JA EPE̱ŃE̱!
Njika mudiedi o me̱nde̱no̱ po̱so̱ e?—Nje Bibe̱l e makwalano̱ e?
O woki i mabupe̱, mpo̱so̱ko mu me̱nde̱ be̱ o jita la bekombo o wase ńe̱se̱. Bato ba me̱nde̱ no̱ngo̱ bedomsedi bende̱ne̱ o po̱so̱ ba ba me̱nde̱ be̱ badiedi babu.
Nje Bibe̱l e makwano̱ e?
Bato bena ba madie̱le̱ ba be̱n myoyo
Bibe̱l e mabonde̱ myoyo mena bato be̱se̱ ba madie̱le̱ ba be̱nno̱.
“Lo si lakisane̱ banedi, to̱ mun’a moto ńena a titi ná a bola jongwane̱. We̱i ao i busi te̱, a matimba pe̱te̱ o mińangadu; o bo buńa me̱ne̱ myano mao mi bo̱i.”—Myenge 146:3, 4.
To̱ mudied’a bwam nu buki be̱se̱ a me̱nde̱ te̱ nde wo̱. Nde mbaki to̱ po̱ e titi ni malee̱ ná ombus’ao nu nu me̱nde̱ timbane̱ mo̱ a me̱nde̱ benga walane̱ ebol’ao oboso.—Mulangwedi 2:18, 19.
Mbale̱ ńe nde ná, Bibe̱l e malee̱ ná bato ba benama ba si wekabe̱ tom o die̱le̱ babo̱me̱ne̱.
“Mudangwedi a si mate̱se̱ye̱ mo̱me̱ne̱ matanga ma lo̱ndo̱ lao.”—Yeremia 10:23.
Mo̱ moto mō̱ e ná a be̱ mudied’a bwam we̱nge̱ e?
Mudiedi Loba a do̱lisane̱no̱
Bibe̱l e mateleye̱ ná Loba a te̱se̱ mudiedi ńangame̱n na nu dongame̱n buka be̱se̱: Yesu Kristo. (Myenge 2:6) Yesu nde e kiṅ’a Janea la Loba lena di madie̱le̱ la mo̱ń.—Mateo 6:10.
Mo̱ o me̱nde̱ po̱so̱ o kasa byanedi ba Yesu e? Bibe̱l e malee̱ ońola nje mi myuedi meno̱ mweńa:
“Bińo̱ le̱le̱ muna, a si ya be̱ a linga, na bińo̱ lo bumba o ngea; ebanja malinga mao ma s’ambi jońa. Bonam na be̱se̱ ba lakisan mo̱.”—Myenge 2:12.
Ponda so̱ nin ńa no̱ngo̱ bedomsedi bo̱ngo̱. Bedinge̱ ba Bibe̱l be malee̱ ná Yesu a botedi o janea o mbu 1914 na ná son a ponda Janea la Loba di me̱nde̱ timbane̱ manea ma bato me̱se̱.—Daniel 2:44.
Ná o bate bia ne̱ni weno̱ ná o sue̱le̱ byanedi ba Yesu, langa mulopo ma jokwa “Po̱so̱ o sue̱le̱ Janea la Loba tatan!”