Besono ba zu ba, ba ye top bedjié ébe abuiñ mesi. Abuiñ bôt ba ñong bôra minkighan nfa bedjié ba ye top.

 Za dzam Bible a dzô ?

 Bible a lere meniè bedjié be-bôt besese be bele.

•   « Mi taa bele mebun ébe bedjié nge ki ébe moan môt, amu naa béé se bia kôre. Mvebe wèñ wa kore, éyong té a bulane metso ; môs té é wô mesiman mèñ ma man. »​—Bya 146:3, 4, atoan é ne asi.

 Amben bedjié ba yem sèñ, ve daa, ba ye wu. Ya fe naa, béé se ki kiagh naa é bôt ba ye be saghle ba ye tsini naa ba bo é mbemba be-mam be va bo.​—Ecclésiaste 2:18, 19.

 Bebela a ne naa, Bible a lere naa béé dzi ki vele moan môt naa a djié émién.

•   « Moan môt émién éé se ki top mezen mèñ. »​—Jérémie 10:23.

 Ye môt ézing a ne tobe mbemba ndjié ému ?

 Bible a lere naa Nzame a nga top Ndjié a yiène ya naa bi ne tobe ñe mebun, Ndjié té a ne : Yésu Christ. (Bya 2:6) Yésu a ne Kéza ye Édjié Nzame, édjié té da djié é too a dzôp été.​—Matthieu 6:10.

 Ye wa ye top édjié Yésu ? Bible a lere amu dzé é ne éban naa bi bo do :

•   « Kanghane moan [Yésus Christ], amu naa Nzame a za wokh abé ya naa mi za wu a zen, amu naa meyè mèñ ma so avôô. Mvôm ébe é bôt besese ba ke sobe ébe Ñe. »​—Bya 2:12.

 Éndagha, éñe bia yiène ñong nkighane wèè. Nkulane adzô ya Bible wa dzô naa, Yésu a nga sum djié mbu 1914, ya naa a lighe-yang avitsang tam naa Édjié Nzame é mane zu tsen bidjié bi ye a si.​—Daniel 2:44.

 Naa ô yem aval ô ne sukh édjié Yésu asi, langhe nlô-adzô, « Apoyemos ahora el Reino de Dios » nge ki « Choisissez de soutenir le royaume de Dieu dès maintenant ! »