Oktoberi 10, 2022 i ge Russiaba, Ukraina ge ǁnāǂam. Ukrainni ge Crimeab tsî Russiab ǁaegu hâ broxosa bombs ǀkha ǃhûi kai amaga. Nē xūn ge politiks ǂgaeǂgui-aogu, Armagedons nî hāsa mî toa hâs khaoǃgâ ge ī.

•    “Armagedons ǀgūse da ge noxoba hâ tsâ tama hâ [Amerikab Presidenti John F.] Kennedib tsî Cubab ǁnāǂamdi ge hâ īsa xu. . . .Tita ge ǂâi tama hâ bomdi sîsenūhe tama, hînas Armagedonsa a tsoatsoa ǁkhāsa.”—Amerikab Presidenti Joe Bidenni, Oktoberi 6, 2022.

•    “Bomde sîsenūs ǁkhōǁkhōsasib xab ge dîhe ob ge, ǃkhō-am ta ge ra ǀgūǁaes Armagedonsa nî hāsa. Tsîb hoa ǃhūbaiba ǁkhōǁkhōsa mâsib ǃnâ hâsa.” Ti ge !eream—Ukrainni Presidenti Volodymyr Zelensky, BBC ǂhôan, Oktoberi 8, 2022.

 ǁKhōǁkhōsa bomde sîsenūsa Armagedonsa nî tsoatsoa? Elobmîsa tae-e ra mî?

 Hî-i. “Armagedon” di hâ mîs ge ǀgui ǃnâs ǀguisa, Elobmîs ǃnâ ǂHaiǂhais 16:16 ǃnâ ra hōhe. Nēs ge ǃhaodi ǁaegu hâ toroba ǃoa ǁnaeǁgau tama hâ. Xawe Elob tsî “hoaraga ǃhūbaib di gao-aogu” ǁaegu hâ toroba ǃoa ra ǁnaeǁgau. (ǂHaiǂhais 16:14) Elob ge Armagedonsa nî sîsenū, îb khoesi ǂhanuga ǀam kai.—Danieli 2:44.

 Armagedons nē ǃhūbaib ǃaroma tae-e ra ǂâibasensa ǂanǂuis ǃaroma What Is the Battle of Armageddon? di hâ khomaiǃâsa khomai re

 Hî-i. Khoesi ǂgaeǂgui-aon ga bomna sîsenū, xaweb ge Eloba mā-am tide î-î ǃhūbaiba hîkākāhe. Elobmîs ge ra mî:

•    ‘ǃHūbaib ge ǀamos kōse nî hâhâ.’—Aoǁnâ-aob 1:4.

•    “ǂHanu-ain ge ǃhūbaiba nîra ǀumi, tsî ǀamose ǁîb ai nîra ǁan.”—Psalmdi 37:29.

 Elobmîs kēbodi tsî nēsi ra ī xūn ge ra ǁgau, ǀgūǁae i kai ǃkharagagusiba ǃhūbaib ai nî hāsa. (Mateub 24:3-7; 2 Timoteub 3:1-5) Elobmîs hānîǁaeb xa ra mî xūna, marioǃnâse ǁkhāǁkhāsen re ǃgâi Elobmîs ǃhoaǀhaode xu.