Yesu walongesele egi Ufumu wa Nzambi mbawumanesela malamba agasue athu adi mutagana nawo. (Matayo 6:10) Mu Matayo 13:44-46, wahanele ifezegeselo eyi mbadi ha gumonesa egi giamatshidia giatadila Ufumu wa Nzambi gidi nu ndando:

•   Muthu mumoshi wakhalele mutshita mudimo mu dihia, wamonele umonyi wakhalele wa gudisuega.

•   Muenya mungenda wakhalele muwenda ha gukamba misanga yawaha, wahetele musanga wa ndando yavula.

 Mukut’awo agasue mbadi adigile ima yawo yagasue ha guheta umonyi amonele. Mala ene mbadi adi mumonesa athu ana zula Ufumu wa Nzambi nu ndando yavula nu ana atshita ngolo ha guheta gubonga gua Ufumu wene. (Luka 18:29, 30) Tala video eyi, ha guvua mene jia athu mbadi akalegele ndaga gifua mala anyi Yesu wazuelele mu ifezegeselo yenji.