Teuteri mepɨteʼanayewauní: keane waʼiitsɨɨkame mayaní.

 ¿Kehaine Yuútsi niukieya mɨkɨtsíe?

 Yuútsi niukieya pɨraxaxaata titatsíe ʼiitsɨɨkate memɨkateyɨwawe.

•    «Weʼeme waheetsíe xepɨkakawɨka, metá nixeime heetsíe, kepaitsɨ́ mepɨkayɨwawe memɨxetsitawikweitsitɨani. Kepauka mɨkɨ mɨmɨwetsíe, tumuanari kanayeikani; ʼana naimetsíe kemɨtiyukɨhɨawekai katiniukumamawireni» (Salmo 146:3, 4, nota).

 Naitɨ ʼiitsɨɨkate mepɨtakukuwe, tseepá kememɨtehautamaiwawe. Metá tseepá ʼaixɨ memuteʼuyuriekai, mekwateʼuyuriwe keane ʼutɨmana mutitanɨʼani ʼaixɨ mutiyeyurietɨyaní (Eclesiastés 2:18, 19).

 ʼAyumié, Yuútsi niukieya paine tewi pɨkaʼutawewiya hiipame ʼiitsɨɨkame hepaɨ mɨwanɨʼaka.

•    «[Teuteri] meukayɨwawe memɨteʼanuyewauní yutuukaaritsíe» (Jeremías 10:23).

 Kamɨtsɨ́, ¿keane xeikɨ́a pɨyɨwe ʼaixɨ mɨtiuʼiitsɨɨkatani?

 Bibliatsíe paine Yuútsi xeime panuyewau ʼaixɨ tiuʼiitsɨɨkatatɨ metá ʼaixɨ tiukaʼiyaarime, ʼikɨ kanihɨɨkɨtɨni Ketsuútsi (Salmo 2:6). Mɨkɨ pɨʼiitsɨɨkame Yuútsi ʼiitsɨɨkameyatsíe, mɨyuawitsíe paitɨ ʼakawetɨ katininɨʼaka (Mateo 6:10).

 ¿ʼEkɨ Ketsuútsi peranayewauní ʼaʼiitsɨɨkame mayanikɨ? Yuútsi niukieya pɨraxaxaata títakɨ waɨkawa mɨrayeʼaxé mɨkɨ temanuyewawani:

•    «ʼAixɨ xetenexeiyani nuʼaya; yakatixaɨ, Yuútsi kaniyehaʼamɨkɨ xehamatɨa metá xekaniukwiweni, kepaitsɨ́ yepauka kanuyehaʼaweni. ¡Mepɨyutemamawie keane heetsiena memukawɨ́!» (Salmo 2:12).

 Kamɨtsɨ́, waɨká katinayeʼakani pemɨranuyewauní. Tetexeiyatɨ Bibliatsíe kemɨrayuyeʼatɨwa, Ketsuútsi pɨtiukatsutɨa ʼiitsɨɨkame hɨɨkɨtɨ 1914. Tsiere paine meyunaime ʼiitsɨɨkate kwiepa memɨtenɨʼá kaniwareuyehɨamɨkɨ (Daniel 2:44).

 Xɨka pereumaimɨkɨni kehepaɨ pemɨtiupareewiwe Ketsuútsi, keane Yuútsi ʼiitsɨɨkame manuyewau, nakaterɨwa ʼɨkɨtɨarika «Apoyemos ahora el Reino de Dios».