Nkɛsɛ djɛ lofu lɔ kɔtshi, Ngɔndɔ kɛ djomi 10, 2022, Angala wa Russie wa wolaka abombe l’angando yɛ Ukraine djɛ iwo nsɔmbɔla ase Ukraine lá bombe djɛ iwawole etsho epe la ntondo ntshitisa kilalo kɛ ntshina efula kimá má Crime tii lá Russie. Akambo wasɔ oposawɔ nde má ndjewo yɛ ewandji wɛ politike wɛ songokoka nkekana la wɔ la Armagedɔ.

•   “Topalekɔ nsuke l’Armagedɔ má ilá kɛ [Presida kɛ Étas-Unis John F.] Kennedy la osambo wɔ abombɛ la Cuba. . . . Mpafɛnyɛ ente ekete kɛmotshi keleko kekoká nkamba lá yopo yɛ wɔlɔ la abombe ko nsamba nkoma la Armagɛdɔ.”—U.S. Presida Joe Biden, Ngɔndɔ kɛ djomi 6, 2022.

•   “Lambawola ente ɔne nde Armagɛdɔ, oyewo nde mbalaka kɛ nkɛtɛ k’otondo.”—Presida kɛ Ukraine Volodymyr Zelensky, Wina wɔ yowopola djɛ eposelo wɛ okambelo wo abombe, BBC News, Ngɔndɔ kɛ djomi 8, 2022.

 Okambelo wɔ la bombɛ nkoka ntokomɛ la Armagedɔ? Kɛkɔnge kotepela Bible?

 Lako. Itepela “Armagɛdɔ” itanemawo ngo mbala kɛmo lá Bible lá Ndjiso 16:16. Itepela yɛsɔ ipatepela djɛ mbandji kɛ ewila enkfumɔ yɔmɛlɛ l’anteyi kɛwo koko mbandji kɛ Ndjambe nya ankfumi y’ewila wɛ looko l’otondo.” (Ndjiso 16:14) Ndjambe angokamba la mbandji kɛ Armagɛdɔ djɛ nkome elondjolo kɛ wana w’anto.—Danyɛlɛ 2:44.

 Djɛ ndjeka akambo efula la kɛnɛ kɛ Armagɛdɔ ndongo sakisola le wana w’anto, wala djamba Mbandji kɛ Armagɛdɔ oyɛwɔ nge?

 Lako. Kaanga ewandji wɛ wana w’anto yongo kamba la abombe lá etsho weyaye, Ndjambe apangawola looko ntshitana. Bible atepela ante:

•   “Looko ntshikalaka etshinda.”—Losanghanyɛ 1:4.

•   “Anto wa wɔlɔ wangokita looko, edjinge wangintaseka l’eteyi etshinda etshinda.”—Yeembo 37:29.

 Koko, profɛsi yɛ Bible edjinge akambo wananghemama etsho wɛnɛ wɛnyɛ ente totasukana ta nkambo djɛ ekekete djɛ nkopa nanghema lá lowiko lɔ wana w’anto. (Mateo 24:3-7; 2 Timɔte 3:1-5) Isola kɛnɛ kɛ Bible otepelande lá nkambo djɛ nsakiso kɛ etsho weyaye lá wekelo wɔso wɔ Bible wipa la mfuta mfalanga.