Mɛn ˗nu ˗wo wo ˗zota ˗ni ˈgü ˗së ˈka ˈmɛn ˈwo dho wo ˗kɔ ˈˈyɛ ˗a ˗bha kö ˗yö ˗an ꞊kɔɔn, ˗a ˈgü.

 ˈMën Biblö ˗ya pö?

 Biblö ˗yö pë ˈbha ˈö mɛnbhɩɩdhe ˗nu ˈwo mɛnkɔɔnmɛn ˗nu ˈka, ˈö ˈwaa ꞊mɔɔn˗ ˗bha kö ˗wa kë, ˗a ˗zɔn.

•   «ˈKa ˈdho ka ˗zoyö ˗gblüdë gbö ˗nu ɛɛnˈˈ mɛnbhɩɩdhe ˗dhɛ, ˈyö ˈtɔ˗ ˈyaa ꞊mɔɔn˗ ˗bha kö ˗yö mɛn dha. ˈYö ˗a ˗zuu ˗yö go ˗a ˈgü, ˈyö˗ ˗mɛn ˗yö ꞊yɛɛ ˗kë ˈö ˗kë ˈˈsɛ ˗bi ˈka, ˗a ˈˈtʋ̈ŋ ˈö bhë ˗a ˈka, ˈyö˗ ˗bha ˗zotadhe ˗yö ꞊shiʋ̈.»—Psaume 146:3, 4.

 Mɛnkɔɔnmɛn ˗nu ˈwo ˈˈgbɩɩ˗ ˗ʒiaanwo ˗wo ˗dho ˈdho ˈwo ga ˈpö. ꞊Ya ˈgo mü ˈzü yö ˗së ˈwo dho ˗a kë bhë ˗de ˈö ꞊mɔɔn˗ ˗bha ˈö˗ pö ꞊dhɛ ꞊ya kë ꞊dhɛ ˗wa ga, mɛn ˈö dho ˗ya ˗an ˈˈgblʋʋ ˈgü ˗dho ˈdho yö ˗së ˈö bhë ˗a ˈka ˈˈdhiʋ̈?—Ecclésiaste 2:18, 19.

 Gagade ˈö ˈdhö ˈyɔ ˈtɔ˗ Biblö ˗ya ˗pö ꞊dhɛ mɛnbhɩɩdhe ˗nu ˈwii bhɔ kö ˗wo wo ˗de ꞊kɔɔn toŋtoŋdhö.

•   «Mɛnbhɩɩdhe ˈö ˈˈta ˈsü ˗ni ˈgü, ˗a dua ˈyaa ˗mü kö ˗yö ʒiaan bho ö ˗de ˈka.»—Jérémie 10:23.

 Mɛn ˈbha ˗yö ˗dhö ˈö ꞊mɔɔn˗ ˗bha ˈö kwa ꞊kɔɔn ˗së ˈka ꞊dɛɛ ˗ee?

 Biblö ˗ya ˗pö ꞊dhɛ ˗Zlan ˗ya mɛnkɔɔmɛn ˈö ˗kɔmɔnwɔnbhasü ˈdhö˗ ˗gɔ ˈö ˈkwa ꞊mɔɔn˗ ˗bha ˈkwa ˈdhaŋ bho ˗a ˈˈdhiʋ̈ ˗a ˗ya. Yö ˈnën ˈtɔ˗ Yesu Klito. (Psaume 2:6) Yesu ˈnën ˗tɔ ˗Zlan ˗bha ˗Gblüdëdhɛ ˈö ˗kë mɛnkɔɔnsü ˈö dhaŋ˗ ˈgü ˗a ˈka, ˗a ˗Gɔdhiʋ̈mɛn.—Matiö 6:10.

 Ü ˗dho ˈˈwɩ˗ ˗bha kö Yesu ˗yö ˈˈdhiʋ̈sü ü ˈka ˗ee? ˈPë ˗kë ˈö dhɛɛˈˈ bhë ˗a ˗wɔn ˈdhö ˈˈgbɩɩ˗ Biblö ˗ya ˗pö:

•   «˗Kaa Gbö [Yesu Klito] ꞊bhlëë ˗ya, ˈyaa ˈˈdhʋ̈ ˈwɔn ˗dho ˗shiö ˗Zlan ˗dhɛ ka ˗bha ˈö ka ˈgü ˗yö ꞊shiʋ̈, ˈyö ˗tɔ ꞊dhɛ ˗a ˗bha ˗naanzuëëdhe ˗yö ˗nu ˈzozodhö. Mɛn ˈˈpɛpɛ ˈwo wo ˗bin ˗Zlan ꞊zlöö ˗an ˗bha ˗yö ˗së.»—Psaume 2:12.

 ˈPë ˈkwa dho ˗a kë kwa ˗kɔ ˗yɛ ˗a ˗bha ˈˈtʋ̈ŋ ꞊nɛɛn. Pë ˗nu ˈö Biblö ˗yö ˗an to ˈˈdhiʋ̈ ˈö ˗an ꞊blɛɛ ˗wa ˗zɔn ꞊dhɛ Yesu ˗kë ˗Gblüdë ˈka ˗kwɛ 1914 ˈka ˈyö ˗a ˈˈtʋ̈ŋ ˈyaa ꞊gblɛɛn ˈzü kö ˗Zlan ˗bha ˗Gblüdëdhɛ ˗yö yö mɛnbhɩɩdhe ˗nu ˗bha mɛnkɔɔnsü ꞊gban ˈˈpɛpɛ ʒiaandhö.—Daniel 2:44.

 ˗Kɔ ˈü dho ü ˗kɔ ˗ya ˗a ˈka Yesu ˗bha mɛnkɔɔnsü ˗gɔ, ˈbha˗ pö ˈü˗ ˗kɔ ˈbha dɔ, ˗bhö ˈwɔn ˗gɔ « Choisissez de soutenir le royaume de Dieu dès maintenant ! » ˗wo pö.