YADRA TIKO!
Na iLiuliu Cava o na Digia?—Cava e Kaya na iVolatabu?
E bibi vei ira e levu mera vakatulewataka se iliuliu cava mera digia.
Cava e kaya na iVolatabu?
Vakaiyalayala na ka era cakava na iliuliu vakatamata
E tukuna na iVolatabu ni vakaiyalayala ga na ka era rawata na iliuliu kece vakatamata.
“Kua ni nuitaki ira na turaga se dua na luve ni tamata, nira sega ni kauta mai na veivakabulai. Sa lako tani nona icegu, sa lesu o koya ina qele, sa takali na nona vakanananu ena siga oya.”—Same 146:3, 4.
O ira mada ga na iliuliu vinaka era na mate. Era sega tale ga ni vakadeitaka nira na tomana tiko na veika vinaka era cakava o ira na sosomitaki ira.—Dauvunau 2:18, 19.
E kaya mada ga na iVolatabu ni sega ni dodonu meda lewai keda ga.
“E sega ni vu vua na tamata e lako tu me lewa na nona ilakolako.”—Jeremaia 10:23.
E tiko e dua na iliuliu nikua e vinaka nona veiliutaki?
Na iliuliu e vakadonuya na Kalou
E kaya na iVolatabu ni Kalou sa lesi Jisu Karisito na iliuliu vinaka duadua, e nuitaki tale ga. (Same 2:6) O Jisu na Tui ni Matanitu ni Kalou, ena veiliutaki mai lomalagi.—Maciu 6:10.
O na digia me nomu iliuliu o Jisu? E vakaraitaka na iVolatabu na bibi ni vakatulewa qori:
“Rokova na luvena [Jisu Karisito], de qai waqa na cudru ni Kalou oni qai vakarusai mai na sala, ni dau waqa totolo na nona cudru. Era marau o ira kece era lai vakaruru vua.”—Same 2:12.
Qo na gauna mo vakatulewa kina. E parofisaitaki ena iVolatabu ni tekivu veiliutaki o Jisu ena 1914, sa voleka tale ga na gauna me sosomitaki ira kina na matanitu vakatamata na Matanitu ni Kalou.—Taniela 2:44.
Mo kila eso tale na sala o rawa ni tokona kina na veiliutaki i Jisu, wilika na ulutaga “Tokona na Matanitu ni Kalou ena Gauna Qo!”
Rawa ni o Wilika Tale ga
NA VALE NI VAKATAWA
O Cei na Tui ni Matanitu ni Kalou?
Na Kalou e uqeti ira e levu na dauvola iVolatabu mera vola se o cei ena Tui ni Matanitu ni Kalou. E laurai ena ivolatukutuku ni kawatamata ni ganiti Jisu Karisito duadua ga na ivakamacala qori.
ESSENTIAL BIBLE TEACHINGS
Na Cava na Matanitu ni Kalou?
Ena cakacaka vakaitalatala i Jisu, e dau vakabibitaka na Matanitu ni Kalou. Sa balavu nodra masulaka tiko na nona imuri me yaco mai na Matanitu qori.
ESO TALE NA ULUTAGA
iNuinui Totoka ena Veigauna se Bera Mai
Cava e duidui kina na ka era yalataka na tamata, kei na ka e yalataka na iVolatabu me baleta na veigauna se bera mai?
SAUMI NA TARO VAKAIVOLATABU
Na Cava ena Cakava na Matanitu ni Kalou?
Dikeva na ka meda namaka ni sa veiliutaki na Matanitu ni Kalou e vuravura.
VAKAMACALATAKI NA TIKINIVOLATABU
iVakamacala ni Maciu 6:33—“Vakaliuca Tiko ga na Matanitu ni Kalou”
E vakaibalebaletaka o Jisu meda kua ni cakacakataka na ka meda bula kina?
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.
