Ri semanas ye petenäq, chkipan ye kʼïy tinamït, xkechaʼöx ri qʼatbʼäl taq tzij, y ri winäq kʼo chë xtkichaʼ achkë xtqʼatö tzij pa kiwiʼ.

 ¿Achkë nuʼij le Biblia chrij riʼ?

 Le Biblia nuʼij achkë ma yekowin ta nkiʼän ri qʼatbʼäl taq tzij.

•   «Ma tikʼuqbʼaʼ ta ikʼuʼx chkij kalkʼwal ri qʼatöy taq tzij nixta chrij jun winäq, rma ryeʼ ma yekowin yixkiköl. Ntel äl ri ruxlaʼ y ryä ntzolin pa poqlaj; kan yë kʼa ri qʼij riʼ nkʼis ri ruchʼobʼonik» (Salmo 146:3, 4, nota).

 Jontir ri yeqʼatö tzij xa yekäm, tapeʼ nqʼalajin chë ütz kinaʼoj chqä ütz taq samaj kibʼanon. Tapeʼ kʼo ütz taq samaj kibʼanon, ma yekowin ta nkiʼän chë ri yekanaj qa pa kikʼexel nkiʼän chqä ri samaj riʼ (Eclesiastés 2:18, 19).

 Le Biblia chqä nuʼij chë ri winäq ma xebʼan ta rchë ryeʼ nkiqʼät qa tzij pa kiwiʼ.

•   «Ma yaʼon ta pa ruqʼaʼ rchë nukʼwaj rubʼey» (Jeremías 10:23).

 ¿Kʼo komä jun winäq ri kan pa rubʼeyal nkowin nuqʼät tzij?

 Le Biblia nuʼij chë Dios ruchaʼon jun qʼatöy tzij ri kan ütz nakʼuqbʼaʼ akʼuʼx chrij: Jesucristo (Salmo 2:6). Yë ryä xtqʼatö tzij chpan Ruqʼatbʼäl Tzij Dios, jun qʼatbʼäl tzij ri kʼo chlaʼ chkaj ri xtqʼät tzij pa ruwiʼ le Ruwachʼlew (Mateo 6:10).

 ¿Xtachaʼ rït Jesús rchë xtqʼät tzij pan awiʼ? Le Biblia nuʼij achkë rma ütz nqachaʼ ryä:

•   «Ma tiqasaj ta ruqʼij ri rukʼajol Dios [Jesucristo]; we xa xtiʼän riʼ, Dios xtpë ruyowal chiwä chqä rïx pa taq bʼey xkixkäm wä qa, rma ryä kan chanin npë ruyowal. ¡Kan kiʼ kikʼuʼx ri winäq ri kan rkʼë ryä nkitoʼ wä kiʼ!» (Salmo 2:12).

 Kan komä ütz nqachaʼ achkë nqaʼän. Ri profecías ye kʼo chpan le Biblia nkiʼij chë Jesús xok qʼatöy tzij pa 1914. Ri profecías chqä nkiʼij chë, xa jbʼaʼ chik apü, Dios xtchüp kiwäch jontir ri qʼatbʼäl taq tzij, y xa xuʼ chik Ruqʼatbʼäl Tzij ryä xtjeʼ qa (Daniel 2:44).

 We nawajoʼ natamaj achkë rubʼanik yatoʼon rkʼë Ruqʼatbʼäl Tzij Dios, taskʼij ruwäch ri peraj «Apoyemos ahora el Reino de Dios».