Nɛreba ni ti’isɛ la soŋa soŋa ge nyaa loe sɛba ti ba bɔta ti ba dɛna ba nɛŋadoma la.

 Baabule la yeti bem?

 Baabule la pa’alɛ ti sɛla n boi, ti nɛresaaleba nɛŋadoma za’a kan ta’an eŋɛ.

•   ‘Da dekɛ homea delum nabiisi. Da delum nɛresaala n kan ta’an fãɛ hɔ. A vo’osum san yese, a lebe la tontɔnɔ poan; daandindaarɛ la a puti’irɛ la ni ba’asɛ mɛ.’​—Yooma 146:3, 4.

 Hali nɛŋadoma sɛba n tã tuna soŋa soŋa ni kelum ki mɛ. Leyɛ’ɛsa nɛŋadoma wa san tum tuunsoma, ba kan ta’an tɔresɛ sɛba n wan soe ba la ti ba tɔ̃kɛ ba tuunsoma la.​—Pa’ala 2:18, 19.

 Yelemɛŋɛrɛ la dela, Baabule la pa’alɛ ti Naayinɛ ka maalɛ nɛresaaleba ti ba sɔna taaba bisera.

•   ‘Naayinɛ, tomam mi ti nɛresaala vom daɣɛ amea denɛ. Nɛresaala kan ta’an pa’alɛ eŋa wan kena se’em.’​—Yeremia 10:23.

 Nɛra boi n wan ta’an dɛna nɛŋadaana sonkɔ tomam saŋa wa?

 Baabule la pa’alɛ ti Naayinɛ loe la nɛŋadaana n mi tuuma gana za’a ge ti to wan ta’an dekɛ tomesi delum en. Nɛŋadaana wa n de Yezu Krista. (Yooma 2:6) Yezu n de Naayinɛ Na’am la Naba. Naayinɛ Na’am la dela gɔmɛt n boi saazuo ge sɔna bisera.​—Matu 6:10.

 Hon wan sakɛ ti Yezu dɛna ho nɛŋadaana? Baabule la pa’alɛ sɛla n sɔi ti sokere wa yele pakɛ:

•   ‘Pɛ̃ɣɛ ya se’em n de a Dayɔa Yezu Krista, la pupeelum. San daɣena bala ge ti a suure nyie, ya wan nyɛ sa’aŋɔ ya sore woo poan. Pupeelumdoma dela nɛresɛba n baŋɛ, zɔ ta suɣɛ bamesi a poan.’​—Yooma 2:12.

 Nananawa n nari ti ho kɔ’ɛ ho puti’irɛ. Baabule yetɔɣebiŋere basɛ ti la niɛ peelumi ti Yezu yuun di Na’am la yuun 1914 ge kelum pa’alɛ ti Naayinɛ Na’am wan soe asaala gɔmɛt woo, nyaa sɔna bisera.​—Daniel 2:44.

 Ho san bɔta ti ho zamesɛ baŋɛ ho wan eŋɛ se’em ta’an pa Yezu n de to nɛŋadaana la poore, kaalɛ zaseŋɔ yele wa zuo n de “Choose to Support God’s Kingdom Now!” (Kɔ’ɔn Pa Naayinɛ Na’am La Poore Nananawa)