લોકો એક મહત્ત્વના મુદ્દા પર વિચાર કરી રહ્યા છે, કોને આગેવાન તરીકે પસંદ કરવા.

 બાઇબલ શું કહે છે?

 પૃથ્વી પરના બધા આગેવાનો અમુક હદે જ કામ કરી શકે છે. એ વિશે બાઇબલમાં જણાવ્યું છે.

•   “શાસકોમાં ભરોસો ન રાખ, માણસોમાં પણ નહિ, કેમ કે તેઓ ઉદ્ધાર કરી શકતા નથી. માણસનો શ્વાસ બંધ થઈ જાય છે અને તે પાછો ભૂમિમાં મળી જાય છે; એ જ દિવસે તેના વિચારો નાશ પામે છે.”—ગીતશાસ્ત્ર ૧૪૬:૩, ૪, ફૂટનોટ.

 કાબેલ આગેવાન પણ એક ને એક દિવસે તો ગુજરી જશે. અરે, તે એ પણ ગેરંટી નથી આપી શકતા કે તેમના પછી આવનાર આગેવાન પણ જનતાના હિતમાં સારાં કામ કરશે.—સભાશિક્ષક ૨:૧૮, ૧૯.

 બાઇબલ જણાવે છે કે સત્તા ચલાવવી એ માણસોના ગજા બહારની વાત છે.

•   ‘માણસ પોતાની મેળે એક પગલું પણ ભરી શકતો નથી.’—યર્મિયા ૧૦:૨૩.

 શું આજના સમયમાં કોઈ સારા આગેવાન છે?

 બાઇબલમાં જણાવ્યું છે કે ઈશ્વરે એક સૌથી કાબેલ અને ભરોસાપાત્ર આગેવાન પસંદ કર્યા છે અને એ છે, ઈસુ ખ્રિસ્ત. (ગીતશાસ્ત્ર ૨:૬) ઈશ્વરના રાજ્યના રાજા ઈસુ છે. ઈશ્વરનું રાજ્ય સ્વર્ગમાંથી રાજ કરે છે.—માથ્થી ૬:૧૦.

 શું તમે ઈસુને તમારા આગેવાન તરીકે પસંદ કરશો? બાઇબલ સમજાવે છે કે એ સવાલ કેમ મહત્ત્વનો છે. ચાલો એ વિશે જોઈએ.

•   “દીકરાને [ઈસુ ખ્રિસ્તને] માન આપો, નહિ તો ઈશ્વર રોષે ભરાશે, જીવનના માર્ગમાંથી તમારો વિનાશ થશે, કેમ કે ઈશ્વરનો ગુસ્સો ભડકી ઊઠતા વાર નહિ લાગે. ધન્ય છે એ લોકોને, જેઓ તેમનામાં આશરો લે છે.”—ગીતશાસ્ત્ર ૨:૧૨.

 નિર્ણય લેવાનો આ જ સમય છે. બાઇબલમાં ઘણાં વર્ષો પહેલાં જે લખવામાં આવ્યું હતું, એનાથી ખબર પડે છે કે ઈસુએ ૧૯૧૪માં રાજ કરવાનું શરૂ કરી દીધું છે. એ પણ જાણવા મળે છે કે બહુ જલદી આખી પૃથ્વી પર માણસોની સરકારોને બદલે ઈશ્વરનું રાજ્ય રાજ કરશે.—દાનિયેલ ૨:૪૪.

 તમે કઈ રીતે આગેવાન ઈસુને પૂરો ટેકો આપી શકો, એ વિશે વધુ જાણવા આ લેખ વાંચો: “ઈશ્વરના રાજ્યને હમણાંથી જ ટેકો આપીએ.”