IIKALAAY TENG BADIMUK!
Lutat lwa Biin Cimwang—Baat Miliyo Yivul Bamwaamwangal mu Cibunj cya Ukraine
Biin Russie i batwaadij kulwiish biin Ukraine mu dya 24/2/2022, bulwiish oobw bukaamin lutat lukasan lulongel bwa baat miliyo yivul biital mu buuhund ni baluk mu cibunj cyaabab lwang-lwang. a
“Kwaakady maabomb ni makwaabw matayik. Byaakady bikasakan menmen ni tukaakeel ni may ma kumvwiij mwaakadyeby. Hatumanyikil neey kwaakady majuw maakady mangat baat, twangacil dihangadik dya kwaalukomw. Twaakady mwa kushiy biit byoos bwaal muut woos waakady mwa kwangat teng kacikut kindiy ka haanyim bwa kuhatuk naak. Twaakady mwa kwangat teng mikand, mang, mwanz, ni byaakudy biheehel. Twaakady bashiy biit bikwaabw ni tuyiil ku cyaab cidyaakal majuw mimanyin bumwaakady maabomb mend madiil habwiih neet.”—Nataliia, wa mu Kharkiv, mu Ukraine.
“Katwaakadyoh bend balang neey kwiiyiiy kulongek biin-biin diivit. Numvwiil mat makwaabw madil mu byaab bikwaabw mu cimeng citwaakady, ni madidish mend ni kunyekan. Nangacil dihangadik dya kwaalukomw, hakwangat teng biit byaakady ni buseeb menmen. Naakady mwaaluk ku cibel kumakuhacy ha diib 8:00 ni nangacil majuw mutal ku Lviv ni nangacil cikwaabw kamashiny mutal ku Poland.”—Nadija, wa mu Kharkiv, mu Ukraine.
Mu ciin bwaal eecy mudy majooj aam:
I myand kaay yidy yikaamish lutat lwa biin cimwang aab?
Lutat lukasakan lutwaadijil mu cibunj cya Ukraine bwaal biin Russie biiyil kwiibalwiish ni mat. Nook, Bibl uleeleej mu bondok tubingil tukaakaamish makab moos makasakan ma cimwang bu ciin eecy:
Makaleng ma baan ba baat ma ha bulab butuutul i makaakal kukumbajil bisak bya baan ba baat bikaakaamobw. Baat bady mu Mbul-matady ya baan ba baat bakaakal mudimw ni bukookesh bwaabab bwa kukabish baat.—Muleej 4:1; 8:9.
Sataan Dyabol, “mukaleng mwiin bulab bwiinoobw,” usaasak baat bwa kulong myand yibiih, ki bwabiny Bibl uleeleeb neey: “Bulab butuutul budy mu byaal bya mubiih.”—Jah 14:30; 1 Jah 5:19.
Cikwaabw bwa makab mady bukw-aabaat bahet mukacy mwa siyekel yivul, tudy kaabaak mu ciisang cileebel kal Bibl neey: “Bisang bikasakan mu mafuk ma bulekel.” (2 Timoteh 3:1) Bwa mafuk ma bulekel aam, baleejel neey kwiiyiiy kwiikal: mavit, bihuh, nzal, ni mabeenj—ki myand yiloolong bwa baat biikal bamwangal.—Luuk 21:10, 11.
I kweeh kudy biin cimwang mwa kuhetelobw dyambulwiish?
Bibl uleeleej neey Cyakahang iitut, Yehow, b i Mawej udy ni lukat ni lus bwa biin cimwang ni baat bashiishiy mazubw maabab. (May Mumbulul 10:18) I mulay bwa kwiiy kuman myand yoos ya beeny ku dyambulwiish dya Mbul-matady indiy a mu diiwul, utubiibiikan neey: Bukaleng bwa Mawej, bwiiyiiy kuful makaleng ma baan ba baat ni bushaalok buyiil. (Danyel 2:44; Matewus 6:10) Yehow wiiyiiy ukal mudimw ni bukaleng bwindiy bwa kwiiy kubutuley Sataan Dyabol. (Biin Rom 16:20) Bukaleng oobw bwiiyiiy kwiikal mbul-matady wa ha bulab butuul, bwiiyiiy kuful kukabuluk kwa baat kukaamish kudy mikal ya bis. Baat boos ba ha bulab butuutul biiyiiy kwiikal mu cisak cyaakaabumw. Muut ning waakaabumw kakukaamoh bend bwa kumwangal ni uy lubil bwa kushiy nzubw indiy, bwaal Bibl i mulay neey: “Muut woos wiiyiiy kudim mviny indiy ni mitond yindiy ya oliiv ku mat kutalal, kakuy muut umuciinyish. I mum muleeleeb [Yehow] Mawej a ha bulab butuutul.”—Mikah 4:4.
Teng Bukaleng bwa Mawej ki bub bwiiyiiy kuman buyiil myand yikasakan yitwiitwiilangan naay biin cimwang leeloow. Yehow wiiyiiy kukal mudimw ni Bukaleng bwindiy bwa kuful makab moos makaakaamish kumwangal kwa baat. Tukontonaay bileej eeby:
Diivit. “[Yehow] wiimaamanyik mavit moos.” (Misambw 46:9, NWT) Bwa kumanyik mwiikal Mawej mwa kwiimanyik mavit, bal ciin bwaal cya neey “La paix dans le monde: comment sera-t-elle étabie?”
Cikis ni makab. “[Yehow] wiiyiiy kwiibahatul mu cikis ni mu makab.” (Misambw 72:14) Bwa kumanyik mudy Yehow ushiitulul meej mabiih ma baat maakady maas mij mafuk mavul, bal kulondandangan kwa biin bwaal mu ciin bwaal cya neey: “Mua kuimanyika lukuna.”
Bulam-lam. “[Yehow] wiiyiiy kukuuloh mulam-lam umubiibiikan.” (Misambw 72:12) Bwa kutal mudy Mawej mwa kuman myand yikaakaamish bulam-lam, tal ciin bwaal cya neey: “Bantu bonso pa buloba badi mua kulua babanji anyi?”
Nzal. “Kwiiyiiy kwiikal tet yivul ha bulab.” (Misambw 72:16, NWT) Bwa kumanyik mwiikal Mawej mwa kwiitujaadikil neey muut ning waakaabumw kakulaaloh bend ni nzal, bal ciin bwaal cya neey: “Plus jamais la faim dans le monde?”
I mushind kaay udy Bibl mwa kwambulwish biin cimwang leeloow?
Cya biin. Hakuful kutakamin kwa biin-biin kudy naak biin cimwang bwa mafuk maciiyiiy, Bibl udy mwa kwiibambulwiish bwa kutaatameenobw makab madyobw batwiilangan naam leeloow.
Diiy Ditam dya mu Bibl: “Muut uhiihit kwiihweekesh wiitaatab bituh byoos bimwaamwambilobw. Ki muut mudimuk kiish mwa kwend diikas kay mulangoh meej.”—Tusumw 14:15.
Dyumvwiij: Dimukil bwa shikacil ya buuhund yidy mwa kukufikil ni ciwudy mwa kulong bwa kwiilam. Manyik biihacil ni bilong bya benzamvy bady mwa kulongel biin cimwang bady kabay ni meej bibiih ha cyaab cyaabab cihyaacihy cidyobw bashikacil.
Diiy Ditam dya mu Bibl: “Naak, bitwiikal ni bya tut kudy ni bya tut kuvwaal, biinaab i biiwaakan.”—1 Timoteh 6:8.
Dyumvwiij: Kwiikal teng utum meej miibuh ku biit bya ku nyeet. Ki wiikaakal ni musangal muvul hawusaasangal ni biit bikumban biwudy naaby.
Diiy Ditam dya mu Bibl: “Longelaay bakween myand yinudy bakat ney biinulongel byeen.”—Matewus 7:12.
Dyumvwiij: Iikal mutukij mu diis ni bulengel. Biikadil eeby biiyiiy kukwambulwiish bwa baat ba ha cyaab cihyaacihy ciwudy bakuneemek ni bakwanyish.
Diiy Ditam dya mu Bibl: “Kanulong bend nwaalongel muut bibiih.”—Biin Rom 12:17.
Dyumvwiij: Kulekoh bend bwa cinj cikusak bwa kuhingijilangan cinding hady muut mukulongel bibiih. Bwaal kulong nook, kwiiyiiy kulong bwa myand yibiih teng menmen.
Diiy Ditam dya mu Bibl: “Nady mwa kulong myand yoosolol eey bwaal Krist ukaakashish.”—Filipw 4:13.
Dyumvwiij: Long bwa Mawej iikal ha cyaab cya kuuhal mu shikacil iibul ni iikal umusambil. Udy mwa kukwaakish bukash buwukaakaam bwiibuh kutaatameen makab.
Diiy Ditam dya mu Bibl: “Kanulong nukabakanoh bituh ni micim. Ki mu myand yoos, nulomb [Yehow] Mawej cyoos cinukaakaam hanumudiidiil matend; Ni kushikat talal kwaakaakish Mawej baat, kudy kuhitok meej moos mulaalang baat, kwiiyiiy kufikij micim yiinun ku kwiikal ha yikwaabw ni meej miinun ku kwiikal ha makwaab mu diijin dya Yeez Krist.”—Filipw 4:6, 7.
Dyumvwiij: Lomb Mawej bwa akwaakish diitalal dya mu meej ni dya mu micim ning uw mwa kutwiilangan ni shikacil kaay woos. Tal ciin bwaal cya neey: “Philippiens 4:6, 7—‘Ne vous inquiétez de rien.’”
a Diifuk dilondel kuunyim kwa bulwiish, Cisumbw cya Baat Biikong Bataatal Myand ya Biin Cimwang (UNHCR) baleebel neey: oobw i bwaal bukasakan menmen bwa kulong lwang-lwang. Mu mafuk 12, biin cimwang bahit ha miliyo 2 bamwangeel mu Ukraine ni bay lubil batal mu bibunj byaakadyobw naabw mutumb, hady ook baat muliyo umw bashiy mazubw maabab ni bay lubil batal bwa kashikat ha byaab bikwaabw bya mu Ukraine.
b Yehow i diijin dya Mawej. (Misambw 83:18, NWT) Tal ciin bwaal cya neey “Yehowa nnganyi?”
You May Also Like
Biin Russie Balwiilwiish Biin Ukraine—Diiy dya Buprofet Eedy i Dikumban Eeny?
Biby biikal naak, Bibl uleeleejok mwiikal myand yoos eey mwa kwiiy kuh eeny?ll end?
