Wainma wayuu aneekeenaka jaralinjachin aluwataain naaʼu.

 ¿Jamüsüche sünüiki tü Bibliakat süchiki tia?

 Aküjünüsü suluʼu tü Bibliakat tü isakat nachiki napüshuaʼa na sülaülashiikana mma.

•   «Nnojo punoujain tü namakat na aluwataaliikana otta nnojo punoujain sünain tü sümakat wayuu süka isain nachiki oʼtteʼeraa wayuu. Yüüʼülaa müsü naaʼin. Mmashi nüchikuaʼa; nnojoluitpa kasain jülüjain naaʼin» (Salmo 146:3, 4, noota).

 Jaʼitainna atüjain maʼin na aluwataaliikana nnojoishii isain naya suulia tü outaakat. Mayaainjeʼe nuuntuin wainma kasa anasü wanee shikiipüʼüjana mma, nnojoleerü ayatüin sukuwaʼipa niʼyataain nutuma chi nüchikumüinkai (Eclesiastés 2:18, 19).

 Süküjain tü Bibliakat nnojoliin nakumajuushin na wayuukana süpüla naluwanaajiraain naaʼu.

•   Nnojoireejaʼa süpüla nuʼunirüinjachin nukuwaʼipa wanee wayuu nümüiwaʼa (Jeremías 10:23).

 ¿Eeshiche wanee wayuu maaʼulu anakai süpüla aluwatawaa?

 Süküjain tü Bibliakat nüneeküichipain Maleiwa chi anakai maʼin süpüla aluwatawaa, nia Jesucristo (Salmo 2:6). Aluwataainjachi nia nutuma Maleiwa chaa sirumatuʼujee (Mateo 6:10).

 ¿Püneekeeiche Jesús süpüla nuluwataainjachin paaʼu? Aküjünüsü suluʼu tü Bibliakat jamüin anaka maʼin waneeküle nia:

•   «Kojutu jutuma chi nüchonkai suulia jashichin Maleiwa jümüin otta suulia amülouijüin jia nutuma. Süka jamüin, kaashichijaaralin nia. Talateena maʼin napüshuaʼa na aneekakana nia süpüla nounjulaayain» (Salmo 2:12).

 Püneeka jooluʼu jaralin pücheküin aluwataain paaʼu. Saashin tü aküjünatüjütkalia achiki suluʼu tü Bibliakat oʼttushi Jesús sünain aluwatawaa soʼu 1914. Süküjainña süchiki najaʼttireerüin Maleiwa süpüshuaʼa sukuwaʼipa aluwatawaa sutuma wayuu (Daniel 2:44).

 Pütüjaweere saaʼu tü paaʼinrajatkat süpüla nuluwataain Jesús paaʼu, paashajeʼera tü pütchikat «Piʼyataa nümüin Maleiwa maaʼulu yaa».