Jesus kyerɛkyerɛɛ dɛ Nyankopɔn n’Ahendzi no beyi adasamba haw nyina efi hɔ. (Matthew 6:10) Sɛ yɛhwɛ asɛm a ɔwɔ Matthew 13:44-46 no a, Jesus dze mfatoho ebien a odzidzi do yi kyerɛɛ mbrɛ nokwasɛm a ɔfa Nyankopɔn n’Ahendzi no ho si som bo fa:

•   Ɔbarimba bi a ɔreyɛ edwuma wɔ haban mu kopuee akoradze bi a wɔdze ehuntsa do.

•   Oguadzinyi bi a otu kwan hwehwɛ ahondzepa hun ahondze kor bi a no bo yɛ dzen paa.

 Dɛm mbarimba beenu no nyina dze enyigye tɔɔn dza wɔwɔ nyina mbrɛ ɔbɛyɛ a hɔn nsa bɛka akoradze a woehu no. Dɛm mbarimba yi gyina hɔ ma nkorɔfo a wɔdze ndzɛmba akɛseakɛse abɔ afɔr mbrɛ ɔbɛyɛ a wobenya nhyira ahorow a Ahendzi no dze ba no bi. (Luke 18:29, 30) Video yi mu no, ibohu nyimpa beenu bi a hɔn asɛm no tse dɛ mbarimba a Jesus kaa hɔnho asɛm wɔ mfatoho no mu no.