October 10, 2022 Monday daba ai, Russia taudia ese missile idia negea Ukraine ena siti ma haida dekenai. Badina dina rua gunanai Crimea bona Russia huanai ia noho nese idia bomua. Unai gaudia idia vara dainai politik taudia idia gwau reana Aramagedono be kahirakahira do ia vara.

•   “[U.S. President John F.] Kennedy bona Cuban Missile Crisis. . . . Ia vara negana amo ema bona hari Aramagedono ita do herevalaia lasi. Lau laloa niuklia ita gaukaralaia neganai, Aramagedono do ia matamaia.”​—⁠U.S. President Joe Biden, October 6, 2022. . 

•   October 8, 2022 BBC News, ese niuklia tuari kohu ese do ia havaraia dika idia henanadailaia neganai, Ukraine President Volodymyr Zelensky ia gwau, “Lau abia dae inai be Aramagedono, tanobada ibounai do ia hadikaia gauna.”.

 Niuklia tuari kohu idia gaukaralaia neganai, Aramagedono do ia vara, a? Baibel be dahaka ia gwau?

 Lasi. Inai hereva “Aramagedono” be Baibel ai, Apokalupo 16:16 lalonai nega tamona ia hedinarai. Aramagedono be bese ta ta huanai do ia vara tuarina lasi, to unai tuari be Dirava bona “tanobada ibounai edia king taudia” huanai do ia vara. (Apokalupo 16:14) Dirava ese Aramagedono tuarina do ia gaukaralaia tanobada taudia edia lohia dalana ia haorea totona.​—⁠Daniela 2:44.

 Aramagedono ena anina tanobada totona be dahaka, oi diba namonamo totona inai atikol oi duahia What Is the Battle of Armageddon?

 Lasi. Ena be reana vaira negai, tanobada ena lohia taudia ese niuklia tuari kohuna do idia gaukaralaia, to tanobada do idia hadikaia lasi, badina Dirava ese tanobada ia gimaia. Baibel ia gwau:

•   “Tanobada be ia noho hanaihanai.”​—⁠Hadibaia Tauna 1:4.

•   “Kara maoromaoro taudia be tanobada do idia abia, bona tanobada ai do idia noho ela bona hanaihanai.”​—⁠Salamo 37:29.

 To Baibel ena peroveta hereva bona idia vara gaudia ese ia hahedinaraia, kahirakahira taunimanima totona, tanobada ai senisi badana ta do ia vara. (Mataio 24:3-7; 2 Timoteo 3:1-5) Baibel ese vaira negana ia herevalaia dalana oi diba totona ta ida davana lasi Baibel kosi oi karaia.