykita (1 Juan 3:22; 5:14, 15).

15. ¿Imaynatan Diosta astawan serviwaq? (“Kallpachakuy kaykunata ruwanaykipaq” nisqa recuadrota qhaway.)

¹⁵ ¿Imaynatan Diosta astawan serviwaq? Juñunakuykunapin umallaykimanta comentawaq, precursor kawaq, Betelpi yanapakuwaq, otaq juj simita yachawaq; jinaspa chayta utilizawaq juj runakunaman allin willakuykunata willamunaykipaq. Tukuy tiemponwan Diosta serviq Barak waynan nin: “Sapa p’unchaymi may kusisqa jatarini tukuy kallpaywan Jehová Diosta servinaypaq. Manan imapas chay jinataqa kusichiwanmanchu”, nispa.

16. ¿Imaynatan David Diospa kamachikuyninkunata yachachikuyninkunatapas qhawariran, imarayku?

¹⁶ (Leey Salmos 16:2, 4). Ñaupaq estudiopin yacharanchis Diospa kamachikuyninkuna yachachikuyninkuna yanapawanchis allin kaqta munakunanchispaq, mana allin kaqtataq cheqnikunanchispaq (Amós 5:15). Salmos 16 capitulopi Davidqa rimaran sumaq sonqo kaymanta chayqa tupanmi allin ruwaykunawan. Tukuy allin kaqkunapas Jehová Diosmantan jamun. Davidqa kallpachakuranmi Dios jina allin kaqkunata munakunanpaq mana allin kaqkunatataq cheqnikunanpaq. Ejemplopaq, payqa cheqnikuranmi ídolo adorayta. Chay ruwayqa runakunatan mana yuyayniyoqta jina qhawarichin, Jehová Diostapas jatunchasqa kayninta pisichan (Is. 2:8, 9; Apo. 4:11).

17, 18. a) ¿Imapin tarikusunman falso dioskunata adoraqtinchis? b) ¿Imaraykun wakin runakuna mana allinkunapi tarikunku?

¹⁷ Ñaupa tiempopiqa qhelli juchakunata ruwaspan falso dioskunata adoraqku (Os. 4:13, 14). Chaytaqa ruwaqku qhelli juchakunapi purinankurayku. Ichaqa manan chaykunawanqa kusisqachu kausaqku. Chaymi David Salmos 16:4 textopi niran: “Sinchi llakikuykunapin rikukunku”, nispa. Chay runakunaqa wawankutawanraqmi dioskunaman sacrificiopi jaywaqku (Is. 57:5). Jehová Diosqa cheqnikuranmi chay ruwasqankuta (Jer. 7:31). Chay tiempopi kausawaq karan chayqa, maytachá kusikuwaq karan tayta-mamayki Jehová Diosta adorasqanmanta.

¹⁸ Kay tiempopi religionkunaqa jinallatan qhawanku jujkuna qhelli jucha ruwaykunapi purinankuta. Ichaqa ñaupa tiempopi jinan kunanpas ‘sinchi llakikuykunapi rikukunku’ (1 Cor. 6:18, 19). Chhaynaqa wayna-sipas Jehová Diosta uyariy, arí  kasukuyqa allinniykipaqpunin, chaymantaqa ama iskayaychu. Ama qonqaychu kusirikuykunaqa chay ratollapaqmi, chaymantan ichaqa sinchi mana allinkunapi tarikunki (Gál. 6:8). 10 parrafopi rimamusqanchis Joshua nin: “Libre kayninchista munasqanchisman jina utilizasun chayqa llakikunapin tarikusun”, nispa.

19, 20. ¿Ima bendicionkunatan chaskinqaku Jehová Diospi iñiq payta kasukuq wayna-sipaskuna?

¹⁹ Jesusmi qatikuqninkunata niran: “Sichus yachachisqayta waqaychallankichispuni chayqa, cheqaqtapunin discipuloykuna kankichis, reqsinkichistaqmi imachus cheqaq kasqantapas, chay cheqaq kaqtaqmi kacharichisunkichis”, nispa (Juan 8:31, 32). Chay cheqaq kaymi librawanchis falso religionmanta, creenciakunamanta ima. Jinaspapas jamuq tiempopin “Diospa wawankuna jina libre kapunki” (Rom. 8:21). Ichaqa kunanpas kusikuytan tariwaq libre kaspa. ¿Imaynapi? Cristoq yachachikuyninkunata kasukuspa. Chhaynapin cheqaq kaqta reqsinki chaytataq rikuchinki kausayniykipi.

²⁰ Wayna-sipas, libre kasqaykita valoray. Chayta allin yuyaywan utilizanki chayqa, allintan imatapas decidinki, jamuq tiempopipas sumaqta kausanki. Juj Testigo waynan nin: “Sichus libre kasqaykita kunan allinta utilizanki chayqa, yanapasunkin jamuq tiempopi allin llank’anata ajllakunaykipaq, casarakunkichus icha sapallaykiraqchus kanki chaykunata allinta decidinaykipaqpas”, nispa.

21. ¿Imatan ruwanayki “cheqaq kausayta” tarinaykipaq?

²¹ Kay tiempopiqa allin kausayña kanman chaypas, tukukuqllan. Manan pipas yachanchu paqarin imachus kananta (Sant. 4:13, 14). Chaymi ‘cheqaq kausayman’ apaq ñanllanta purishananchis (1 Tim. 6:19). Diosqa manan pitapas obliganchu chayninta purinanpaq, aswanpas sapankan decidikunanchis. Chhaynaqa wayna-sipas, qanpaqpas Jehová Dios herenciayki kachun. Tukuy ima qosqasuykita valoray (Sal. 103:5). Jehová Diospi confiay payqa qosunkipunin wiñay kausayta (Sal. 16:11).