HLALANI NILINDILE!
Osopolitiki Bathi Isiseduze I-Armagedoni—Lithini IBhayibheli?
NgoMsombuluko ekuseni mhla ka-10 Okthoba, 2022, iRussia yabhomba amadolobha ase-Ukraine. Lokho kwenzeka ngemva kokuba ezinsukwini ezimbili ngaphambi kwalokho kubhonjwe ibhuloho elisetshenziswa kakhulu elihlanganisa iCrimea neRussia. Lokhu kwenzeka nje asikakugwinyi ngisho nokukugwinya okushiwo osopolitiki, ukuthi kungenzeka isiseduze i-Armagedoni.
“Sagcina ukuba sengcupheni ye-Armagedoni ngesikhathi [sikamongameli wakuleli uJohn F.] Kennedy, phakathi nezinxushunxushu zokuqhunyiswa kwamabhomu ayeseCuba. . . . Angiboni ukuthi kukhona umuntu [ongasebenzisa] isikhali senuzi bese kungabi ne-Armagedoni.”—Umongameli wase-U.S. uJoe Biden, Okthoba 6, 2022.
“Ngiyavuma ukuthi lokhu kungabangela i-Armagedoni, kufaka umhlaba wonke engcupheni.”—Umongameli wase-Ukraine uVolodymyr Zelensky, ngesikhathi ebuzwa ngomonakalo ongadalwa ukusebenzisa izikhali zenuzi, izindaba ze-BBC, Okthoba 8, 2022.
Ukusetshenziswa kwezikhali zenuzi kungaholela yini empini ye-Armagedoni? Lithini iBhayibheli?
Ingabe izikhali zenuzi zizoqubula impi ye-Armagedoni?
Cha. Igama elithi “Armagedoni” livela kanye kuphela eBhayibhelini encwadini yesAmbulo 16:16. Alibhekiseli empini ephakathi kwezizwe kodwa libhekisela empini ezoba phakathi kukaNkulunkulu ‘namakhosi omhlaba wonke owakhiwe.’ (IsAmbulo 16:14) UNkulunkulu uzosebenzisa impi ye-Armagedoni ukuze aqede ukubusa kwabantu.—Daniyeli 2:44.
Ukuze ufunde kabanzi ngokuthi umhlaba uzothinteka kanjani ngokufika kwe-Armagedoni, funda isihloko esithi Iyini Impi Ye-Armagedoni?
Ingabe umhlaba nabantu abahlala kuwo kuzobhujiswa yimpi okusetshenziswa kuyo izikhali zenuzi?
Cha. Nakuba ababusi bengase bazisebenzise izikhali zenuzi esikhathini esizayo, uNkulunkulu ngeke avume ukuba umhlaba ubhujiswe. IBhayibheli lithi:
“Umhlaba uhlala kuze kube phakade.”—UmShumayeli 1:4.
“Abalungile bayodla ifa lomhlaba, bahlale kuwo kuze kube phakade.”—IHubo 37:29.
Noma kunjalo, isiprofetho seBhayibheli nezinto ezenzekayo manje kubonisa ukuthi itshe selizogaya ngomunye umhlathi. (Mathewu 24:3-7; 2 Thimothewu 3:1-5) Zibonele mathupha lokho iBhayibheli elikushoyo ngekusasa esifundweni sethu samahhala seBhayibheli.
Okunye Ongase Ukuthande
IMIBUZO YEBHAYIBHELI IYAPHENDULWA
Ingabe Umhlaba Uzobhujiswa?
IBhayibheli liyasitshela ukuthi yini uNkulunkulu ayihlosile ngeplanethi yethu ewumhlaba.
IZIMFUNDISO ZEBHAYIBHELI EZIBALULEKILE
Kungani UNkulunkulu Adala Umhlaba?
Umhlaba wethu ugcwele izinto ezinhle. Uwubeke waqhela ngokwanele elangeni, utsheke kahle futhi urawunda ngesivinini esikahle. Kungani uNkulunkulu eye wazikhandla kangaka ukuze adale lo mhlaba omuhle kanje?
IMIBUZO YEBHAYIBHELI IYAPHENDULWA
Zibonakala Ngani “Izinsuku Zokugcina,” Noma “Isikhathi Sokuphela”?
IBhayibheli labikezela izinto eziningi ezaziyokwenzeka ngesikhathi esifanayo zidalule izinsuku zokugcina.
HLALANI NILINDILE!
IRussia Ihlasela I-Ukraine—Ingabe Kugcwaliseka Isiprofetho SeBhayibheli?
Thola ukuthi sisho ukuthini lesi senzakalo.
INQABAYOKULINDA
Singakwazi Yini Ukusinda Empini Ye-Armagedoni?
Igama elithi Armagedoni liyethusa, kodwa lisho ukuthini ngempela?
MAYELANA NATHI
Cela Isifundo SeBhayibheli
Thola izifundo zeBhayibheli ngesikhathi nasendaweni evumelana nawe.
