Ka di-24 tsa February 2022, naga ya Russia yi kutulugele ya Ukraine ya thomisa go thunyanya, batho ba go tlala ba yye ba fo kwa seyemo sone se ba tšhofa gore ba kraye lešuba la go tšhaba ga naga yone. a

 “Ke mo go thunya dibhomu. Ke mo re tšhugiye le lengwana la go sa hlayisege. Mo re di kwelela tsa gore go na le ditimela tsa go tšhabisa batho, ra napa re re le rune re ya sepela. Ke mo di sa nyake motho a tseya dilo tsa go tlala, ke mo o fo tseya sekhwama ka ssošinyana se senyana. Re f’lo tseya dilo tsa go tshwana le dipasa, dihlare le maphilisi, meetši le tsa go ja tsa go fo tshosetsa tlala. Dilo ka mokana ga tsona re f’lo di šiya di yitsa, ra ya setišing sa ditimela go kene go thunya dibhomu.”—Nataliia, wa go tšwa Kharkiv, hala Ukraine.

 “Nje o re ke mo re di nagana le tsa gore ga naga ya rune go ka segela ntwa? Ke f’lo kwa go thunya dilo ga dipoleke tse dingwana tsa thina le toropo ya rune ye kgolo, go hlagasela le mafasetere. Ka napa ke re mo ke ya sepela, ka fo kota dilo ka dipedi ka ditharo tsa gore ke thogo phela. Ke tlugiye gaye ka 8:00 ya ka bošego ke mokane ka kalama setimela sa go ya Lviv, mo ke segela ka tshwara bhesi ya go ya Poland.”—Nadija, wa go tšwa Kharkiv, hala Ukraine.

Tso re nyoko di krayang ga hlogotaba yowa

•  Gabutšibutši, ke ntaba batho ba tšhaba ga mafase ya bona?

•  Bowa ba gore ba tšhabiye ga mafase ya bona ba ka llela kaye mara?

•  Bo ba gore ba tšhabiye ga mafase ya bona, ayitsano Bhayibele yi ka ba gelepa?

 Gabutšibutši, ke ntaba batho ba tšhaba ga mafase ya bona?

 Tsa gore batho ba tšhabe hala Ukraine di thomisiye mo masole ya Russia ma yi kutulugela. Mara Bhayibele yi ro di beya lekgwaying gore dilo tsa mohlobo wonone tsa gore batho ba tikraye ba tšhabiye mo ba dulang gona di maka king:

•   Memmušo ya batho lefaseng ka mokana ga lona ga tsa go lawola batho yi ro šitega. Bo ba gore baa lawola ga go tlala ba berekisa mmušo mo ba nyaka go maka gore batho ba bangwana ba goge go baba.—Mmolabodi 4:1; 8:9.

•   Sathane Diyabolo ke yene “ye a lawolang lefase lowa,” fote ke yene ye a kutšetselang batho gore ba make tsa go befa, le Bhayibele yi ro napa yi thuletsa gore: ‘Lefase lowa ka mokana ga lona le lawola ke wa pelo ye phifadu.’—Johane 14:30; 1 Johane 5:19.

•   Ke nnete gore go takamele mengwaga ya go tlala batho ba kene ba di kwa tsa gore lephelo le sasamela ka matla, mara Bhayibele yi hlayye botala gore go nyoko nyarela dinako tso re phelang ga tsona gana byalo, yi yitseri: “Ka dinako tsa mafelelo go nyoko ba le dinako tsa go baba ka matla tso go thathafang go lebana natso.” (2 Thimothi 3:1) Go tokegela gana hone, gore matšatši wone ma segele, ke mo re nyoko bona ka dintwa, dikotsi tsa hlago, go gayela tsa go ja le malwele ya gore a ma yalafege—fote dilo tsa mohlobo wonone di maka gore batho ba tšhabe ga dinaga tsa bona.—Luka 21:10, 11.

 Bowa ba gore ba tšhabiye ga mafase ya bona ba ka llela kaye mara?

 Bhayibele yi hlaya gore ye a re makiyeng ke Jehova, b ke yene Modimo wa gore bo ba gore ba tšhabiye ga mafase ya bona le ba gore ba šiyye mitši ya bona o ba nyaka ka matla fote o ba kwela go baba. (Dotoronoma 10:18) O tshepisa gore o nyoko berekisa mmušo wage wa legedimong, kela wona Mmušo wa Modimo, gore a lukise mathatha ya bo ba gore ba tšhabiye ga mafase ya bona, fote mmušo wone wo nyoko kwala sekgala sa memmušo ya batho. (Daniyele 2:44; Matewu 6:10) Jehova o nyoko berekisa Mmušo wage gore a fetse ka Sathane Diyabolo. (Maroma 16:20) Mmušo wone go nyoko ba wa gore wo lawola lefase ka mokana ga lona, fote wo nyoko tlosa dilo tsa gore batho ba tikraye ba yahluganne ka taba la mekgero ya dinaga. Batho ka mokana ga bona ho lefaseng go nyoko ro ba mutši ka wweši. Aa šiyo motho wa gore o nyoko kwa di mo tšhofa gore a tšhabe mutšing wa yene beng, ka taba la gore Bhayibele yi re tshepisa gore: “Ye mongwana le ye mongwana o nyoko tidulela ka tlase ga modhriva wage le ka tlase ga mogo wage, fote aa šiyo wa gore o nyoko ba tshosanya, ka taba la gore go hlayye molomo wa Jehova wa masole.”—Mmika 4:4.

 Mmušo wa Modimo ke wona fela wa gore wo nyoko fetsa tso re di bonang lekgono tsa mathatha ya batho ba go tšhaba mafaseng ya bona. Jehova o nyoko berekisa Mmušo wage gore a thogo tlosa mathatha ya gore ma maka gore batho ba tšhabe mafaseng ya bona ka tšhinghi. Lebelela tse dingwana ke tsowa:

•   Ntwa. “[Jehova] o nyoko fetsa ka dintwa.” (Pisalema 46:9) Mo o nyaka go tšiba gore Modimo o nyoko di fetsa ka mokgo mang, bala hlogotaba ya gore “Go Beba go Nyoko Leya King ho Lefaseng?”

•   Tsa go kgahleletsa batho le tsa go ba maka lešidi. “[Jehova] o nyoko ba phonisa gore go sa be le tsa go ba kgahleletsa le tsa go ba maka lešidi.” (Pisalema 72:14) Mo o nyaka go bona gore batho ba nyoko maka king gore ba tšhentšhe mekgwa ya gore yi midiye ho ga bona, bala dihlogotaba tsa go lategetsana tsa gore “Hlula Taba ya go Hloyanana.”

•   Go tihlupegela. “[Jehova] o nyoko phonisa wa go tihlupegela wa gore o kene wa yahlamela gore ba mo gelepe.” (Pisalema 72:12) Mo o nyaka go bona gore Modimo o nyoko di maka byang tsa gore a tlose tso di makang gore batho ba hlupege, bala hlogotaba ya gore “Nje di ka Maka Tsa Gore Batho ba Lekane ka Seyemo?”

•   Go gayela tsa go ja. “Ho lefaseng mabele ma nyoko ro tladisa tse dingwana tsa mohlolo.” (Pisalema 72:16) Mo o nyaka go tšiba gore Modimo o nyoko maka byang gore re sa bolayi ke tlala, bala hlogotaba ya gore “Lefase la Gore a le na Tlala?”

 Bo ba gore ba tšhabiye ga mafase ya bona, ayitsano Bhayibele yi ka ba gelepa?

 Eya. Go na le selo sa nnete so Bhayibele yi se tshepisang bo ba gore ba tšhabiye ga mafase ya bona fote yi ka ba gelepa ga tso di ba tlelang gana byalo.

 Tšhiko ya Bhayibele: “Le sa šekele ka selo mara tso le di nyakang le di kgopele ga Modimo ka go rapela le kene le šwennye fote le leboga, ke mokane Modimo o nyoko maka gore le bebe, batho ba bangwana ba šala ba sa kwisisi, ka mokgonone o nyoko pasopa dipelo le menagano ya lune.”—Mafilipi 4:6, 7.

 Di ra Gore King: Kgopela Modimo gore a make gore o fo dula o kgibiye le mo o le ga seyemo sa mošaga mang. Lebelela hlogotaba ya gore “Mafilipi 4:6, 7—‘O sa Šekele ka Selo.’”